news

ఆంధ్రప్రదేశ్ హైకోర్టు, ఈ రోజు పీఆర్సీకి సంబంధించిన అంశం పైన, విచారణ చేసింది. ఈ అంశం పైన స్పందించిన హైకోర్టు, కన్ని అంశాల పై తీవ్రంగా పరిగణిస్తాం అంటూ ప్రభుత్వాన్ని హెచ్చరించింది. పీఆర్సీ వ్యవహారానికి సంబంధించి, జీతాల నుంచి రికవరీ చేయటం అనేది, దేశంలోనే మొదటి సారిగా జరుగుతుందని, ఇది ఆంధ్రప్రదేశ్ ప్రభుత్వంలో పని చేస్తున్న ఉద్యోగులకు తీవ్రంగా నష్టం కలిగించే అంశంగా ఉందని కూడా, గతంలో పిటీషన్లు దాఖలు అయ్యాయి. అమరావతి ప్రభుత్వ గజిటెడ్ ఉద్యోగుల సంఘం అధ్యక్షుడు కృష్ణయ్య దాఖలు చేసిన పిటీషన్ పై గతంలో విచారణ జరిగింది. దీని పైన విచారణ గతంలో వాయిదా పడి, ఈ రోజుకు కోర్టు ముందుకు విచారణకు వచ్చింది. ఈ విచారణ సందర్భంగా హైకోర్టు కీలక వ్యాఖ్యలు చేసింది. కృష్ణయ్య తరుపు న్యాయవాది వాదనలు వినిపించారు. ఈ సందర్భంగా హైకోర్టు, ప్రభుత్వం పై ఘాటుగా స్పందించింది. పీఆర్సీ వ్యవహారంలో జీతం నుంచి, రికవరీ చేస్తే మాత్రం తీవ్రంగా పరిగణిస్తామని ప్రభుత్వాన్ని హైకోర్టు హెచ్చరించింది. అంతే కాకుండా, పీఆర్సీ నివేదికను కోర్టుకు సమర్పించాలని, తమ ముందు పీఆర్సీ నివేదిక ఉంచాలని కూడా, ఈ రోజు ప్రభుత్వానికి హైకోర్టు స్పష్టమైన ఆదేశాలు జారీ చేసింది.

ఉద్యోగులు వేసిన పిటీషన్ పై కౌంటర్ కూడా దాఖలు చేయాలని, కోరింది. పీఆర్సి విషయంలో, ప్రభుత్వం జారీ చేసిన జీవోలు అన్నీ, అలాగే దానికి సంబంధించిన పత్రాలు అన్నీ కూడా పిటీషనర్లకు ప్రభుత్వం ఎందుకు ఇవ్వలేదని, కోర్టు ప్రశ్నించింది. వెంటనే వాటి అన్నిటినీ కూడా పిటీషనర్ కు ఇవ్వాలని ఆదేశించింది. పీఆర్సీ వ్యవహారం పై, హైకోర్టులో జరిగిన విచారణ సందర్భంగా, హైకోర్టు ధర్మాసనం ఈ కీలక వ్యాఖ్యలు చేసింది. ప్రధానంగా పీఆర్సీకి సంబంధించి, ఉద్యోగులు జీతాల నుంచి రికవరీ చేయటం అనేది ఎక్కడా లేదని, న్యాయవాది కోర్టు దృష్టికి తీసుకు రాగా, ఒకవేళ రికవరీ చేయటం అనేది నిజం అయితే మాత్రం, ఈ అంశాన్ని తీవ్రంగా పరిగణిస్తామని కోర్టు స్పష్టం చేసింది. అయితే ఈ సందర్భంగా హైకోర్టు పీఆర్సి రిపోర్ట్ ఇవ్వాలని చెప్పటం ఇప్పుడు గమనించల్సిన అంశం. ఉద్యోగులకు ఈ రిపోర్ట్ ఇవ్వటానికి ప్రభుత్వం ఇప్పటి వరకు ససేమీరా అన్న విషయం తెలిసిందే. ఇప్పుడు ఈ రిపోర్ట్ కోర్టుకు వస్తే, ప్రభుత్వం బండారంతో పాటు, ఆ నలుగురు ఉద్యోగ సంఘాల బండారం కూడా, సామాన్య ఉద్యోగులకు అర్ధం అవుతుంది.

