news

గత 15 రోజులుగా, టీవీల్లో వస్తున్న చండాలం ఇది.. పవన్ కళ్యాణ్ ని ఇందులో లాగినా, అది సినిమాలు వరుకే అని చెప్పి, ఈ దరిద్రం గురించి ఒక్క ఆర్టికల్ కూడా రాయకుండా ఉన్నాం... కాని ఈ రోజు, మన జగన్ బాబు హ్యాండ్, ఈ దరిద్రంలో ఉందని తెలుసుకుని రాయక తప్పటం లేదు... మొన్నటిదాకా పవన్, టిడిపితో కలిసి ఉన్నాడు, నాకేంటిలే అని జగన్ రెలాక్ష్ అయ్యాడు... కాని, పవన్, టిడిపితో విభేదించి, దూరం వెళ్ళిపోయాడు... కారణాలు ఏవైనా, ఇప్పుడు అప్రస్తుతం... పవన్ కళ్యాణ్ తన ప్రతిపక్ష హోదాకు ఎసరు పెడుతున్నాడు అనుకున్నాడో ఏమో, జగన ఒక భారీ ప్లాన్ వేసాడు... పవన్ ని ఎక్కడ కొడితే, ప్రజలు ఈజీగా నమ్ముతారో, అక్కడే కొట్టటానికి కుట్ర పన్నాడు... వాస్తవాలు చెప్తే ప్రజలు నమ్ముతారు కాని, కుట్ర పన్నితే, అది ఏ నాటికైనా బయటకు వస్తుంది అనే విషయం జగన్ మర్చిపోయాడు.. పవన్ ని రాజకీయంగా ఎదుర్కోలేక, చీప్ ట్రిక్స్ కి దిగి, దొరికిపోయాడు...

సినీ పరిశ్రమలో క్యాస్టింగ్ కౌచ్ పేరుతో వేధించారంటూ దుమారం రేపుతున్న నటి శ్రీరెడ్డికి సంబంధించి 12 నిమిషాల ఆడియో టేప్ ఒకటి బయటపడింది. వైసీపీ నేతలు పెద్ద ప్లాన్ వేసుకుని తన దగ్గరకు వచ్చారని అందులో పేర్కొంది. వివాదంలో తనను వాడుకోవాలని ప్రయత్నించారని, ఇంకా ఇరికిద్దామని చూశారని అయితే తన ఏడుపు చూసి కొద్దిగా తగ్గారని చెప్పింది. ఢిల్లీ స్థాయికి తన సమస్యను తీసుకువెళ్తానని శ్రీరెడ్డి అన్నారు. సోషల్ మీడియాలో శ్రీరెడ్డి ఆడియో టేపు సంచలనం రేపుతోంది. శ్రీరెడ్డి వివాదం వెనుక ఎవరో ఉన్నారంటూ కొద్దిరోజులుగా ఆరోపణలు వస్తూ ఉన్నాయి. ఈ క్రమంలో శ్రీరెడ్డి మాట్లాడిన మాటలు కీలకంగా మారబోతున్నాయి.

జగన్ పార్టీ, ఇదంతా చేపిస్తుంది అనే విషయం క్లియర్ అయ్యింది... అయితే, క్యాస్టింగ్ కౌచ్ పేరుతో, జనాలని పిచ్చోల్లని చెయ్యటానికి, తద్వారా నెమ్మదిగా, పవన్ ని వ్యక్తిగతంగా దెబ్బ కొట్టే ప్లాన్ వేసాడు జగన్... ఇది బయట పాడిపోవటంతో, ఎవరు ఎలా రియాక్ట్ అవుతారు అనేది చూడాల్సి ఉంది. అయితే, ఈ ఆడియో ఎవరు లీక్ చేసారు అనేది తెలియాల్సి ఉంది.  ఇది నిజమా కాదా అనేది శ్రీ రెడ్డి చెప్పాల్సిన అవసరం ఉంది... పోలీసులు కూడా ఈ విషయం తేల్చాల్సిన అవసరం ఉదని.. వైసిపీ నుంచి ఎవరూ ఇప్పటి వరకు ఖండించకపోవటం కూడా, ఆసక్తిగా మారింది... ఇది ఇలా ఉంటే, శ్రీరెడ్డి పవన్ కళ్యాణ్ ని ఉద్దేశించి చేసిన వ్యాఖ్యలను నిర్దంద్వంగా అందరూ ఖండించారు. రాజకీయ ఉద్దేశ్యాలతో ఆమె పవన్ కళ్యాణ్ మీద చేసిన వ్యాఖ్యలను సమర్ధిస్తే అదే మాటలు రేపు మరొకరిని అంటుంది. అప్పుడు భాధ పడి ప్రయోజనం లేదు. రాజకీయంగా పవన్ ని సమర్ధించలేకపోవచ్చు. అది వేరేసంగతి. కాని, జగన్ లాంటి వాడు, ఇంత నీచ్చానికి దిగజారితే, ఎవరూ చూస్తూ ఊరుకోరు.

