news

మెగాస్టార్ చిరంజీవికి, జగన్ మోహన్ రెడ్డిని పిలుపు వచ్చింది. తనని వచ్చి కలవాల్సిందిగా జగన్ మోహన్ రెడ్డి, చిరంజీవికి సందేశం పంపించారు. ఈ మేరకు ఆంధ్రప్రదేశ్ మంత్రి పేర్ని నాని, చిరంజీవికి ఫోన్ చేసి, జగన్ మోహన్ రెడ్డిని కలవాల్సిందిగా కోరినట్టు వార్తలు వచ్చాయి. అయితే ముఖ్యంగా ఈ భేటీ వెనుక కారణం ఏమిటి అంటే, ప్రస్తుతం సినీ పరిశ్రమ ఎదుర్కుంటున్న ఇబ్బందులు ఏమిటో వివరించాలని, చిరంజీవి మాత్రమే కాకుండా, ఇతర సినీ పెద్దలు కూడా వచ్చి కలవాలని పేర్ని నాని చెప్పినట్టు తెలుస్తుంది. దీంతో జగన్ మోహన్ రెడ్డి పిలుపు మేరకు, చిరంజీవితో పాటుగా, ఇతర సినీ ప్రముఖులు వచ్చే వారం జగన్ ని కలిసే అవకాసం ఉన్నట్టు తెలుస్తుంది. ఈ మేరకు మంత్రి పేర్ని నాని కూడా సమాచారం అందించినట్టు తెలుస్తుంది. ముఖ్యంగా సినీ పరిశ్రమలోని అనేక సమస్యలు ఈ సందర్భంగా చర్చించనున్నారు. క-రో-నా కారణంగా షూటింగ్లు లేక పరిశ్రమ వర్గాలు అనేక ఇబ్బందులు పడుతున్నాయి.. అలాగే థియేటర్ల యాజమాన్యాలు కూడా అనేక సమస్యలు ఎదుర్కుంటున్నాయి. థియేటర్లు పూర్తి స్థాయిలో తెరుచుకోవటానికి ప్రభుత్వ సహకారం ఎంతో అవసరం. ప్రస్తుతం రాష్ట్రంలో మూడు షోలు నడుస్తున్నాయి. దాన్ని నాలుగు షోలకి, అవసరం అయితే అయుదు షోలకి అనుమతి ఇవ్వాలని కోరనున్నారు.

ఇక అలాగే టికెట్ ధరల విషయంలో కూడా అనేక అభ్యర్ధనలు సినీ ఇండస్ట్రీ నుంచి వస్తున్నాయి. ఆంధ్రప్రదేశ్ ప్రభుత్వం సినిమా టికెట్ రెట్లు తగ్గించి వేయటంతో, పరిశ్రమ ఇబ్బందులు పడుతుందని చెప్తున్నారు. ఇలా అనేక సమస్యలతో సినీ పరిశ్రమ ఇబ్బందులు పడుతుంది. అయితే ఇక్కడ మరో విషయం ఏమిటి అంటే, గత ఏడాది కూడా ఇలాగే సినీ ప్రముఖులు వచ్చి జగన్ ని కలిసి వెళ్ళారు. ఆ సమయంలో అనేక హామీలు ఇచ్చినట్టు చెప్పారు. మరి ఇప్పటి వరకు ఎలాంటి హామీలు అమలు అయ్యయో చిరంజీవి గారే చెప్పాలి. ఇక ఈ భేటీల పై మరో కోణం కూడా ఉంది. ఇదంతా రాజకీయం కోసం చేస్తున్న ఎత్తుగడగా చెప్పే వారు కూడా ఉన్నారు. ఏపి ప్రభుత్వం ముఖ్యంగా చేయాల్సింది సినీ పరిశ్రమ వర్గాలకు, థియేటర్లకు రాయతీలు ఇవ్వటం. అవి ఇచ్చే పరిస్థితిలో రాష్ట్రం లేదు. మరి ఎందుకు చిరంజీవి వచ్చి కలుస్తున్నారో తెలియదు. అయితే ఈ సారి అయినా, ఒట్టి మాటలు కాకుండా, నిజంగా ఏమైనా హామీలు నెరవేర్చుతారేమో చూడాలి.

