news

హైదరాబాద్ ఉమ్మడి రాజధాని... హైదరాబాద్ లో ఎంతో మంది ఆంధ్రా ప్రాంతం వాళ్ళు ఉన్నారు... వారికి నీటి కేటాయింపుల్లో, ఆంధ్రప్రదేశ్ వాటా నుంచి నీళ్ళు ఇవ్వాలి అని తెలంగాణా ఇరిగేషన్ అధికారులు కృష్ణా బోర్డు ముందు వాదిస్తే, దానికి మన ఆంధ్రప్రదేశ్ అధికారులు దిమ్మ తిరిగే కౌంటర్ ఇచ్చారు... ఇప్పుడు మీకు హైదరాబాద్ ఉమ్మడి రాజధాని అనే విషయం గుర్తుకువచ్చిందా ? అయితే, మా ఆంధ్రా వాళ్ళు ఉంటున్నారు అంటున్నారుగా, హైదరాబాద్ ఆదాయంలో మాకూ వాటా ఇవ్వండి.. మీకు మేము నీళ్ళు ఇస్తాం అనగానే, తెలంగాణా అధికారులు షాక్ అయ్యి, ఆ ప్రతిపాదన విరమించుకున్నారు...

నీటి వాటాల విషయంలో తెలంగాణ, ఆంధ్రప్రదేశ్ మధ్య రగులుతున్న వివాదానికి తెర దించింది కృష్ణా ట్రిబ్యునల్. ట్రిబ్యునల్ తీర్పు ప్రకారం 511:299 నిష్పత్తి ప్రకారం ప్రస్తుతం ఉన్న నీటిని ఇరు రాష్ట్రాలకు బోర్డు పంచింది. శనివారం జలసౌధాలో నీటి వాటాల కేటాయింపు బోర్డు ఇరు రాష్ట్రాల అధికారులతో సుదీర్ఘ సమావేశం నిర్వహించింది. వచ్చే ఏడాది జూన్ నాటికి ఆంధ్రప్రదేశ్ కు 217.8 టిఎంసీలు, తెలంగాణకు 112.2 టిఎంసీలను కేటాయించింది. ఈ నిర్ణయానికి ఇరు రాష్ట్రాలు ఆమోదం తెలిపాయి. ప్రస్తుతం కృష్ణా బేసిన్లో మొత్తం 330 టి.ఎంసీల నీరుంది. ట్రిబ్యునల్ తీర్పు ప్రకారం ఏపికి 66 శాతం, తెలంగాణకు 34శాతం నీటిని కేటాయించినట్లు బోర్డు చైర్మన్ తెలిపారు.

ఇక పోతిరెడ్డిపాడు వద్ద ఏర్పాటు చేసిన టెలిమెట్రీ ట్యాంపరింగ్ ఆయిందని తెలంగాణ ఫిర్యాదు చేసింది. దీంతో ఎక్కువ నీటిని ఏపి వాడుకున్నప్పటికి తక్కువ చూపిస్తోందని తెలిపింది. ఈ అన్యాయం పై చర్యలు తీసుకోవాలని తెలంగాణ ఆధికారులు పట్టుపట్టారు. దీనిపై స్పందించిన చైర్మన్ ఆది అవాస్తవమని చెప్పేసారు. పోతిరెడ్డిపాడు వద్ద ఏర్పాటు చేసిన టెలిమెట్రీ ప్రయోగాత్మకమేనని, పూర్తి స్థాయిలో దాని ఏర్పాటు జరగలేదని చెప్పారు. అలాగే, హైదరాబాద్ ఇరు రాష్ట్రాలకు ఉమ్మడి రాజధాని అని తెలంగాణ వాదించింది. హైదరాబాద్ కు అవసరమయ్యే నీటిని ఏపి, తెలంగాణల వాటాల నుంచి కేటాయించాలని కోరింది. ఏపి వాటాను కూడా హైదరాబాద్ కు పంపకం చేయాలని తెలిపింది. ఆంధ్రప్రదేశ్ అధికారులు ఈ వాదనను సమర్ధవంతంగా తిప్పి కొట్టటంతో, తెలంగాణా అధికారులు ఆ వాదన పై వెనక్కి తగ్గారు...

