news

సమర్ధవంతమైన ముఖ్యమంత్రికి, సమర్ధవంతమైన అధికారి తోడైతే ? టెక్నాలజీతో పరిపాలన సాగించి, ప్రజలకు మరిన్ని సేవలు అందిచాలన్న ముఖ్యమంత్రి ఆశయానికి, ప్రభుత్వ ఉద్యోగులు తోడైతే ? ఐఐటీ కాన్పూర్‌లో మెకానికల్‌ ఇంజనీరింగ్‌లో ఎంటెక్‌ పూర్తి చేసిన అధికారి అయితే ?ఆ రిజల్ట్ ఎలా ఉంటుంది ? మనల్ని పాలించే నాయకులు, అధికారులు, మనకోసమే వినూత్న ఆలోచనలతో, మన ముందుకు వస్తుంటే, అంతకంటే మనకు ఏమి కావలి... ఇలాంటి నాయకులు అరుదుగా ఉంటారు, ఇలాంటి అధికారులు, ఇంకా అరుదుగా దొరుకుతారు.... నవ్యాంధ్రకు అలాంటి ఒక సమర్ధవంతమైన అధికారే నండూరి సాంబశివరావు... ఆంధ్రప్రదేశ్‌ రోడ్డు రవాణా సంస్థ (APS RTC) మేనేజింగ్‌ డైరెక్టర్‌గా, ఆంధ్రప్రదేశ్ డీజీపీగా, తనదైన ముద్ర వేసి, చంద్రబాబు విజన్ కు దగ్గరగా, ఆయన ఆలోచనలకు అనుగుణంగా పని చేసిన వారిలో ముందు వరుసలో ఉండే నండూరి సాంబశివరావు గారికి పదవీవిరమణ శుభాకాంక్షలు...

మొట్టమొదటి సారి ఒక అధికారి మీద ఇంత అభిమానం సామాన్య ప్రజలకు ఉండటానికి కారణం, ఈయన చొరవతోనే, మన గడ్డ నుంచే మన పాలన అంటూ, మొట్టమొదటి డిపార్టుమెంటు హైదరాబాద్ నుంచి మన అమవారతికి తరలి వచ్చింది... తరువాత ఆర్టీసీలో సంస్కరణలు అయితే, ప్రతి ఒక్క పౌరిడుకి చేరువు అయ్యాయి... ఇక పోలీస్ బాస్ గా అయితే చెప్పనవసరం లేదు, ముఖ్యమంత్రి అసలు మన రాష్ట్రంలో నేరాలు జరగకూడదు అని టార్గెట్ ఇస్తే, దాని వైపు అడుగులు వేస్తూ, కడపలో దొంగతనం చేస్తూ ఉండగానే దొంగను పట్టుకోవటం, ఇప్పుడు దేశం అంతా కేస్ స్టడీ అయ్యింది...

1984 బ్యాచ్‌కు చెందిన ఐపీఎస్‌ అధికారి సాంబశివరావు. ప్రకాశం జిల్లా ఒంగోలుకు చెందిన సాంబశివరావు ఆంధ్రా యూనివర్సిటీలో (1974-79) ఇంజనీరింగ్‌ పూర్తి చేశారు. ఆ తర్వాత ఆయన (1979-81 )ఐఐటీ కాన్పూర్‌లో మెకానికల్‌ ఇంజనీరింగ్‌లో ఎంటెక్‌ పూర్తిచేశారు. 1984లో ఐపీఎ్‌సకు ఎంపికయ్యారు. ఉమ్మడి రాష్ట్రంలో పోలీసు శాఖలో పలు కీలక పదవులు చేపట్టారు. విశాఖ పోలీసు కమిషనర్‌గా పనిచేశారు. ఆ సమయంలోనే అనేక సంస్కరణలు తీసుకొచ్చారు. అలాగే, రాష్ట్రం ఏర్పడిన తర్వాత, అగ్నిమాపక శాఖలో అదనపు డీజీగా, పోలీసు అకాడమీ డైరెక్టర్‌గా, ఆంధ్రప్రదేశ్‌ రోడ్డు రవాణా సంస్థ (APS RTC) మేనేజింగ్‌ డైరెక్టర్‌గా పనిచేశారు. సమర్థత, సీనియారిటీ ఆధారంగా, చంద్రబాబు, డీజీపీగా సాంబశివరావు వైపు మొగ్గు చూపారు. సాంబశివరావు గారి సామర్ధ్యం నవ్యాంధ్ర ప్రయాణంలో ఎంతో అవసరం... ఈయన్ను చంద్రబాబు వదలరు... ఈయన సేవలు, కచ్చితంగా ఎదో ఒక రూపంలో వినియోగించుకుంటారు... వీడ్కోలు సార్...

