news

గుంటూరులో జరిగిన జనసేన ఆవిర్భావ సభలో జనసేన అధినేత పవన్‌ కల్యాణ్‌ చేసిన అనేక ఆరోపణలు పై ముఖ్యమంత్రి చంద్రబాబు అసెంబ్లీ వేదికగా సమాధనం చెప్పారు... పవన్ యూ టర్న్ తీసుకున్నారని ఎదురుదాడి చేశారు. నాలుగేళ్లుగా మంచివాడుగా కనిపించిన తాను ఇప్పుడు చెడ్డవాడిగా అయిపోయానా? అని ప్రశ్నించారు. ప్రజలు విశ్వసించినందునే 40 ఏళ్లు రాజకీయంలో ఉన్నానని చంద్రబాబు అన్నారు. తాను మూడు మాటల్లో ఆరు అసత్యాలు మాట్లాడతానని పవన్ విమర్శించారని అన్నిటికి సమాధానం చెప్తున్నా అని చెప్పారు... ఇసుక విక్రయాలకు సంబంధించి ఎక్కడో చిన్నచిన్న పొరపాట్లు జరిగితే... మైనింగ్‌ స్కామంటూ గాలి జనార్దన్‌రెడ్డితో పవన్ ముడిపెట్టారని ముఖ్యమంత్రి చంద్రబాబు ఆవేదన వ్యక్తం చేశారు. అంతేగాక, ఎర్రచందనం స్మగ్లింగ్‌పై ఉక్కుపాదం మోపామని, అందుకు నిరసన వ్యక్తం చేస్తూ దివంగత మాజీ సీఎం జయలలిత లేఖ పంపారని సీఎం చంద్రబాబు చెప్పారు.

ఎర్రచందనం వేలంలో రూ.1,230కోట్ల ఆదాయం వచ్చిందని, ఎర్రచందనం వేలానికి కేంద్రం నుంచి అనుమతులు రావాలని చెప్పారు. స్మగ్లర్ల ఆస్తుల స్వాధీనానికి చట్టం తీసుకొచ్చామని, విమర్శించే ముందు పవన్ వాస్తవాలు తెలుసుకోవాలని జనసేన అధినేతను ఉద్దేశించి చంద్రబాబు వ్యాఖ్యానించారు. ఏసీబీ కేసుల్లోనూ ఆస్తులు స్వాధీనం చేసుకుంటున్నామని తెలిపారు. ఉద్దానం కిడ్నీ సమస్య బాధితులకు రూ.2500 పెన్షన్లు ఇస్తున్నామని సీఎం తెలిపారు. రాష్ట్రవ్యాప్తంగా డయాలసిస్‌ సెంటర్లు ఏర్పాటు చేశామని చెప్పారు. ఎన్ని ఇబ్బందులు ఎదురైనా ముందుకే వెళ్తామని స్పష్టం చేశారు.

‘నియోజకవర్గానికి రూ.25 కోట్లు పంపుతున్నామంటూ పవన్ ఆరోపణలు చేస్తున్నారు.. అసలు ఎన్నికల సంస్కరణలు తీసుకురావాలని కోరుతుందే నేను కదా..’ అని అన్నారు. డిజిటల్ కరెన్సీ తెస్తే అవినీతి ఉండదని, ఎన్నికల్లో డబ్బు పంపిణీ జరగదని చెప్పిందే తాను అని అన్నారు. ఎలాంటి ఆధారాలు లేకుండా తనపై ఆరోపణలు చేస్తే ఎలా..? అని పవన్‌ను ప్రశ్నించారు. మెగా ఆక్వాఫుడ్‌ పార్క్‌ పెట్టే వాళ్లు తన బంధువులా అంటూ ప్రశ్నించారు. ఉద్యోగాలు వస్తాయనే మెగా ఆక్వాఫుడ్‌ పార్క్‌కు అనుమతిచ్చామన్నారు. మెగా ఆక్వా ఫుడ్‌ పార్క్‌తో కాలుష్యం లేకుండా అన్ని చర్యలు తీసుకున్నామని, తుందుర్రు నుంచి సముద్రంలోకి పైప్‌లైన్‌ వేస్తున్నామని చంద్రబాబు చెప్పారు. పర్యావరణాన్ని పట్టించుకోవడంలేదని, పరిశ్రమలు రాలేదని ఆరోపణలు చేస్తున్నారని మండిపడ్డారు. ఎన్నో రాష్ట్రాల పోటీని ఎదుర్కొని కియాను ఏపీకి తెచ్చామని గుర్తుచేశారు. ఫాతిమా విద్యార్థుల కోసం అన్ని ప్రయత్నాలు చేశామని, ఆరోగ్యమంత్రి ఆరు సార్లు ఢిల్లీ వెళ్లారని చంద్రబాబు చెప్పారు.

