news

ఆదివారం కూడా ఎన్నికల కమీషనర్ ఆక్టివ్ గా పని చేస్తున్నారు. ఈ రోజు మొదటి విడత ఎన్నికల నామినేషన్ కు చివరి రోజు కావటంతో, సందడి సందడి నెలకొంది. అయితే ఆన్లైన్ నామినేషన్ల విషయంలో అనేక ఆరోపణలు వస్తున్నాయి. ఈ నేపద్యంలో రాష్ట్ర ఎన్నికల కమీషనర్ నిమ్మగడ్డ రమేష్ కుమార్ స్పందించారు. ఆంధ్రప్రదేశ్ పంచాయతీ రాజ్ శాఖ అధికారులకు, నిమ్మగడ్డ రమేష్ కుమార్ లేఖ రాసారు. ఇందులో పంచాయతీ ఎన్నికల మొదటి దశ నామినేషన్ల విషయంలో, నామినేషన్ వేసే అభ్యర్ధులు, ఆన్లైన్ లో నామినేషన్ పంపితే స్వీకరించాలని, గతంలో ఆదేశాలు ఇచ్చాం అని చెప్పి, ఆ ఆదేశాలు ఎందుకు అమలు చేయలేదు అంటూ నిమ్మగడ్డ రమేష్ కుమార్, పంచాయతీ రాజ్ శాఖ అధికారులని ప్రశ్నించారు. పలు రాజకీయ పక్షాలు, ఎన్నికల నోటిఫికేషన్ విడుదల అయిన వెంటనే, ఆన్లైన్ లో నామినేషన్ల స్వీకరణ ఉండాలని, ఎన్నికల కమిషన్ ను అభ్యర్ధించాయి. దీనికి స్పందించిన రాష్ట్ర ఎన్నికల కమిషన్, ఆ విషయం పై పరిశీలిస్తామని కూడా, చెప్పింది. తరువాత ఈ మేరకు, రాష్ట్ర పంచాయతీ రాజ్ శాఖ అధికారులకు కూడా ఆదేశాలు జారీ చేసారు. ఆన్లైన్ లో నామినేషన్లు స్వీకరించే కార్యక్రమం చేపట్టాలని, దీని వల్ల ప్రశాంత పరిస్థితి ఉంటుందని, ప్రశాంతంగా ఆన్లైన్ లోనే నామినేషన్లు వేసుకుంటారని పేర్కొన్నారు.

కానీ ఈ ఆదేశాలను పంచాయతీరాజ్ శాఖ అధికారులు ఎందుకు అమలు చేయలేదు అని ఆయన ప్రశ్నించారు. ఈ రోజు కొంత మంది ఎన్నికల నామినేషన్ వేయకుండా, అవకాసం లేకుండా పోయిందని, ఎన్నికలు అంటే అందరికీ సమాన అవకాశాలు కల్పించాల్సిన బాధ్యత ప్రభుత్వం పై, ఎన్నికల కమిషన్ పై ఉందని, పోటీ చేయాల్సిన వారు, పోటీ చేయకుండా పొతే, అది ప్రజాస్వామ్యం కాదని, అందులో ఆయన పేర్కొన్నారు. ఈ నేపధ్యంలోనే, రేపు ఉదయం 10 గంటలకు ఈ విషయం పై చర్చించటానికి తన వద్దకు రావాలని, ఆదేశాలు జరీ చేసారు. రేపు పంచాయతీ రాజ్ కమిషనర్, ప్రిన్సిపల్ సెక్రటరీలు, ఎలక్షన్ కమిషన్ వద్దకు వచ్చి, దీని పై వివరణ ఇచ్చే అవకాసం ఉంది. ఇది అత్యవసరంగా భావించాలని, రేపు రావాలని కోరారు. రేపు రెండో దశకు నోటిఫికేషన్ ఇచ్చే అవకాశం ఉంది. అయితే రెండో దశకు అయినా, ఆన్లైన్ నామినేషన్లో తీసుకునే అవకాసం అందుబాటులోకి వచ్చే అవకాసం ఉంది. ఇక రేపు హైకోర్టులో కూడా ఎస్ఈసి వేసిన హైకోర్టు ధిక్కరణ కేసు కూడా విచారణకు రానుంది.

టెక్కలి నియోజకవర్గం నిమ్మాడ పంచాయితీ ఎన్నికల్లో వైసిపి నాయకుడు దువ్వాడ శ్రీనివాస్ ఉద్రిక్తతలు సృష్టించడంపై తెలుగుదేశం పార్టీ అధినేత శ్రీ నారా చంద్రబాబు నాయుడు మండిపడ్డారు. మాజీ కేంద్రమంత్రి ఎర్రన్నాయుడు, ఏపి టిడిపి అధ్యక్షుడు అచ్చెన్నాయుడు, శ్రీకాకుళం ఎంపి రామ్మోహన్ నాయుడుల స్వగ్రామం నిమ్మాడ టిడిపికి కంచుకోట. అలాంటి ప్రశాంతమైన గ్రామంలో వైసిపి నాయకుడు దువ్వాడ శ్రీనివాస్ గొడవలు సృష్టించి రాజకీయ లబ్ది పొందాలని  చూడటం హేయం.   దీనిపై ఎన్నికల సంఘం అదనపు డిజి సంజయ్ కు, విశాఖ డిఐజి రంగారావు చంద్రబాబు ఫోన్ చేశారు. పంచాయితీ ఎన్నికల్లో వైసిపి చేస్తున్న హిం-సా కాం-డ పై ఉదాసీనంగా వ్యవహరిస్తే భవిష్యత్తులో భారీ మూల్యం చెల్లించాల్సి వస్తుందని అన్నారు. తక్షణమే జోక్యం చేసుకుని నిమ్మాడలో ప్రశాంతత కాపాడాలని కోరారు. చిత్తూరు జిల్లా పూతలపట్టు నియోజకవర్గం పెరియంబాడిలో టిడిపి ఎమ్మెల్సీ దొరబాబు వాహనం ధ్వం-సం చేయడాన్ని, గ్రామంలో టిడిపి శిబిరంపై దా-డి చేయడాన్ని, నిమ్మాడలో ఉ-ద్రి-క్త-త-లు రెచ్చగొట్టడంపై అదనపు డిజి సంజయ్ దృష్టికి తీసుకెళ్లారు. నిందితులపై కఠిన చర్యలు తీసుకోవాలని, పెరియంబాడిలో ప్రశాంత పరిస్థితులు నెలకొనేలా చూడాలని విజ్ఞప్తి చేశారు.

