news

కేంద్ర ప్రభుత్వం అహ్మదాబాద్, నాగ్పూర్, లక్నో, చెన్నై (ఎక్ష్టెన్షన్), పూణే, నోయిడా-గ్రేటర్, నోయిడా, ఢిల్లీల కోసం తొమ్మిది కొత్త మెట్రో ప్రాజెక్టులను మంజూరు చేసింది. 180 కీమీ పొడువు ఉన్నీ అన్ని మెట్రోలకి, 49 వేల కోట్ల ఖర్చు అవ్వనుంది. ఈ జాబితాలో మన రాష్ట్రం నుంచి విశాఖపట్నం లేదా విజయవాడ రెండూ లేవు... రాష్ట్ర ప్రభుత్వం ఎప్పటి నుంచో విజయవాడ మెట్రో కోసం ప్రయత్నాలు చేస్తున్నా, కేంద్రం ఎప్పుడూ వాటిని తిరస్కరిస్తూ వస్తుంది. అందుకే ఇప్పుడు, లైట్ మెట్రో మీద అధ్యయనం జరుపుతుంది రాష్ట్ర ప్రభుత్వం... దీనికి కూడా కేంద్రం అంగీకరిస్తుందో లేదో తెలీదు...

ఇక వైజాగ్ అయితే అన్ని అర్హతలు ఉన్న నగరం... కాని వైజాగ్ ని మెట్రో లిస్టు లో చేర్చలేదు... నాగపూర్ కంటే ఎక్కువ జనసాంద్రత కలిగి ఉన్న ప్రాంతం వైజాగ్... నాగపూర్ కి మెట్రో ని కేంద్రం ఆమోదించింది కాని, వైజాగ్ మాత్రం లిస్టు లో లేదు... చెన్నైలో మెట్రో రైలు పెద్ద ఫ్లోప్ అయిన సంగతి తెలిసిందే... ఇప్పుడు చెన్నైలో మెట్రో రైలు పొడిగింపుకి అంగీకరిస్తూ కేంద్రం నిర్ణయం తీసుకుంది. తమిళనాడులో బిజెపి బలపడాలి అనుకుంటున్న తరుణంలో, చెన్నై నగరానికి ప్రత్యెక దృష్టితో చూస్తూ, చెన్నై నగరానికి మెట్రో పొడిగిస్తూ ఆమోదించింది... కేంద్ర ప్రభుత్వం మంజూరు చేసిన 9 మెట్రోల్లో, దక్షిణ భారత దేశంలో చెన్నై ఒక్కటే ఉంది.. అది కూడా పొడిగింపు...

ఆంధ్రప్రదేశ్ పునర్వ్యవస్థీకరణ చట్టం ప్రకారం మెట్రో రైలు ప్రాజెక్టులు విజయవాడ, విశాఖపట్నంలకు రావాల్సి ఉంది. కానీ బిజెపి నేతృత్వంలోని కేంద్ర ప్రభుత్వం ఈ రెండు ప్రాజెక్ట్ లను ఇప్పటి వరకు ఆమోదించలేదు. పైగా రాష్ట్ర ప్రభుత్వం డిటైల్డ్ ప్రాజెక్ట్ రిపోర్ట్ పంపినా, అది లేదు, ఇది లేదు అంటూ, చివరకు మెట్రోకి పర్మిషన్ ఇవ్వలేదు... అందుకే రాష్ట్ర ప్రభుత్వం లైట్ మెట్రో వైపు అడుగులు వేస్తూ, బయట నుంచి లోన్ తెచ్చుకుని ఈ ప్రాజెక్టులను అమలు చేయడానికి ప్రయత్నిస్తోంది. మొత్తం మీద, 49 వేల కోట్ల ప్రాజెక్ట్ ల్లో, దగా పడ్డ ఆంధ్ర రాష్ట్రానికి ఒక్క పైసా కూడా లేకుండా, కేంద్రం మరోసారి అన్యాయం చేసిందనే చెప్పాలి...

