news

చైనాకు చెందిన ఎలక్ట్రానిక్స్ టెక్నాలజీ గ్రూప్ కార్పొరే షన్ అనుబంధ సంస్థ రెన్యూవబుల్ ఎనర్జీ టెక్నాలజీ సంస్థ (సీఈటీసీ) శ్రీసిటీలో నూతనంగా పరిశ్రమ ఏర్పాటుకు భూమి పూజ చేసింది. గురువారం శ్రీసిటీలో నిర్వహించిన ఈ భూమి పూజలో సీఈటీసీ సీఈవో, జనరల్ మేనేజర్ ల్యూయి లెహంగ్, రాష్ట్ర ఆర్థికాభివృద్ధి సంస్థ సీఈవో, రాష్ట్రప్రభుత్వ కార్యదర్శి జె. కృష్ణకిశోర్, శ్రీసిటీ మేనేజింగ్ డైరక్టర్ రవీంద్ర సన్నారెడ్డి పాల్గొన్నారు. సంస్థ ప్రతినిధి ల్యూయి లెహంగ్ మాట్లాడుతూ సీఈటీసీ అనుబంధ సంస్థ అయిన రెన్యూవబుల్ ఎనర్జీ టెక్నాలజీ పరిశ్రమ 200 మెగావాట్ల సౌర విద్యుత్ ఫోటో వోల్టాయిక్ సెల్ తయారీ పార్కును శ్రీసిటీలో ఏర్పాటు చేస్తోందని తెలిపారు.

రాష్ట్ర ప్రభుత్వం అందిస్తున్న సహకారం, శ్రీసిటీలోని సదుపాయాలను చూసిన తాము సంస్థ కార్యకలాపాలు ప్రారంభిస్తున్నట్లు చెప్పారు. ఈ సంస్థ ఏర్పాటు చేసేందుకు దేశంలోని పలు పారిశ్రామిక నగరాలను పరిశీలించామన్నారు. ఎక్కడలేని లేని సదుపాయాలు శ్రీసిటీలో ఉన్నందునే తాము పరిశ్రమ ఏర్పాటుకు ఆసక్తిగా ఉన్నట్లు వెల్లడించారు. భవిష్యత్లో మరికొన్ని ఎలక్ట్రానిక్ సంబంధిత పరిశ్రమలు ఏర్పాటు చేసేందుకు ప్రతిపాదనలున్నాయని వివరించారు. 18 నుంచి 20 నెలల్లోపు పరిశ్రమ నిర్మాణం పూర్తి చేస్తామని తెలిపారు. పారిశ్రామికంగా అభివృద్ధి చెందుతున్న ఆంధ్రప్రదేశ్లో పెట్టుబడులు పెట్టేందుకు సీఈటీసీతో పలు చైనా సంస్థలు ఆసక్తిగా ఉన్నట్లు వెల్లడించారు. ముఖ్యమంత్రి చైనా పర్యటనల ద్వారానే పరిశ్రమలు వస్తున్నాయని ఆయన స్పష్టం చేశారు.

