news

వైఎస్ వి-వే-కా కేసు విచారణ ఇంకా కొలిక్కి రాలేదు. ఎన్నో ప్రశ్నలకు సమాధానం దొరుకుతుంది కానీ, బాబాయ్ ఎలా చనిపోయాడు అనే విషయం, అబ్బాయ్ జమానాలో కూడా తెలియటం లేదు. సిబిఐ అధికారులు ఇప్పటికి అయుదు విడతలుగా కడప వచ్చి విచారణ చేసారు. అయితే ఐదో విడత మాత్రం, గత 38 రోజులుగా విచారణ చేస్తున్నారు. అయితే ఈ విచారణ మొత్తం, డ్రైవర్, వాచ్మెన్, తోటమాలి, ఇలా చిన్న చిన్న వాళ్ళ చుట్టూనే తిరుగుతుంది. సునీత లేవనెత్తిన అనుమానితులను ఇప్పటి వరకు సిబిఐ విచారణ చేయలేదు. దీని పై అనేక విమర్శలు వస్తున్నాయి కూడా. అయినా సిబిఐ మాత్రం, తమ విచారణను, తమ స్టైల్ లోనే చేస్తుంది. రాజకీయ పరమైన కేసు కావటంతో, ఒక పధ్ధతి ప్రకారం విచారణ చేస్తున్నారు. అయితే ఇది ఇలా ఉంటే , నిన్న ఈ కేసుకు సంబంధించి ఒక కొత్త ట్విస్ట్ నెలకొంది. కడప జిల్లాకు చెందిన సుబ్బారాయుడు అనే వ్యక్తి రాసిన లేఖ బయటకు రావటంతో , ఇప్పుడు ఈ అంశం మరో టర్న్ తీసుకునే అవకాసం ఉంది. సుబ్బారాయుడు అనే వ్యక్తి కడపకు చెందిన వ్యక్తి. న్యాయవాది వృత్తిలో ఉన్నారు. వైసీపీ పార్టీకి అనుకూలంగా ఉంటారనే ప్రచారం ఉంది. అయితే ఈయన మొత్తం రెండు లేఖలు రాసారు. ఈ లేఖలు ఇప్పుడు బయట పడటంతో, విచారణలో ట్విస్ట్ నెలకొంది.

ఈయన సిబిఐ సెంట్రల్ గ్రీవెన్ సెల్‌ కు లేఖ రాసారు. సిబిఐ దగ్గర వి-వే-క కేసుకు సంబందించిన సాక్ష్యాలు కానీ, ఇతర వివరాలు ఏమైనా ఉంటే తమకు చెప్పాలి అంటూ ఆయన సిబిఐని విజ్ఞప్తి చేసారు. అలాగే మరో సంచలన విషయం ఏమిటి అంటే, వి-వే-క కుమార్తె సునీత పై కూడా అనుమానం ఉందని, ఆమెను అదుపులోకి తీసుకుని విచారణ చేయాలి అంటూ, ఆయన లేఖలో తెలిపారు. దీంతో ఒక్కసారిగా అందరూ ఉలిక్కి పడ్డారు. ఈ లేఖల విషయం సునీతకు తెలియటంతో, ఆమె అలెర్ట్ అయ్యారు. వెంటనే కడప ఎస్పీకీ ఫిర్యాదు చేసారు. సుబ్బారెడ్డి పై ఫిర్యదు చేసారు. అసలు ఈ సుబ్బారెడ్డి ఎవరు ? ఎందుకు లేఖ రాసారు ? సిబిఐ సేకరించిన సాక్ష్యాలు ఎందుకు అడిగారు ? అందరూ ఆశ్చర్య పోయే విధంగా సునీత పై కూడా అభియోగాలు మోపి, ఆమెను కూడా విచారణ చేయమనటం ఏమిటో ఎవరికీ అర్ధం కావటం లేదు. మరి ఈ విషయంలో అటు సిబిఐతో పాటు, ఇటు పోలీసులు ఏమి చేస్తారో చూడాలి. అసలు ఈ సుబ్బారెడ్డి ఎవరో, ఆయనకు ఈ కేసు పై ఇంట్రెస్ట్ ఏమిటో తెలియాల్సి ఉంది.

