news

సంగం డెయిరీ విషయంలో, ఆంధ్రప్రదేశ్ హైకోర్టు కీలక తీర్పు ఇచ్చింది. సంగం డెయిరీ స్వాధీనం చేసుకుంటూ, రాష్ట్ర ప్రభుత్వం ఇచ్చిన జీవోని సస్పెండ్ చేసింది. సంగం డెయిరీని, ఏపి డెయిరీ డెవలప్మెంట్ కార్పొరేషన్ కి అప్పగిస్తూ, రాష్ట్ర ప్రభుత్వం జీవో 19 జారీ చేసింది. అయితే ఇది చట్ట విరుద్ధం, న్యాయ విరుద్ధం అంటూ, సంగం డెయిరీ డైరెక్టర్లు హైకోర్టులో ఈ జీవోని సవాల్ చేసారు. దీని పై రాష్ట్ర హైకోర్టు స్పందిస్తూ, కొద్ది సేపటి క్రితం తీర్పు వెలువరించింది. రాష్ట్ర ప్రభుత్వం ఇచ్చిన జీవో చెల్లదని స్పష్టం చేసింది. పైగా సంగం డెయిరీ రోజు వారీ కార్యకలాపాలు బయట వారికి ఇవ్వొద్దు అని, రోజు వారీ కార్యకలాపాలు సంగం డెయిరీ డైరెక్టర్లే పర్యవేక్షించాలని సంగం డెయిరీ సూచించింది. డైరెక్టర్ లు అందరూ కూడా, పాల సంఘాలతో ఎన్నుకో బడిన వారు కావటంతో, వారి అందరినీ కూడా సంగం డెయిరీ కార్యకలాపాలు పర్యవేక్షించే హక్కు ఉంటుందని కూడా హైకోర్టు స్పష్టం చేసింది. దీంతో పాటు, సంగం డెయిరీకి సంబంధించిన ఆస్తులు ఏమైనా కూడా అమ్మకాలు చేయాలి అంటే మాత్రం, హైకోర్టు అనుమతి తీసుకోవాలని ఆదేశాలు జారీ చేసింది. వీటితో పాటు, సంగం డెయిరీకి సంబంధించి, ఏదైతే రాష్ట్ర ఏసిబి కేసు నమోదు చేసిందో, ఆ కేసు కొట్టివేయాలని చెప్పి, నరేంద్ర దాఖలు చేసిన క్వాష్ పిటీషన్ పై కూడా, ఈ రోజు హైకోర్టులో విచారణ జరిగింది. ఏసిబి విచారణ పై స్టే ఇవ్వాలని నరేంద్ర తరుపు న్యాయవాదులు హైకోర్టులో వాదించారు. అయితే దీనికి సంబంధించి, రాష్ట్ర ప్రభుత్వం, ప్రస్తుతం ఏదైతే విచారణ జరుపుందో, ఆ విచారణకు సంబంధించి కొన్ని అంశాల పై, అంటే ప్రస్తుతం ఏసిబి ఇష్టం వచ్చినట్టు చేస్తున్న తనిఖీల పై కూడా, వాళ్ళు తీవ్ర అభ్యంతరం వ్యక్తం చేసారు.

సంగం డెయిరీలో పాల సేకరణ, మార్కెటింగ్ , అమ్మకాలు సంబంధించి కూడా ఏసిబి రికార్డులు తీసుకుంటుందని, దీని వల్ల తమ సంగం డెయిరీకి సంబంధించిన కీలకా సమాచారం, బయటకు వెళ్తుందనే భయం ఉందనే సమాచారం కూడా హైకోర్టు దృష్టికి తీసుకు వచ్చారు. ఈ నేపధ్యంలోనే హైకోర్టు స్పందిస్తూ, ఎఫ్ఐఆర్ లో నమోదు అయిన అంశాలు కాకుండా, వేరే ఇతర అంశాలు కానీ, ఇతర విభాగాల్లో కానీ, ఏసిబి తనిఖీ చేయవద్దు అని ఆదేశాలు ఇచ్చింది. అదే విధంగా సంగం డెయిరీలో జరుగుతున్నపాల సేకరణ, అమ్మకాలు, మార్కెటింగ్, వీటికి సంబంధించిన సమాచారం కూడా ఏది సేకరించ కూడదు అని కూడా ఆదేశాలు జారీ చేసింది. కొద్ది సేపటి క్రితం, హైకోర్టులోని మరో బెంచ్ లో విచారణ జరగటం, అక్కడ ఏకంగా రాష్ట్ర ప్రభుత్వం ఇచ్చిన జీవోనే సస్పెండ్ కావటంతో, ఈ రోజు నుంచి సంగం డెయిరీ అంతా కూడా, డైరెక్టర్ల ఆధీనంలోకి వెళ్లనుంది.

