news

వైసీపీ నేతలు నోరు అదుపులో పెట్టుకుని మాట్లాడితే మంచిదని ఎస్సీ సెల్ రాష్ట్ర అధ్యక్షులు ఎమ్.ఎస్ రాజు పేర్కొన్నారు. గురువారం మంగళగిరిలోని టీడీపీ జాతీయ కార్యాలయంలో జరిగిన విలేఖర్ల సమావేశంలో ఆయన మాట్లాడుతూ..  ప్రతిపక్షాన్ని చూస్తే వైసీపీ నాయకులకు గుండెల్లో దడ పుడుతోందన్నారు.  ప్రభుత్వం భావప్రకటన స్వేచ్ఛను హరిస్తోందని ఆగ్రహం వ్యక్తం చేశారు.  లేని దిశా చట్టాన్ని ఉన్నట్లుగా ప్రచారం చేసుకోవడం పట్ల తిరుపతిలో తెలుగు యువత రాష్ట్ర అధ్యక్షుడు చినబాబు, కార్యకర్తలు నిరసన వ్యక్తం చేస్తుంటే చినబాబు పట్ల పోలీసులు ఓ రౌడీషీటర్‌లా వ్యవహరించడం, ఒక వీధి రౌడీని లాక్కెళ్ళినట్లుగా లాక్కెళ్లడం దుర్మార్గమన్నారు.  జగన్ అవినీతి, దుర్మార్గాన్ని వ్యతిరేకించినవారిపై కేసులు పెట్టడం అన్యాయమన్నారు. నాడు చంద్రబాబు ప్రజాస్వామ్యాన్ని గౌరవించకపోతే  నేడు జగన్ సీఎం అయ్యేవాడా? అని ప్రశ్నించారు. వైసీపీకి 2 లక్షల మంది పోలీసుల మద్దతుంటే టీడీపీకి 70 లక్షల టీడీపీ సభ్యుల మద్దతుందని గర్వంగా చెప్పారు. జగన్‌కు పాదపూజ చేయాలనుకున్న పోలీసులు ఖాకీ చొక్కాను వదిలేయాలని సూచించారు. అధికారం శాశ్వతం కాదని పోలీసులు గ్రహించాలన్నారు. జగన్ పుట్టినరోజునాడు వేలాది మంది వైసీపీ నాయకులు, కార్యకర్తలు రోడ్ల పైకి వచ్చి భజన చేసినప్పుడు ఈ క-రో-నా నిబంధనలేమయ్యాయని ప్రశ్నించారు. ప్రజాక్షేత్రంలో అచ్చెన్నాయుడు కుటుంబాన్ని ఓడించలేక అచ్చెన్నాయుడుపై అవాకులు చవాకులు పేల్చడం మానుకోవాలన్నారు. రౌడీలుగా వ్యవహరించే రాజకీయ నాయకులను పార్టీలో చేర్చుకొని పదవులివ్వడం సంస్కారం అనిపించుకోదని గుర్తు చేశారు.  దువ్వాడ శ్రీనివాస్ తన ధోరణి మార్చుకోవాలి. జగన్ పాదయాత్రలో కార్చింది మొసలి కన్నీరని ప్రజలు గ్రహించారన్నారు. తెలుగుదేశం పార్టీ అధికారంలోకి వచ్చాక వైసీపీకి ఊడిగం చేసే పోలీసులు తగిన మూల్యం చెల్లించుకోక తప్పదు.

