news

తెలుగుదేశం పార్టీ ఎమ్మెల్సీ బుద్ధా వెంకన్న, ఎప్పుడూ వైసీపీ టార్గెట్ లోనే ఉంటారు. ఎక్కువగా ప్రెస్ మీట్ లు పెట్టి, వైసీపీ నేతలను విమర్శించటం, వైసీపీ చేస్తున్న ప్రజా వ్యతిరేక పనులు ఎండగట్టటంలో ముందు ఉంటారు. ఇక మరో పక్క, ట్విట్టర్ లో విజయసాయి రెడ్డి, ఇష్టం వచ్చినట్టు వేసే ట్వీట్లకు కూడా, బుద్దా వెంకన్న అదే రకమైన భాషలో ధీటుగా సమాధానం చెప్తూ, విజయసాయి రెడ్డికి, ఘాటుగా సమాధానం చెప్తూ ఉంటారు. ఈ క్రమంలోనే, బుద్దా వెంకన్న, వైసీపీకి ఎక్కువ టార్గెట్ అయ్యారు. ఇక ఆయన సోషల్ మీడియాలో కూడా ఆక్టివ్ గా ఉంటూ ఉండటంతో, ఆయన పై, వైసీపీ శ్రేణులు మూకుమ్మడిగా దాడి చేస్తూ ఉంటాయి. ఇదే క్రమంలో, ఇప్పుడు వైసీపీ కార్యకర్తలు కాని, నేతలు కాని, ఇప్పుడు డైరెక్ట్ గా బుద్దా వెంకన్నకు ఫోన్ చేసి బెదిరించే స్థాయికి వచ్చారు. చంపేస్తాం, కేసులు వేస్తాం అంటూ, వైసీపీ నుంచి తనకు ఫోన్లు వస్తున్నాయని, బుద్దా వెంకన్న నిన్న మీడియాకు లేఖ రాసి, జరిగిన విషయాన్ని తెలియచేసారు.

విజయసాయి రెడ్డి మాత్రం, ఇష్టం వచ్చినట్టు మాట్లాడుతారు కాని, మేము మాట్లాడితే మీకు తప్పు వచ్చిందా అంటూ, బుద్దా వెంకన్న ప్రశ్నించారు. ఇది బుద్దా వెంకన్న మీడియాకు రాసిన లేఖ. "ఈ రోజు సాయంత్రం నుంచి నాకు పలు నంబర్ల నుంచి బెదిరింపు కాల్స్ వస్తున్నాయి. జగన్ మోహన్ రెడ్డిని, విజయసాయి రెడ్డిని విమర్శిస్తున్నానని, నీ అంతు చూస్తాం కేసులో ఇరికిస్తాం అని హెచ్చరించటం జరిగింది. మొన్న మాచర్లలో నా పై హత్యా ప్రయత్నం జరిగింది. మళ్ళీ ఇలా ఫోనులో బెదిరించటానిని చూస్తే, ప్రభుత్వం నా పై కక్ష సాధింపు చర్య చేస్తుందని అర్ధం అవుతుంది. "

"మీ ద్వారా ఈ ప్రభుత్వానికి చెబుతున్నా, ప్రజాస్వామ్య వ్యవస్థలో విమర్శలని తట్టుకోలేని వారు వ్యకిగతమైన బెదిరింపులు పాల్పడుతున్నారు. ప్రజాస్వామ్యం మీద నమ్మకంతో, ప్రజలకు మేలు చేయ తలచినవారు, సరి చేసుకొనుటకు ప్రయత్నిస్తారు. నిగ్రహం కోల్పోయి ప్రజల్లో అభాసుపాలు కావద్దు. మీరు చంద్రబాబు గారిని ఏమైనా అనొచ్చు, కానీ మేము చేసే విమర్శలకు తట్టుకోలేరా ? మీరు చేసే బెదిరింపులకు భయపడే ప్రసక్తే లేదు" అంటూ బుద్దా వెంకన్న, మీడియా వారికి లేఖ రాసి, తనకు వస్తున్న బెదిరింపుల గురించి వివరించారు.