ఢిల్లీలో ప్రధాని ఇంటి ముందుకు వెళ్లి ధర్నా చేసి, మోడీతో డీ అన్నారు తెలుగుదేశం ఎంపీలు... నువ్వు ఇంత అన్యాయం చేస్తావా, నీ బండారం మొత్తం బయట పెడతా అంటూ, చంద్రబాబు ఢిల్లీ వెళ్లి, నేషనల్ మీడియాను పిలిచి, ఇది మోడీ చేసిన మోసం అంటూ, వీడియోలు, డాక్యుమెంట్ లతో సహా, మోడీని ఎండగట్టారు. రేపు తన పుట్టిన రోజున కూడా, మోడీ చేసిన మోసం పై, జాతీయ స్థాయిలో ఫోకస్ కోసం, నిరసన దీక్ష చేస్తున్నారు... చంద్రబాబు ఇన్ని చేస్తుంటే, అటు జగన్, ఇటు పవన్, వచ్చి చంద్రబాబు మీద పడి ఏడుస్తూ, మోడీకి లొంగిపోయి, నాటకాలు ఆడుతున్నారు... అయితే, ఇప్పుడు మోడీ, స్వీడన్ దేశం వెళ్ళినా వదలటం లేదు.

ప్రధాని మోడీ స్వీడన్ పర్యటనకు వెళ్ళిన సంగతి తెలిసిందే. అక్కడ కూడా,కేంద్ర ప్రభుత్వం ఆంధ్రప్రదేశ్ కు అన్యాయం చేస్తోందంటూ విదేశాల్లో స్థిరపడిన తెలుగువారు నిరసనలు తెలియజేస్తున్నారు. స్వీడన్ రాజధాని స్టాక్హోమ్ లో ప్రధాని నరేంద్ర మోదీ బస చేసిన హోటల్ ముందు ఐరోపాలోని తెదేపా ఎన్ఆర్ఐ విభాగానికి చెందిన కొందరు ప్లకార్డులు, పార్టీ జెండాలు పట్టుకుని నిరసన తెలిపారు. "ఆంధ్రప్రదేశ్ కు న్యాయం చేయండి, హామీలు అమలు చేయండి, రాష్ట్రానికి ప్రత్యేక హోదా ఇవ్వాలి" అన్న నినాదాలు ఉన్న ప్లకార్డులు ధరించి ప్రదర్శనలో పాల్గొన్నారు.

రెండు దఫాలుగా నిరసన చేయగా... పోలీసులు బలవంతంగా పంపించేశారని ఐరోపాలోని తెదేపా ఎన్ఆర్ఐ విభాగం అధ్యక్షుడు జయకుమార్ తెలిపారు. కేంద్ర ప్రభుత్వ వైఖరికి నిరసనగా ముఖ్యమంత్రి చంద్రబాబు శుక్రవారం చేస్తున్న నిరాహారదీక్షలో ప్రవాసాంధ్రులు పాల్గొంటున్నట్టు ఆయన తెలిపారు. వివిధ ఐరోపా దేశాల్లో స్థిరపడిన 10 మంది ప్రవాసాంధ్రులు ముఖ్యమంత్రితో పాటు విజయవాడలో దీక్షలో పాల్గొంటున్నట్టు చెప్పారు. ముఖ్యమంత్రి దీక్షకు సంఘీభావంగా లండన్లో పార్లమెంటు ఎదురుగా ఉన్న గాంధీ విగ్రహం వద్ద, ఐర్లాండ్, స్వీడన్, జర్మనీ, హాలెండ్ తదితర ప్రాంతాల్లోను ప్రవాసాంధ్రులు దీక్షలు నిర్వహిస్తున్నట్టు ఆయన తెలిపారు.

