news

హైకోర్ట్ విభజించాలి అంటూ, నిన్న తెరాస ఎంపీలు పార్లమెంట్ లో చేసిన హడావిడి చూసాం... ఇక్కడ కూడా చంద్రబాబుని తిడుతూ పబ్బం గడుపుకున్నారు... ఎందుకంటే కేసీఆర్ రాజకీయంగా నిలదొక్కుకోవాలి అంటే, చంద్రబాబుని తిట్టల్సిందే.... ఆయన పరిపాలనలో పొడిచింది ఏమి లేదు కాబట్టి, చంద్రబాబు మీద పడి ఏడుస్తా ఉంటాడు.... నిన్న జరిగింది కూడా అదే. నిజానికి తెరాస ఎంపీలు జూలై 2016లో హై కోర్ట్ విభజన పై ఒకసారి ఆందోళన చేశారు. అంతే మళ్ళీ సైలెంట్ అయిపోయారు.. ఏమైందో ఏంటో, నిన్న సడన్ గా హైకోర్టు కోసం తెరాస ఎంపీల పార్లమెంటులో నిరసన తెలిపారు... అసలు విషయం ఏంటి అంటే, చంద్రబాబు లేఖ....

ఆంధ్రప్రదేశ్ ముఖ్యమంత్రి చంద్రబాబు ఉమ్మడి హైకోర్టు ప్రధాన న్యాయమూర్తి గారికి వ్రాసిన లేఖ గురించి తెలిసి... అంతకుముందే ప్రత్యేక హైకోర్టు కోసం పార్లమెంటులో పోరాడింది తెరాసానే అని రాజకీయ లబ్ది పొందడం కోసం ఈ హడావిడి చేసారు. అచ్చం ప్రత్యేక తెలంగాణ కోసం సకల జనుల పోరాటం వల్ల కాదు తనవల్లే ప్రత్యేక రాష్ట్రం వచ్చింది అని తెలంగాణా ప్రజలని ఎలా నమ్మించాడో అలా.. ప్రత్యేక హైకోర్టు ఏర్పటులో కేసీఆర్ చేసేదేమి చేయలేక తన పదవీకాలం ముగింపు దశలో అదీ చంద్రబాబు సంసిద్దత వ్యక్తం చేస్తూ పంపిన లేఖను నమ్మి, పార్లమెంటులో తెరాస ఏంపీ ల రాజకీయ లబ్దికోసం చేసిన జిమ్మిక్కు హడావిడే తప్ప ఈయన పొడించింది ఏమి లేదు...

ఈ హై కోర్ట్ విభజన విషయంలో ఆంధ్రప్రదేశ్ ప్రభుత్వం, ఎప్పటి నుంచో కసరత్తు చేస్తుంది. చేసింది అంతా చంద్రబాబు అయితే, ఇక్కడ కెసిఆర్ చివరి నిమిషంలో వచ్చి డ్రామాలు ఆడుతున్నాడు. రాజ‌ధాని అమ‌రావ‌తిలో మొద‌టి ద‌శ నిర్మాణాల్లో హైకోర్టు భ‌వ‌నం కూడా ఉంది. దానికి సంబంధించిన న‌మూనాల‌ను కూడా ఇటీవ‌లే ముఖ్య‌మంత్రి ఓకే చేశారు. అయితే, ఆ భ‌వ‌నం పూర్త‌య్యే వ‌ర‌కూ హైకోర్టు ఏర్పాటు జ‌ర‌గ‌దా అనే అనుమానం అవ‌స‌రం లేద‌నే సంకేతాలను కూడా ఏపీ స‌ర్కారు ఇస్తోంది. విజ‌య‌వాడ‌లో ఓ తాత్కాలిక భ‌వ‌నం కోసం అన్వేషిస్తున్నార‌నీ, ప్ర‌ధాన న్యాయ‌మూర్తిని తీసుకెళ్లి, వారికి అనుకూల‌మైన భ‌వ‌నాన్ని చూపించి.. కోర్టును ఏర్పాటు చేయాల‌నే ఉద్దేశంలో, ఇప్పటికే ఉమ్మడి హైకోర్టు ప్రధాన న్యాయమూర్తికి చంద్రబాబు లేఖ రాశారు. ఇక్కడ చంద్రబాబు మీద పడి ఏడవటం ఎందుకు అంటే, కెసిఆర్ తన పరిపాలన గురించి చెప్పుకోవటం కంటే, చంద్రబాబుని తిట్టి విద్వేషాలు రెచ్చగొడితేనే తనకి భవిష్యత్తు అని భావించి ఇలా ఏడుస్తున్నాడు...

