సియం క్యాంప్ ఆఫీస్ కు డీజీపీ గౌతం సవాంగ్ రావటం, ఇప్పుడు చర్చనీయంసం అయ్యింది. నిన్న జరిగిన చలో విజయవాడ కార్యక్రమం గ్రాండ్ సక్సెస్ అవ్వటం, ప్రభుత్వం డొల్ల తనం బయట పడటం, ప్రజలకు కూడా ఉద్యోగుల సమస్యలు అర్ధం అవ్వటం, ప్రభుత్వం పూర్తిగా ఎక్ష్పొజ్ అవ్వటంతో, ప్రభుత్వానికి షాక్ తగిలింది. అసలు ఎక్కడ తేడా వచ్చింది, ఏమి జరిగింది, అసలు ఏమైంది అంటూ లెక్కలు వేస్తున్నారు. ఉద్యోగులను కట్టడి చేసినా, ఇంత మంది ఎలా వచ్చారు అనేది ప్రభుత్వానికి అర్ధం కావటం లేదు. అయితే దీని వెనుక పోలీసుల పాత్ర ఉందని, ప్రాధమికంగా అంచనాకు వచ్చారు. కేవలం పోలీసుల వైఖరి వల్లే, ఇలా జరిగిందని భావిస్తున్నారు. దీంతో ఇప్పుడు డీజీపీని కూడా పిలిపించుకుని, అసలు సంగతి ఏంటి అంటూ ఆరా తీస్తున్నారు. పోలీసుల వైఫల్యం పైనే ప్రభుత్వ పెద్దల ఫోకస్ ఉంది. దీంతో ఎవరు అలసత్వం వహించారు, ఏమి జరిగింది, ఎందుకు పోలీస్, ఇంటెలిజెంట్ వ్యవస్థ ఫెయిల్ అయ్యింది అనే వివరాలు తమకు సమర్పించాలని, డీజీపీని ఆదేశించినట్టు తెలుస్తుంది. పోలీసుల పై చర్యలు తీసుకునే సాహసం చేస్తారా, లేక మోఖికంగా ఆదేశాలు ఇచ్చి, పోలీసులకు వార్నింగ్ ఇచ్చి వదిలేస్తారా అనేది చూడాలి. మొత్తానికి ప్రభుత్వానికి గట్టిగానే వ్యతిరేకత తాకింది.
డీజీపీ తరువాత, జగన్ మోహన్ రెడ్డి ముఖ్యమైన మంత్రులను, అధికారులను, చీఫ్ సెక్రటరీని కుడా క్యాంప్ ఆఫీస్ కి పిలిచి మాట్లాడారు. మంత్రులు బుగ్గన, బొత్సాతో పాటు సజ్జల రామకృష్ణా రెడ్డి కూడా పాల్గున్నారు. అలాగే చీఫ్ సెక్రటరీ కూడా వచ్చారు. అయితే ఉద్యోగుల ఆందోళనతో పాటుగా, చలో విజయవాడ విషయం పైన కూడా చర్చించారు. అంతే కాదు, ఉద్యోగులు సమ్మెకు కూడా వెళ్తూ ఉండటం, మరో రెండు రోజుల్లో సమ్మెకు దిగుతూ ఉండటంతో, ఏమి చేయాలి, ప్రత్యామ్న్యాయ ఏర్పాట్లు ఎలా చేయాలి, ఎవరి సేవలు ఉపయోగించాలి, రిటైర్డ్ ఉద్యోగులు, వాలంటీర్లు, నిరుద్యోగులు, ఇలా ఎవరిని తీసుకోవాలి అనే అంశం పైన, చర్చించారు. పాలన ఎక్కడా స్తంభించ కుండా ఏమి చేయాలి, ఎలాంటి జాగ్రత్తలు తీసుకోవాలి అనే అంశం పైన ప్రధానంగా చర్చించారు. ఫైనల్ గా ఉద్యోగులతో మరోసారి మాట్లాడి, సమ్మెకు వెళ్ళకుండా చూడాలని, సమ్మెకు వెళ్తే ఏమి చేయాలి అనే దాని పైన, ప్రధానంగా ఈ భేటీ సాగినట్టు తెలుస్తుంది.