అమరరాజా కంపెనీ మూసివేతకు సంబంధించి, ఈ రోజు హైకోర్టులో ఊరట లభించింది. అమరరాజా బ్యాటరీస్ కి సంబంధించిన, సంస్థలు మూడింటిని మూసివేయాలని చెప్పి, ఆంధ్రప్రదేశ్ పొల్యూషన్ కంట్రోల్ బోర్డు, మూడు రోజులు క్రితం, అమరరాజా సంస్థలకు నోటీసులు ఇవ్వటమే కాకుండా, ఏకంగా కరెంటు సరఫరా కూడా నిలిపివేశారు. ఈ నేపధ్యంలోనే, అమరరాజా సంస్థ హైకోర్టులో పిటీషన్ వేసి, హైకోర్టుని ఆశ్రయించారు. పొల్యూషన్ కంట్రోల్ బోర్డు జారీ చేసిన ఉత్తర్వులను హైకోర్టులో సవాల్ చేసారు. దీని పై ఈ రోజు హైకోర్టులో విచారణ జరిగింది. దీని పై ఈ రోజు హైకోర్టు ఆదేశాలు ఇస్తూ, పొల్యూషన్ కంట్రోల్ బోర్డు జారీ చేసిన ఉత్తర్వులను సస్పెండ్ చేస్తూ, ఆదేశాలు ఇచ్చింది. వెంటనే విద్యుత్ ని పునరుద్ధించాలని కూడా ఆదేశాలు జారీ చేయటమే కాకుండా, జూన్ 17వ తేదీ లోపు పొల్యూషన్ కంట్రోల్ బోర్డు సూచనలు అమలు చేయాలని చెప్పి, అమరరాజా సంస్థలకు ఆదేశాలు జారీ చేసింది. ఇప్పటికే, పొల్యూషన్ కంట్రోల్ బోర్డు ఏమైతే సూచనలు చేసిందో, వాటి అన్నిటినీ కూడా, తాము అమలు చేస్తున్నామని, ఇంకేమైనా వారు సూచించినా కూడా, వాటిని అమలు చేస్తామని, అమరరాజా సంస్థ హైకోర్టుకు తెలిపింది. అమరరాజా సంస్థకు కార్పొరేట్ నిబంధనలు పాటించటంలో గుర్తింపు ఉందని కోర్టుకు తెలిపారు.

అలాగే ఉద్యోగుల, కార్మికల శ్రేయస్సు గురించి పాటించటంలో కూడా, పొల్యూషన్ నిబంధనలు పాటించటంలో కూడా గతంలో అనేక అవార్డులు వచ్చిన చరిత్ర ఉందని తెలిపారు. అయితే ఇంత చరిత్ర ఉన్న కంపెనీని మూసివేయాలని, పొల్యూషన్ కంట్రోల్ బోర్డు ఇచ్చిన ఆదేశాలు తీవ్ర సంచలనం రేకెత్తించాయి. నిన్న కడప జిల్లాలో జువారి సిమెంట్స్ మూసివేయాలని కూడా ఆంధ్రప్రదేశ్ పొల్యూషన్ కంట్రోల్ బోర్డు ఇచ్చిన ఆదేశాలను కూడా హైకోర్టు సస్పెండ్ చేసిన సంగతి తెలిసిందే. ఈ రోజు అమరరాజా సంస్థలను కూడా మూసివేయాలని కూడా, పొల్యూషన్ కంట్రోల్ బోర్డు ఇచ్చిన ఆదేశాలను కూడా, రాష్ట్ర హైకోర్టు సస్పెండ్ చేసింది. ఈ కేసు తదుపరి విచారణను, జూన్ 28వ తేదీకి వాయిదా వేసింది. మళ్ళీ రిపోర్ట్ ఫైల్ చేయాలని కూడా పొల్యూషన్ కంట్రోల్ బోర్డు కు, ఏపి హైకోర్టు ఆదేశాలు ఇచ్చింది. అయితే జూన్ 17 లోపు, పొల్యూషన్ కంట్రోల్ బోర్డు ఇచ్చిన ఆదేశాలు అమలు చేయాలని, అమరరాజా సంస్థకు హైకోర్ట్ సూచనలు ఇచ్చింది.

