news

ఈ రోజు హైకోర్టులో కుప్పం ఎన్నికల విషయంలో దాఖలు అయిన పిటీషన్ పై విచారణ జరిగింది. చిత్తూరు జిల్లా కుప్పంలో జరుగుతున్న మునిసిపల్ ఎన్నికల్లో, బయట వ్యక్తులు ఎవరూ కూడా కుప్పం వచ్చి ప్రచారం చేయకూడదు అంటూ, తన అనుమతి తీసుకోవాలని, అనుమతి తీసుకోకుండా ప్రచారం చేయకూడదని, అక్కడ డీఎస్పీ జారీ చేసిన సర్క్యులర్ పై, తెలుగుదేశం పార్టీ తరుపున కుప్పంలో పోటీ చేస్తున్న అభ్యర్దులు హైకోర్టులో లంచ్ మోషన్ పిటీషన్ వేసారు. ఈ లంచ్ మోషన్ పిటీషన్ పై ఈ రోజు హైకోర్టు విచారణ చేస్తామని ఒప్పుకుంటూ, మధ్యానం ఈ పిటీషన్ పై విచారణ చేస్తామని చెప్పింది. మధ్యానం తరువాత ఈ పిటీషన్ పై సీనియర్ న్యాయవాది పోసాని వెంకటేశ్వర్లు వాదనలు వినిపించారు. ఈ వాదనలు సందర్భంగా ప్రజాస్వామ్యంలో ప్రాధమిక హక్కులు ఉల్లంఘిస్తూ, ఈ సర్క్యులర్ ఉందని చెప్పి చెప్పటంతో పాటుగా, ప్రత్యర్ధి పక్షం ఎవరు అయితే ఉన్నారో వాళ్ళు బయట నుంచి వచ్చి ప్రచారం చేస్తున్నప్పుడు, మరో పక్షం వారు ఈ విధంగా వ్యవహరించటం ఏమిటి అంటూ కూడా, ఆయన ప్రశ్నించారు. అదే విధంగా ఎన్నికల సమయంలో ప్రచారం చేసుకోవటం అనేది ఆయా రాజకీయ పార్టీలకు సంబంధించిన నాయకులకు పొందే హక్కు అని, దాన్ని ఎవరూ కాదనలేరు అంటూ, ఆయన ఈ సందర్భంగా వాదించారు.

ఈ సందర్భంగా డీఎస్పీ జారీ చేసిన సర్క్యులర్ ను ఆయన హైకోర్టు ముందు ఉంచారు. హైకోర్టు ఈ సర్క్యులర్ ని పరిశీలించిన అనంతరం, ఈ సర్క్యులర్ ని సస్పెండ్ చేసింది. కొట్టివేసింది. అదే విధంగా ఎవరు అయితే, తెలుగుదేశం పార్టీ నేతలు ఉన్నారో, వారి పైన కేసులు ఉన్నాయని, వారిని అక్కడ నుంచి తరలించటమే కాకుండా, వారిని మళ్ళీ ప్రచారం చేసుకునేందుకు, తమ అనుమతి తీసుకోవాలని చెప్పి, అక్కడ డీఎస్పీ ఆంక్షలు విధించారని చెప్పి, ఈ విషయం కూడా హైకోర్టు దృష్టికి తెచ్చారు. ఈ నేపధ్యంలోనే హైకోర్టు తెలుగుదేశం పార్టీకి చెందిన సీనియర్ నేతలు, మాజీ మంత్రులు అమర్ నాద్ రెడ్డి, చిత్తూరు జిల్లాకు చెందిన పులవర్తి నాని, పాలకొల్లు ఎమ్మెల్యే నిమ్మల రామానాయుడు, అదే విధంగా మునిరత్నం, వీరి నలుగురినీ కూడా అక్కడ ప్రచారం చేసుకోనివ్వాలని, వారి పై ఎలానటి అంక్షలు పెట్టవద్దని ఆదేశాలు జారీ చేసింది. వెంటనే ఆదేశాలు జారీ చేస్తూ, ఎన్నికల ప్రచారంలో ఆ నేతలు పాల్గున వచ్చని తేల్చి చెప్పింది.