రెండేళ్లుగా తన సొంత ఖజానా నింపుకోవడానికి జగన్మోహన్ రెడ్డి అనేక ఆదాయ మార్గాలను ఏర్పాటు చేసుకున్నాడని, ఇసుక, మద్యం, భూముల అమ్మకం, ఖనిజాల తవ్వకంతో ముఖ్యమంత్రి, మంత్రులు అదే పనిలో ఉన్నారని, ఆ విధంగా చేస్తున్నాకూడా రాష్ట్ర నాయకుడి ధనదాహం తీరడంలేదని టీడీపీ జాతీయ అధికారప్రతినిధి కొమ్మారెడ్డి పట్టాభిరామ్ స్పష్టం చేశారు. ఆదివారం ఆయన మంగళగిరిలోని పార్టీ జాతీయ కార్యాలయంలో విలేకరులతో మాట్లాడారు. ఆ వివరాలు ఆయన మాటల్లోనే యథాతథంగా మీకోసం...! ఇసుక కుంభకోణంలో కొన్నివాస్తవాలను తాము గమనించాము. రాష్ట్ర వ్యాప్తంగా ఇసుకరీచ్ లను చేజిక్కించుకున్న జయప్రకాశ్ పవర్ వెంచర్స్ వారు, ఉన్నట్టుండి అకస్మాత్తు గా 03-06-2021న భవానీపురం పోలీస్ స్టేషన్లో ఒక ఫిర్యా దు చేశారు. సదరు కంపెనీ ఫైనాన్స్ మేనేజర్ విశ్వనాథన్ సతీశ్ ఫిర్యాదు చేశారు. జూన్ 3న ఫిర్యాదు చేస్తే, జూన్ 4న పోలీసులు ఎఫ్ఐఆర్ (295/2021) నమోదు చేశారు. కొందరు వ్యక్తులు జయప్రకాశ్ పవర్ వెంచర్స్ కంపెనీ పేరుని వాడుకుంటూ, ఇసుక రీచ్ లకు సంబంధించి సబ్ లీజులు ఇస్తామని చెబుతూ, తిరుగుతున్నారని విశ్వనాథన్ సతీశ్ తన ఫిర్యాదులో పేర్కొన్నారు. సదరు వ్యక్తులను కలవడానికి తాను పంటకాలువ రోడ్డులోని మైల్ స్టోన్ సెంటర్ , గొల్లపూడిలోని ఒకగృహానికి వెళ్లినట్టు, సతీశ్ తన ఫిర్యాదులో చెప్పారు. కొప్పురావూరు ప్రవీణ్ కుమార్, మల్లంపాటి శ్రీనివాసరావు, ముక్కొల్లు నాగమల్లేశ్వరరావులను కలవడానికి సతీశ్ అక్కడికివెళ్లగా, సుధాకర్ ఇన్ ఫ్రాటెక్ ప్రైవేట్ లిమిటెడ్ అనే కంపెనీకి చెందిన వ్యక్తులుగా వారు తమని తాము పరిచయం చేసుకున్నారని, , సదరు కంపెనీకి జయప్రకాశ్ పవర్ వెంచర్స్ వారు రాష్ట్ర వ్యాప్తంగా ఉన్న ఇసుక మైనింగ్ సబ్ లీజులు ఇచ్చినట్లుగా తనతో చెప్పినట్లు విశ్వనాథన్ తన ఫిర్యాదులో చెప్పారు. అందుకు ఆధారంగా వారు రెండు ఫోర్జరీ డాక్యుమెంట్లు చూపారని, సుధాకర్ ఇన్ ఫ్రాటెక్ ప్రైవేట్ లిమిటెడ్ ప్రతినిధి అయిన సురేంద్రనాథ్ అనే వ్యక్తి, నేలపు తిరుమల రెడ్డి మరియు వెల్లంపల్లి రఘునరసింహారావులను ఇసుకరీచ్ లను సబ్ లీజులకు ఇవ్వడానికి నియమించినట్లు తనతో చెప్పారని సతీశ్ తన ఫిర్యాదులో పొందుపరిచారు. వారు చెప్పింది విని, వారు చూపినవి గమనించాకే తాను ఫిర్యాదు చేస్తున్నట్లు సతీశ్ భవానీపురం పోలీసులకు చెప్పడం జరిగింది. ఈ వ్యవహారం అంతా గమనించాక అసలు వాస్తవేమిటనే దానిపై తాముఆరా తీశాము. జయప్రకాశ్ పవర్ వెంచర్స్ కంపెనీని అడ్డంపెట్టుకొని, తాడేపల్లి ఆదేశాలతో రాష్ట్ర వ్యాప్తంగా ఇసుక దోపిడీ పెద్ద ఎత్తున జరుగుతోంది. ఆ దోపిడీలో ఏ జిల్లా నుంచి ఎవరెవరు, ఎంత దోచుకుంటున్నారు... తమకి ఎంత వస్తుందని తాడేపల్లి పెద్దలు లెక్కలేసుకుంటారు కదా. .! ఆలెక్కల్లో ఎక్కడ తేడా లొచ్చాయో గానీ, ఈవ్యవహారం బయటకు వచ్చింది. సతీశ్ త నఫిర్యాదులో చెప్పిన కొప్పురావూరి ప్రవీణ్ కుమార్ అనేవ్యక్తి రాష్ట్ర ధర్మాదాయ, దేవాదాయశాఖ మంత్రి వెల్లంపల్లి శ్రీనివాసరావుకి చెందిన కంపెనీలో మేనేజర్. మల్లంపాటి శ్రీనివాసరావు మంత్రికి అత్యంత సన్నిహితుడు, ప్రముఖ బియ్యం వ్యాపారి.

ముక్కొల్లు నాగమల్లేశ్వరరావు వెల్లంపల్లికి సమీప బంధువు, ఆయన విశాఖపట్నం స్టీల్ ప్లాంట్ లో డీజీఎంగా పని చేస్తున్నాడు. మరొక వ్యక్తి అయిన కే. సురేంద్రనాథ్, మాదిరెడ్డి ప్రతాప్ (ఐపీఎస్) అనే ఆయనకు సమీపబంధువు, మాదిరెడ్డి ప్రతాప్ ఆర్టీసీఎండీగా పనిచేశారు. జగన్మోహన్ రెడ్డికి అత్యంత సన్నిహితుడు. వెల్లంపల్లి రఘునరసింహారావు మంత్రి గారికి స్వయానా సోదరుడే. మంత్రే తన సోదరుడిని జగన్మోహన్ రెడ్డి దగ్గరకు కూడా తీసుకెళ్లాడు. ఇసుక దోపిడీకి సంబంధించిన లెక్కల్లో తేడాలు వచ్చాకే, ఈ వ్యవహారమంతా బట్టబయలైంది. విశ్వనాథన్ సతీశ్ ఫిర్యాదుని అడ్డంపెట్టుకొని, దోపిడీ లెక్కల్లోని తేడాలను సరిచేసే పనిలో తాడేపల్లి ప్యాలెస్ ఉంది. ఇసుక దోపిడీకి సంబంధించి మంత్రి వెల్లంపల్లి దగ్గర