news

రాష్ట్ర ఎన్నికల కమిషన్, రాష్ట్ర ప్రభుత్వం మధ్య, మరో వివాదం తెర మీదకు వచ్చింది. రాష్ట్ర ఎన్నికల కమిషన్ ఇచ్చిన ప్రొసీడింగ్స్‌ వెనక్కి పంపించాలని కేంద్ర ప్రభుత్వానికి, రాష్ట్ర ప్రభుత్వం లేఖ రాసింది. చీఫ్ సెక్రటరీ ఆదిత్యనాద్ దాస్ ఈ మేరకు, కేంద్రానికి లేఖ రాసారు. పంచాయతీ రాజ్ శాఖ ప్రిన్సిపల్ సెక్రటరీ, కమీషనర్, ద్వివేది, గిరిజా శంకర్‌పై రాష్ట్ర ఎన్నికల సంఘం ఇచ్చిన, ప్రొసీడింగ్స్‌ను వెనక్కి పంపాలని చీఫ్ సెక్రటరీ కేంద్రానికి లేఖ రాసారు. ఈ మేరకు, కేంద్ర సిబ్బంది వ్యవహారాలశాఖ కార్యదర్శికి, ఆదిత్యనాద్ దాస్ లేఖ రాసారు. ఇద్దరు సీనియర్ ఐఏఎస్ ల పై, రాష్ట్ర ఎన్నికల కమీషనర్ అవమానకర రీతిలో ఫిర్యాదు చేసిందని లేఖలో తెలిపారు. ఓటర్ల జాబితా సవరించాలేదని, , ద్వివేది, గిరిజా శంకర్‌పై, రాష్ట్ర ఎన్నికల కమీషనర్ సెన్సూర్‌ ప్రోసీడింగ్స్ ఇచ్చారని, లేఖలో వివరించారు. అయితే సెన్సూర్‌ ప్రోసీడింగ్స్ ఇచ్చే సమయంలో, ఇద్దరు ఐఏఎస్ అధికారుల నుంచి వివరణ తీసుకోవాల్సి ఉండగా, ఇద్దరి దగ్గర నుంచి వివరణ తీసుకోలేదని తెలిపారు. వివరణ కోరకుండా, సెన్సూర్‌ ప్రోసీడింగ్స్ ఎలా ఇస్తారాని లేఖలో ప్రస్తావించారు. వారిని వివరణ కోరకుండా సెన్సూర్‌ ప్రోసీడింగ్స్ ని, రాష్ట్ర ఎన్నికల కమీషనర్ ఇవ్వటం, ప్రభుత్వం యొక్క అధికార పరిధి అతిక్రమించటమే అని ఆయన తెలిపారు.

కేంద్రం పరిధిలో ఉన్న అధికారుల పై చర్యలు తీసుకునే అధికారం రాష్ట్ర ఎన్నికల కమిషన్ కు లేదని, ఆ లేఖలో తెలిపారు. రాష్ట్ర ఎన్నికల సంఘం పరిధిలోలోని అధికారులను, ఐఏఎస్ అధికారుల పై చూపించారని, కేంద్రానికి ఫిర్యాదు చేసారు. ఎన్నికల కమిషన్ తీసుకున్న చర్యలు చట్ట విరుద్ధం అని తెలిపుతూ, ఇప్పటికీ రాష్ట్ర ప్రభుత్వం అభిశంసన ఉత్తర్వులను వెనక్కు పంపించందని కేంద్రానికి తెలిపారు. రాష్ట్ర ఎన్నికల సంఘం పంపిన అభిశంసన ఉత్తర్వులను పరిగణలోకి తీసుకోవద్దని, కేంద్రాన్ని కోరింది రాష్ట్ర ప్రభుత్వం. ఈ అంశంలో రాష్ట్ర ఎన్నికల కమిషన్ కు తగిన సూచనలు ఇచ్చి, దిశా నిర్దేశం చేయాలని, కేంద్రానికి లేఖ రాసారు. మరి ఈ అంశం పై కేంద్రం ఎలా స్పందిస్తుందో చూడాలి. ఓటర్ల జాబితా రెడీ చేయమని ఎలక్షన్ కమిషన్ చెప్పినా, ద్వివేది, గిరిజా శంకర్‌ ఎన్నికల జాబితా రెడీ చేయలేదని, దీని వల్ల 2019 ఎన్నికల జాబితా వాడాల్సి వస్తుందని, దీని వల్ల 3.60 లక్షల మంది ఓటు హక్కు కోల్పోయే పరిస్థితి వచ్చిందని, అందుకే దీనికి బాధ్యులని చేస్తూ ఇద్దరి అధికారుల పై , ఎలక్షన్ కమిషన్ చర్యలు తీసుకుంది.

