news

ఆంధ్రప్రదేశ్ రాష్ట్రంలో ప్రభుత్వ ఉద్యోగుల జీతాల అంశం, అనేక మలుపులు తిరుగుతుంది. నిన్నటి వరకు ఈ కొత్తా పీఆర్సి ప్రకారం, పోలీసుల జీతాల్లో ఎలాంటి మార్పు ఉండదని ప్రభుత్వం చెప్తూ వచ్చింది. పోలీసులు కూడా అదే భావించారు. అయితే ఈ రోజు పోలీసులు తమ పే స్లిప్లు చూసుకుని,లబోదిబో అంటున్నారు. మిగతా ఉద్యోగులు లాగా, పోలీసులకు ఆందోళన చేసే అవకాసం ఉండదు. పోలీసులకు ఉద్యోగ నియమ నిబంధనలు వేరుగా ఉంటాయి. పోలీసులు ఎక్కడా ఆందోళన కార్యక్రమాలు చేయటానికి ఉంటుంది. అందుకే ప్రభుత్వాలు ఎప్పుడూ పోలీసులను టచ్ చేయవు. అయితే పొలీసులు కూడా అదే భావించారు. తమ జోలికి ప్రభుత్వం రాదులే అని అనుకున్నారు. అయితే అలా భావించిన పోలీసులకు షాక్ తగిలింది. తాజాగా వారి పే స్లిప్ లు చూసుకుంటే, హెచ్ఆర్ఏ లో కానీ, డీఏలో కానీ, కోత పడినట్టు పోలీసులు గ్రహించారు. ప్రధానంగా హెచ్ఆర్ఏ లో ఉద్యోగులకు తగ్గించినట్టే, 20 శాతం నుంచి 8 శాతానికి తగ్గించటంతో షాక్ అయ్యారు. అలాగే డీఏని కూడా తగ్గించారు. అయితే పోలీసులు నిన్నటి వరకు తమకు ఇది వర్తించవని, తమ జీతాలకు ఇబ్బందులు ఉండవని అనుకున్నారు. అయితే నిన్న జీతాలు పడటం, పే స్లిప్లు చూసుకోవటంతో, అసలు విషయం బయట పడింది.

దీంతో పోలీసులు లోపల లోపల తీవ్ర ఆవేదన వ్యక్తం చేస్తున్నారు. ప్రభుత్వం తమ పైన సానుకూలంగా ఉందని భావించిన పోలీసులు, ఈ విషయం తెలుసుకుని , కోత పడిన జీతం చూసి తీవ్ర ఆవేదనకు గురయ్యారు. తాము ఆందోళన చేయాలని అనుకున్నా కూడా, తమ డ్యూటీ పరంగా ఆందోళన చేయాలేని పరిస్థితిలో ఉన్నామని పోలీసులు వాపోతున్నారు. దీంతో ఇప్పుడు పోలీసులు కూడా, ఉద్యోగుల పై సానుభూతి చూపిస్తున్నారు. ఉద్యోగులు ఆందోళన చేయటంలో తప్పు లేదని అఫ్ ది రికార్డు గా మాట్లాడుకుంటున్నారు. రేపు ఉద్యోగుల చలో విజయవాడ విషయం పైన, పోలీసుల పైన ఒత్తిడి బాగా ఉంది. చలో విజయవాడ కార్యక్రమాన్ని అణిచివేయటానికి, ప్రభుత్వం, పోలీసులనే వాడుతుంది. దీంతో ఒక పక్క తమ పరిస్థితి కూడా దారుణంగా ఉందని తెలిసినా, ఉద్యోగుల డిమాండ్ కూడా న్యాయమైనది అని తెలిసినా, పోలీసులు తమ విధి నిర్వహణ చేయాల్సిన పరిస్థితి. మొత్తంగా, ప్రభుత్వం ఎవరినీ వదలకుండా, అందరి సరదా తీర్చేస్తుంది.

ఆంధ్రప్రదేశ్ రాజధాని పై కేంద్ర ప్రభుత్వం క్లారిటీ ఇచ్చింది. ఇప్పటికీ ఆంధ్రప్రదేశ్ రాజధాని అమరావతి మాత్రమే అని కేంద్ర ప్రభుత్వం స్పష్టం చేసింది. కేంద్ర హోం శాఖ సహాయ మంత్రి నిత్యానందరాయ్ ఈ మేరకు రాజ్యసభ సాక్షిగా స్పష్టం చేసారు. ఈ రోజు రాజ్యసభలో ప్రశ్నలు అడిగే సమయంలో, బీజేపీ రాజ్యసభ సభ్యుడు జీవీఎల్ ఏపి రాజధానికి సంబంధించి సూటిగా కేంద్రాన్ని ప్రశ్నించారు. ఆంధ్రప్రదేశ్ రాజధాని అమరావతి మాత్రమే అని తాము అనుకుంటున్నాం అని, అయితే కేంద్ర ప్రభుత్వం అప్పుడప్పుడు అమరావతి కాకుండా, హైదరాబాద్ అని పేర్కొనటం, ఇతర ప్రాంతాలు గురించి చెప్పటం చూస్తున్నాం అని, అసలు కేంద్ర ప్రభుత్వానికి ఏపి రాజధాని అంటే ఏది అంటూ సూటిగా ప్రశ్న వేసారు. దీని పైన కేంద్ర హోం శాఖ సహాయ మంత్రి నిత్యానందరాయ్ సమాధానం ఇస్తూ, అమరావతి మాత్రమే ఇప్పటికే ఏపి రాజధాని అని, గతంలో చంద్రబాబు ప్రభుత్వం ఉండగా, అమరావతిని రాజధాని చేసారని అన్నారు. అయితే తరువాత వచ్చిన ప్రభుత్వం మూడు రాజధానులు అని చెప్పారని, అయితే ఈ బిల్లులు ఇప్పుడు లేవని అన్నారు. ఇప్పటికీ అమరావతి మాత్రమే ఏపి రాజధాని అని స్పష్టం చేసారు.