చైనాకు చెందిన మొదటి భారీ తయారీ రంగ పరిశ్రమ సీఈటీసీ రాష్ట్రానికి వచ్చిన మొదటి పరిశ్రమ అని శ్రీసిటీ ఎండీ రవీంద్ర సన్నారెడ్డి అన్నారు. చైనా ప్రభుత్వానికి చెందిన పరిశ్రమ కావడంతో భవిష్యత్తులో మరిన్ని పరిశ్రమలు వస్తాయని ఆశాభావం వ్యక్తం చేశారు. దేశంలో సోలార్ విద్యుత్ తయారీకి సీఈటీసీ రాక మరింత ప్రోత్సాహాన్ని ఇస్తుందన్నారు. డీటీజెడ్లో 18 ఎకరాల విస్తీర్ణంలో రూ. 320 కోట్లతో పరిశ్రమ చేస్తున్నట్లు ఆయన వివరించారు. నిర్మాణం పూర్తయితే ప్రత్యక్షంగా 300 మందికి, పరోక్షంగా 1500 మందికి ఉద్యోగ ఉపాధి అవకాశాలు లభిస్తాయని ఆయన పేర్కొన్నారు. సీఈటీసీ ప్రస్థానం... చైనా ప్రభుత్వరంగ సంస్థగా 2002లో ప్రారంభమైన సీఈటీసీ సంస్థ బీజింగ్ ప్రధాన కేంద్రంగా పనిచేస్తోంది... 66 సెకండరీ యూనిట్స్, 8 లిస్టెడ్ కంపెనీలు, 42 అనుబంధ సంస్థలు, ప్రపంచ వ్యాప్తంగా 40 కార్యాలయాలు ఉన్నాయి... ఈ సంస్థలో 1.50 లక్షల మంది పనిచేస్తుండగా 110 దేశాల్లో వ్యాపార లావాదేవీలు విస్తరించి ఉన్నాయి..

కేంద్రంలోని ఎన్డీయే ప్రభుత్వంతో చంద్రబాబు తెగదెంపులు చేసుకున్న విషయం తెలిసిందే... ఎన్డీయే నుంచి బయటకు వచ్చిన వెంటనే ప్రభుత్వంపై తెదేపా అవిశ్వాస తీర్మానం తీసుకొచ్చింది... దీంతో ఒక్కసారిగా దేశమంతా రాజకీయ వేడి మొదలైంది... ఈ ప్రభావం స్టాక్‌మార్కెట్లపై పడింది... అంతర్జాతీయ మార్కెట్ల బలహీన సంకేతాలతో ఆరంభం నుంచే కుదేలవుతూ వస్తున్న సూచీలు.. రాజకీయ పరిస్థితుల నేపథ్యంలో భారీ పతనం దిశగా సాగాయి. చివరి గంటల్లో కుప్పకూలిన సూచీలు భారీ నష్టాలను మూటగట్టుకున్నాయి..

పెట్టుబడిదారులు పెద్ద ఎత్తున అమ్మకాలకు మొగ్గు చూపారు. ఈ క్రమంలో, 137 పాయింట్ల నష్టంతో 33,548 వద్ద ప్రారంభమైన సెన్సెక్స్‌ ఆ తర్వాత ఏ దశలోనూ కోలుకోలేకపోయింది. ఇక తెదేపా అవిశ్వాస తీర్మానంపై దేశీయంగా రాజకీయ వేడి రగులుకోవడంతో సూచీలు మరింత పతనమయ్యాయి. ఒక దశలో 550 పాయింట్లకు పైగా దిగజారిన సెన్సెక్స్‌ 33,120 పాయింట్ల కనిష్ఠస్థాయికి పడిపోయింది. చివరకు కాస్త కోలుకున్నా భారీ నష్టాలు తప్పలేదు. మార్కెట్‌ ముగిసే సమయానికి సెన్సెక్స్‌ 509 పాయింట్ల కోల్పోయి 33,176 వద్ద స్థిరపడింది.

అటు నిఫ్టీ కూడా నేడు భారీగా కుదేలైంది. 50 పాయింట్ల నష్టంతో 10,300 మార్క్‌ వద్ద ఊగిసలాడుతూ ప్రారంభమైన నిఫ్టీ మదుపర్ల అమ్మకాల ఒత్తిడితో అంతకంతకూ పతనమైంది. ఒక సమయంలో 170 పాయింట్లకు పైగా నష్టంతో ట్రేడ్‌ అయిన సూచీ చివరకు 165 పాయింట్లు కోల్పోయి 10,195 వద్ద ముగిసింది. జాతీయ స్టాక్‌ ఎక్స్ఛేంజీలో ఇండియన్‌ ఆయిల్‌ కార్పొరేషన్‌, టాటామోటార్స్‌, ఆల్ట్రాటెక్‌ సిమెంట్‌, భారత్‌పెట్రోలియం, ఏషియన్‌ పెయింట్స్‌ షేర్లు భారీ నష్టాలను చవిచూశాయి. ఒక్కో కంపెనీ షేరు విలువ 3 నుంచి 4శాతానికి పైగా పతనమైంది. దాదాపు అన్ని రంగాల షేర్లు నష్టాల్లోనే ముగిశాయి.