ఇది జగన్ కు శ్రీవారి పట్ల ఉన్న విశ్వాసం... శ్రీవారి పై ఉన్న గౌరవం... శ్రీ వేంకటేశ్వర స్వామివారిని దర్శించుకోవడానికి వెళ్లే అన్యమతస్తులు స్వామి వారి పై తమకు నమ్మకం ఉందంటూ ఇవ్వాల్సిన హామీ పత్రం పై సంతకం పెట్టడానికి వైకాపా అధినేత జగన్ తిరస్క రించారు. టిటిడి అధికారులు సంతకం పెట్టమని వెంటపడినా, వారి మీద సీరియస్ అవ్వటంతో, పక్కనే ఉన్న చెవిరెడ్డి, వాళ్ళని పక్కకి తోసేసారు... శనివారం ఉదయం స్వామి వారి దర్శనం కోసం వైకుంఠం కాంప్లెక్స్లో జగన్ డిక్లరేషన్ పై సంతకం చేయాలని విధుల్లో ఉన్న టిటిడి అధికారులు కోరారు....

ఈ సందర్భంగా జగన్ అక్కడున్న సిబ్బంది వైపు ఆశ్చర్యంగా చూశారు. నన్నే అడుగుతారా అన్నట్టు మొఖం పెట్టారు... దీంతో విషయం అర్ధం చేసుకున్న చెవిరెడ్డి, వాళ్ళని పక్కకి తోసేసారు...దీంతో జగన్ లోపలకి దర్శనానికి వెళ్ళిపోయారు. డిక్లరేషన్ పై సంతకాన్ని జగన్ సున్నితంగా తిరస్కరించటం పై ఎలక్రానిక్ మీడియాలో వార్తలు రావడంతో, ప్రజలు కూడా జగన్ చర్యను అసహ్యించుకున్నారు... వైకాపా రాష్ట్ర ప్రధాన కార్యదర్ళి భూమన కరుణాకర్ రెడ్డి ఈ పరిణామంతో తీవ్రంగా మండిపడ్డారు. అసలు జగన్ ను ఎవరూ డిక్లరేషన్ అడగలేదు అని, ఇలాంటివి అవసరం లేదు అన్నారు... కాని, వీడియోలో స్పష్టంగా,సంతకం పెట్టండి అని టిటిడి అధికారులు వెంటపడితే, చెవిరెడ్డి తోసేసింది కనిపిస్తుంది.... అయినా నాస్తికుడు అయిన భూమన కరుణాకర్ రెడ్డికి, శ్రీవారి గురించి ఏమి తెలుసులే...

అంతే కాదు, జగన్ చివరకి శ్రీవారి ప్రసాదం కూడా తీసుకోలేదు... ఇది ఇంకో పెద్ద అపచారం అని పండితులు అంటున్నారు... శ్రీవారి ప్రసాదం ఇవ్వబోయిన పండితులకు ఒక నమస్కారం పెట్టి, జగన్ వెళ్ళిపోయారు... జగన్ చేసిన ఇంకో అపచారం, కొండ పైకి నడుచుకుంటూ వస్తాను అని చెప్పటం... కాని, అలా చెయ్యలేదు... శ్రీవారికి మొక్కు మొక్కుకుని, అలా చెయ్యకుండా వెళ్ళటం, తీవ్ర అపచారం అంటున్నారు... అయినా, ఒక సంతకం, నాకు శ్రీవారి పై నమ్మకం ఉంది అని పెడితే, ఏమైపోతుంది ? అసలు ఈ వివాదమే వచ్చేది కాదు కదా ? పోయిన సారి కూడా ఈ వివాదమే అయ్యింది కదా ? మళ్ళీ అదే తప్పు చేసారు అంటే, ఇది కావాలని చేసేందే కదా ? స్వామి వారి పట్ల భక్తి లేనప్పుడు రావటం ఎందుకు ?

"సొంతింట్లో ఉండాలన్నది ప్రతి ఒక్క రి కల.. అందులో ఉండే ఆనందమే వేరు. ఇక్కడ బాడుగ పెంచరు. ఖాళీ చేయమని ఎవరూ బలవంత పెట్టరు. సమాజంలో సొంతిల్లు ఉంటే హోదా ఇస్తుంది, భరోసా ఇస్తుంది. ఆర్థికంగా ఎన్ని సమస్యలున్నా పేదల కల నెరవేరుస్తాం. సంక్రాంతికి తిరుపతిలో 4600 ఇళ్లను కానుకగా ఇస్తాం" అని సీఎం చంద్రబాబు ప్రకటించారు. తిరుపతి రూరల్ వేదాంతపురం వద్ద ఐహెచ్ఎస్డీపీ కింద నిర్మించిన 1704 ప్రభుత్వ గృహాలకు సంబంధించి తాళాలను శనివారం సాయంత్రం లబ్దిదారులకు ఇచ్చి, వారితో గృహ ప్రవేశం చేయించారు. ఈ సందర్భంగా జరిగిన సభలో చంద్రబాబు మాట్లాడారు. రూ.297 కోట్లతో 7416 ఇళ్లను పూర్తి చేసి ఏడు కొండల పేర్లను పెట్టాలని నిర్ణయించినట్టు చెప్పారు. తాజాగా పూర్తి చేసిన రెండు బ్లాక్లకు వెంకటాద్రి, గరుడాద్రిలుగా పేరు పెట్టామన్నారు. గతంలో 524 ఇళ్లను కేటాయించగా, డిసెంబరులో 3200 ఇళ్లను, జనవరిలో 1400 ఇళ్లను పూర్తి చేసి సంక్రాంతికి ఇస్తామన్నారు.