ఆంధ్రప్రదేశ్ రాష్ట్రంలో ఇది మరో సంచలనం అనే చెప్పాలి. అంతే కాదు, ఎప్పుడైనా రాజకీయ నాయకులు బాగానే ఉంటారు, అధికారులు బుక్ అవుతారు జాగ్రత్త అంటూ వినిపించే మాట, ఇప్పుడు నిజం అయ్యింది. ఇన్నాళ్ళు కోర్టు ధిక్కరణ కేసులు విషయంలో కేవలం కోర్టులు ముందు హాజరు అయ్యి, ఏమైందిలే సాయంత్రానికి ఇంటికి వెళ్ళిపోతాం, రాజకీయ బాసులు దృష్టిలో మంచి మార్కులు ఉంటే చాలు అనే అధికారులకు, రాష్ట్ర హైకోర్టు షాక్ ఇచ్చింది. ఈ మధ్య కాలంలో ఐఏఎస్ అధికారులు కోర్టుకు హాజరు అయ్యే విషయంలో రికార్డులు సృష్టిస్తున్నారు. నిన్న ఒక కేసు విషయంలో, ఏకంగా ఏడుగురు ఐఏఎస్ అధికారులు కోర్టు ముందు హాజరు అయ్యారు. ఆ కేసులో ఎంత మంది అధికారులకు శిక్ష పడుతుందా అని అందరూ అనుకున్న సమయంలో, ఇప్పుడు మరో కేసులో సంచలనం చోటు చేసుకుంది. ఏకంగా అయుదు మంది ఐఏఎస్ అధికారులకు జైలు శిక్ష విధిస్తూ, సంచలన నిర్ణయం తీసుకుంది హైకోర్టు. నెల్లూరు జిల్లాలో తాళ్ళపాక సాయి బ్రహ్మ అనే మహిళ వద్ద నుంచి భూమి తీసుకుని, దానికి సంబంధించిన పునరావాసం, నష్ట పరిహారం ఇవ్వకపోవటంతో, హైకోర్టు ఆగ్రహం వ్యక్తం చేసింది. హైకోర్టు దీని పైన, ఆగ్రహం వ్యక్తం చేసిన తరువాత, వాళ్ళు నష్ట పరిహారం ఇచ్చారు.

అయితే నష్ట పరిహారం ఇవ్వటంలో అనూహ్యమైన జాప్యం చేయటంతో, ఆమె మానసికంగా, ఆర్ధికంగా తీవ్ర క్షోభ అనుభవించింది అంటూ హైకోర్టు పేర్కొంది. ఈ నేపధ్యంలోనే మొత్తం అయుదు మంది ఐ ఏఎస్ ఆఫీసర్లకు, జైలు శిక్షతో పాటుగా, లక్ష రూపాయల జరిమానా విధించింది. ఈ లక్ష రూపాయలు కూడా ఐఏఎస్ అధికారుల జీతాల నుంచి కట్ చేసి, ఆ మహిళకు చెల్లించాలని కూడా హైకోర్టు ఆదేశించింది. అదే విధంగా ఐఏఎస్ అధికారులకు విడివిడిగా కూడా జరిమానా విధించింది. ఈ శిక్ష మీద అపీల్ కు వెళ్లేందుకు నెల రోజుల పాటు శిక్షను నిలిపుదల చేసింది. మన్మోహన్ సింగ్ అనే అధికారికి నెల రోజులు జైలు శిక్ష, అప్పట్లో నెల్లూరు కలెక్టర్ గా చేసిన శేషగిరి బాబుకు రెండు వారల జైలు శిక్ష, అలాగే ఇప్పుడు ఫైనాన్సు ప్రిన్సిపల్ సెక్రటరీగా ఉన్న ఎస్ఎస్ రావత్ కు నెల రోజుల జైలు శిక్ష విధించింది. ఇప్పుడు సియం పేషీలో ప్రిన్సిపల్ సెక్రటరీగా ఉన్న ముత్యాల రాజుకి రెండు వారాల జైలు శిక్ష విధించింది. మొత్తానికి హైకోర్టు మాటలు వినకపోతే ఏమి అవుతుందో అర్ధం అవుతుంది.