ఆంధ్రప్రదేశ్ హైకోర్టు ముందు, ఈ రోజు కీలక కేసు విచారణకు వచ్చింది. మహిళా రక్షణ కార్యదర్శులను మహిళా పోలీసులుగా నియమిస్తూ, రాష్ట్ర ప్రభుత్వం తీసుకున్న నిర్ణయం పై విచారణ జరిగింది. ఈ విచారణ సందర్భంగా రాష్ట్ర హైకోర్టు ధర్మాసనం పలు కీలక వ్యాఖ్యలు చేసింది. బ్యాక్ డోర్ ఎంట్రీలను ఎట్టి పరిస్థతిలో కూడా తాము ఒప్పుకోమని స్పష్టం చేసింది. రాజ్యాంగంలోని ఆర్టికల్ 309కి రాష్ట్ర ప్రభుత్వం తీసుకున్న నిర్ణయం విరుద్ధం అని హైకోర్టు స్పష్టం చేసింది. అంతే కాకుండా, వీటి అన్నిటినీ మించి ఏపి పోలీస్ ఆక్ట్ ఏదైతే ఉందో, ఆ యాక్ట్ కి కూడా ఇది విరుద్ధం అని స్పష్టం చేసింది. ఏదైతే రాష్ట్ర ప్రభుత్వం తీసుకున్న చర్యలు ఉన్నాయో, ఇది రాజ్యాంగ విరుద్ధం అని, దీనికి సాక్ష్యాలు కూడా ఉన్నాయని, దీని పైన మధ్యంతర ఉత్తర్వులు ఇస్తామని కోర్టు చెప్పిన సమయంలో, ప్రభుత్వం తరుపు న్యాయవాది హైకోర్టుని అభ్యర్ధించారు. చీఫ్ జస్టిస్ ధర్మాసనం ముందు, తాము అడిషనల్ అఫిడవిట్ వేశామని, ఆ అఫిడవిట్ ని పరిశీలన చేయాలని కోర్టుని విజ్ఞప్తి చేసారు. ఆయన పదే పదే విజ్ఞప్తి చేయటంతో, హైకోర్టు ధర్మాసనం అందుకు అంగీకరించింది. ఈ కేసులు అన్నీ కూడా రేపు మొత్తాన్ని కలిపి విచారణ చేస్తామని, ఎక్కువ సమయం దీనికి ఇవ్వబోమని, రేపు ఉదయమే, దీని పైన విచారణ చేస్తామని హైకోర్టు స్పష్టం చేసింది. ప్రాధమిక సాక్ష్యాలు కళ్ళ ముందు ఉన్నాయని, దీని పైన మధ్యంతర ఉత్తర్వులు ఇస్తామని హైకోర్టు చెప్పిన తరుణంలో, అలా వద్దు అంటూ, తమ అఫిడవిట్ చూడాలని ప్రభుత్వ న్యాయవాది విజ్ఞప్తి చేసిన తరుణంలో, కేసు విచారణను రేపటికి వాయిదా వేసింది.

రేపు తుది విచారణ చేపడతామని, హైకోర్టు స్పష్టం చేసింది. పిటీషనర్ల తరుపున నర్రా శ్రీనివాస్, యలమంజుల బాలాజీ వాదనలు వినిపించారు. తాము మొదటి నుంచి ఈ అంశం పై పోరాటం చేస్తున్నాం అని, రాష్ట్ర ప్రభుత్వం కొత్తగా ఉత్తర్వులు జారీ చేసినా కూడా, ఆ ఉత్తర్వుల్లో కూడా కొత్త దనం లేదని, తాము మొదటి నుంచి చెప్తున్నట్టు, ఇది ఏపి పోలీస్ ఆక్ట్ కి విరుద్ధంగా ఉన్నాయని చెప్పమని, ప్రభుత్వం మాత్రం మళ్ళీ కొత్త ఉత్తర్వులు విడుదల చేసిందని, అందులో కూడా పాత ఉత్తర్వుల్లో ఉన్నదే ఉన్నదని, ఇందులో కొత్త దనం ఏమి లేదని, హైకోర్టు ధర్మాసనం దృష్టికి తీసుకుని వచ్చారు. దీంతో హైకోర్టు ధర్మసానికి రాజ్యాంగంలో ఉన్న ఆర్టికల్స్, అదే విధంగా ఏపి పోలీస్ ఆక్ట్ కి కూడా ఇది విరుద్ధం అని, మహిళా రక్షణ కార్యదర్శులలు పోలీస్ డ్రెస్ ఎలా వేస్తారని, పోలీస్ డ్రెస్ వేయటం అంటే, పోలీస్ ఉద్యోగం చేసినట్టు అవుతుందని, పోలీస్ ఉద్యోగ నియామకాలు జరగాలి అంటే, పోలీస్ బోర్డు ద్వారానే చేయలని హైకోర్టు దృష్టికి ఈ అంశం తీసుకుని వచ్చారు. దీంతో వీరి వాదనతో ప్రభుత్వం ఏకీభవించింది.