ఈ రోజు లోకసభ స్పీకర్ ఓం బిర్లా మీడియా సమావేశం ఏర్పాటు చేసారు. అయితే ఈ సందర్భంగా ఏపికి సంబంధించిన రఘురామకృష్ణం రాజు అనర్హత పిటీషన్ తో పాటుగా, అనర్హత వేటు వేయకపోతే సభను స్థంబింప చేస్తాం, స్పీకర్ పక్షపాతంతో వ్యవహరిస్తున్నారు అంటూ విజయసాయి రెడ్డి చేసిన వ్యాఖ్యల పై విలేఖరులు అడగగా, స్పీకర్ ఓం బిర్లా స్పందించారు. వైసీపీ రఘురామకృష్ణం రాజు అనర్హత పిటీషన్ పై స్పందిస్తూ, ఎవరైనా ఒక సభ్యుడు పైన అనర్హత వేటు వేయాలి అంటూ పిటీషన్ ఇస్తే, దానికి సంబంధించి ఒక ప్రక్రియ ఉంటుందని, ఆ ప్రక్రియ ప్రకారమే మొత్తం జరుగుతుందని ఓం బిర్లా అన్నారు. అంతే కాని, దీని పైన ఏమి జరుగుతుంది అంటూ, రన్నింగ్ కామెంటరీ చేయలేం అని, ఆ ప్రక్రియ ఎలా ఉంటుందో అందరికీ తెలుసని, తాము ఏ నిర్ణయం తీసుకున్నా కూడా, ఇరు పక్షాల వాదనలు తప్పకుండా వింటాం అని, ఎవరి వాదనలు వినకుండా, లేదా ఒకరి వాదనలే విని, నిర్ణయాలు తీసుకోమని స్పీకర్ ఓం బిర్లా తెలిపారు. తప్పకుండా ఇదంతా నిబంధనలు ప్రకారం, ఈ ప్రక్రియ కొనసాగుతుందని ఆయన తెలియ చేసారు. అంతే కాకుండా, విజయసాయి రెడ్డి మాట్లాడుతూ, స్పీకర్ పక్షపాతంతో వ్యవహరిస్తున్నారు, మేము ఎన్ని సార్లు ఫిర్యాదు చేసినా పట్టించుకోవటం లేదు అని చెప్పిన విజయసాయి రెడ్డి వ్యాఖ్యల పై కూడా స్పీకర్ స్పందించారు.

అలాగే విజయసాయి రెడ్డి మాట్లాడుతూ, అనర్హత వేటు వేయకపోతే సభను స్థంబింప చేస్తాం అంటూ చేసిన వ్యాఖ్యల పై కూడా స్పందించారు. నిరసన తెలియ చేసే అధికారం ప్రతి సభ్యుడికి ఉంటుందని అన్నారు. ఎవరైనా నిరసన తెలియచేయవచ్చు అని అన్నారు. ఏదైనా అంశం ప్రస్తావించాలి అంటే నిబంధనలు ఉంటాయని, ఆ నిబంధనలు పాటించాల్సి ఉంటుందని అన్నారు. అలాగే రఘురామకృష్ణం రాజు, తన పై సిఐడి పోలీసులు వ్యవహించిన తీరు పై సభలో చర్చ జరపాలి అంటూ, ఆయన చేసిన విజ్ఞప్తి గురించి కూడా ఓం బిర్లా స్పందించారు. రఘురామకృష్ణం రాజు నిబంధనలు ప్రకారం నోటీసులు ఇస్తే, దాని పై తప్పకుండా నిబంధనలు ప్రకారం, పార్లిమెంట్ వ్యవహరించి, అవకాసం ఉంటే చర్చిస్తామని అన్నారు. రఘురామకృష్ణం రాజు తన పై జరిగిన అంశం విషయంలో ఇచ్చిన ప్రివిలేజ్ నోటీస్ ని కూడా, ప్రివిలేజ్ కమిటీకి పంపినట్టుగా స్పీకర్ ఓం బిర్లా చెప్పారు. మొత్తం మీద వచ్చే పార్లమెంట్ సమావేశాలు, దీని చుట్టూతా తిరగనున్నాయి.

