news

రేపటి నుంచి ఆంధ్రప్రదేశ్ శాసనసభ బడ్జెట్ సమావేశాలు జరుగుతున్న సంగతి తెలిసిందే... అయితే అదే సమయంలో ప్రతిపక్ష నేత జగన్ పాదయాత్ర చేస్తున్నారు... ఇప్పటికే ఒకసారి శీతాకాల సమావేశాలను వైసిపీ బహిష్కరించింది... తను పాదయాత్రలో ఉండగా, వేరే వారికి అసెంబ్లీ బాధ్యతలు ఇవ్వటం ఇష్టంలేక, ఎవరూ అసెంబ్లీకి వెళ్ళద్దు అని ఆదేశాలు జారి చేశారు... దానికి సాకుగా, ఎమ్మెల్యేల అనర్హత పై స్పీకర్ నిర్ణయం తీసుకునే వరకు సభకు మేము వెళ్ళము అని చెప్పారు... నిజానికి, ప్రతిపక్షంలో ఒక్కరూ లేకుండా, భారతదేశ చరిత్రలో ఎప్పుడూ, ఏ రాష్ట్రంలోను సభ జరగలేదు... ప్రజల్లో కూడా జగన్ తీసుకున్న నిర్ణయం పై వ్యతిరేకత వచ్చింది...

అయితే, వైసీపీ సభ్యుల నిర్ణయం తెలుసుకున్న ఆంధ్రప్రదేశ్ స్పీకర్‌ కోడెల శివప్రసాదరావు, వైసీపీ ఎమ్మెల్యేలకు ఫోన్‌ చేసి మాట్లాడారు... శాసనసభకు రావాలని, వారిని రిక్వెస్ట్ చేశారు... అయితే, ఆ ఎమ్మెల్యేలు అందరూ, మాకు పై నుంచి ఆదేశాలు ఉన్నాయి, మేము రాలేము అని చెప్పారు... దీంతో స్పీకర్, వారికి బాధ్యతలతో పాటు, నిబంధనలు గుర్తు చేశారు... మనం అసెంబ్లీలో ప్రజా సమస్యల పై చర్చించాలి, ప్రతిపక్షంగా మీ బాధ్యత ఎక్కువగా ఉంటుంది...వరుసగా మూడు అసెంబ్లీ సెషన్లకు హాజరుకాకపోతే.. ఎమ్మెల్యేలపై అనర్హత వేటు వేసే అవకాశం చట్టంలో ఉందని చెప్పారు... ఈ విషయం తెలుసుకున్న కొంత మంది వైసిపీ ఎమ్మల్యేలు అవాక్కయ్యారు... ఈ నిబంధన మాకు తెలీదు అని, మేము ఏమి చెయ్యలేని స్థితిలో ఉన్నామని వారు స్పీకర్ కి చెప్పారు...

ఈ బడ్జెట్ సమావేశాలతో కలిపి రెండు సెషన్ల బహిష్కరించినట్టు అవుతుంది... మరో సెషన్ వెళ్ళకపోతే, నిబంధనలు ప్రకారం అనర్హత వేటు వేసే అవకాశం ఉంది... ఈ లోపు, జగన్ ఎదో ఒక సాకు చెప్పి, ఎమ్మల్యేలతో రాజీనామాలు చేపిస్తారు... దీంతో తాను అసెంబ్లీకి వెళ్లక, తన ఎమ్మల్యేలని కూడా వెళ్ళనియ్యకుండా చేసారు... ఇక వీరు అసెంబ్లీకి వెళ్ళే అవకాసం కనిపించటం లేదు... జగన్, తన మూర్ఖత్వంతో, వీరి హక్కులు కుడా హరిస్తున్నారు... 2019 ఎన్నికల్లో ఎంత మంది మళ్ళీ గెలుస్తామో, మళ్ళీ అసెంబ్లీ మొఖం చూస్తామో లేదో అంటూ, వైసిపీ ఎమ్మల్యేలు బాధపడుతున్నారు..

నవ్యాంధ్రకి కేంద్రం చేస్తున్న అన్యాయం పై, రాష్ట్రంలో ప్రతి ఒక్కరి, వారికి తోచిన విధంగా నిరసన తెలియచేస్తున్నారు... ఇటు రాజకీయ పార్టీల నుంచి సామాన్య ప్రజల దాకా, అందరూ కేంద్రం పై ఆందోళన బాటలో ఉన్నారు... ఇదే సందర్భంలో విజయవాడకు చెందిన కిలారు నాగ శ్రవణ్, కేంద్రం పై తన నిరసన తెలియచేయటంలో, తనదైన శైలిని ఎంచుకున్నారు... విజయవాడకు చెందిన నాగ శ్రవణ్ సమాజం పట్ల తన బాధ్యతగా వివిధ అంశాల పై స్పందిస్తూ, విజయవాడ నీడ్స్ యు అనే సంస్థ ద్వారా, సమాజంలో లోపాలు, వసతుల కల్పన, పాలసీల అమలులో నిర్లక్షం, ప్రభుత్వ విధానాల పై ప్రజల్లో అవగాహన కల్పిస్తూ ముందుకు వెళ్తున్నారు..