అప్పులు... అప్పులు.. అప్పులు... మన గ్రామాల్లో చూస్తూ ఉంటాం, ఆదాయాం ఏమి లేక, అప్పులు చేసుకుని బ్రతికేస్తూ ఉంటారు. చివరకు వాడికి ఊరిలో ఎవరూ అప్పు ఇవ్వరు. ఆదాయం లేకపోతే ఎవరు ఇస్తారు ? చివరకు ఆస్తులు తాకట్టు పెట్టి అప్పు తెచ్చుకుంటాడు. కొన్నాళ్ళకు ఆస్తుల తాకట్టు కూడా అయిపోతుంది. మళ్ళీ అప్పు కావాలి. ఏమి చేస్తాడు ? వరైటీ వరైటీ ప్లాన్లు వేస్తాడు. ఇంట్లో వస్తువులు, చావిట్లో ఉన్న గేదలు, ఆవులు, ఇలా ఏది పడితే అది, తాకట్టు పెట్టేసి అప్పు తెచ్చుకుని, ఆ నెల గడిపేస్తాడు. భవిష్యత్తు గురించి పట్టింపు ఉండదు. ఈ నెల గడించిందా లేదా ? అదే కావాలి. మన రాష్ట్ర పరిస్థితి కూడా ఇప్పుడు ఇలాగే ఉంది. కేంద్రం ఇచ్చే అప్పులు వాటాను, ఏడాదికి తీసుకోవాల్సింది, నాలుగు నెలలకే తీసుకున్నాం. మరింత అప్పు కోసం ఆస్తులు తాకట్టు పెట్టాం. చివరకు వరైటీగా, వచ్చే 25 ఏళ్ళ మద్యం ఆదాయం కూడా తాకట్టు పెట్టి అప్పు తెచ్చుకున్నాం. ఇప్పుడు మరింత అప్పు కావాలి, అందుకే ఇదే మద్యం ఆదాయం పైనే మరింత అప్పు తెచ్చుకోవటానికి, మరో ప్లాన్ వేసింది జగన్ ప్రభుత్వం. మద్యం పై వ్యాట్ తగ్గించింది. అదేంటి వ్యాట్ తగ్గిస్తే ఇక పండగే కదా, తాగుడే తాగుడు అనుకోవచ్చు కదా అని అనుకుంటున్నారా ? అక్కడే మీరు జగన్ మోహన్ రెడ్డి ప్రభుత్వాన్ని తక్కువ అంచనా వేసారు.

పెట్రోల్ మీద వ్యాట్ తగ్గించమంటేనే తగ్గించలేదు, ఆలాంటిది ప్రధాన ఆదయ వనరు అయిన మద్యం పై ఎలా తగ్గిస్తాడని అనుకుంటున్నారు ? మద్యం పై మీరు వేసిన అదనపు పన్ను చూసి, ఆదాయం వస్తుందని అప్పులు ఇచ్చాం, ఇప్పుడు కొత్త అప్పు కావాలి అంటే, ఏమి చూసి ఇవ్వాలి అని బ్యాంకులు ప్రశ్నించటంతో, మద్యం వ్యాట్ ఆదాయాన్ని ముక్కలు చేసారు. వ్యాట్ అంటే మొత్తం ప్రభుత్వం ఖజానాకు వెళ్తుంది. అందుకే ఇప్పుడు వ్యాట్, స్పెషల్ మార్జిన్ అని రెండు ముక్కలు చేసారు. వ్యాట్ ప్రభుత్వానికి వెళ్తే, స్పెషల్ మార్జిన్ బేవరేజెస్‌ కార్పొరేషన్‌కు వెళ్తుంది. స్పెషల్ మార్జిన్ పెద్ద ముక్క. గతంలో స్పెషల్ మార్జిన్ నుంచి కేవలం రూ.60 కోట్లు ఆదాయం వచ్చేది, ఇప్పుడు దీన్ని అమాంతం రూ.6వేల కోట్ల వరకు పెంచేసారు. ఇంకేముంది, ఇది చూసి కొత్త అప్పులు వచ్చేస్తాయి. ఇక ప్రభుత్వ ఖజానుకు ఈ రూ.6 వేల కోట్లు రావు. ఉదహరణకు, ప్రస్తుతం వివిధ బ్రాండులు పై 130 శాతం నుంచి 190 శాతం వరకూ వ్యాట్‌ వేస్తున్నారు, ఇప్పుడు వ్యాట్ ని 35 శాతం నుంచి 60 శాతం వరకు తగ్గించి, స్పెషల్ మార్జిన్ పేరిట 85 శాతం నుంచి 130 శాతం వరకూ వసూలు చేస్తారట. రేట్లలలో ఎలాంటి తేడా ఉండదు కానీ, అప్పులు ఎక్కువ తెచ్చుకోవటానికి అయితే ఉపయోగ పడతాయి.

