news

రామతీర్ధం ఘటన పై అన్ని వర్గాల ప్రజలు స్పందిస్తున్నారు. చినజీయర్ స్వామి ఒక ఆధ్యత్మిక ప్రసంగంలో, ప్రభుత్వం ఏమి చేస్తుందో, రక్షణ వ్యవస్థ ఏమి చేస్తుందో అంటూ నిర్వేదం వ్యక్తం చేసారు. అంతే కాదు, ఇలాంటి ఘటనలకు రక్షణగా ఉండాల్సిన బాధ్యత ఈ సమాజానిది అంటూ, హితవుపలికారు. ఆయన మాటలు యధాతధంగా... "రెండు రోజుల క్రితం, విజయనగరం జిల్లా రామతీర్ధంలో ఒక సంఘటన జరిగింది. అక్కడ రాముడు విగ్రహం తల పెకలించారు. విగ్రహాన్ని ఎవరో వెళ్లి, తల తీసి వెళ్లి, పక్కన ఎక్కడో పడేసారు. వెతికితే అక్కడే ఎక్కడో దొరికింది తల. ఏమి చేయాలో ఇప్పుడు తెలియటం లేదు. కాపాడాల్సిన ప్రభుత్వాలు ఎక్కడ ఉన్నాయో తెలియదు. చూడాల్సిన రక్షణ వ్యవస్థ ఏమైపోయిందో తెలియదు. దాని కోసం పెద్ద డిపార్టుమెంటు ఉంది. అందులో మనుషులు ఉన్నారు. వాళ్ళంతా దాని కోసమే ఉన్నారు. దాని గురించే బ్రతుకుతున్నారు. జీతాలు తీసుకుంటున్నారు. బ్రతుకులు అంతా అక్కడ నుంచే బ్రతుకుతున్నారు. మరి ఆ వ్యవస్థ అంతా నిద్రపోయిందో ఏమైందో మనకు తెలియదు. ఏమి చేస్తాం అండి, దేవుడే దేవుడిని రక్షించుకోలేక పోతే ఏమి చేస్తాం అండి. ఇలా అంటారు చాలా మంది, మాటలు అనటానికి. కానీ వాస్తవం అది కాదు. దేవుడు ఆ విగ్రహ రూపంలోకి ఎందుకు వచ్చారు అంటే, కదులుతూ వస్తే, కదిలి వెళ్ళిపోయే స్థితి ప్రతి ప్రాణికి ఉంటుంది, కదా. పుట్టిన ప్రతి ప్రాణికి వెళ్ళక తప్పదు కదా. కదిలే ప్రతి ప్రాణి పోతూ ఉంటుంది కనుక, విగ్రహ రూపంలో కదలకుండా ఉండేటట్టు మన ముందుకు వస్తే, శాశ్వతంగా స్థిరంగా మన ముందు ఉండేట్టు, దేవుడు అలా ఉన్నాడు. "

"మన మధ్య దేవుడు ఉండాలని, మన అవసరాలు తీర్చాలని కోరుకుంటాం. వస్తాడు ఆయన. మరి మన కోసం వచ్చిన దేవుడుని కాపాడుకోవాల్సిన బాధ్యత ఎవరిది అండి ? ఏమండి మీరు మీ ఇంటికి రమ్మని ఇన్వైట్ చేస్తే, ఒక అతిధి వచ్చాడు అనుకోండి, అతనికి అన్నీ సక్రమంగా ఉండేట్టు చేసుకునే బాధ్యత ఎవిరిది ? మన బ్రతుకులు ఎలా ఉన్నాయి అంటే, మా ఇంటికి వస్తే ఏమి తెస్తావ్, మీ ఇంటికి వస్తే ఏమి ఇస్తావ్ అనేలా ఉంది. ఏది చేసినా నాకే, అనేది మన బ్రతుకు. మనం కోరుకుంటే, మన మధ్య ఉండే దేవుడు విగ్రహ రూపంలో వస్తే, దానికి తగ్గ రక్షణ వ్యవస్థ, చూసుకునే బాధ్యత మనది. దేవుడిది కాదు. అలా బాధ్యత తీసుకో లేని వాడు, దండనీయుడు. దేవుడు మన కోసం వస్తే, నీకే దాని మీద శ్రద్ధ లేకపోతే, ఆయన ఏమి చేస్తాడు. అంత చేత, ఆయనకు చేతకాక కాదు. ఆయన ఏమి చెయ్యాలో అది చేస్తాడు. నీతో పాటు, ఈ సమాజం బాధ్యత ఉండాలి. అలా ఆ దేవుడిని చూసుకోవాల్సిన బాధ్యత, నీది, ఈ సమాజానిది" అంటూ చినజీయర్ స్వామి తన ప్రసంగంలో చెప్పారు.