ఇదే సందర్భంలో, నాగ శ్రవణ్ చేస్తున్న పని గుర్తించింది కేంద్ర ప్రభుత్వం... నాగ శ్రవణ్ 2015- 16 సంవత్సరానికి జాతీయ యూత్ అవార్డు గెలుపొందారు... యూత్ అవార్డు పొందిన వారికి భారత ప్రభుత్వం రూ.50,000 నగదు బహుమతి అందజేసింది... అయితే నాగ శ్రవణ్ మాత్రం, ఈ అవకాశాన్ని కేంద్రం పై నిరసన తెలియచేయటానికి ఉపయోగించుకున్నారు... రాష్ట్రం పై, కేంద్రం చూపిస్తున్న వివక్షకు వ్యతిరేకంగా, తనకు వచ్చిన రూ.50,000 నగదు బహుమతిని అమరావతి రాజధాని నిర్మాణానికి ఇచ్చి, తన నిరసన తెలియ చేసారు... రాష్ట్ర ముఖ్యమంత్రి చంద్రబాబు నాయుడుని కలిసి, తనకు బహుమతిగా వచ్చిన 50 వేలు, తన నేషనల్ యూత్ అవార్డు కు తిరిగి ఇచ్చేసారు.

అలాగే నాగ శ్రవణ్, ప్రజలని చైతన్య పరుస్తూ, ప్రధాన మంత్రి మోడీ గారికి, రాష్ట్రానికి న్యాయం చెయ్యాలని కోరుతూ, లక్ష పోస్ట్ కార్డులు రాసే క్యంపైన్ కూడా మొదలు పెట్టారు... ఆన్లైన్ పిటిషన్ ద్వార కూడా కేంద్రం పై నిరసన తెలియచేస్తున్నారు... ఇలాంటి యువకలు చేసే ఆందోళన, భావి తరాల భవిష్యత్తు కోసం.. ఇలాంటి వారిని అయిన చూసి, ప్రధాని కనికరిస్తారని ఆశిద్దాం.. https://www.change.org/p/prime-minister-of-india-justice-to-andhra-pradesh?recruiter=86554337&utm_source=share_petition&utm_medium=copylink&utm_campaign=share_petition

కడప జిల్లా, పులివెందుల అంటేనే ముందుగా గుర్తుకువచ్చేది వైఎస్ కుటుంబం... అయితే, వైఎస్ఆర్ చనిపోయిన దగ్గర నుంచి, జగన్ మోహన్ రెడ్డి ఆధ్వర్యంలోకి వచ్చిన పులివెందులలో, వైఎస్ కుటుంబానికి వ్యతిరేకత మొదలైంది... సొంత బాబాయిని, సొంత ఊరిలో కూడా గెలిపించుకోలేని పరిస్థితికి, తీసుకొచ్చాడు జగన్... ప్రజల్లో కూడా జగన్ తమ నియోజకవర్గాన్ని పట్టించుకోవట్లేదు అనే భావనలో ఉన్నారు... జగన్ చేస్తున్న పనుల వల్ల, కంచుకోటకు బీటలు పడ్డాయి.. సరిగ్గా ఇదే టైంలో చంద్రబాబు రంగంలోకి దిగారు... పులివెందుల ప్రజలకు ఇప్పటి వరకు తెలియాని అభివృద్ధి, నీళ్ళు చూపిస్తూ, పోజిటివ్ వాతవరణం తీసుకొచ్చే ప్రయత్నం చేస్తున్నారు...

జగన్ సొంత నియోజకవర్గం పులివెందుల సహా జిల్లాలో ఇప్పటికే చాలావరకు అభివృద్ధి కార్యక్రమాలు చేపట్టామని సీఎం చంద్రబాబు కడప తమ్ముళ్లకు చెప్పారు. ఇంకా మిగిలిఉన్న ప్రజాసమస్యలను గుర్తించి తమ దృష్టికి తేవాలని సూచించారు. నిధులు ఎంత ఖర్చయినా వెనుకాడకుండా వాటిని పరిష్కరిస్తామని సీఎం చంద్రబాబు స్పష్టంచేశారు. జగన్ ను, తన అభివృద్ధి మంత్రంతోనే పడగొట్టాలనేది చంద్రబాబు వ్యూహంగా చెప్తున్నారు... ఇదే సందర్భంలో, కొన్ని రోజుల క్రిందట అభివృద్ధిపై అధికార తెలుగుదేశం పార్టీ, విపక్ష వైసీపీలు ఇటీవల సవాళ్లు, ప్రతిసవాళ్ళు విసురుకున్నాయి.

అనంతరం ఆదివారం పూలంగళ్ళ సర్కిల్‌లో బహిరంగ చర్చకు రావాలంటూ ఇరుపార్టీల నేతలు పేర్కొన్నారు. ఈ నేపధ్యంలో నేడు పూలంగళ్ళ సర్కిల్‌లో జరిగే చర్చకు ఇరుపార్టీల నేతలు సిద్ధమవుతున్నారు. దీంతో పులివెందులలో టెన్షన్ వాతావరణం నెలకొంది.సమాచారమందుకున్న పోలీసులు పెద్దఎత్తున పూలంగళ్ళ సర్కిల్‌కు చేరుకుంటున్నారు. ఇరుపార్టీల నేతలను అడ్డుకునేందుకు పోలీసులు సిద్ధమయ్యారు. టీడీపీ, వైసీపీ నేతలు ఎదురుపడితే ఘర్షణలు తలెత్తే ప్రమాదం ఉండడంతో పోలీస్ బలగాలు పెద్దఎత్తున మోహరిస్తున్నాయి. ఏ క్షణాన ఏమి జరుగుతుందో అనే టెన్షన్ లో ఉన్నారు పోలీసులు...