కరోనాకు తెలియదు ఆయన వైద్యుడని... తానుకాటు వేసే పచ్చని కుటుంబం నాశనమవుతుందని .... రోగాన్ని నయం చేసే డాక్టరైనా.. యాక్షరైనా సరే నా కాటు నుంచి తప్పించుకోలేరంటూ .. ప్రపంచ దేశాన్ని వణికిస్తున్న కరోనా మహమ్మారి ఓ వైద్యుని కుటుంబాన్ని చిన్నాభిన్నం చేసింది. గత పక్షం రోజుల ముందు వరకు ఆనందానికి నిలయంగా ఉన్న డాక్టర్ కుటుంబంలో ఒక్కసారిగా విషాదఛాయలు అలుముకున్నాయి. సాధారణంగా కుటుంబ యజమాని చనిపోతే ఆ కుటుంబం పెద్ద దిక్కును కోల్పోయిందని ... ఆయనపై ఆధారపడిన వారంతా రోధిస్తూ కుమిలిపోతారు. అయితే నెల్లూరు జిల్లాలోనే కీళ్లు, ఎముకుల నిపుణులుగా పేరు తెచ్చుకున్న పి. లక్ష్మీ నారాయణ రెడ్డికి కరోనా కాటుకు బలైన తీరు. ఆ కుటుంబం ప్రస్తుతం ఉన్న స్థితిని చూస్తే ఎవరికైనా అయ్యో పాపం అంటూ గుండె తరుక్కుపోతోంది. ఇంట్లో 5 సంవత్సరాల పసిబిడ్డ. ఐసోలేషన్లో వైద్యుని సతీమణి, పొరుగు రాష్ట్రమైన తమిళనాడులో వైద్యుని పార్థివదేహం.. భర్త మృత దేహాన్ని కడసారి చూపుకు కూడా నోచుకోలేని భార్య.. దీనస్థితిని చూస్తే ఐసోలేషన్లోని వైద్య సిబ్బంది సైతం కంటతడి పెట్టిస్తుంది.

మరోవైపు అమ్మా నాన్న ఎక్కడికి వెళ్లారో.. ఎప్పుడు వస్తారో తెలియ క ఇంట్లోనే వారి ఫొటోలు చూస్తూ ఏడుస్తున్న 5 సంవత్సరాల చిన్నారిని చూస్తూ సొంత బంధువులు సైతం ఆ బిడ్డను తల్లి దగ్గరకి తీసుకెళ్లలేక.. అటు తండ్రి అంత్యక్రియలను చూపించలేక... ఆ చిన్నారని ఓదార్చలేక కుమిలిపోతున్నారు. పగవాడికి కూడా ఇంత కష్టం రాకూడదంటూ దేవుడిని వేడుకుంటున్నారు. వినడానికే బాధగా ఉన్నా అత్యంత విచారకర సంఘటన శ్రీ పొట్టి శ్రీరాములు నెల్లూరు జిల్లాలో జరిగింది. ఓ వైద్యుని కుటుంబం దీనగాథ ఇది. నెల్లూరులో వైద్యుడు కీళ్లు, ఎముకులవైద్యశాలను నిర్వహిస్తున్నారు. ఈ నెల 2వ తేది నూతనంగా కొనుగోలు చేసి ఆధునీకరించిన వైద్యశాలను తనకు అత్యంత సన్నిహితులైన కొంతమంది వైద్యులతో కలిసి ప్రారంభించారు. అయితే అప్పటికే ఆయనకు జలుబు, జ్వరం ఉండడం, 4వ తేది ఆయన అస్వస్థతకు గురయ్యారు.

దీంతో ఆయనను స్థానికంగా పరీక్షలు నిర్వహించడంతో పాటు కరోనా పరీక్ష కూడా చేశారు. 5వ తేది పాజిటివ్ రిపోర్టు రావడంతో ఆయనను నగరంలోని ఐసోలేషన్ వార్డుకు తరలించారు. రెండు మూడు రోజులు చికిత్స అనంతరం బంధువులు మెరుగైన వైద్యం కోసం చెన్నైకు తీసుకెళ్లారు. అయితే అప్పటికే ఆయన పరిస్థితి ప్రమాదకరంగా ఉండడంతో జిల్లా అధికారులు ఈ పరిస్థితుల్లో పొరుగు రాష్ట్రానికి తీసుకెళ్లడం మంచిది కాదని సూచించారు. అయినా బంధువులు పట్టుబట్టి ఎలాగైనా ఆయనను దక్కించుకోవాలని చెన్నైకు తీసుకెళ్లారు. అక్కడ మెరుగైన చికిత్స అందిస్తున్నప్పటికీ ఆదివారం సాయంత్రం పరిస్థితి విషమించి ఆయన మృతిచెందారు. వైద్యుడు కరోనా కాటుకు బలి అయితే వారిలో ఒక్కరూ కూడా ఆయన పార్థివదేహాన్ని చూసేందుకు కూడా వెళ్లలేని దీనస్థితి .. ఆ పై మృతదేహానికి అంత్యక్రియలు నిర్వహించేందుకు శ్మశాన వాటికలో సిబ్బంది కూడా ముందుకు రాకపోవడంతో ఆదివారం సాయంత్రం నుంచి సోమవారం సాయంత్రం వరకు 24 గంటల పాటు వైద్యుని మృతదేహం రెండు శ్మశాన వాటికలకు తిప్పాల్సి వచ్చింది. ఆయన పార్థివదేహానికి అంత్యక్రియలు జరిగిన తీరు తెలుసుకున్నంత వారు అయ్యో పాపం అంటూ కంటతడి పెడుతున్నారు.

