news

అమరావతిలో కన్నా హైదరాబాద్ లోనే నిర్మాణ వ్యయం ఎక్కువని చంద్రబాబు అన్నారు. గుంటూరులో టిడిపి నేతలతో భేటిలో చంద్రబాబు ఈ వ్యాఖ్యలు చేసారు. తెలుగుదేశం పార్టీ అధ్యక్షులు నారా చంద్రబాబు నాయుడు బుధవారం గుంటూరులోని పార్టీ కార్యాలయంలో టిడిపి నేతలతో భేటి అయ్యారు. ఈ సందర్భంగా ఆయన మాట్లాడుతూ, ప్రభుత్వ విధానాల పై ధ్వజమెత్తారు. సచివాలయ ఉద్యోగుల రాతపరీక్షకు రూ.5లక్షలు, రూ.10లక్షలు ఇస్తే ప్రశ్నాపత్రం ఇస్తామని దళారులే చెబుతున్నారంటే వైసిపి ప్రభుత్వ నిర్వాకాలు ఏ స్థాయిలో ఉన్నాయో తెలుస్తోందని అన్నారు. 10 లక్షలకు పేపర్ ఇస్తాం అంటూ తనకు కూడా ఎస్ఎంఎస్ వచ్చిందని మంత్రి పెద్దిరెడ్డి రామచంద్రారెడ్డే చెప్పడం రాష్ట్రంలో దుస్థితికి అద్దం పడుతోందని, ఇంతకంటే సిగ్గు చేటు, ఈ ప్రభుత్వానికి ఏమి ఉంటుందని చంద్రబాబు ధ్వజమెత్తారు.

పారదర్శకత, కట్టుదిట్టమైన ఏర్పాట్లు, పకడ్బందీ నిర్వహణ ఇవన్నీ నోటిమాటలే తప్ప ఆచరణ శూన్యం అని చంద్రబాబు అన్నారు. గ్రామ వాలంటీర్ల పోస్టుల కోసం రూ.20వేల నుంచి రూ.40వేల వరకు చెల్లించామని ఎంపికైన వారే చెబుతున్నారని, బాధ్యతలు చేపట్టగానే గ్రామ వాలంటీరు జనన ధ్రువీకరణ పత్రం కోసం సత్యవేడు మండలంలో రూ.5వేలు డిమాండ్ చేసినట్లు పత్రికల్లో కథనాలు వచ్చాయని చంద్రబాబు అన్నారు. వైసిపి కార్యకర్తలకు ఉపాధి కల్పించేందుకే లక్షలాది కాంట్రాక్ట్ అవుట్ సోర్సింగ్ సిబ్బందిని తొలగిస్తున్నారని, ఇది మంచి పధ్ధతి కాదని, చంద్రబాబు అన్నారు. వైసిపి నేతల బెదిరింపులు-వేధింపులు తట్టుకోలేకే ఆశా వర్కర్లు, ఫీల్డ్ అసిస్టెంట్లు,ఆరోగ్య కార్యకర్తలు,అంగన్ వాడి వర్కర్లు ఆత్మహత్యా యత్నాలకు పాల్పడుతున్నారని చంద్రబాబు అన్నారు.

ఉన్న ఉద్యోగాలను ఊడబీకి వాటిలో వైసిపి కార్యకర్తలను నింపడం గర్హనీయం అని అన్నారు. ఇంత పెద్దఎత్తున రాష్ట్రంలో చిరుద్యోగులు రోడ్లెక్కి ఆందోళనలు చేయడం వారిలో నెలకొన్న అభద్రతకు అద్దం పడుతోందని అన్నారు . పేదల పొట్టకొట్టి వైసిపి కార్యకర్తల పొట్టనింపే చర్యలను ప్రతి ఒక్కరూ ఖండించాలని, దీని కోసం తెలుగుదేశం పార్టీ పోరాడుతుందని అన్నారు. అలాగే టిడిపి నేతల పై పెడుతున్న కేసుల పై కూడా స్పందించారు. "శ్రీకాకుళం జిల్లాలో టిడిపి నేత కూన రవికుమార్ పై కేసు పెట్టారు. నెల్లూరు జిల్లాలో మాజీ మంత్రి సోమిరెడ్డి చంద్రమోహన్ రెడ్డిపై కేసు పెట్టారు. పునుగుపాడు వెళ్లిన ఎమ్మెల్యేలు,ఎమ్మెల్సీల బృందంపై కేసులు పెట్టారు.గతంలో ఎమ్మెల్యే బెందలం అశోక్ పై దాడి చేశారు. కొండెపి ఎమ్మెల్యే స్వామిపై దౌర్జన్యానికి పాల్పడ్డారు. టిడిపి ఎమ్మెల్యేలు, ఎమ్మెల్సీలపై తప్పుడు కేసులు బనాయించడాన్ని ఖండిస్తున్నాం. అదే వైసిపి ఎమ్మెల్యేలు జర్నలిస్ట్ లపైనే దాడులు చేసినా, ఫోన్ లో బెదిరించి దుర్భాషలాడినా కేసులు నమోదు చేయక పోవడం గర్హనీయం." అని చంద్రబాబు అన్నారు.