ఆంధ్రప్రదేశ్ రాష్ట్ర ఎన్నికల కమీషనర్ నిమ్మగడ్డ రమేష్ కుమార్ ఈ రోజు తన సొంత ఊరు దుగ్గిరాల వెళ్లారు. గుంటూరు జిల్లాలో దుగ్గిరాల ఆయన సొంత ఊరు. అక్కడే ఆయనకు సొంత ఇల్లు, పొలం కూడా ఉంది. ఇక నిమ్మగడ్డ రమేష్ కుమార్ సొంత ఊరు దుగ్గిరాల వెళ్ళిన సందర్భంలో ఆసక్తికర సన్నివేసం చోటు చేసుకుంది. స్థానిక తహశీల్దార్, నిమ్మగడ్డ ఇంటి వద్ద ఆయనకు స్వాగతం పలికారు. పుష్పగుచ్చం ఇచ్చి ఆయనకు స్వాగతం పలకటంతో, ఎవరు మీరు అని అడగటంతో, స్థానిక తహశీల్దార్ అని సమాధానం చెప్పాటంతో, నేనే మీ ఆఫీస్ కు వద్దాం అనుకున్నా అని, మీరు మా ఇనితి వచ్చారని నిమ్మగడ్డ సమాధానం చెప్పారు. తన ఇంటి లోపలకు తహశీల్దార్ ను తీసుకుని వెళ్ళిన నిమ్మగడ్డ, ఇదే మా ఇల్లు అని చూపించారు. తహశీల్దార్ కు ఇంటి గురించి మొత్తం వివరించారు. నాకు ఇక్కడ ఓటు హక్కు కావాలని, తహశీల్దార్ ను కోరారు. ఈ సందర్భంగా అక్కడ అధికారులతో కూడా నిమ్మగడ్డ మాట్లాడారు. తరువాత అక్కడ ఉన్న స్థానికలు, చుట్టాలు, పాత మిత్రులతో కొద్ది సేపు గడిపారు. ఎన్నికల టెన్షన్ లో, తలముకలు అయిన నిమ్మగడ్డ రమేష్ కుమార్, ఎట్టకేలకు ఖాళీ సమయం దొరకటంతో, కొద్ది సేపు, పాత మిత్రులతో కలిసి కాలాక్షేపం చేసారు. ఈ రోజు సాయంత్రం మళ్ళీ ఆయన విజయవాడ చేరుకోనున్నారు.

అయితే నిమ్మగడ్డ రమేష్ కుమార్, హైదరాబాద్ లో ఉన్న తన ఓటును సరండర్ చేసి,గుంటూరు జిల్లా దుగ్గిరాలలో ఓటు హక్కుకు అప్లై చేసారు. అయితే స్థానిక తహశీల్దార్ తన వినతిని తిరస్కరించారని నిమ్మగడ్డ స్వయంగా తెలిపారు. అయితే తనకు ఎవరి మీద కోపం లేదని, తనకంటే కింద వారని, వారి పై కక్ష తీర్చుకోలేదని, వారిని గౌరవించానని తెలిపారు. తాను విధి నిర్వహణలో భాగంగా హైదరాబాద్ లో ఉంటున్నా అని, రిటైర్డ్ అయిన తరువాత దుగ్గిరాలలో ఉంటాను అని, ఇక్కడే ఇల్లు, పొలం ఉందని, అందుకే ఇక్కడ ఓటు హక్కు అడిగాను అని, స్థానిక తహశీల్దార్ కు అప్లై చేసి, మీ ఆఫీస్ కు వస్తానని చెప్పానని, అయితే తన ఓటు రిజెక్ట్ చేసారని తెలిపారు. అయితే తాను ఇగోకి పోలేదని, వారిని గౌరవించి, కలెక్టర్ కు మరో అర్జీ పెట్టుకున్నా అని, నా అప్లికేషన్ పరిశీలించమని కోరానని, కలెక్టర్ కూడా పట్టించుకోక పొతే కోర్టుకు వెళ్లి, తన హక్కు సాధించుకుంటా అని అన్నారు. ఈ సందర్భంలో ఆయన సొంత ఊరు వెళ్ళటం, అక్కడే తహశీల్దార్ స్వాగతం పలకటం, ఆమెకు ఇల్లు చూపించటం, జరిగాయి. మరి తహశీల్దార్ ఏమి చేస్తారో చూడాలి.