ఆంధ్రప్రదేశ్ హైకోర్టు ఇచ్చే ఆదేశాలను ఆంధ్రప్రదేశ్ లో ఉండే అధికారులు పదే పదే ఉల్లంఘిస్తున్నారు. హైకోర్టు ఆగ్రహానికి కూడా గురి అవుతున్నారు. అంతే కాదు ఏకంగా ఇద్దరు సీనియర్ ఐఏఎస్ ఆఫీసర్లకు పోయిన వారమే హైకోర్టు శిక్ష కూడా విధించింది. అయినా పెద్దగా మార్పు వచ్చినట్టు కనిపించటం లేదు. ఈ రోజు హైకోర్టు మరోసారి అధికారుల తీరు పై ఆగ్రహం వ్యక్తం చేసింది. పంచాయతీరాజ్ అలాగే, పాఠశాల విద్య శాఖ ఉన్నతాధికారులపై హైకోర్టు సీరియస్ అయ్యింది. గ్రామ సాచివాలయాలను పాఠశాలల ఆవరణలోనూ, ఇతర విద్యాలయాల ఆవరణలోనూ నిర్మించవద్దు అని చెప్పి, గత ఏడాది జూన్ 11వ తేదీన హైకోర్టు, రాష్ట్ర ప్రభుత్వానికి ఆదేశాలు జారీ చేసింది. అయితే హైకోర్టు ఇచ్చిన ఈ ఆదేశాలు పట్టించుకోకుండా, నెల్లూరు జిల్లాలోని కోటపోలూరు, అలాగే కర్నూల్ జిల్లాలోని తాళ్ళముడిపి అనే గ్రామాల్లోని పాఠశాల ఆవరణలో, గ్రామ సచివాలయాలను ఇప్పటికే దాదాపుగా పూర్తి చేసారని, రాష్ట్ర హైకోర్టులో పితీశండ్ దాఖలు అయ్యింది. వీటి పై రాష్ట్ర హైకోర్టులో గుంటూరుకు చెందిన హైకోర్టు న్యాయవాది, లక్ష్మీనారాయణ, అదే విధంగా మరో న్యాయవాది రామాంజనేయులు, ఈ విషయం పై హైకోర్టులో పిటీషన్ దాఖలు చేసి, కోర్టు ఆదేశాలున్నా నిర్మాణం చేపట్టటం పై సవాల్ చేసారు.

దీని పై ఈ రోజు హైకోర్టులో, కొద్ది సేపటి క్రితం విచారణ జరిగింది. ఈ విచారణ సందర్భంగా రాష్ట్ర హైకోర్టు ఇచ్చిన ఆదేశాలను అధికారులు ఉల్లంఘిస్తున్నారు అని చెప్పి, పిటీషనర్ తరుపు న్యాయవాదులు లక్ష్మీనారాయణ, రామాంజనేయులు ఇద్దరూ కూడా, హైకోర్టు దృష్టికి తీసుకుని వెళ్లారు. దీంతో హైకోర్టు ఒక్కసారిగా ఆగ్రహం వ్యక్తం చేసింది. రాష్ట్ర హైకోర్టు ఆదేశాల ప్రకారం గ్రామసచివాలయాలను, పాఠశాలల్లో నిర్మించవద్దని స్పష్టమైన తీర్పు ఇచ్చినప్పటికి కూడా, అందుకు విరుద్దంగా అధికారులు వ్యవహరించిన తీరు మీద సూమోటోగా, కోర్టు ధిక్కరణ నోటీసులు జారీ చేసింది. పంచాయతీరాజ్ కమీషనర్, సెక్రటరీకి, అదే విధంగా పాఠశాల విద్య శాఖ, ప్రిన్సిపల్ సెక్రటరీ, కమీషనర్లకు కూడా కోర్టు ధిక్కరణ కేసు కింద నోటీసులు జారీ చేయాలని చెప్పి కూడా హైకోర్టు ఆదేశాలు జారీ చేసింది. అసలు ఎందుకు అనుమతులు ఇచ్చారు, ఎవరు అనుమతులు ఇచ్చారనే విషయం తేల్చాలని, దీని పై పూర్తి స్థాయి విచారణ జరుపుతాం అని హైకోర్టు ఆదేశాలు జారీ చేసి, కేసు విచారణను వాయిదా వేసింది.