నెల్లూరు జిల్లాలో సీనియర్ నేతగా ఉన్న ఆనం తరుచూ ఆయన తన అసంతృప్తిని బయట పెడుతూనే ఉన్నారు. ముఖ్యంగా నెల్లూరు జిల్లాలో ఒక మంత్రి చేస్తున్న అతితో, అక్కడ అధికారులు అందరూ సీనియర్ నేతలకు సరైన గౌరవం ఇవ్వటం లేదు అనేది ఆనం భావన. గతంలో కూడా అనేక సార్లు ఆయన ఇలా బహిరంగంగానే అధికారుల పై తమ అసంతృప్తి చూపించారు. పార్టీలో కొంత మంది పైనా ఆయన వ్యాఖ్యలు చేసారు. అయితే ఇప్పటి దాకా అయితే జగన్ ను ఎక్కడా విమర్శించలేదు. ఇక ఆనం తాజాగా మరోసారి తన అసంతృప్తి వ్యక్త పరిచారు. జిల్లా యంత్రాంగం తీరు పై అధికార పార్టీ సీనియర్ నేత విరుచుకుపడటం చూస్తే, వైసీపీలో ఏమి జరుగుతుందో అర్ధం అవుతుంది. నెల్లూరు జిల్లాలో జరిగిన రిపబ్లిక్ డే వేడుకల్లో, ఎమ్మెల్యేలను పిలివకుండా, అధికారులు తమను అవమానించారని ఆనం వాపోయారు. ఎమ్మెల్యేలను ఎందుకు రిపబ్లిక్ డే వేడుకలకు పిలవలేదో చెప్పాలని, ఆనం అన్నారు. అసలు రిపబ్లిక్ డే వేడుకులకు ఎమ్మెల్యేలను ఏ కారణంతో ఆహ్వానం పంపలేదో చెప్పాలని అన్నారు. ఈ విషయాన్ని తీవ్రంగా పరిగణిస్తున్నట్టు ఆనం రాంనారాయణ రెడ్డి తెలిపారు. ఇది ముమ్మాటికీ తమ హక్కులకు భంగం కలిగించే విషయం అని, తమకు జరిగిన అవమానం పై ప్రివిలేజ్ కమిటీకి ఫిర్యాదు చేస్తాం అని, అవసరం అయితే హైకోర్టుకు కూడా వెళ్తాం అని చెప్పారు.

అయితే ఎందుకు ఆహ్వానం ఇవ్వలేదు అనేది మాత్రం, ఇప్పటికీ తెలియలేదు. ఎన్నికల కమిషన్ నుంచి ఇబ్బంది వస్తుందని పిలవలేదా, లేకపోతే ఉద్దేశపూర్వకంగా ఎవరి ఒత్తిడితో అయినా పిలవలేదా, మరేదైనా కారణమా అనేది తెలియాలి. అయితే, దీని పై అధికారులు మాత్రం, ఇప్పటికే స్పష్టత అయితే ఇవ్వలేదు. ఆనం రాంనారాయణ రెడ్డి లాంటి సీనియర్ నేతలకు ఇలా తరుచూ ఎందుకు జరుగుతుందో అని ఆనం అనుచరులు వాపోతున్నారు. రిపబ్లిక్ డే అనేది అధికారులు చేసే కార్యక్రమం అని, ప్రజాప్రతినిధులను అధికారులు ఎందుకు పిలవలేదు అంటూ, రాంనారయణ రెడ్డి సీరియస్ అయ్యారు. ప్రివేలేజ్ కమిటీ దగ్గరకు ఈ విషయం తీసుకుని వెళ్తాం అని ఆనం చెప్పారు అంటే, ఆయన ఈ విషయం ఎంత సీరియస్ గా తీసుకున్నారో అర్ధం అవుతుంది. ఇది రాజ్యాంగ పరమైన హక్కులకు భంగం అంటూ ఆనం వ్యాఖ్యానించారు. అంతే కాదు, అవసరం అయితే ఈ విషయం పై అధికారుల పై హైకోర్టుకు కూడా వెళ్తానని ఆనం అంటున్నారు. ఇక అధికార పార్టీలో, సొంత పార్టీ నేతలే, తమ ప్రభుత్వం తీరు పై ఇలా బహిరంగంగా మాట్లాడటం, ఇప్పుడు చర్చనీయాంసం అయ్యింది.