ప్రకాశం బ్యారేజీ నిర్మించి 60 ఏళ్లయిన సందర్భంగా విజయవాడలోని దుర్గా ఘాట్ వద్ద శుక్రవారం రాత్రి ఏర్పాటు చేసిన కార్యక్రమానికి ముఖ్యమంత్రి చంద్రబాబు హాజరయ్యారు... ఈ సందర్భంగా చంద్రబాబు మాట్లాడుతూ, ఇవాళ ఉన్న పరిస్థుతుల్లో పట్టిసీమ నిర్మించుకుని ఉండకపోతే ఈ రోజు ఇక్కడ ఇలా ఘనంగా కార్యక్రమం చేసుకునే పరిస్థితి ఉండేది కాదని, ఇక్కడ నిలబడితే జనం రాళ్లు వేసే పరిస్థితి ఉండేదని వ్యాఖ్యానించారు. కృష్ణా జలాలు పై నుంచి తగ్గిపోయిన నేపధ్యంలో అక్టోబర్ చివరి దాకా నీళ్ళు రాలేదు అని, కాని మనం పట్టిసీమతో జూన్ నుంచే నీళ్ళు ఇచ్చామని, రికార్డు పంట పండింది అని, అటు రాయలసీమ, ఇటు కృష్ణా జిల్లాకి కూడా సరిపడా నీళ్ళు ఇచ్చామని అని అన్నారు...

ఎక్కడ నీళ్లుంటే అక్కడ ప్రాజెక్టులు కట్టుకోవడమే ముఖ్యమని, సాధ్యత ఉందా లేదా అనుకుంటే కుదరదని చంద్రబాబు అన్నారు...ఎన్ని అడ్డంకులు వచ్చినా పోలవరం పూర్తి చేసి తీరతానిని చెప్పారు.. కేంద్రం బిల్లులు సకాలంలో చెల్లిస్తే ప్రాజెక్టు పూర్తవుతుంది. 2018 నాటికే గ్రావిటీ ద్వారా నీళ్లు ఇవ్వాలనుకున్నా. కాంక్రీటు పనులు వేగం పుంజుకోవాల్సి ఉంద’ని ముఖ్యమంత్రి అన్నారు. పోలవరం ప్రాజెక్టు పనుల్లో కీలకమైన ఎగువ కాఫర్‌ డ్యామ్‌ నిర్మాణంపై కేంద్రం నుంచి ఇంకా ఎలాంటి సమాచారమూ రాలేదని ముఖ్యమంత్రి చంద్రబాబు పేర్కొన్నారు. స్పిల్‌వే, స్పిల్‌ ఛానల్‌ కాంక్రీట్‌ పనులు మిగిలిపోయాయని చెప్పారు.

నాడు ప్రకాశం బ్యారేజీ నిర్మాణ పనుల్లో భాగస్వాములైన సిబ్బందిని సన్మానించారు. గోదావరి, ప్రకాశం ఆనకట్ట, బ్యారేజీల నిర్మాణం, కాటన్‌దొర, ప్రకాశం పంతులు, నీలం సంజీవరెడ్డి, ఓర్‌ తదితరుల పాత్రను, చరిత్రను స్మరించుకున్నారు. ఆంధ్ర రాష్ట్రం ఏర్పడ్డాక నాడే కర్నూలు కాకుండా విజయవాడ రాజధాని అయి ఉంటే ఇప్పటికే రాష్ట్రం దేశంలోనే అగ్రగామిగా ఉండేదని వ్యాఖ్యానించారు. నాడు ముఖ్యమంత్రి ప్రకాశం పంతులు ఆర్థిక మంత్రి తెన్నేటి విశ్వనాథాన్ని ప్రకాశం బ్యారేజీ నిర్మాణ నిధుల కోసం ప్రణాళికాసంఘం వద్దకు పంపితే కేంద్ర సహకారం లభించలేదని అన్నారు. సొంత నిధులతోనే నిర్మించుకుందామని ప్రకాశం పంతులు పని ప్రారంభించారని వివరించారు.