ఉండిపోయిన కొన్నికోట్ల రూపాయలకు సంబంధించిన వ్యవహారంలో భాగంగానే, ఈ తంతు జనంలోకి వచ్చింది. విశ్వనాథన్ ఫిర్యాదులో చెప్పిన వారిలో పోలీసులు ఎందరిని అరెస్ట్ చేసి, విచారించారు? వందలకోట్ల ఇసుక కుంభకోణానికి సంబంధించిన వ్యవహారంలో పోలీసులు ఎవరిని విచారించి, ఏం తేల్చారో డీజీపీ చెప్పాలి. మా దగ్గరున్న ఆధారాల తోనే డీజీపీని అడుగుతున్నాం. జయప్రకాశ్ పవర్ వెంచర్స్ వారు మంత్రి సోదరుడిపై ఫిర్యాదు చేయాల్సిన అవసరం ఏమొచ్చింది? తాడేపల్లి ప్యాలెస్ లెక్కతేలాక, జయప్రకాశ్ కంపెనీ వారి ఫిర్యాదుని చించి చెత్తబుట్టలో పడేస్తారా? వెల్లంపల్లి శ్రీనివాస్ ఊసరవెల్లినే మించిపోయాడు. ఇప్పటికే నాలుగు పార్టీలు మారి చివరకు మంత్రయ్యాడు. రెండున్నరేళ్ల తర్వాత మంత్రివర్గాన్ని మారుస్తానని ముఖ్యమంత్రి చెప్పిన సంగతి తెలిసిందే. దాంతో దీపముండగానే ఇల్లు చక్కబెట్టుకోవాలన్నట్టుగా, ఊసరవెల్లి మంత్రి వెల్లంపల్లి తనదోపిడీని ఇసుక మాఫియాకు విస్తరించాడు. ఇసుక మాఫియాలో వందల కోట్లుదోచేసి, తాడేపల్లికి లెక్కలు చెప్పకుండా, కప్పం కట్టకుండా అంతాతానే మింగేసే సరికి, చివరకు వ్యవహారం పోలీస్ స్టేషన్లలో ఎఫ్ఐఆర్లు నమోదయ్యేవరకువచ్చింది. మంత్రి వెల్లంపల్లికి అశోక్ గజపతిరాజు గురించి మాట్లాడేఅర్హత, స్థాయి ఉందా? సోదరుడిని, బంధువులను అడ్డంపెట్టుకొని దోపిడీ చేస్తూ, అశోక్ గజపతిరాజుని అంటాడా? వెల్లంపల్లి ఎక్కడున్నా, ఏ పదవిలో ఉన్నా తన బుద్ధి మారదనడానికి ఈ ఉదంతమే నిదర్శనం. ఊసరవెల్లి వెల్లంపల్లి అవినీతి బాగోతంపై ముఖ్యమంత్రి, తాడేపల్లి ప్యాలె స్ జీతగాడు సజ్జల ఏం సమాధానంచెబుతారో చెప్పాలి. తాను అడిగే ప్రశ్నలకు,జయప్రకాశ్ పవర్ వెంచర్స్ ఫిర్యాదు పై మంత్రి వెల్లంపల్లి ఏం సమాధానంచెబుతాడు? భవానీపురం పోలీస్ స్టేషన్లో నమోదైన ఎఫ్ఐఆర్ పైసజ్జల ఏం చెబుతాడు? వెల్లంపల్లిని, ఆయన సోదరుడిని, బంధు వులను ఎంతసేపు విచారించి, ఎవరిని జైలుకు పంపుతాడో చెప్పాలి.