వైసీపీ నేతలు ఇంకా ప్రతిపక్షంలోనే ఉన్నాం అనుకుంటున్నారో ఏమో కాని, అధికారంలోకి వచ్చిన తరువాత కూడా, మార్ఫింగ్లు, అసభ్యకర పోస్టింగ్ లు మాత్రం ఆపటం లేదు. అప్పట్లో చంద్రబాబు అధికారంలో ఉండగా, సాక్షి ఆఫీస్ లో పని చేసే, ఇంటూరు రవి కిరణ్ అనే వ్యక్తి, శాసనమండలి పై అసభ్యకరంగా సోషల్ మీడియాలో పోస్టర్లు, వీడియోలు తయారు చెయ్యటంతో, శాసనమండలి సభ్యులు కేసు పెట్టటంతో, పోలీసులు అరెస్ట్ చేసారు. అయితే, అప్పట్లో ఆ వ్యక్తి కోసం, విజయసాయి రెడ్డి రోడ్డు ఎక్కారు. నేను కూడా సోషల్ మీడియాలో, ఇష్టం వచ్చినట్టు రాస్తాను ఏమి చేస్తారో చేసుకోండి అంటూ, అసభ్యకర రాతలు రాసే ఇంటూరి రవి కిరణ్ కు అండగా నిలిచిన సంగతి తెలిసిందే. అయితే, అప్పట్లో ప్రతిపక్షం కాబట్టి, వీళ్ళు ఏమి చేసినా చెల్లింది. ఇప్పుడు అధికారంలోకి వచ్చారు. ప్రజలకు ఏమి మంచి చేస్తున్నామో చెప్పాలి కానీ, అది చెయ్యకుండా, అసభ్యకర రాతలకే ప్రాధాన్యత ఇస్తున్నారు.

వరదల్లో పంట నష్టపోయి, మంత్రి పై నోరు జారాడని, అతను టిడిపి పైడ్ ఆర్టిస్ట్ అంటూ, జైల్లో పెడితే, ఇలాంటి అసభ్యకర రాతలు, విజయసాయి రెడ్డి అండగా ఉంటూ రాస్తున్న, ఈ రవి కిరణ్ లాంటి వాళ్ళు, పైడ్ ఆర్టిస్ట్ లు కారా ? చట్టాలు వీరికి పని చెయ్యవా ? వివరాల్లోకి వెళ్తే, చంద్రబాబు సియంగా ఉండగా, అనూ రాజేశ్వరి అనే మహిళ, కొడుక్కుని లుకేమియా వ్యాధి వస్తే, సియం రిలీఫ్ ఫండ్ కింద, డబ్బులు ఇచ్చి, ఆమె కొడుకుని బ్రతికించారు. వారం రోజుల క్రితం, బిడ్డకు పూర్తిగా నయం అవటంతో, ఆమె కృతజ్ఞతగా, చంద్రబాబు వద్దకు వచ్చి, ఆమె కొడుకుకి నయం అయ్యిందని, చంద్రబాబుకి కృతజ్ఞత చెప్పి, సంతోషాన్ని పంచుకున్నారు. అయితే, ఆ ఫోటోలు చూపిస్తూ, సాక్షిలో/వైసీపీలో పని చేసే ఇంటూరు రవి కిరణ్ అనే వ్యక్తి, చంద్రబాబు, ఆ మహిళ పై, అసభ్యకరంగా పోస్టర్ వేసి, పైశాచిక ఆనందం పొందాడు. ఈ విషయం తెలుసుకున్న ఆ మహిళ, ఆవేదనతో ఫేస్బుక్ లైవ్ పెట్టి, కన్నీరు మున్నీరు అయ్యారు. ఈ విషయం పై నారా లోకేష్ ఘాటుగా స్పందించారు.