భారత రాష్ట్రపతి రామ్‌నాధ్ కోవింద్ ఢిల్లీ వెళ్లిన తరువాత కూడా, ఆంధ్రప్రదేశ్ పర్యటన గురించి ప్రస్తావిస్తూ ట్వీట్ చేశారు. చంద్రబాబు నాయకత్వంలో అద్భుతమైన రాజాధాని ప్రజలు కోరుకుంటున్నారు అని, అమరావతి పూర్తి అయిన తరువాత, దేశంలోనే నెంబర్ వన్ సిటీగా ఉంటుంది అని ట్వీట్ చేశారు. అంతే కాదు, రియల్ టైమ్ గవర్నెన్స్ సెంటర్ గురించి ప్రపంచానికి తన ట్వీట్ ద్వరా ప్రపంచానికి చెప్పారు. ఆసియాలోనే అతి పెద్ద వీడియో వాల్ ఇక్కడ ఉంది అని, ఇక్కడ నుంచి పరిపాలన అద్భుతంగా జరుగుతుంది అని ట్వీట్ చేసారు.

మన ఫైబర్ నెట్ గురించి కూడా ట్వీట్ చేస్తూ, 149 రూపాయిలకే ఇంటర్నెట్, టీవీ, ఫోన్ ఇస్తున్న విషయం ప్రస్తావించారు. కంపెనీలు కోసం ప్లగ్ అండ్ ప్లే విధానం ప్రవేశపెట్టింది అని ఆంధ్రప్రదేశ్ రాష్ట్రాన్ని కొనియాడారు. డ్రోన్ల ద్వారా ఆంధ్రప్రదేశ్ ప్రభుత్వం రియల్ టైం మానిటరింగ్ ఎలా చేస్తుందో చెప్పారు.. రాష్ట్రపతి ట్వీట్లతో ముఖ్యమంత్రి చంద్రబాబుతో పాటు, అధికారులు కూడా సంతోషం వ్యక్తం చేశారు. స్వయంగా భారత రాష్ట్రపతి ట్వీట్ చెయ్యటంతో, ప్రపంచమంతా మన గురించి తెలుసుకుంటారు అని సంతోషం వ్యక్తం చేశారు. అంతకు ముందు, అమరావతి సచివాలయంలోని మొదటి భవనంలోని రాష్ట్ర స్థాయి రియల్ టైమ్ గవర్నెన్స్ మరియు కమాండ్ కంట్రోలు కేంద్రాన్ని ఆయన సందర్శించారు. ఆంధ్రప్రదేశ్ రాష్ట్రంలో రియల్ టైమ్ గవర్నెన్స్ అనే వినూతన్న కార్యక్రమానికి శ్రీకారం చుట్టి మంచి ఫలితాలు సాధించడం పట్ల భారత రాష్ట్రపతి రామ్‌నాధ్ కోవింద్ పూర్తి సంతృప్తిని వ్యక్తం చేయడంతో పాటు ముఖ్యమంత్రి ఎన్.చంద్రబాబు నాయుడుకు ప్రభుత్వానికి ప్రత్యేకంగా అభినందనులు తెలిపారు.

ఈ సందర్భంగా ముఖ్యమంత్రి ఎన్. చంద్రబాబు నాయుడు రియల్ టైమ్ గవర్నెన్స్ విధానంపై రాష్ట్రపతికి పవర్ పాయింట్ ప్రజెంటేషన్ ద్వారా వివరించారు. ముఖ్యమంత్రి ప్రజెంటేషన్ తర్వాత రాష్ట్రపతి రామ్‌నాధ్ కోవింద్ మాట్లాడుతూ రియల్ టైమ్ గవర్నెన్స్ అనే వినూత్న కార్యక్రమానికి శ్రీకారం చుట్టి మంచి ఫలితాలు సాధించడం పట్ల తాను ఎంతో గర్వపడుతున్నానని ఆయన పూర్తి సంతృప్తిని వ్యక్తం చేశారు. ఈ సందర్భంగా రాష్ట్ర ముఖ్యమంత్రి చంద్రబాబు నాయుడుకి ప్రభుత్వ యంత్రాంగానికి ప్రత్యేక అభినందనలు తెలిపారు. ఈ విధానం ద్వారా రాష్ట్రంలో సాధించిన ఫలితాలు కేవలం ఎపికే పరిమితం కాకుండా దేశమంతటికీ ఇవి ఉపయోగపడే రీతిలో జాతీయ స్థాయిలో ఆర్టీజిపై ప్రజెంటేషన్ ఇవ్వాలని రాష్ట్రపతి ముఖ్యమంత్రికి సలహా ఇచ్చారు. జాతీయ స్థాయిలో ప్రధానమంత్రి నరేంద్ర మోది నేతృత్వంలో మేకిన్ ఇండియా, డిజిటల్ ఇండియా వంటి కార్యక్రమాలు చేపట్టడం జరిగిందని వాటికి ఈకార్యక్రమాలు ఒక ప్రేరణగా నిలుస్తాయని రాష్ట్రపతి కోవింద్ పేర్కొన్నారు.

