news

రాజకీయాల కోసం, కుటుంబాల్లో కూడా చిచ్చు పెట్టటం, మన రాష్ట్రంలో మొదటి నుంచి చూస్తున్నాం. మరీ ముఖ్యంగా నందమూరి కుటుంబం నుంచి, చంద్రబాబుని వేరు చేయటానికి, గత 30 ఏళ్ళ నుంచి రాజశేఖర్ రెడ్డి, ఆ తరువాత జగన్ మోహన్ రెడ్డి, ఎన్నో ప్రయత్నాలు చేసారు. కొన్నిట్లో సక్సెస్ అయ్యారు కూడా. అయితే ఇప్పుడు తాజాగా జూనియర్ ఎన్టీఆర్, అలాగే బాలయ్య విషయంలో కూడా, వైఎస్ఆర్ కాంగ్రెస్ పార్టీ, ఇలాంటి జిమ్మిక్కులే పన్నుతూ వస్తుంది. ఇప్పటి వరకు అయితే వీరి వేషాలను, ఇద్దరూ కూడా తెలివిగా తప్పిస్తూ వస్తున్నారు. తాజాగా ఎన్టీఆర్ పేరుని, కృష్ణా జిల్లాకు పెట్టిన విషయం పైన, బాలయ్య, జూనియర్ ఎన్టీఆర్ స్పందించాలని, జగన్ కు ధన్యవాదాలు చెప్పాలి అంటూ, వైసీపీ పెద్ద క్యాంపెయిన్ నడిపింది. ఎవరు స్పందించినా, వారిని చూపించి, చంద్రబాబుని , నందమూరి అభిమానులకు దూరం చేయాలని, ఎన్టీఆర్ అంటే చంద్రబాబుకి ఇష్టం లేదు అనే సీన్ చేయాలని అనుకున్నారు. అయితే జూనియర్ ఎన్టీఆర్ బయటకు రారు కాబట్టి ఆయనకు ఇబ్బంది లేదు, ఆయన తప్పించుకున్నారు. బాలయ్య మాత్రం ఎమ్మెల్యే కాబట్టి ప్రజల్లో తిరుగుతారు. ఆయనను ఎలాగైనా ఈ విషయం పై స్పందించే విధంగా, వైసీపీ ట్రాప్ వేసింది. తమ అనుకూల మీడియాను వాడుకుంది.

బాలయ్య హిందూపురం జిల్లా కోసం, నిరసన తెలుపుతున్నారు. ఈ క్రమంలో, బాలయ్య విలేఖరులతో మాట్లాడిన సమయంలో, ఎన్టీఆర్ పేరు పెట్టారు కదా, మీకు సంతోషమేనా అని బాలయ్యని విలేఖరులు అడిగారు. దీనికి బాలయ్య స్పందించారు. ఎన్టీఆర్ గారి మీద వీళ్ళకు ఏదో ప్రేమ ఉన్నట్టు మాట్లాడుతూ హడావిడి చేస్తున్నారని, అసలు వీళ్ళకు నిజంగా ఇంత ప్రేమ ఉందా అంటూ ప్రశ్నించారు. అంత ప్రేమే ఉంటే, ప్రతి ఊరిలో ఎన్టీఆర్ విగ్రహాలు పగలగొడుతున్నారని, అప్పుడు వీళ్ళు ఎక్కడ ఉన్నారని అన్నారు. ఒక్కరి పైన అయినా చర్యలు తీసుకున్నారా అని ప్రశ్నించారు. పేదలకు పెట్టే అన్న క్యాంటీన్లకు, ఎన్టీఆర్ పేరు ఉందని, ఎత్తేసిన వీళ్ళా మాట్లాడేది, పధకాలకు ఎన్టీఆర్ పేరు ఉంటే మార్చేసిన వీరా మాట్లాడేది అంటూ, బాలయ్య ఎదురు ప్రశ్నించారు. దీంతో బాలయ్య తెలివిగా సమాధానం చెప్పటంతో, వైసీపీ అనుకున్నది జరగలేదు. బాలయ్య ధన్యవాదాలు చెప్తే, అది సాకుగా చూపి, చంద్రబాబు మీద రాజకీయంగా పై చేయి సాధించ వచ్చు అనే ప్లాన్ వర్క్ అవుట్ అవ్వలేదు.