ఆంధ్రప్రదేశ్ హైకోర్టు పైన, నాయముర్తుల పైన సామాజిక మాధ్యమాల్లో అనుచిత వ్యాఖ్యలు చేసిన ఎన్ఆర్ఐ, అలాగే వైసీపీ సానుభూతి పరుడు అయిన పంచ్ ప్రభాకర్ ను అరెస్ట్ చేయటానికి సిబిఐ రంగం సిద్ధం చేసింది, ఇటీవల హైకోర్టు , సిబిఐ పైన ఆగ్రహాన్ని వ్యక్తం చేస్తూ, పంచ్ ప్రభాకర్ ని అరెస్ట్ చేయకుండా ఏమి చేస్తున్నారు, అతని పైన ఏమి చర్యలు తీసుకున్నారు, సామాజిక మాధ్యమాల్లో అతను పెట్టినటు వంటి పోస్టులు కూడా తొలగించేందుకు ఏ చర్యలు ఎందుకు తీసుకోలేదు ? అసలు సిబిఐ ఏమి చేస్తుంది అంటూ, సిబిఐ పై హైకోర్టు న్యాయమూర్తులు ఆగ్రహం వ్యక్తం చేసిన నేపధ్యంలో, పంచ్ ప్రభాకర్ అరెస్ట్ కు సిబిఐ రంగం సిద్ధం చేసింది. ఇంటర్ పోల్ ద్వారా బ్లూ నోటీసులను జారీ చేసింది. అన్ని డిప్లమాటిక్ చానెల్స్ ద్వారా పంచ్ ప్రభాకర్ తో పాటుగా, ఏపి న్యాయమూర్తుల పైన అనుచిత వ్యాఖ్యలు చేసిన మరో ఎన్ఆర్ఐ ని కూడా అరెస్ట్ చేసేందుకు, ఇంటర్ పోల్ ద్వారా, డిప్లమాటిక్ ఛానెల్స్ ద్వారా ఈ బ్లూ నోటీస్ లు జారీ చేసింది. ఈ నోటీసులు జారీ చేసిన తరువాత, అధికారికంగా పంచ్ ప్రభాకర్ ను అరెస్ట్ చేయటానికి, తగినటు వంటి చర్యలు తీసుకునేందుకు, మార్గం సుగుమం అయ్యింది అనే చెప్పవచ్చు.

ఈ చర్యతో పంచ్ ప్రభాకర్ ప్రపంచంలో ఎక్కడ ఉన్నా కూడా ఆంధ్రప్రదేశ్ కు తీసుకుని వచ్చి, కోర్టు ముందు ప్రవేశ పెట్టనున్నారు. దీనికి సంబంధించి సిబిఐ కొద్ది సేపటి క్రితమే అధికారిక ప్రకటన కూడా చేసింది. పంచ్ ప్రభాకర్ తో పాటుగా మరొక ఎన్ఆర్ఐ అరెస్ట్ కూడా సిద్ధం అయినట్టు తెలుస్తుంది. ఇక మరో ఆరుగురు వ్యక్తులు పైన చార్జ్ షీట్ దాఖలు చేసినట్టు కూడా తెలుస్తుంది. వీళ్ళు కూడా గతంలో న్యాయమూర్తుల పైన, న్యాయస్థానాల పైన కామెంట్స్ చేసిన వారిలో ఉన్నారు. గతంలోనే ఏడుగురు పై సిబిఐ చార్జ్ షీట్ దాఖలు చేసింది. ఇప్పుడు మరో ఆరుగురి పైన చేయటంతో, మొత్తం 11 మంది పైన చార్జ్ షీట్ దాఖలు చేసినట్టు అయ్యింది. తాజాగా చార్జ్ షీట్ దాఖలు చేసిన వారిలో, ఏ.శ్రీధర్ రెడ్డి, జలగం వెంకట సత్యనారాయణ, జి.శ్రీధర్ రెడ్డి, సుశ్వరం శ్రీనాథ్, దరిష కిశోర్ రెడ్డి, సుద్దులూరి అజయ్ అమృత్‍ ఉన్నారు. మొత్తం 90 మంది పైన సిబిఐ అభియోగాలు మోపింది. ఇందులో ప్రజా ప్రతినిధులు కూడా ఉన్నారు. మరి వారిని ఎప్పుడు అరెస్ట్ చేస్తారో చూడాలి.