ఆంధ్రప్రదేశ్ రాష్ట్ర ప్రభుత్వం, ఉపాధి హామీ బిల్లులు చెల్లించకుండా చేస్తున్న పనులకు, ఇప్పటికే కోర్టుల్లో అనేక మార్లు అక్షింతలు పడిన సంగతి తెలిసిందే. మొన్న కోర్టు విచారణలో, హైకోర్టు కేంద్ర ప్రభుత్వాన్ని కూడా హెచ్చరించింది. కేంద్ర ప్రభుత్వం కూడా సరైన వివరాలతో అఫిడవిట్ వేయక పోవటంతో, కోర్ట్ ఆగ్రహం వ్యక్తం చేసిన సంగతి తెలిసిందే. ఈ నేపధ్యంలోనే ఆంధ్రప్రదేశ్ హైకోర్టు సీరియస్ అవ్వటమో, లేక కేంద్రమే అసలు ఏమి జరుగుతుందో తెలుసుకోవలనో కానీ కేంద్ర గ్రామీణాభివృద్ధి శాఖ అధికారులు, రాష్ట్ర గ్రామీణాభివృద్ధి శాఖ అధికారులతో వీడియో కాన్ఫరెన్స్ నిర్వహించారు. రాష్ట్ర గ్రామీణాభివృద్ధి శాఖ ముఖ్యకార్యదర్శి గోపాలకృష్ణ ద్వివేదితో పాటుగా, ఇతర అధికారులు కూడా ఈ వీడియో కాన్ఫరెన్స్ కు హాజరు అయ్యారు. అయితే ఒక ప్రముఖ పత్రికలో వచ్చిన కధనం ప్రకారం, కేంద్ర అధికారుల ప్రశ్నలకు ద్వివేదితో పాటుగా, ఇతర అధికారులు సమాధానాలు చెప్పలేక ఇబ్బంది పడ్డారు. కేంద్ర ప్రభుత్వం పంపించిన లేఖలు కూడా చదవలేదని చెప్పటంతో, ఆగ్రహం వ్యక్తం చేసినట్టు ఆ పేపర్ ప్రచురించింది. అలాగే ఉపాధి హామీ బిల్లులు పెండింగ్ విషయంలో కూడా కేంద్ర అధికారులు, రాష్ట్ర అధికారుల పై ప్రశ్నల వర్షం కురిపించగా, దానికి కూడా సమాధానం చెప్పలేక పోయారు.

రాష్ట్ర హైకోర్టు కేంద్ర అధికారుల పై ఆగ్రహం వ్యక్తం చేసిందని, మీకు నిధులు ఇచ్చి, కోర్టుల చేత మేము చీవాట్లు తింటున్నాం అంటూ, ఆగ్రహం వ్యక్తం చేసారు. అలాగే ఉపాధి హామీ తనిఖీ రిపోర్ట్ లు కేంద్రం యాప్ లో నమోదు చేయాల్సి ఉండగా, ఒక్క నివేదిక కూడా కేంద్రానికి రావటం లేదని ఆగ్రహం వ్యక్తం చేసారు. ఇక రాష్ట్ర ప్రభుత్వం అధిక పని దినాలు కల్పించాం అంటూ చెప్పిన వివరాల పై కూడా అనుమానం వ్యక్తం చేసినట్టు తెలుస్తుంది. నిజంగానే అన్ని పని దినాలు కల్పించారా, లేక కాగితాలకే పరిమితమా అని ఆగ్రహం వ్యక్తం చేసారు. వ్యవసాయ పనులు మొదలైన తరువాత కూడా, ఇన్ని పని దినాలు ఎలా కల్పించారు అంటూ అనుమానం వ్యక్తం చేసారు. ఈ ప్రశ్నలకు అధికారులు అవక్కయ్యారని తెలుస్తుంది. నేరుగా సమాధానం చెప్పలేక పోయినట్టు సమాచారం. ఇక అలాగే, సాఫ్ట్ వేర్ వినియోగం పై కూడా కేంద్ర అధికారులు ప్రశ్నించారు. అందరూ కొత్త సాఫ్ట్ వేర్ వాడుతుంటే, కేవలం ఆంధ్రప్రదేశ్ మాత్రమే పాతది వాడుతుందని అన్నారు. త్వరలోనే రాష్ట్రానికి వచ్చి, మీ నివేదికలు ఆధారంగా క్షేత్ర స్థాయిలో తనిఖీ చేస్తాం అని చెప్పినట్టు సమాచారం.