ఆంధ్రప్రదేశ్ ప్రభుత్వం ఇచ్చిన పీఆర్సి పైన రాష్ట్ర ఉద్యోగ సంఘాల నేతలు ఎదురు తిరిగిన విషయం తెలిసిందే. సహజంగా సమాజంలో ఉద్యోగులు పట్ల అంత సానుభూతి ప్రజల్లో లేదు. అయతే ఇక్కడ మాత్రం, ఉద్యోగులకు అన్యాయం జరిగిందని ప్రజలు నమ్మారు. అందుకే వారి ఉద్యమానికి మద్దతు తెలపటం చూసాం. ఎప్పుడూ లేని విధంగా ఉద్యోగుల జీతాలు తగ్గటం, రికవరీ చేయటం అందరినీ ఆశ్చర్య పరిచింది. అయితే ఉద్యోగ సంఘాల నేతలు, మొదట నుంచి, మూడు డిమాండ్లు వినిపిస్తూ వచ్చారు. ఇవి ఒప్పుకుంటేనే చర్చలు అన్నారు. అసితోష్ మిశ్రా కమిటీ నివేదిక బయట పెట్టటం, రెండోది పీఆర్సీ జీవోల రద్దు, మూడు పాత జీతాలు వేయటం. అయితే శనివారం వరకు ఈ మూడు డిమాండ్ల పై ఉద్యోగ సంఘ నాయకులు గట్టిగా ఉన్నారు. చలో విజయవాడ కార్యక్రమం తరువాత కూడా ఇదే విషయం చెప్పారు. అయితే శుక్రవారం రాత్రి నుంచి సీన్ మారిపోయింది. ఈ మూడు డిమాండ్ల విషయంలో ఎలాంటి స్పష్టత లేక పోయినా, ఉద్యోగ సంఘ నాయకులు చర్చలకు వెళ్ళిపోయారు. అలా ఎందుకు వెళ్ళారు అంటే, పెద్ద కధే వినిపిస్తుంది. చలో విజయవాడ కార్యక్రమం సక్సెస్ అవ్వటంతో, ప్రభుత్వంలో ఒక్కసారిగా అలజడి రేగింది. ఇంటలిజెన్స్ రిపోర్ట్ చూసి ఉలిక్కిపడ్డారు.

దీంతో ఉద్యోగులు సమ్మెకు వెళ్తే ఆ ఇంపాక్ట్ వేరే రకంగా ఉంటుందనే అంచనాకు వచ్చారు. ఇక ఏ మాత్రం ఆలస్యం చేయకుండా, దీనికి ముగింపు పలకాలని డిసైడ్ అయ్యారు. అంతే ఉద్యోగ సంఘాల నేతలను లైన్ లోకి తీసుకు రావటానికి, ఒక మంత్రి రంగంలోకి దిగారు. అలాగే ఒక ప్రభుత్వ పెద్ద కూడా సహకరించారు. ఏ ఉద్యోగి సంఘ నాయకుడి మీదకు ఎవరిని ప్రయోగించాలో స్కెచ్ వేసారు. అలాగే ప్లాన్ ఇంప్లిమెంట్ చేసారు. అంతే మూడు షరతులు గాల్లో కలిసిపోయాయి. నలుగురు ఉద్యోగ సంఘ నాయకులూ, మంత్రుల కమిటీ ముందు వాలిపోయారు. ఇక శనివారం నుంచి అయితే, చర్చలు అవ్వకుండానే, వాళ్ళు ఒప్పేసుకున్నారు అంటూ, మీడియాకు లీకులు ఇచ్చారు. అసలు చర్చలకంటే ముందే, ఈ చర్చలు సఫలం అవుతాయి అనే వాతావరణం బయట కల్పించారు. చివరకు ఆ మూడు డిమాండ్లు మత్రమే కాదు, ఏది అవ్వలేదు. పీఆర్సి సాధన కమిటీ అనే పేరు ఎందుకు పెట్టారో తెలియదు కానీ, పీఆర్సి సాధించకుండానే కధ సమాప్తం అయ్యింది. ఏమయ్యిందో, ఆ నలుగురుకే తెలియాలి మరి.