విభజన హామీల్లో భాగంగా కేంద్రం నుంచి రాష్ట్రానికి వచ్చిన నిధుల లెక్కలను పరిశీలించేందుకు జనసేన అధినేత పవన్‌ కల్యాణ్‌ ఏర్పాటుచేసిన జేఎఫ్‌సీపై సీఎం చంద్రబాబు మండిపడ్డారు. ఆ కమిటీనే ఓ తప్పన్నారు. రాష్ట్రానికి రావాల్సిన నిధులు అడగకుండా మధ్యవర్తులుగా ఉంటామనడానికి వీరెవరని సీఎం ప్రశ్నించారు. కేంద్రం నుంచి రూ.75 వేల కోట్లు రావాలని జాయింట్ ఫ్యాక్ట్ ఫైండింగ్ కమిటీ చెప్పిన వివరాల ప్రస్తావన మంగళగిరి సభలో లేదన్నారు. పవన్ ఎందుకు యూటర్న్ తీసుకున్నారో ప్రజలకు చెప్పాలని చంద్రబాబు అన్నారు...

గంట, కేవలం ఒక గంట... ఎన్డీఏ నుంచి బయటకు వచ్చేసాం... మోడీ పై మాకు విశ్వాసం లేదు... మా రాష్ట్రానికి మోసం చేసారు... చట్టంలో ఉన్నవి కూడా అమలు చెయ్యటం లేదు అంటూ చంద్రబాబు చెప్పారో లేదో... ఒకే ఒక గంట, కాంగ్రెస్, లెఫ్ట్, అన్నాడీయంకే, ఎస్పీ, ఏంఐయం, మమతా అందరూ, తెలుగుదేశం పార్టీ పెట్టిన అవిశ్వాసం తీర్మానానికి మద్దతు ఇచ్చారు... లోక్ సభలో కాంగ్రెస్ కు 48, అన్నాడీఎంకేకు 37 మంది ఎంపీలు ఉన్నారు. మిగతా పార్టీలను కూడా కలుపుకుంటే, దాదాపు వంద మందికి పైగా మద్దతు ఇచ్చే అవకాసం ఉంది....

పశ్చిమబంగా ముఖ్యమంత్రి, తృణమూల్ కాంగ్రెస్‌ అధినేత్రి మమతా బెనర్జీ అయితే ట్వీట్ చేసి మరీ, చంద్రబాబుని అభినందించారు... ఎదో చంద్రబాబుని ఇబ్బంది పెడదాం అని, జగన్ తో అవిశ్వాసం డ్రామా ఆడించింది బీజేపీ... అయితే అనూహ్యంగా చంద్రబాబు వేగంగా పావులు కదిపారు... జగన్, అవిశ్వాసం ఎలాగు ముందుకు రాదని, ఇదంతా డ్రామా అని గ్రహించారు... వెంటనే, తన ఎంపీల చేత అవిశ్వాసం పెట్టించారు...