భార‌త రాష్ట్ర‌ప‌తి రామ్ నాథ్ కోవింద్ స‌తీమ‌ణి, దేశ ప్ర‌థ‌మ మ‌హిళ విజ‌య‌వాడ న‌గ‌రంలో మూడు గంట‌ల పాటు ప‌ర్య‌టించారు. రాష్ట్ర‌ప‌తితోపాటు గ‌న్న‌వ‌రం ఎయిర్ పోర్ట్ కు చేరుకున్న స‌విత‌ కోవింద్, కుమార్తె స్వాతితో కలిసి విడిగా విజ‌య‌వాడ‌లో ప్ర‌త్యేక కార్య‌క్ర‌మాల్లో పాల్గొన్నారు. స‌విత కోవింద్, స్వాతి కోవింద్ ల‌కు రాష్ట్ర ప‌ర్యాట‌క శాఖ మంత్రి భూమా అఖిల ప్రియ ఆత్మీయ స్వాగ‌తం ప‌లికారు. అమరావతిలో జరిగిన ఫైబర్ గ్రిడ్ ప్రారంభోత్సవంలో కోవింద్ పాల్గొనగా, ఆమె గన్నవరం ఎయిర్ పోర్ట్ నుంచి, రోడ్డు మార్గం ద్వారా విజయవాడ వెళ్లారు, అక్కడ నుంచి వెలగపూడి సచివాలయానికి వెళ్లారు.

ఈ సందర్భంగా, విజయవాడ రోడ్లు, వెలగపూడి రోడ్లు క్లీన్ గా ఉండటం పై స‌విత‌ కోవింద్, భుమా అఖిల ప్రియతో ప్రభుత్వ పని తీరును మెచ్చుకున్నారు. రోడ్లుకి ఇరు వైపులా మొక్కలు, గోడలకి పెయింటింగ్స్ ఇవన్నీ చూసి, మెచ్చుకున్నారు దేశ ప్రధమ మహిళ... రోడ్లు కూడా చాలా క్లీన్ గా ఉన్నాయని కొనియాడారు... ఈ సందర్భంగా స్వచ్ఛ ఆంధ్ర కోసం ప్రభుత్వం తీసుకుంటున్న చర్యలు అఖిల ప్రియ వివారించారు. స‌విత కోవింద్ ముందుగా, స్వ‌రాజ్ మైదాన్ లో పుష్ప ప్ర‌ద‌ర్శ‌న‌ను స‌విత కోవింద్ సంద‌ర్శించారు.అనంత‌రం క‌న‌క‌దుర్గ ఆల‌యాన్ని స‌విత కోవింద్ ద‌ర్శించి అమ్మ‌వారికి ప్ర‌త్యేక పూజ‌లు చేశారు. ఆల‌య మ‌ర్యాద‌ల‌తో ప్ర‌థ‌మ మ‌హిళ‌ల‌కు స్వాగ‌తం ప‌లికిన వేద‌పండితులు స‌విత కోవింద్, స్వాతి ల‌కు ఆశీర్వ‌చ‌నం చేశారు.

అక్కడ నుంచి భవానీ ఐలాండ్ కు వెళ్లారు. సవితా కోవింద్ భవాని ద్వీపంలో గంటకు పైగా గడిపారు. హరిత బెర్మ్ పార్క్ నుంచి బోటులో సవితా కోవింద్ , స్వాతి కోవింద్ లను మంత్రి అఖిల ప్రియ భవానీ ద్వీపానికి తీసుకువెళ్ళారు. అక్కడ మేళతాళాలు, డప్పు వాయిద్యాలతో కళాకారులు స్వాగతం పలికారు. అనంతరం నృత్యం, కోలాటం ప్రదర్శనలను సవితా కోవింద్ తిలకించారు. దేశంలోనే ప్రతిష్ఠాత్మకంగా ఏపీ టూరిజం ప్రవేశపెట్టిన మ్యూజికల్ ఫౌంటెయిన్ ను ప్రథమ మహిళ ఆసక్తిగా చూశారు. భవాని ద్వీపం చాలా బాగుందని, ఇక్కడ పర్యాటకం ఎంతో ఆహ్లాదంగా ఉందని సవితా కోవింద్ కొనియాడారు. ఆమెకు సంప్రదాయ పద్దతిలో మంత్రి అఖిల ప్రియ పట్టు చీర‌లు, ల‌డ్డులు, క‌జ్జికాయ‌లు బహూకరించారు.