ఆంధ్రప్రదేశ్ విభజన చట్టంలో, కేంద్రం చేస్తున్న అన్యాయం పై ప్రజలు ఎలా ఆందోళన చేస్తున్నారో చూస్తూనే ఉన్నాం... ఇటు రాజకీయంగా, మోడీ చేస్తున్న అన్యాయం దేశానికి చాటి చెప్పాలనే ఉద్దేశంతో, చంద్రబాబు తీసుకున్న నిర్ణయంతో, దేశ రాజకీయాల్లోనే ఒక కుదుపు వచ్చింది.... అన్ని విపక్షాలను, ఈ విషయంలో చంద్రబాబు ఏకం చేసి, ఢిల్లీని ఇబ్బంది పెడుతున్నారు... అదే సందర్భంలో, బీజేపీ, ఇక్కడ కొంత మందిని అడ్డు పెట్టుకుని, చంద్రబాబుని బలహీన పరిచే ప్రయత్నం చేస్తూ, కేసులు పెడతాం అంటూ భయపెడుతున్నా, చంద్రబాబు మాత్రం, ఈ కుట్రలని ఎదుర్కుని ఢిల్లీ పై యుద్ధం చేస్తున్నారు..

ఈ సందర్భంలో, ఆంధ్రప్రదేశ్ నుంచి రాజ్యసభకు వెళ్ళిన సినీనటుడు, కాంగ్రెస్ ఎంపీ, ఒకప్పటి ప్రజారాజ్యం పార్టీ అధినేత కె.చిరంజీవి మాత్రం సెలవుల్లో ఉన్నారు... ప్రస్తుతం జరుగుతున్న పార్లమెంటు సమావేశా లకు వ్యక్తిగత కారణాల వల్ల హాజరుకాలేకపోతున్నట్లు చిరంజీవి తనకు లేఖ రాశారని రాజ్యసభ చైర్మన్ వెంకయ్యనాయుడు సభలో వెల్లడించారు. ఈ నెల 5 నుంచి ఏప్రిల్ 2 వరకు సెలవులు కావాలని చిరంజీవి కోరుతున్నారని, సభ ఆమోదం కావాలని వెంకయ్య అనగానే, సభ్యులు అంగీకరించారు.

నిజానికి చిరంజీవి, మన ఆంధ్రప్రదేశ్ విడిపోయిన తరువాత, ఏ నాడు, మన సమస్యలు గురించి పట్టించుకోలేదు... మొన్నటి దాక అంటే వేరు, ఇప్పుడు అవిశ్వాసం లాంటివి పెట్టి, కేంద్ర ప్రభుత్వాన్ని డీ కొడుతున్న సమయంలో కూడా, చిరంజీవి ఆంధ్రప్రదేశ్ సమస్యల పై పట్టించుకోవటం లేదు... అయితే, అందరి మీద విరుచుకుపడే పవన్ కళ్యాణ్, చిరంజీవి విషయంలో మాత్రం నోరు పడి పోయింది... నేషనల్ మీడియాకి ఎక్కి మరీ, చంద్రబాబుని బలహీనపరుస్తూ, అవిశ్వాస తీర్మానం డ్రామా అంటూ చెప్తున్నారు కాని, చిరంజీవి చేస్తున్న ద్రోహం మాత్రం, పాపం పవన్ కళ్యాణ్ గారికి కనిపించటం లేదు...