ఇంత ప్యాండమిక్ లో కూడా, ఈ రోజు ఇంటర్నెట్ లో ఒక పొలిటికల్ వీడియో సెన్సేషనల్ అయ్యింది. వైసీపీ నేతలు, ఎంపీలు, ఉన్న వీడియోలో, ప్రభుత్వం చేతులు ఎత్తేసింది. ఏమి చేసాడు బొక్క, అంటూ, ఇలా అనేక విధాలుగా, జగన్ మోహన్ రెడ్డి ప్రభుత్వాన్ని క-రో-నా కట్టడిలో ఫెయిల్ అయ్యారు అనే విధంగా మాట్లాడారు అంటూ, తెలుగుదేశం పార్టీతో పాటు, ఇంటర్నెట్ లో కూడా ఈ వీడియో వైరల్ అయ్యింది. ఇది ఒక సునామీలో ఇంటర్నెట్ మొత్తాన్ని చుట్టేసింది. అయితే ఈ వీడియో రాజమండ్రి ఎంపీ మార్గాని భరత్ పోస్ట్ చేసారు. ఇది వైరల్ అయిన తరువాత, ఆ వీడియోని ఆయన తీసి వేసారు. ఇది ఇలా ఉంటే, ఈ వీడియో పై వైఎస్ఆర్ కాంగ్రెస్ పార్టీ నేతలు ఎదురు దాడి ప్రారంభించారు. ముఖ్యంగా మంత్రి పేర్ని నాని మాట్లాడుతూ, ఆ వీడియోలో ఏముందో, ఎవరు ఏమన్నారో, ఎవరు ఏమి మాట్లాడుకున్నారో అవి వాళ్ళ వ్యక్తిగతం అని, అయితే అచ్చెన్నాయుడు మాట్లాడిన వీడియో పై చర్చ జరగాలి అంటూ, ఎదురు దాడి చేసారు. అయితే అది ఎప్పుడో అయిపొయింది, దాన్ని వైరల్ చేసారు. ఏప్రిల్ 17 దాటిపోయింది, ఈ రోజు అదే తెలుగుదేశం పార్టీ వైరల్ చేసిన వీడియోకి సమాధానం చెప్పకుండా, మా జగన్ ధీరుడు సూరుడు, మా అంతరాత్మకు తెలుసు, మీరు ఎంత, మీ బ్రతుకులు ఎంత అనే విధంగా మంత్రి పేర్ని నాని మాట్లాడారు.

అయితే ఎంపీలు శుభాష్ చంద్ర బోస్, మార్గాని భారత్, మాజీ ఎమ్మెల్యే ఆకుల సత్యన్నారాయణ మాట్లాడిన మాటలపై మాత్రం, ఏమి చెప్పలేక, వాళ్ళ వ్యక్తిగతం అంటూ, మాట దాట వేసారు. అయితే ఇప్పుడు ఈ వైరల్ వీడియోపై, ఆ వీడియోలో, ఏమి చేసాడు బొక్క అంటూ, మాట్లాడిన ఎంపీ పిల్లి సుభాష్ చంద్రబోస్, వివరణ ఇచ్చే ప్రయత్నం చేసారు. తనకు జగన్ మోహన్ రెడ్డి అంటే, ఎంతో అపారమైన గౌరవం ఉందని అన్నారు. కో-వి-డ్ వచ్చి చనిపోతున్న వారి మృతదేహాలు తరలించటానికి 12000 తీసుకుంటున్నారని, ప్రభుత్వం మాత్రం ఏమి చేయగలదు అనే ఉద్దేశంతోనే, మామూలుగా అలా మాట్లాడాల్సి వచ్చిందని అన్నారు. ఏదైనా లోటు పాట్లు ఉంటే, డైరెక్ట్ గా జగన్ తోనే మాట్లాడతానని అన్నారు. ప్రభుత్వం గురించి తాను ఎక్కడా తప్పుగా మాట్లాడలేదని అన్నారు. తన పై కావాలనే తప్పుడు ప్రచారం చేస్తున్నారని వైసీపీ ఎంపీ పిల్లి సుభాష్ చంద్రబోస్ చెప్పుకొచ్చారు. మొత్తానికి, ఆ వైరల్ వీడియో పై, ఇలా కౌంటర్ ఇస్తుంది వైసీపీ.