చింతామణి నాటకం నిషేధంపై ఆంధ్రప్రదేశ్ హైకోర్టు, ప్రభుత్వం పై ఆగ్రహం వ్యక్తం చేసింది. చింతామణి నాటకానికి సంబంధించి, ఉమేష్ చంద్ర అనే న్యాయవాది, వైసీపీ ఎంపీ రఘురామరాజు తరుపున హైకోర్టులో, ప్రజా ప్రయోజన వ్యాజ్యం దాఖలు చేసారు. ఈ ప్రజా ప్రయోజన పిటీషన్ పైన, ఈ రోజు హైకోర్టులో వాదనలు జరిగాయి. ఈ సందర్భంగా హైకోర్టు జోక్యం చేసుకుని, ప్రభుత్వం పై ఆగ్రహం వ్యక్తం చేసింది. చింతామణి నాటకం పై అభ్యంతరం ఉంటే, నాటకంలో ఏ పాత్ర పైన అభ్యంతరం ఉందో ఆ పాత్ర పైన నిషేధం విధించాలి కానీ, మొత్తం నాటకాన్ని ఎలా నిషేదిస్తారు అని చెప్పి, హైకోర్టు ప్రశ్నించింది. అలాగే మరో కీలకమైన అంశం ఏమిటి అంటే, ఈ చింతామణి నాటకానికి మూలం ఎక్కడ ఉంది, అనే విషయం పైన కూడా హైకోర్టు ఆరా తీసింది. అయితే ఈ నాటకం ఒక పుస్తకం ఆధారంగా వచ్చిందని కోర్టుకు తెలిపారు. దీంతో హైకోర్టు మాట్లాడుతూ, ఆ పుస్తకాన్ని మీరు నిషేదించారా అని ప్రభుత్వాన్ని ప్రశ్నించింది. పుస్తకాన్ని మేము నిషేదించలేదని కోర్టుకు తెలిపారు. దీంతో హైకోర్టు మరోసారి ఆగ్రహం వ్యక్తం చేస్తూ, అసలు ఈ నాటకానికి మూలం అయిన పుస్తకాన్ని నిషేధించ కుండా, నాటకాన్ని ఎలా నిషేదిస్తారని హైకోర్టు ప్రశ్నించింది.

ఈ నేపధ్యంలోనే దీనికి సంబంధించి, ఆర్య వైశ్యులు తమకు విజ్ఞాపన పత్రం ఇచ్చారని, దాని ఆధారంగానే, అది పరిగణలోకి తీసుకుని, నిషేధించామని కోర్టుకు తెలిపింది ప్రభుత్వం. అసలు వాళ్ళు ఇచ్చిన విజ్ఞాపన పత్రం ఏమిటో తమ ముందు ఉంచాలని, హైకోర్టు ఆదేశించింది. అలాగే ఈ కేసులో ప్రతివాదులుగా పేర్కొన్న ప్రభుత్వంతో పాటు, మిగతా ప్రతివాదులు అందరికీ కూడా కౌంటర్ ఫైల్ చేయాలని, ధర్మాసనం ఆదేశించింది. ఎప్పుడైనా సరే ఒక అంశాన్ని నిషేధించే సమయంలో, దాని వాళ్ళ ఎవరు ఎవరు ఇబ్బంది పడతారు అనే విషయం కూడా చూసుకోవాలని, న్యాయవాది ఉమేష్ చంద్ర హైకోర్టు ముందు వాదించారు. పైగా మూలమైన పుస్తకాన్ని కాకుండా, నాటక ప్రదర్శన నిషేదించటం ఎక్కడా లేదని కూడా కోర్టుకు తెలిపారు. న్యాయవాది వాదనతో ఏకీభవించి, పలు కీలక ప్రశ్నలు లేవనెత్తటమే కాకుండా, అసలు మీకు ఆర్య వైశ్యులు ఏమి విజ్ఞాపన పత్రం ఇచ్చారో, అది కూడా తమ ముందు ఉంచాలని ఆదేశాలు జారీ చేసింది.