కాగా, ఇళ్లకోసం పేదలు 2007లో దరఖాస్తు చేసుకుంటే నివాస యోగ్యత లేని విధంగా ఈ గృహ సముదాయాలను నాటి కాంగ్రెస్ ప్రభుత్వం ప్రారంభించి, మధ్యలోనే వదిలేసిందని ఆరోపించారు. ఏడు వేల ఇళ్లను ప్రారంభించినా అందులో 528 గృహాలను పనులు పూర్తి చేయకుండానే పేదలకు కేటాయించిందన్నారు. రూ.176 కోట్ల ఖర్చుచేసి చేతులెత్తేయడంతో తాము మరో రూ.120 కోట్లు వెచ్చించి మొత్తం రూ.296 కోట్లతో ఏడాదిన్నర కాలంలోనే వీటి నిర్మాణం పూర్తి చేస్తున్నటు చంద్రబాబు తెలిపారు. తిరుపతిని అభివృద్ధి చేసిన ఘనత తమ ప్రభుత్వానిదేనని సీఎం చంద్రబాబు స్పష్టంచేశారు. తెలుగుగంగ ప్రాజెక్కతో దాహార్తి తీర్చామన్నారు. ఇస్కా సమావేశాలను నిర్వహించి రోడు, డ్రైన్లను బాగు చేశామని తెలిపారు. స్మార్ట్ సిటీ గా తీర్చిదిద్దేందుకు చర్యలు చేప టామన్నారు. తిరుపతిలో వంద చెరువులను అభివృద్ధి చేసి, లేక్స్ ఆఫ్ సిటీగా చేస్తామని ప్రకటించారు.

ఐహెచ్ఎన్డీపీ లబ్దిదారులతో సీఎం చంద్రబాబు ముఖాముఖి మాట్లాడారు. పదేళ్ల కిందట దరఖాస్తు చేసుకుంటే, ఇప్పుడు సొంతింటి కల సాకారమైందని వనజ అన్నారు. ఇప్పటిదాకా అద్దె ఇంట్లో పడిన ఇబ్బందులను సీఎం దృష్టికి తీసుకొచ్చారు. ఇన్నాళ్లు రూ.2500 అద్దె ఇంట్లో ఉన్న తమకు. ఇకపై సొంతింట్లో ఉండబోతున్నందుకు సంతోషంగా ఉందని శోభ తెలిపారు. సొంతింటి కల ఫలించినందుకు ఆనందంగా ఉందని శ్యామల చెప్పారు. "ఈ ప్రభుత్వం మిమ్మల్ని హ్యాపీగా ఉంచడానికి అన్ని విధాలా పని చేస్తోంది మరి మీరేంచేస్తారు' అంటూ సీఎం చంద్రబాబు లబ్దిదారులను సరదాగా ప్రశ్నించారు. మీకే ఓట్లేస్తాం సార్ అంటూ అంతే వేగంగా లబ్దిదారులు స్పందించడంతో నవ్వులు పూశాయి. చంద్రబాబు కూడా నవ్వతూ. అవును కష్టపడే నాయకులకు ఓట్లేస్తే అధికారంలోకి వచ్చాక మరింత కష్టపడతారు. మనకోసం కష్టపడేవారినే మనం ఎన్నుకోవాలి' అంటూ ముక్తాయింపు ఇచ్చారు. వేదాంతపురం వద్ద జరిగిన కార్యక్రమంలో లబ్దిదారులకు సీఎం చంద్రబాబు ఆస్తులను పంపిణీ చేశారు. 12 ఇన్నోవా కార్లు, 4 ట్రాక్టరు, 10 ఆటోలు, వివిధ కార్పొరేషన్ల ద్వారా రూ88.38 కోట్ల రాయితీ రుణాలు అందజేశారు.