ఆంధ్రప్రదేశ్‌ రాష్ట్ర ప్రభుత్వం ఎంతో ప్రతిష్ఠాత్మకంగా అమలు చేస్తున్న రియల్‌ టైమ్‌ గవర్నెన్స్‌ విధానం పై సోషల్ మీడియాలో ప్రశంసలు వెల్లువెత్తుతున్నాయి. వెలగపూడి సచివాలయంలోని రియల్‌ టైమ్‌ గవర్నెన్స్‌ కమాండ్‌ కంట్రోల్‌ సెంటర్ ని సందర్శించిన రాష్ట్రపతి రామనాథ్‌ కోవింద్‌ ఆ విశేషాలు వివరిస్తూ తన అధికారిక ట్విట్టర్‌ ఎకౌంటు నుంచి మొత్తం 24 ట్వీట్లు చేశారు. ఆ ట్వీట్లను 19,153 మంది లైకు చేయగా.. 4,084 మంది రీట్వీట్‌ చేశారు. ముఖ్యమంత్రి చంద్రబాబు కూడా, సాక్షాత్తు రాష్ట్రపతే ట్వీట్ చెయ్యటంతో, ఎంతో సంతోషిస్తూ అభినందనలు తెలిపారు.

అంతే కాదు మధ్యప్రదేశ్‌ ముఖ్యమంత్రి శివరాజ్‌సింగ్‌ చౌహాన్‌, కన్నడ సినీనటుడు ఉపేంద్ర, రాష్ట్రపతి ప్రెస్‌ కార్యదర్శి అశోక్‌ మాలిక్‌, కర్ణాటక పాత్రికేయుడు చక్రవర్తి సులిబెలె సహా పలువురు ప్రముఖులు రియల్‌ టైమ్‌ గవర్నెన్స్‌ కేంద్రంలో కూర్చొని సమీక్షిస్తున్న చంద్రబాబు ఫోటోని ట్విట్టర్‌లో పోస్టు చేసి అభినందనలు తెలిపారు. చంద్రబాబు చిత్రానికి నటుడు ఉపేంద్ర పారదర్శకత అనే మాటలు పెట్టి పోస్టు చేశారు. ప్రధానమంత్రి నరేంద్రమోదీ ఆకాంక్షించే డిజిటల్‌ సాధికార భారతదేశానికి ఆంధ్రప్రదేశ్‌ రాష్ట్ర ఫైబర్‌ నెట్‌ లిమిటెడ్‌ పెద్ద బలం. నామమాత్రపు ధరకు అత్యంత వేగవంతమైన అంతర్జాల సదుపాయాన్ని అందించి రాష్ట్రం మొత్తాన్ని డిజిటల్‌ పరంగా అనుసంధానించే దూరదృష్టి గొప్పది. ముఖ్యమంత్రి చంద్రబాబు, అతని బృందాన్ని అభినందిస్తున్నా అంటూ మధ్యప్రదేశ్‌ ముఖ్యమంత్రి శివరాజ్‌సింగ్‌ చౌహాన్‌ ట్వీట్ చేసారు. 

చక్రవర్తి సులిబెలె, అనే ప్రముఖ పాత్రికేయుడు ట్వీట్ చేస్తూ, ఐటీ నగరమైన బెంగళూరుకు 500 కిమీ దూరంలో ఉన్న ఆంధ్రప్రదేశ్‌ రాజధానిలో రియల్‌టైమ్‌ గవర్నెన్స్‌ ద్వారా పాలిస్తున్నారు. కర్ణాటకలో మనం నిద్రపోతున్నాం అన్నారు... ఆంధ్రప్రదేశ్‌ ప్రభుత్వం మూడేళ్లుగా సీఎం డ్యాష్‌బోర్డును నిర్వహిస్తోంది. సాంకేతికతను వినియోగించి పథకాల అమలును పర్యవేక్షిస్తోంది. మిగతా రాష్ట్రాలు కూడా ఈ బాటలో నడవాలి, అంటూ ది లాజికల్‌ ఇండియన్‌ అనే మీడియా కంపెనీ ట్వీట్ చేసింది... ఆంధ్రప్రదేశ్‌ ముఖ్యమంత్రికి అభినందనలు. బెంగళూరు లాంటి సిలికాన్‌ నగరం ఇలాంటి నాయకుడిని కోరుకుంటోంది అంటూ బెంగళూరు వాసులు ట్వీట్ చేసారు.