చంద్రన్న పెళ్లి కానుక వెబ్‌సైట్‌ను ఏపీ ముఖ్యమంత్రి చంద్రబాబు ప్రారంభించారు. అనంతరం ‘చంద్రన్న పెళ్లి కానుక’ జీవో, లోగోను ఆవిష్కరించారు. అమరావతిలోని ప్రజాదర్బార్‌ హాల్‌లో ఏర్పాటు చేసిన ఈ కార్యక్రమంలో చంద్రబాబు మాట్లాడుతూ.. తల్లిదండ్రులకు తమ ఆడబిడ్డల పెళ్లిళ్లు భారంగా మారకూడదనే ఉద్దేశంతోనే ఈ వినూత్న కార్యక్రమానికి శ్రీకారం చుట్టామన్నారు. ఎస్సీ, ఎస్టీలు కులాంతర వివాహం చేసుకుంటే రూ.75వేలు, బలహీలన వర్గాల వారికి రూ.50 వేలు, వికలాంగులు పెళ్లి చేసుకుంటే రూ.లక్ష ఇస్తామన్నారు.ఈ సందర్భంగా వివిధ జిల్లాల కల్యాణమిత్రలతో వీడియో కాన్ఫరెన్స్‌ ద్వారా ఆయన మాట్లాడారు.

''పేద వారి జీవితాల్లో ఆనందాన్ని నింపాలి, వారి ఆదాయాన్ని పెంచి ఖర్చులను తగ్గించాలి. ముఖ్యంగా పేదింటి ఆడపిల్లల పెళ్లి తల్లిదండ్రులకు భారం కాకూడదనే ''చంద్రన్న పెళ్లి కానుక''‌ను ప్రారంభించాము'' అని ముఖ్యమంత్రి చంద్రబాబు నాయుడు అన్నారు. ఆంధ్రప్రదేశ్ ప్రభుత్వం ప్రతిష్టాత్మకంగా చేపట్టిన ఈ పథకానికి సంబంధించిన వెబ్‌సైట్‌ను బుధవారం సీఎం ప్రారంభించారు. ఈ సందర్భంగా ఆయన మాట్లాడుతూ.. రాష్ట్రంలో తనకు 90 లక్షలకు పైగా తోబుట్టువులు ఉన్నారని అన్నారు. డ్వాక్రా సంఘాల మహిళలపై తనకు అపార విశ్వాసం ఉందని అన్నారు. లక్షలాది మంది తోబుట్టువులతో అన్న, తమ్ముడు అని పిలిపించుకోవడం తన పూర్వజన్మ సుకృతమని సీఎం అన్నారు. పేదల జీవితాల్లో వెలుగులు నింపేందుకు ఎన్నో కార్యక్రమాలు ప్రారంభించామని ఇప్పుడు పెళ్లికానుకను తీసుకొచ్చామని తెలిపారు. ఒకప్పుడు పెళ్లిళ్లకు చేసే ఖర్చు ఎక్కువ ఉండేది కాదని, ఇప్పుడు అది పెరిగిపోయిందని పేర్కొన్నారు.

అందుకే పేదవారి ఇంట పెళ్లి భారం కాకూడదని రాష్ట్రంలో ఆడపిల్లల పెళ్లిళ్లు చేసే బాధ్యత తానే తీసుకుని శాశ్వతంగా అన్నగా మిగిలిపోవాలని నిర్ణయం తీసుకున్నానన్నారు. చంద్రన్న పెళ్లి కానుకలో భాగంగా.. షెడ్యూల్ తెగలు, మైనారీటలకు రూ.50వేలు, షెడ్యూల్ కులాల వారందరికీ రూ.40వేలుగా నిర్ణయించారు. వెనుకబడిన వర్గాలకు రూ.35వేలు ఇవ్వనున్నారు. రాబోయే రోజుల్లో కళ్యాణమిత్ర ద్వారా లక్ష పెళ్ళిళ్లు జరుగుతాయని అందుకు తాను గర్వపడుతున్నానని సీఎం అన్నారు. కులాంతర వివాహాలు చేసుకునే వారికి చంద్రన్న పెళ్లి కానుక ద్వారా ప్రోత్సాహకాలు అందిస్తామని సీఎం ప్రకటించారు. ఎస్సీలు, ఎస్టీలు కులాంతర వివాహాలు చేసుకుంటే రూ.75వేలు, బీసీలు కులాంతర వివాహం చేసుకుంటే రూ.50వేలు, వికలాంగులను పెళ్లిచేసుకున్నవారికి రూ.1 లక్ష ఇవ్వాలని నిర్ణయించినట్లు సీఎం వెల్లడించారు.