news

నిన్న ఆంధ్రప్రదేశ్ మంత్రి రంగనాథరాజు వరి సోమరిపోతుల పంట అంటూ, చేసిన వ్యాఖ్యలు తీవ్ర దుమారం రేపాయి. దీని పై అన్ని వైపుల నుంచి విమర్శలు వచ్చాయి. మంత్రి శ్రీరంగనాథరాజు రైతుల పై చేసిన వ్యాఖ్యలకు నిరసనగా టీడీపీ రైతు విభాగం అధ్యక్షుడు మర్రెడ్డి శ్రీనివాసరెడ్డి ఆధ్వర్యంలో రంగనాథరాజు చిత్రపటం దహనం చేస్తూ నిరసన తెలిపారు. అయితే అన్ని వైపుల నుంచి విమర్శలు రావటంతో, మంత్రి శ్రీరంగనాథరాజు స్పందిస్తూ తన మాటలు వెనక్కు తీసుకున్నారు. తిరుపతి ప్రెస్ క్లబ్‌లో ఈ రోజు మంత్రి రంగనాథరాజు మీడియా సమావేశం ఏర్పాటు చేసారు. కౌలు రైతులకు ఇబ్బందులు ఉన్నాయని, ప్రభుత్వం చేస్తున్న కార్యక్రమాలు కౌలు రైతులకు అందడం లేదుని, భూమి ఉన్న రైతులే అనుభవిస్తున్నారని, అందుకే తొందరపాటులో అలా మాట్లాడానని. తన మాటలు ఇబ్బంది పెట్టి ఉంటే క్షమించాలని, తన మాటలు వెనక్కు తీసుకుంటున్నా అని మంత్రి తెలిపారు.

2019 సాధారణ ఎన్నికలలో గెలిచిన వైఎస్సార్ కాంగ్రెస్ అభ్యర్థి బల్లి దుర్గాప్రసాదరావు మరణంతో ఖాళీ అయిన తిరుపతి లోకసభ నియోజకవర్గానికి ఏప్రిల్ 17వ తేదీన ఉప ఎన్నికలు జరగనున్నాయి. గత ఎన్నికల ఫలితాలను గమనిస్తే వైఎస్సార్ కాంగ్రెస్, తెలుగుదేశం పార్టీల నడుమ ముఖాముఖి పోరు జరగగా బీజేపీ, కాంగ్రెతో పాటు జనసేన మద్దతుతో పోటీ చేసిన బీఎస్పీ తదితర అభ్యర్థులు నామమాత్రపు పోటీకి పరిమితమయ్యారు. ఈసారి వైఎస్సార్‌ కాంగ్రెస్ అభ్యర్థిగా గురుమూర్తి తెలుగుదేశం పార్టీ అభ్యర్థిగా పోటీ చేసిన సీనియర్ రాజకీయవేత్త, కేంద్ర మాజీ మంత్రి పనబాక లక్ష్మితో పోటీ పడుతున్నారు. మారిన రాజకీయ సమీకరణాల మేరకు జనసేన పార్టీ మద్దతుతో బీజేపీ అభ్యర్థిగా విశ్రాంత ఐఏఎస్ అధికారి రత్నప్రభ పోటీ చేస్తున్నారు. కాంగ్రెస్ పార్టీ తరఫున 9 సార్లు పోటీచేసి 6 సార్లు గెలిచి, కేంద్ర మంత్రిగా కూడా పనిచేసిన డాక్టర్ చింతామోహన్ 10వ సారి పోటీ చేస్తున్నారు. వీరితో పాటు వామపక్షాల తరఫున సీపీఎం అభ్యర్థిగా పలు ప్రజా ఉద్యమాలలో పాల్గొన్న నెల్లూరు యాదగరి పోటీకి సిద్ధపడుతున్నారు. ఈ ఐదుగురు పోటీదారులలో పనబాక లక్ష్మి ఇప్పటికే నామినేషన్ దాఖలు చేయగా ఈ నెల 29వ తేదీన గురుమూర్తి, రత్నప్రభ, చింతామోహన్, యాదగరి నామినేషన్లను దాఖలు చేయనున్నారు. అభ్యర్థిత్వాలు ఖరారైన నేపథ్యంలో అన్ని పార్టీల నాయకులు ప్రచారం ప్రారంభించారు.

తెలుగుదేశం అభ్యర్థి పనబాక లక్ష్మి తరఫున ప్రచార వ్యూహరచనలో నలుగురైదుగురు మాజీ మంత్రులు, సీనియర్ నాయకులు తలమునకలవుతున్నారు. దాదాపు మూడు నెలల ముందు నుంచి పలు రకాల ప్రచార వ్యూహాలకు రంగం సిద్ధం చేసుకుంటున్న బీజేపీ అధినాయకత్వం ఆలస్యంగానే రత్నప్రభ అభ్యర్థిత్వాన్ని ఖరారు చేసింది. ఆమెను గెలిపించడానికి జనసేన పార్టీ నాయకులు సన్నద్ధమవుతున్నారు. ఈ నెల 28వ తేదీ తిరుపతికి రానున్న జనసేన రాష్ట్ర నాయకుడు నాదెండ్ల మనోహర్ ఇరుపార్టీల సమన్వయ సమావేశం నిర్వహించనున్నట్టు ఆ పార్టీ వర్గాల ద్వారా తెలుస్తోంది. అయితే రత్నప్రభ, జగన్ మోహన్ రెడ్డి పై, వైఎస్ఆర్ పై చేసిన పలు ట్వీట్లు వైరల్ అయ్యాయి. జగన్ గెలిచినప్పుడు, ఆకాశానికి ఎత్తుతూ ట్వీట్ చేసారు. తరువాత కూడా కొన్ని ట్వీట్ చేసారు. రత్నప్రభ, జగన్ కు అభిమాని అంటూ, ఈ ట్వీట్లు వైరల్ అవ్వటంతో, ఆమె ఈ రోజు స్పందించారు. అప్పట్లో జగన్ మంచి పని చేస్తే, ప్రశంసించాను కాని, ఆ మాత్రానికే ఆయనకు మద్దతు పలుకుతున్నా అని ఎలా అంటారని ప్రశ్నించారు. అయితే ఇక్కడ మంచి చేస్తే ఎవరైనా ప్రశంసించవచ్చు కానీ, ఎన్నికల్లో గెలిస్తే, ఎలేవేషన్ ఇస్తూ చేసిన ట్వీట్ పై, మాత్రం ఆమె నుంచి స్పందన లేదు.