జగన్మోహన్ రెడ్డి పాలన దాదాపు రెండున్నరేళ్లకు చేరిందని, ఈ సమయంలో అనేక బాదుడు కార్యక్రమాలను ఆయన ప్రజలపై అమలు చేశారని, గతంలో రకరకాల తప్పుడు వాగ్ధానాలు చేసి, మోసకారి, మాయదారి మాటలు చెప్పి ప్రజలతో ఓట్లు వేయించుకొని, ఇప్పడు ముఖ్యమంత్రయ్యాక జనం కష్టసుఖాలతో పనిలేకుండా వారి ర-క్తం పీల్చేలా ఆయన పాలన సాగుతోందని టీడీపీ జాతీయ అధికార ప్రతినిధి కొమ్మారెడ్డి పట్టాభిరామ్ స్పష్టం చేశారు. గురువారం ఆయన మంగళగిరిలోని పార్టీ జాతీయ కార్యాలయంలో విలేకరులతో మాట్లాడారు. ఆ వివరాలు ఆయన మాటల్లోనే... జగన్మోహన్ రెడ్డి ముఖ్యమంత్రయ్యాక రకరకాలుగా ప్రజలను బాదే పనిని నిర్విఘ్నంగా కొనసాగిస్తున్నారు. చెత్తపన్ను, ఆస్తిపన్ను, నీటి పన్ను వంటి పన్నులతో పాటు, విద్యుత్ ఛార్జీలపెంపు, పెట్రోల్ డీజిల్ ధరలు వి పరీతంగా పెంచేశాడు. రాష్ట్రంలో, దేశంలో ఎక్కడాలేని విధంగా పెట్రోల్ డీజిల్ ధరలు ఇక్కడే ఉన్నాయి. పొరు గురాష్ట్రాలు ఏపీలోని పెట్రోల్ డీజిల్ ధరలను పోలుస్తూ, బంకుల బయట బ్యానర్లు కడుతున్నారు. అవి చూశాకైనా ముఖ్యమంత్రి సిగ్గుపడాలి. జగన్ ముఖ్యమంత్రయ్యాక ఇప్పటికి మూడుసార్లు విద్యుత్ ఛార్జీలు పెంచాడు. మరలా నాలుగోసారి పెంచడానికి సిద్ధమయ్యారు. ప్రతి రెండు, మూడు నెలలకోసారి, ఏదోఒక పేరుతో ఈ ముఖ్యమంత్రి విద్యుత్ ఛార్జీల భారం ప్రజలపై వేస్తున్నాడు. సర్దుబాటు ఛార్జీల పేరుతో ప్రజలపై రూ.3,669 కోట్ల భారం వేయడానికి జగన్ రెడ్డి సిద్ధమయ్యాడు. యూనిట్ కు రూ.1.27పైసలు చొప్పున ఏపీ ఎస్పీడీసీఎల్ లో, యూనిట్ కి 45పైసలు చొప్పున ఏపీ ఈసీడీసీఎల్ లో దాదాపు రూ.,3700కోట్ల బాదుడుకు జగన్ ప్రభుత్వం శ్రీకారం చుట్టింది. గతంలో 500 యూనిట్లు దాటిన వారికి యూనిట్ పై 90 పైసలు వరకు పెంచారు. తద్వారా వినియోగదారులపై రూ.1300 కోట్ల వరకు భారం పడింది. శ్లాబ్ లు మార్చికూడా దొడ్డి దారిలో రూ.1500 కోట్ల నుంచి రూ.2000 కోట్ల వరకు భారం మోపారు. కిలోవాట్ కు రూ.10చొప్పున పెంచడం ద్వారా రూ.2,500కోట్లు , ట్రూ అప్ ఛార్జీలు, సర్దుబాటు ఛార్జీల పేరుతో తాజాగా రూ.3,700 కోట్ల వరకు భారం వేస్తున్నారు. మొత్తంగా చూస్తే రూ.9,500 కోట్ల భారాన్ని విద్యుత్ ఛార్జీల పెంపు పేరుతో జగన్ ప్రభుత్వం ప్రజలపై మోపింది. ఈ దారుణంపై టీడీపీ ప్రశ్నిస్తుంటే, ఏవేవో చెప్పి తప్పించుకుంటున్నారు.