తిరుమల అంటే ప్రతి ఒక్కరకీ ఎంతో పవిత్రమైన స్థలం... ఆ వెంకన్నను దర్శించుకుని, జీవితంలో ముందుకు పోతూ ఉంటాం... సామాన్య భక్తులు గంటలు గంటలు లైన్లలో ఉండి దర్శనం చేసుకోవాలి... నాయకులకు మాత్రం ఎల్-1, ఎల్-2 అని 500 రూపాయలకే టికెట్ ఉండటంతో, వారు ఇష్టం వాచినట్టు, వచ్చినట్టు మందీ మార్బలం వేసుకుని వచ్చి, ప్రధమ ప్రాధాన్యం ఉంది అని దర్శనం చేసుకుని వెళ్ళిపోతూ ఉంటారు... రోజా లాంటి నేతల గొడవలు చూస్తూనే ఉంటాం... ప్రతి వారం శ్రీవారి గుడికి వెళ్ళటం, తనతో పాటు 50 మందికి కూడా ఎల్-1, ఎల్-2 టికెట్లు ఇవ్వాలి అని గొడవ చెయ్యటం... ఇవ్వకపోతే గుడి ముందే ధర్నా చేసి, తిరుమల పవిత్రతను పాడు చెయ్యటం... ఇలాంటి వారితో విసుగెత్తి పోయిన టిటిడి, సంచలన నిర్ణయం తీసుకుని..

శ్రీవారి దర్శనార్ధం ప్రముఖులకు కేటాయించే వీఐపీ దర్శన టికెట్ ధరలు పెంచుతూ ప్రభుత్వానికి ప్రతిపాదనలు పంపించింది. ప్రభుత్వం ఒప్పుకోవటమే తరువాయి... ప్రధమ ప్రాధాన్యం ఎల్-1 టికెట్ ధర 500 నుంచి 5 వేలకు, ద్వితీయ ప్రాధాన్యం ఎల్-2 టికెట్ రూ.500 నుంచి రూ.2వేలకు పెంచడానికి ప్రతిపాదనలు సిద్ధం చేసింది. ఎల్1 టికెట్లకున్న ఒత్తిళ్ల నేపథ్యంలోనే టీటీడీ ఈ నిర్ణయానికి వచ్చింది. ఎల్ 3 టికెట్ ధరను మాత్రం యధాతథంగా ఉంచనున్నారు. ఈ ప్రతిపాదనలను ఇప్పటికే ప్రభుత్వానికి పంపినట్లు సమాచారం. అక్కడి నుంచి గ్రీన్సిగ్నల్ వచ్చిన వెంటనే అమలు చేయడానికి టీటీడీ సమాయత్తమవుతోంది.

ఎల్-1, ఎల్-2 టికెట్లకున్న డిమాండు దృష్యా ఐదేళ్లగా ధరలు పెంచే అంశం వాయిదా పడుతూ వస్తుంది. ధర్మకర్తలలో ఉన్న మెజారిటీ సభ్యులు తమకు ప్రజల నుంచి వ్యతిరేకత వస్తుందన్న అభిప్రాయాన్ని వ్యక్తం చేయడంతో ధరల పెంపు వాయిదా పడింది. ప్రస్తుతం ధర్మకర్తల మండలి లేకపోవడంతో ఉన్నతాధికారులు వీఐపీ టికెట్ ధరలు పెంచాలన్న నిర్ణయానికి వచ్చారు. ఆరు నెలలుగా ఎల్-1 టికెట్లను కేవలం ప్రొటోకాల్ వర్తించే ప్రముఖులకు మాత్రమే కేటాయిస్తున్నారు. అప్పటి నుంచి ఎల్-1 టికెట్ల కోసం అధికారుల పై ఒత్తిళ్లు బాగా పెరిగాయి. రోజా లాంటి నేతలు అయితే, మాతో పాటు వచ్చిన అందరికీ ఎల్-1 టిక్కెట్ లు ఇవ్వాల్సిందే అని గొడవ చేసిన విషయాలు కూడా విన్నాం.. ఇక ఇలాంటి వారి ఆటల ఇక సాగవు...