ఆంధ్రప్రదేశ్ మాజీ ముఖ్యమంత్రి చంద్రబాబు నాయుడు రామతీర్ధం పర్యటన అడుగడుగునా పోలీసుల అవాంతరాలతో సాగుతుంది. విశాఖపట్నం ఎయిర్ పోర్ట్ నుంచి చంద్రబాబు విజయనగరం బయలు దేరి వెళ్లారు. తెలుగుదేశం పార్టీ శ్రేణులు, మాజీ మంత్రులు, ఎమ్మెల్యేలతో కలిసి చంద్రబాబు విజయనగరం బయలుదేరి వెళ్లారు. విజయనగరంలో, తెలుగుదేశం శ్రేణులు చంద్రబాబుకు గ్రాండ్ వెల్కమ్ చెప్పాయి. అయితే చంద్రబాబు విజయనగరం వెళ్ళినప్పటి నుంచి చంద్రబాబుకు అవాంతరాలు ఎదురు అవుతున్నాయి. తెలుగుదేశం పార్టీ నేతలు కార్లు అన్నీ పోలీసులు ఆపేసారు. కేవలం చంద్రబాబు ఆరు కార్లు కాన్వాయ్ తో చంద్రబాబుని ముందుకు పంపించారు. చంద్రబాబు కాన్వాయ్ ను ముందుకు పంపించి, మిగతా తెలుగుదేశం నేతలు, మాజీ మంత్రులు, ఎమ్మెల్యేల కార్లు అనుమతి ఇవ్వలేదు. దారికి అడ్డంగా లారీలు పెట్టి, నేతల కార్లు వెళ్ళకుండా పోలీసులు అడ్డుకున్నారు. దీంతో తెలుగుదేశం నేతలు కిందకు దిగి పోలీసులతో వాగ్వాదానికి దిగారు. మేము వెళ్తే మీకు వచ్చిన ఇబ్బంది ఏమిటి, విజయసాయి రెడ్డిని ఎలా అనుమతి ఇచ్చారో, మాకు అలాగే ఇవ్వాలి కదా అంటూ, పోలీసులు పై ఫైర్ అయ్యారు. అయితే ఈ సమయంలో తోపులాట జరిగింది. మాజీ మంత్రి చినరాజప్పను తోసేసారు.

అయితే విషయం తెలుసుకున్న చంద్రబాబు నిరసనకు దిగారు. తనకు మాత్రమే అనుమతి ఇచ్చి, మిగతా నాయకులను ఆపేయటం పై చంద్రబాబు నిరసన తెలిపారు. పోలీసులు తీరుకు నిరసిస్తూ, రోడ్డుపై బైఠాయించారు. అయితే చంద్రబాబు వస్తున్నారని తెలిసి, ముందుగానే విజయసాయి రెడ్డి రామతీర్ధం వెళ్ళటం, మొత్తం వివాదానికి కారణం అయ్యింది. చంద్రబాబు కంటే ముందుగానే విజయసాయి రెడ్డి అక్కడకు చేరుకున్నారు. ఈ సమయంలో అక్కడ ఉన్న బీజేపీ నేతలను పంపించే ప్రయత్నం చేయటంతో, స్వల్ప ఉద్రిక్తత ఏర్పడింది. చంద్రబాబు వచ్చే దాకా అక్కడే ఉండి, ఏదో ఒక గోల చెయ్యలని విజయసాయి రెడ్డి ప్లాన్ వేసారని తెలుగుదేశం నేతలు ఆరోపిస్తున్నాయి. ముందుగా ఒక ప్రతిపక్ష నేత, మాజీ ముఖ్యమంత్రి పర్మిషన్ తీసుకున్న తరువాత కూడా, ఎలా విజయసాయి రెడ్డికి అనుమతి ఇచ్చారు అంటూ తెలుగుదేశం నేతలు, పోలీసులను ప్రశ్నిస్తున్నారు. దేవుళ్ళకు రక్షణ లేదని, దీని పై తెలుగుదేశం పార్టీ ఆందోళన చేపడితే, ఆ విషయం ప్రజల్లోకి వెళ్ళకుండా విజయసాయి రెడ్డి వేసిన ప్లాన్ ఇదంతా అంటూ తెలుగుదేశం నేతలు మండి పడుతున్నారు.