ఆంధ్రప్రదేశ్ రాష్ట్ర ప్రభుత్వానికి, హైకోర్ట్ లో షాకులు మీద షాకులు తగులుతున్నాయి. మొన్న, తెలుగు మీడియం పూర్తిగా ఎత్తేసి, తల్లిదండ్రులకి, పిల్లలకు ఛాయస్ ఇవ్వకుండా, బలవంతంగా ఇంగ్లీష్ మీడియం వైపు వెళ్ళాలి అంటూ, ప్రభుత్వం ఇచ్చిన ఉత్తర్వులని కోర్ట్ కొట్టిసిన సంగతి తెలిసిందే. అంతకు ముందు కూడా, 52 సార్లు హైకోర్ట్ లో ఎదురు దెబ్బ తగిలిన విషయం తెలిసిందే. ఇలా ప్రతి విషయంలోనూ, రాష్ట్ర ప్రభుత్వానికి ఎదురు దెబ్బలు తగులుతూనే ఉన్నాయి. ముఖ్యంగా, అవగాహనా రాహిత్యం, దూకుడుగా వెళ్ళటంతోనే, ఇలాంటి ఎదురు దెబ్బలు తగులుతున్నాయిని చెప్పవచ్చు. తాజాగా ప్రభుత్వ భవనాలకు, వైసీపీ రంగుల విషయంలో, ప్రభుత్వానికి మరో ఎదురు దెబ్బ తగిలింది. ఇప్పటికే ఈ విషయంలో, హైకోర్ట్ రాష్ట్ర ప్రభుత్వానికి మొట్టికాయలు వేసి, వెంటనే రంగులు మొత్తం తొలగించాలి అంటూ, చెప్పిన విషయం తెలిసిందే.

అయితే ఆ తీర్పు ఇచ్చిన సందర్భంగా, పది రోజుల్లోగా, రంగులు తొలగించాలని ఆదేశాలు ఇచ్చింది. అయితే ఇప్పటికే ఆ ఆదేశాలు ఇచ్చి, రెండు నెలలు అవుతూ ఉండటంతో, ఇప్పుడు ప్రభుత్వం కోర్ట్ కు సమాధానం చెప్పుకోవాల్సి వచ్చింది. కోర్ట్ పది రోజులు టైం ఇచ్చినా రంగులు తొలగించలేదు. దీంతో, ఇప్పుడు హైకోర్ట్ కి ప్రభుత్వం సమాధానం చెప్పుకోవాల్సి వచ్చింది. తమకు రంగులు తొలగించటానికి మూడు నెలలు సమయం కావాలని, ప్రభుత్వం కోర్ట్ కు తెలిపింది. తమకు మూడు నెలలు సమయం ఇస్తే, రంగులు అన్నీ మార్చేస్తాం అని కోర్ట్ కు ప్రభుత్వం చెప్పింది. అయితే, ప్రభుత్వ స్పందన పై హైకోర్ట్ తీవ్ర అభ్యంతరం వ్యక్తం చేస్తూ, తీవ్ర వ్యాఖ్యలు చేసింది.

రంగులు మార్చటానికి మూడు నెలలు కావాలా ? మీ తీరు చూస్తుంటే, స్థానిక ఎన్నికలు అయ్యే వరకు, ఈ రంగులు ఇలాగే ఉంచాలి అనే ఆలోచనలో ఉన్నట్టు ఉన్నారు. సరే, మీరు కోరినట్టే మూడు నెలలు గడువు ఇస్తాం, అప్పటి వరకు, స్థానిక సంస్థలు ఎన్నికలు జరపకుండా మీరు ఉంటారా ? అంటూ రాష్ట్ర ప్రభుత్వాన్ని ప్రశ్నించింది హైకోర్ట్. రంగులు తొలగించటానికి, అంట సమయం ఇచ్చే ప్రసక్తే లేదని తేల్చి చెప్పింది. లాక్ డౌన్ ముగిసిన తరువాత, వేసిన రంగులు అన్నీ తొలగించటానికి, ఎంత సమయం పడుతుందో, అధికారులు దగ్గర సమాచారం తెలుసుకుని చెప్తామని, దానికి కొంత సమయం కావాలని, ప్రభుత్వం కోర్ట్ ను అభ్యర్థించగా, దానికి అంగీకారం తెలిపిన హైకోర్ట్, కేసును వచ్చే సోమవారానికి వాయిదా వేసింది.