మాజీ మంత్రి వివేక కేసులో చాలా కీలక పరిణామాలు చోటు చేసుకుంటున్నాయి. అవినాష్ రెడ్డి పాత్ర ఉంది అంటూ గతంలో దస్తగిరి, సిఐ శంకరయ్య,ఇతరులు ఇచ్చిన స్టేట్మెంట్ బయటకు రావటంతో, ఈ కేసులు దర్యాప్తుకు సంబంధించి, అత్యంత కీలక పరిణామాలు చోటు చేసుకుంటున్నాయి. ఈ నేపధ్యంలోనే ఉదయ కుమార్ రెడ్డి అనే వ్యక్తి తనను సిబిఐ వాళ్ళు వేధిస్తున్నారు అంటూ, ఈ నెల 15వ తేదీన కడప పోలీసులకు ఫిర్యాదు చేసారు. ఈ ఫిర్యాదు చేసిన అనంతరం అతను నేరుగా కోర్టుకు వెళ్ళాడు. కోర్టులో కూడా తెలిసిన విషయాలు అన్నీ చెప్పినా కూడా, సిబిఐ అధికారులు మానసికంగా, శారీరకంగా వేధిస్తున్నారు అంటూ, కడప కోర్టులో పిటీషన్ వేసారు. అయితే అక్కడ నుంచి ఉత్తర్వులు వచ్చాయని చెప్తూ, కడప పోలీసులు, వివేక కేసు దర్యాప్తు చేస్తున్న ఎస్పీ స్థాయి అధికారి రామ్‍సింగ్‍పై కడప పోలీసులు కేసు నమోదు చేసి, FIR కూడా నమోదు చేసారు. ఈ నేపధ్యంలోనే ఈ FIR పైన సిబిఐ రాష్ట్ర హైకోర్టు ని ఆశ్రయించింది. ఈ విధంగా దేశంలో, దర్యాప్తు చేస్తున్న ఒక అధికారి పైనే ఏకంగా కేసు నమోదు చేయటం అనేది కరెక్ట్ కాదు అంటూ, సిబిఐ తరుపు న్యాయవాది హైకోర్టులో గట్టి వాదనలు వినిపించారు. ఈ వాదనల నేపధ్యంలోనే హైకోర్టు తీవ్రంగా రియాక్ట్ అయ్యింది.

ఇందులో ప్రధానంగా, ఈ కేసుకు సంబంధించి, ఎలాంటి చర్యలు ఉండకూడదు అంటూ సిబిఐ స్టే ఇచ్చింది. కడప కోర్టు ఆదేశాలు మేరకే, తాము కేసు నమోదు చేసామని కడప పోలీసులు చెప్తూ ఉండటంతో, ఈ కేసుకు సంబంధించి, పూర్తి వివరాలు కూడా హైకోర్టుకు ఇవ్వాలని, రాష్ట్ర హైకోర్టు ఆదేశించింది. ఈ విధంగా దర్యాప్తు అధికారి అయిన రామ్‍సింగ్‍పై కేసు నమోదు చేయటం పట్ల సిబిఐ తీవ్ర అభ్యంతరం వ్యక్తం చేసింది. కింద కోర్టు ఇచ్చిన ఆదేశాల ప్రకారమే కేసు నమోదు చేసాం అని చెప్తున్నా, అందులో పేర్కొన్న సెక్షన్లు ఏవి అయితే ఉన్నాయో, ఆ సెక్షన్లు కూడా అసమంజసంగా ఉన్నాయని, న్యాయవాదులు వాదించారు. ఈ నేపధ్యంలోనే, ఒక కీలక అధికారి మీద, అదీ ఒక క్రైమ్ కేసు దర్యాప్తు అధికారి మీద, ఇలా కేసులు పెట్టటం, దేశంలోనే సంచలనంగా మారింది. దీంతో హైకోర్టు ఈ కేసుల పైన ఆగ్రహం వ్యక్తం చేస్తూ, సిబిఐ అధికారి పైన పెట్టిన కేసు విషయంలో, ఎలాంటి చర్యలకు ముందుకు వెళ్లొద్దు అంటూ, ఆదేశాలు జారీ చేసింది.