జగన్ మోహన్ రెడ్డి చాలా రోజుల తరువాత హైదరాబాద్ వెళ్తున్నారు. ఈ మధ్య కాలంలో ఆయన హైదరాబాద్ వెళ్ళింది లేదు. నాలుగు నెలల క్రిందట వరదల సమయంలో, ఇక్కడ వరదలు ఉన్నా, హైదరాబాద్ పెళ్లికి వెళ్లి, విందు భోజనాలు చేయటం అప్పట్లో వివాదాస్పదం అయిన సంగతి తెలిసిందే. మూడు నాలుగు సార్లు కేసీఆర్ ని కలవటానికి, రెండు సార్లు నాంపల్లి కోర్టుకు జగన్ వెళ్ళారు. కోర్టు వాయిదాలకు కూడా జగన్ వెళ్ళటం లేదు. విధి నిర్వహణలో బిజీగా ఉండి జగన్ వెళ్ళలేక పోయారని, కోర్టులో చెప్తూ మినహాయింపు పొందుతున్నారు. ఇక ఈ విషయం పక్కన పెడితే, ఈ రోజు జగన్ హైదరాబాద్ వెళ్తుంది, ముచ్చింతల్‌లోని రామానుజ సహస్రాబ్ది వేడుకల్లో పాల్గునటానికి. చినజీయర్ స్వామి ఆహ్వానం మేరకు జగన్ వెళ్తున్నారు. ఈ రోజు మధ్యాహ్నం 3.50కి గన్నవరం నుంచి ప్రత్యేక విమానంలో జగన్ మోహన్ రెడ్డి హైదరాబద వెళ్తారు. సాయంత్రం 4.30కు శంషాబాద్ ఎయిర్ పోర్ట్ కు చేరకుని, అక్కడ నుంచే నేరుగా ముచ్చింతల్ ఆశ్రమానికి వెళ్తారు. అక్కడ కార్యక్రమంలో పాల్గుని, అదే రోజు రాత్రికి వెంటనే తిరిగి తాడేపల్లి వచ్చేస్తారు. హైదరాబాద్ లో ఉన్న లోటస్ పాండ్ కి జగన్, ఈ మధ్య కాలంలో వెళ్ళలేదు. మరి అక్కడకు కూడా జగన్ వెళ్తారేమో చూడాలి మరి.

ఇక ముచ్చింతల్‌లో రామానుజాచార్యుల విగ్రహాన్ని రెండు రోజుల క్రితం ప్రాధాని ప్రారంభించిన సంగతి తెలిసిందే. ముచ్చింతల్ లో 216 అడుగుల రామానుజాచార్యుల విగ్రహాన్ని, ప్రధాని మోడీ జాతికి అంకితం చేసారు. ఘనంగా జరిగిన ఈ కార్యక్రమంలో ప్రధాని మోడీ ప్రసంగించి, రామానుజాచార్యులను కీర్తించారు. అయితే ఈ కార్యక్రమానికి తెలంగాణా ముఖ్యమంత్రి కేసీఆర్ రాకపోవటం కూడా, వివాదాస్పదం అయ్యింది. కేసీఆర్ కు జ్వరంగా ఉందని, అందుకే ఆయన ఆ కార్యక్రమానికి రాలేదని తెలంగాణా సిఎంఓ ఆఫీస్ చెప్పింది. మరి ఈ రోజు జగన్ తో పాటు, కేసీఆర్ కూడా ఉంటారో లేదో చూడాలి. ఇక నిన్న సాయంత్రం ముచ్చింతల్‌లో జరిగిన, రామానుజ సహస్రాబ్ది వేడుకల్లో , జనసేన అధినేత పవన్ కళ్యాణ్ పాల్గున్నారు. సమతామూర్తి విగ్రహాన్ని పవన్ కళ్యాణ్ సందర్శించారు. వెయ్యేళ్ల చరిత్ర కలిగిన రామానుజుల విగ్రహాన్ని దర్శించుకోవటం సంతోషంగా ఉందని అన్నారు. అలాగే హైదరాబాద్ ఆధ్యాత్మిక రాజధానిగా మారనుందని పవన్ అన్నారు.