జగన్ మోహన్ రెడ్డి ప్రభుత్వం మరోసారి అశోక్ గజపతి రాజు పై తన కక్ష పూరిత వైఖరి చూపిస్తూ, సంచలన నిర్ణయం తీసుకుంది. రామతీర్ధంలో రాములోరి తల పెకలించిన ఘటన పై సీరియస్ అయిన తెలుగుదేశం పార్టీ ఈ రోజు, పెద్ద ఎత్తున ఆందోళన కార్యక్రమం చేసింది. ఇందు కోసం మాజీ ముఖ్యమంత్రి చంద్రబాబు నాయుడు నేరుగా రంగంలోకి దిగారు. ఆయనే రామతీర్ధం వచ్చి, జరిగిన ఘటన గురించి వివరాలు అడిగి తెలుసుకున్నారు. ఈ సందర్భంలో ఉత్తరాంధ్ర సీనియర్ నేత, మాజీ ఎంపీ అశోక్ గజపతి రాజు కూడా, ఆయన వెంటే పర్యటనలో ఉన్నారు. అయితే ఈ రోజు అశోక గజపతి రాజు ఇంకా నిరసన కార్యక్రమంలో కొనసాగుతూ ఉండగానే, జగన్ మోహన్ రెడ్డి ప్రభుత్వం, షాకింగ్ నిర్ణయం తీసుకుని. ఈ రోజు వరకు, ఈ క్షణం వరకు కూడా అశోక్ గజపతి రాజు రామతీర్ధం గుడికి ట్రస్ట్ చైర్మెన్ గా ఉన్నారు. అయితే ఈ క్షణం నుంచి ఆయన్ను తప్పిస్తూ ప్రభుత్వం సంచలన ఉత్తర్వులు జారీ చేసింది. రామతీర్ధం ఘటన జరిగి, ఇంత పెద్ద ఎత్తున తెలుగుదేశం పార్టీ ఉద్యమం చేయటం, ఇందు కోసం అశోక్ గజపతి రాజు ముందు ఉండి ఈ ఆందోళన చేయటం, చంద్రబాబుని పిలిపించటంతో, అశోక్ పై కక్షతో ఇలా చేసారా అని తెలుగుదేశం పార్టీ ప్రశ్నిస్తుంది.

రామతీర్థం, పైడితల్లి, మందపల్లి ఆలయ ట్రస్ట్ ల నుంచి తప్పిస్తూ ప్రభుత్వం ఒక మేమో ని విడుదల చేసింది. అయితే దీనికి కారణాలు చెప్తూ, ఆలయంలో అడ్మినిస్ట్రేషన్ మైంటైన్ చేయటంలో ఆయన ఫెయిల్ అయ్యారు అంటూ కారణం చెప్పారు. అయితే చంద్రబాబు సభలో ప్రసంగిస్తూ ఉండగానే, చంద్రబాబుకి ఈ విషయం చెప్పారు అచ్చెంనాయుడు. దీంతో ఇదే విషయం చంద్రబాబు కూడా మీటింగ్ లో చెప్పారు. మనం ప్రనిస్తున్నాం అని ఇప్పటికిప్పుడు తొలగించారని, సింహాచలం నుంచి, మాన్సాస్ నుంచే తప్పించారు, ఇదేముంది, మీకు చేతనైంది ఇదే అంటూ, చంద్రబాబు ఆగ్రహం వ్యక్తం చేసారు. ఇలాంటి చర్యలతో జగన్ వైఖరి మరోసారి తేటతెల్లం అయ్యిందని అన్నారు. ఇప్పటి వరకు ఘటన ఎవరు చేసారు, ఎలా చేసారో, తేల్చలేకపోయారని, అకారణంగా అశోక్ గజపతి రాజు గారి ని మళ్ళీ ఇప్పుడు పదవి నుంచి తొలగించారని, దీంతో ఆయనకు పోయేది ఏమి లేదని, ఇలాంటివి చేయటం తప్ప , జగన్ రెడ్డి ఎందుకు పానికిరాడని చంద్రబాబు అన్నారు.