ఆంధ్రప్రదేశ్ రాష్ట్రం అప్పుల ఊబిలో కూరుకుపోయిన సంగతి అందరికీ తెలిసిందే. ఇందులో ఆశ్చర్యం లేదు. 2014 నుంచి 2019 వరకు చంద్రబాబు లక్షా 25 వేల కోట్లు అప్పు చేసారు. అయితే అవి అభివృద్ధి రూపంలో కళ్ళకు కనిపించాయి. పోలవరం నిర్మాణానికి 11 వేల కోట్లు, అమరావతి కోసం 10 వేల కోట్లు, 62 ఇరిగేషన్ ప్రాజెక్ట్ లు, సిసి రోడ్డులు, ఎన్టీఆర్ హౌసింగ్, డ్రైనేజీలు, పంచాయతీ భవనాలు, అంగన్వాడీ భవనాలు, సంక్షేమం పై, ఈ ఖర్చు కనిపించేది. అయితే, ఇప్పుడు జగన్ మోహన్ రెడ్డి, పోయిన ఏడు 52 వేల కోట్లు అప్పు చేస్తే, ఈ ఏడు ఇప్పటికే 79 వేల కోట్లు అప్పు చేసారు. అంటే దాదాపుగా లక్షన్నర కోట్ల అప్పు. ఎన్ని సంక్షేమ పధకాలు చేసినా, ఇంత అప్పు ఏమి అవుతుందో అర్ధం కావటం లేదు. ఆదాయం ఎంతో కొంత వస్తూనే ఉంది. ఫిబ్రవరి 2021 చివరి నాటికి, కాగ్ లెక్కలు చూస్తే, ఆంధ్రప్రదేశ్ రాష్ట్రం అప్పుల్లో నెంబర్ వన్ గా ఉంది. పెద్ద పెద్ద రాష్ట్రాలు దరిదాపుల్లో కూడా లేవు. ఆంధ్రప్రదేశ్ 79 వేల కోట్లతో, మొదటి స్థానంలో ఉంటే, రాజస్తాన్ 51 వేల కోట్లతో రెండో స్థానంలో ఉంది అంటే, మన అప్పులు ఏ స్థాయిలో ఉన్నాయో అర్ధమువుతుంది. ఇక్కడ ఇంకో విషయం ఏమిటి అంటే, బడ్జెట్ లో, అప్పు అంచనా, ఇప్పటికే 63.97% దాటిపోయింది. ఇంత భారీ స్థాయిలో మన అప్పులు ఉన్నాయి.

ఈ ఆర్ధిక సంవత్సరం, సగటున నెలకు రూ.7,199 కోట్లు అప్పు చేసింది మన రాష్ట్రం. అయితే ఇక్కడ మరో అంశం ఎవరికీ అర్ధం కావటం లేదు. పోయిన ఏడాది 52 వేల కోట్లు అప్పు చేస్తే, ఈ ఏడాది 79 వేల కోట్లు అప్పు చేసారు. అయితే పోయిన ఏడాదితో పోల్చితే, ఆదాయ, వ్యయాల్లో పెద్దగా తేడా లేకపోవటం గమనార్హం. ఇప్పటి వరకు అంచనా వేసిన దాని ప్రకారం పెన్షన్లకు 102శాతం, రాయతీలకు 123% తప్పితే, అన్ని పద్దులు, అంచనాలకు లోబడే ఉన్నాయి. మరి, చేసిన అప్పు, దేనికి ఉపయోగిస్తున్నారు అంటే సమాధానం చెప్పే వారు లేరు. పోయిన ఏడాదికి, ఈ ఏడాదికి దాదాపుగా 52% అప్పు పెరిగింది అంటే, ఇవి దేనికి ఉపయోగించారు ? ఇవన్నీ తేలాలి అంటే, బడ్జెట్ పెట్టాలి. బడ్జెట్ సమావేశాలు ఏమో ప్రభుత్వం పెట్టటం లేదు. బడ్జెట్ కూడా మూడు నెలలకు ఆర్డినెన్స్ తెచ్చారు. అంటే మూడు నెలల వరకు బడ్జెట్ సమావేశాలు పెట్టె ఉద్దేశం లేదు అనే అనుకోవాలి. మరి, బుగ్గన గారు కానీ, ఇతర అధికారులు కానీ, చేసిన అప్పు దేనికి ఖర్చు చేసారో, చెప్తే, ఏపి ప్రజలు సంతోషిస్తారు.