టీడీపీ ప్రభుత్వంలో రూపాయి కూడా విద్యుత్ ఛార్జీలు పెంచకుండా, చంద్రబాబునాయుడు పాలన చేసింది వాస్తవమా ..కాదా అనేదానికి ఈ ముఖ్యమంత్రి సమాధానం చెప్పాలి. ప్రతి దానికి మీడియా ముందుకు తాడేపల్లి జీతగాడు సజ్జల రామకృష్ణారెడ్డి వస్తాడేంటి? మంత్రులు సమాధానం చెప్పలేక పోతున్నారా? ప్రజలకు వివరణ ఇవ్వాల్సిన బాధ్యత బాలినేనికి లేదా? పెద పాలేరు సమాధానాలు, సంజాయిషీలతో ప్రజలకు పనిలేదు. మంత్రులున్నది దేనికి? వారు ప్రజల ముందుకొచ్చి వివరణ ఇవ్వలేరా? తాడేపల్లి పెదపాలేరు గత ప్రభుత్వం చేసిన పాపాలవల్లే విద్యుత్ ఛార్జీలు పెంచాల్సి వస్తుందని చెప్పుకుంటున్నాడు సిగ్గులేకుండా. టీడీ పీప్రభుత్వం ఎక్కడా విద్యుత్ ఛార్జీలు పెంచకుండా, విద్యుత్ కోతలు లేకుండా, విద్యుత్ సరఫరాను సక్రమంగా సజావుగా అందించింది. సరఫరా వ్యవస్థను మెరుగుపరిచి, పైసా కూడా ఛార్జీలు పెంచకుండా చంద్రబాబునాయుడు పాలనచేశారు. డిస్ట్రిబ్యూషన్ కంపెనీలను టీడీపీప్రభుత్వం అప్పులఊబిలోకి నెట్టిందని కూడా సజ్జల సిగ్గులేకుండా బొంకాడు. రూ.62,463 కోట్ల అప్పుల్లోకి టీడీ పీప్రభుత్వమే కంపెనీలను నెట్టేసిందంటున్నాడు. 2018-2019 సంవత్సరాలకు సంబంధించి కేంద్ర ప్రభుత్వం విడుదల చేసిన డిస్కంల పనితీరుకు సంబంధించిన నివేదిక చదివితే, సజ్జల ఎంతగా పచ్చి అబద్ధాలు చెప్పాడో అర్థమవుతుంది. 2019 మార్చి నాటికి ( టీడీపీప్రభుత్వం దిగిపోయేనాటికి) ఏపీ ఎస్సీడీసీఎల్, ఏపీ ఈపీడీసీఎల్ సంస్థలు రూ.18,023 కోట్ల అప్పుల్లో ఉన్నాయని సదరు నివేదిక స్పష్టం చేసింది. నివేదికలో చాలా స్పష్టంగా రూ.18వేల కోట్ల అప్పులని ఉంటే, సజ్జల రూ.62,463 కోట్లని చెబుతాడా?

టీడీపీ ప్రభుత్వంలోనే విద్యుత్ డిస్కంలపై అప్పులు చాలా తక్కువగా ఉన్నాయి. చేతిలో దిక్కుమాలిన పకోడి పేపర్ ఉందనిచెప్పి ఇష్టమొచ్చినట్టు రాయిస్తారా? 420 సజ్జల ఈ వాస్తవాలు తెలుసుకుంటే మంచిది. రాష్ట్రం ఆర్థికంగా ఇబ్బందుల్లో ఉన్నాకూడా, సమర్థుడైన చంద్రబాబునాయుడుగారు రూపాయి కూడా ప్రజలపై భారం వేయకుండా, విద్యుత్ లో నష్టాలు లేకుండా డిస్కంలను, నడిపించారు. పనికి మాలిన జగన్మోహన్ రెడ్డి ముఖ్యమంత్రయ్యాకనే నాలుగుసార్లు విద్యుత్ ఛార్జీలు పెంచాడు. విద్యుత్ ఛార్జీలు ఈ విధంగా పెంచుకుంటూ పోతే, ప్రజలు తాడేపల్లి ప్యాలెస్ ముట్టడించడం ఖాయం. టీడీపీత రుపున కూడా ప్రజా ఉద్యమానికి శ్రీకారం చుడతామని హెచ్చరిస్తున్నాం. పవర్ కంపెనీల పేరుతో ఈ ముఖ్యమంత్రి తీసుకొచ్చిన వేల కోట్ల సొమ్ముని ఏప్యాలెస్ లో దాచాడో లెక్కలు చెప్పాలి. విద్యుత్ సంస్థల గ్రేడింగ్ ఎందుకు పడిపోయిందో కూడా చెప్పాలి. పైసా భారం ప్రజలపై మోపకుండా ఐదేళ్లపాటు చంద్ర బాబు నాయుడి ప్రభుత్వం నాణ్యమైన విద్యుత్ ను ప్రజలకు అందిస్తే, ఈ జగన్మోహన్ రెడ్డి వేల కోట్ల భారం ప్రజలపై మోపుతూ, వారిని చీకట్లో మగ్గేలా చేస్తున్నాడు. వ్యవసాయానికి విద్యుత్ కనెక్షన్లకు కూడా మీటర్లు బిగించి, రైతులకు ఉచిత విద్యుత్ ను దూరం చేశాడు. గతంలో విద్యుత్ వైర్లు పట్టుకుంటే షాక్ తగిలేది..కానీ ఇప్పుడు విద్యుత్ బిల్లు చూస్తేనే షాక్ కొడుతోంది. అందుకుకారణం ఈ దిక్కుమాలిన ప్రభుత్వం, అసమర్థ ముఖ్యమంత్రే.