ముఖ్యమంత్రి చంద్రబాబు ప్రభుత్వంలో ఉండి మన రాష్ట్రం కోసం ఎంత శ్రమిస్తున్నారో, దానికి రివర్స్ లో చాలా మంది తెలుగుదేశం నాయకులు ఉదాసీనంగా ఉంటున్నారు... కొద్ది మంది నాయకులు తప్పితే, ప్రభుత్వం చేస్తున్న అభివృద్ధి, సంక్షేమ పధకాలు ప్రజల్లోకి తీసుకువెళ్ళే వారు లేరు... చంద్రబాబు ఎంత చెప్పినా ఈ నాయకులు మారటం లేదు... ఎంత పెద్ద విషయం జరిగినా, చివరకి ముఖ్యమంత్రి స్పందించాల్సిందే కాని, తెలుగుదేశం నాయకులు మాత్రం స్పందించరు... అందుకే చంద్రబాబు వీరి పులుసు వంచటానికి ఎప్పుడూ ప్రజల్లోని ఉండేలా కొన్ని రోజుల నుంచి అనేక కార్యక్రమాలు చేస్తున్నారు... తెలుగుదేశం నాయకులని ఊపిరి ఆడనియ్యకుండా, ప్రజా సమస్యల పరిష్కారం కోసం వారిని ప్రజల్లోనే ఉంచుతున్నారు...

నేను రాష్ట్ర అభివృద్ధి చూసుకుంటా, మీరు ప్రజల సమస్యలు చూడండి అనే విధంగా కార్యక్రమాలు జరుగుతున్నాయి... రాజకీయంగా దీని ఫలితాలు కూడా ఆయనకు కనిపిస్తున్నాయి... పార్టీ ఎమ్మెల్యేలపై ప్రజల్లో సంతృప్తి శాతం పెరిగినట్లు టీడీపీ అంతర్గత సర్వేలు సూచిస్తున్నాయి... నవంబర్ నెలకు ముందు, జన చైతన్య యాత్రలు పెట్టారు... నవంబరు నుంచి డిసెంబరు నెలాఖరు వరకూ ఇంటింటికీ తెలుగుదేశం కార్యక్రమం నిర్వహించారు. ఊరకే మొక్కుబడిగా కార్యక్రమాన్ని నిర్ణయించడం.. నిర్వహించడం కాకుండా ప్రతి రోజు, ప్రతి ఎమ్మల్యేని ఫాలోఅప్ అయ్యేవారు చంద్రబాబు. మొత్తం ఆరు రకాల నిబంధనలు పెట్టి వాటి ఆధారంగా నియోజకవర్గాలకు గ్రేడింగ్‌ ఇచ్చారు. ఈ గ్రేడింగ్‌ను పార్టీ అంతర్గత సమావేశాల్లో చదివి వినిపించారు. దీనితో వెనుకబడి ఉన్న ఎమ్మెల్యేలు, నియోజకవర్గాల ఇన్‌చార్జుల్లో వేడి పుట్టి ఎవరికి వారు గ్రేడింగ్‌ పెంచుకోవడానికి విస్తృత పర్యటనలు చేశారు

దీని కొనసాగింపుగా మంగళవారం నుంచి 11వ తేదీ వరకు పది రోజులపాటు జన్మభూమి కార్యక్రమాన్ని రాష్ట్ర ప్రభుత్వం తరపున అధికారికంగా నిర్వహిస్తున్నారు. ఇప్పుడు నాయకులతో పాటు, అధికార బృందాలు ప్రతి గ్రామాన్ని, ప్రతి నివాస ప్రాంతాన్ని సందర్శించేలా ప్రణాళిక రూపొందించారు. ప్రజా ప్రతినిధులు కూడా తప్పనిసరిగా ఈ పది రోజులూ ప్రజల్లోనే ఉండాలని ఆదేశించారు. ప్రజల్లోకి పదే పదే ప్రజా ప్రతినిధులు, పార్టీ నేతలు వెళ్లడం వల్ల వారి సమస్యలు తెలుస్తాయని, అవి తెలిస్తే పరిష్కరించే దిశగా వ్యూహం రూపొందించుకోవచ్చునని ముఖ్యమంత్రి ఆశిస్తున్నారు. ఒకసారి వెళ్లి సమస్యలు విని రావడం కాకుండా పదే పదే వెళ్లాల్సి రావడంతో పెద్ద సంఖ్యలో ఎమ్మెల్యేలు తమ దృష్టికి వచ్చిన సమస్యల పరిష్కారంపై శ్రద్ధ పెడుతున్నారు.