నోటీస్‌‌పై సోమవారం 54మంది ఎంపీలతో సంతకాలు చేయించి మరీ పట్టించి, చిత్తసుద్ధి చాటుకున్నారు... మీరు అవిశ్వాసం పెట్టండి, నేను ఢిల్లీకి వచ్చి, ఎంపీల చేత మద్దతు ఇప్పిస్తాను అన్న పవన్, కేంద్రం పై పోరాడుతున్న రాష్ట్రం పై బురద జల్లుతుంటే, చంద్రబాబు తన సత్తా ఏంటో చేసి చూపించారు... ఒకే ఒక గంట, మోడీ చేసిన ద్రోహాన్ని దేశానికికి చెప్పి, వారి మద్దతు కూడగట్టి, మోడీ పైనే అవిశ్వాసం పెట్టి, అన్ని రాజాకీయ పార్టీల మద్దతు తీసుకుని, జాతీయ స్థాయిలో రాజకీయం పెను సంచలనంగా మారింది...

కేంద్రంలోని నరేంద్ర మోడీ ప్రభుత్వం గత నాలుగు బడ్జెట్లలోనూ రాష్ట్రానికి అన్యాయం చేసిందని ముఖ్యమంత్రి చంద్రబాబునాయుడు అన్నారు. శాసనమండలిలో చంద్రబాబు మాట్లాడుతూ, భాజపాతో ఉండబోదని తెదేపా నిర్ణయించిందని, ఇంతటి కఠిన నిర్ణయం ఎందుకు తీసుకోవాల్సి వచ్చిందో వారు ఆత్మవిమర్శ చేసుకోవాలన్నారు... రాష్ట్ర ప్రయోజనాల విషయంలో రాజీపడే ప్రసక్తే లేదని చంద్రబాబు అన్నారు. సెంటిమెంట్‌తో నిధులు రావని జైట్లీ ఎలా చెబుతారు, తెలంగాణ రాష్ట్రాన్ని సెంటిమెంట్‌ ద్వారానే ఇచ్చిన సంగతి ఆయనకు తెలీదా? విభజన చట్టంలో ఉండే హామీలు, రాజ్యసభలో ఇచ్చిన హామీలు మాత్రమే నెరవేర్చాలని కేంద్రాన్ని కోరుతున్నా అని చంద్రబాబు అన్నారు...

ఆంధ్రప్రదేశ్‌ను ఆదుకోమని అడిగితే.. రక్షణ శాఖ బడ్జెట్‌ ప్రస్తావన ఎందుకు తెస్తారు. దేశ రక్షణను పణంగా పెట్టి మమ్మల్ని ఆదుకోమని మేం అడిగామా? 'మీరొక్కరే దేశాన్ని కాపాడుతారా, మీ ఒక్కరికే దేశభక్తి ఉందా, మాకు లేదా?' అని చంద్రబాబు నాయుడు ప్రశ్నించారు. పోలవరం పూర్తయితే రాష్ట్రంలో కరవు ఉండదు. పోలవరంలో అవినీతి జరిగిందని దుష్ప్రచారం చేస్తున్నారు. భూసేకరణ అక్రమాలపై సీబీఐ విచారణ వేయాలని సాక్షి పత్రికలో రాశారు. పోలవరానికి అడ్డంకులు సృష్టించి రాష్ట్రాభివృద్ధికి అడ్డుకట్టవేసే ప్రయత్నాలు చేస్తున్నారు.

తాము రాష్ట్ర ప్రయోజనాల కోసం పోరాడతామని, వెనక్కుతగ్గే సమస్యే లేదని చంద్రబాబు నాయుడు అన్నారు. తమ మనోభావాలను కేంద్ర ప్రభుత్వం పట్టించుకోనందుకే అవిశ్వాస తీర్మానం పెట్టామని అన్నారు. రాష్ట్రానికి అన్యాయం చేసింది ఎవరు అంటే, చిన్న పిల్లాడు కూడా, మోడీ అని చెప్తారు... అలాంటి వారి పై పోరాడుతుంటే, నా పై కుట్రలు చేస్తారా అంటూ మండిపడ్డారు... హామీ ఇచ్చింది చెయ్యమంటే, మమ్మల్ని కేసులు పెడతాం అంటున్నారు, తమిళనాడు తరహా కుట్రలు చేస్తాం అంటున్నారు... రాష్ట్రం కోసం దేనికైనా సిద్ధం... మీ కుట్రలు తిప్పి కొడతాం... మీ నాటకాలు మా రాష్ట్రంలో కాదు అంటూ, మోడీని హెచ్చరించారు...