ఏపి ప్రభుత్వం తీసుకుంటున్న చట్ట వ్యతిరేక చర్యల పై హైకోర్టు బ్రేక్ వేస్తూనే ఉంది. ముఖ్యంగా వ్యక్తుల పై కక్ష తీర్చుకునే విధంగా తీసుకున్న నిర్ణయాలు, హైకోర్టులో బ్రేక్ పడుతూనే ఉంది. ముఖ్యంగా అశోక్ గజపతి రాజు విషయంలో రాష్ట్ర ప్రభుత్వం అనేక విధాలుగా ఆయన్ను ఇబ్బంది పెడుతున్న విషయం తెలిసిందే. ముఖ్యంగా మాన్సాస్ చైర్మెన్ గా అయన్ను తొలగించటం దగ్గర నుంచి, మొన్న రామతీర్ధం ఘటన వరకు, ఏదో ఒక విధంగా అయన్ను ఇబ్బంది పెట్టే ప్రయత్నాలు జరుగుతూనే ఉన్నాయి. అయితే రామతీర్ధం విషయంలో, ప్రభుత్వం తీసుకున్న నిర్ణయం పై, ఏపి హైకోర్టులో ప్రభుత్వానికి షాక్ తగిలింది. ఈ రోజు రామతీర్ధాలులో విగ్రహ ప్రతిష్ట జరుగుతున్న వేళ, మాజీ కేంద్ర మంత్రి అశోక్ గజపతి రాజు గారికి మాత్రం, ఊరట లభించింది. రామతీర్ధం వివాదం సమయంలో, చంద్రబాబుతో పాటు అశోక్ గజపతి రాజు కూడా ఆ రోజు, రామతీర్ధం వెళ్ళిన సందర్భంలో, అదే రోజు, రామతీర్ధాలు అనువంశిక ధర్మకర్తగా ఉన్న ఆయన్ను తొలగిస్తూ ప్రభుత్వం ఉత్తర్వులు ఇచ్చిన సంగతి తెలిసిందే. రామతీర్ధంతో పాటు, మొత్తం మూడు గుడులకు సంబంధించి ఆయన్ను తొలగించారు. రామతీర్ధం ఘటనకు బాధ్యుడిని చేస్తూ, ఆయన్ను ప్రభుత్వం ఈ పదవి నుంచి తొలగిస్తూ ఉత్తర్వులు ఇచ్చింది.

అయితే, ప్రభుత్వం తీసుకున్న చర్య పై, అశోక్ గజపతి రాజు , హైకోర్టులో చాలెంజ్ చేసారు. ఎండోమెంట్ ఆక్ట్ ప్రకారం, ఏదైనా తప్పు చేస్తే, ముందుగా నోటీసులు జారీ చేసి, సంజయషీ తీసుకుని నోటీసులు జారీ చేయాలని, అయితే ప్రభుత్వం మాత్రం ఎలాంటి నోటీసులు జారీ చేయకుండానే, నిర్ణయం తీసుకుందని ఆయన పిటీషన్ లో తెలిపారు. అయితే ఈ పిటీషన్ ఈ రోజు విచారణకు వచ్చింది. హైకోర్టులో అశోక్ గజపతికి రాజుకు అనుకులంగా హైకోర్టు తీర్పు ఇచ్చింది. ప్రభుత్వ ఉత్తర్వులు కొట్టేసింది. రామతీర్ధాలు అనువంశిక ధర్మకర్తగా అశోక్ గజపతి రాజు కొనసాగనున్నారు. అశోక్ గజపతి రాజు పై ప్రభుత్వం వేధిస్తున్న తీరుకి, ఇది ప్రభుత్వానికి చెంప పెట్టు అనే చెప్పాలి. తీర్పు పై అశోక్ ట్విట్టర్ లో ఇలా స్పందించారు. "రామతీర్ధాలు అనువంశిక ధర్మకర్తగా నన్ను తొలగిస్తూ రాష్ట్రప్రభుత్వం ఇచ్చిన ఆదేశాలను హైకోర్ట్ వారు ఈ రోజు కొట్టివేయడం జరిగింది. ఈ రోజు రామతీర్ధాలులో విగ్రహ ప్రతిష్ట అని టీ.వి. వార్తల ద్వారా తెలిసింది. ఈ శుభదినాన ఆ శ్రీ రామచంద్రుడే నన్ను ఆశీర్వదించి ఆయనకు సేవ చేసుకొనే భాగ్యాన్ని మళ్ళీ కలిగించారు అని భావిస్తున్నాను."