ఇది నారా లోకేష్ ట్వీట్... "దొంగలు, అవినీతిపరులు, జైలుపక్షులూ అధికారంలోకి వస్తే సంస్కారహీనులు ఇలాగే రెచ్చిపోతారు. అనూ రాజేశ్వరి అనే తెదేపా కార్యకర్త, ఒక బీసీ మహిళ. ఆమె కొడుక్కి లుకేమియా వ్యాధి వస్తే మానవత్వంతో ఆదుకున్న చంద్రబాబుగారు ఆమె దృష్టిలో దైవంతో సమానం. రాజేశ్వరిగారు చంద్రబాబుగారిని కలవడానికి వచ్చినప్పటి ఫోటోలను పెట్టి సోషల్ మీడియాలో ఇష్టం వచ్చినట్టు ప్రచారం చేసారు వైసీపీ వాళ్ళు. ఇక కామెంట్లు అయితే సభ్యసమాజం తలదించుకునేలా, అత్యంత జుగుప్సాకరంగా ఉన్నాయి. జగన్ గారూ! ఒక బీసీ మహిళను నీచంగా అవమానించిన వారి అహంకారానికి పార్టీపెద్దగా మీరు సమాధానం చెప్పాలి. సహనానికి కూడా ఒక హద్దు ఉంటుంది. తెదేపా కార్యకర్తలపై దాడులు చేసారు. ఆస్తులు కూల్చారు. ప్రాణాలు తీశారు. ఇప్పుడు ఇలాంటి నీచమైన చర్యలకు దిగారు. ఇక మీ ఆగడాలు సహించేది లేదు. ఏ రకంగా మిమ్మల్ని కట్టడి చేయాలో మాకూ తెలుసు. న్యాయపరంగా, హక్కులపరంగా మీకు బుద్ధి చెప్పేవరకు పోరాడుతాం. ఖబడ్ధార్!" అంటూ లోకేష్ ట్వీట్ చేసారు.

కర్నూల్ జిల్లా వైసీపీ ఎంపీ, ఇద్దరు ఎమ్మెల్యేలకు పెద్ద ప్రమాదం తప్పింది. కర్నూలు జిల్లా ఆత్మకూరు దగ్గర సిద్ధాపురం చెరువుకు నీటి విడుదల చేసే సందర్భంలో, నిన్న అతి పెద్ద ప్రమాదం నుంచి ప్రజా ప్రతినిధులు తపించుకున్నారు. నంద్యాల ఎంపీ పోచా బ్రహ్మానందరెడ్డి, శ్రీశైలం, నందికొట్కూరు ఎమ్మెల్యేలు శిల్పా చక్రపాణిరెడ్డి, ఆర్థర్‌ తో పాటు మిగతా నేతలు, అధికారులు సిద్దాపురం స్టేజ్‌-2 పంప్‌హౌస్‌ వద్ద నీటిని విడుదల చెయ్యటానికి అక్కడ స్విచ్‌ ఆన్‌ చేశారు. అయితే ఒక మోటార్‌ మొరాయించింది. దీంతో రెండో మోటార్ ని ఆన్‌ చేశారు. మోటార్లు ఆన్ చేసి పూజా కార్యక్రమాల్లో పాల్గుంటూ ఉండగా ప్రమాదం జరిగింది. ప్రజా ప్రతినిధులు ఆన్ చేసిన మోటార్ పని చెయ్యకపోవటంతో, అధికారులు దాన్ని సరిచేసి మ్యానువల్‌గా నీటిని విడుదల చేశారు.

నీతి విడుదల సమయంలో, పంప్‌హౌస్‌ పైన ఉండి పైపుల్లో వస్తున్న నీటిని పరిశీలిస్తున్న సమయంలో ఒక్కసారిగా రెండు పైపుల నుంచి నీరు, ఒకేసారి వచ్చి పడింది. ఈ క్రమంలో అక్కడున్న ఎంపీ, ఎమ్మెల్యేలతో పాటు నాయకులు ఏమి జరుగుతుందో తెలియక, భయంతో పరుగులు తీశారు. నీరు ఒకేసారి రావటంతో, ఊపిరాడక ఉక్కిరిబిక్కిరయ్యారు. ఈ గందరగోళంలో పెద్ద ప్రమాదం తప్పింది. ఒక వేళ నీటి ఉద్ధృతి ఇంకా ఎక్కువగా ఉన్నా, పంప్‌హౌస్‌ నుంచి జారినా, వీరందరూ చెరువులో పడిపోయేవారు. అయితే ఏ ప్రమాదం జరగకుండా, అందరూ క్షేమంగా బయటపడటంతో ఊపిరి పీల్చుకున్నారు. అయితే జేబుల్లో ఉన్న మొబైల్ ఫోన్స్ తో పాటు, ఇతర ఎలక్ట్రానిక్‌ వస్తువులు తడిచిపోయాయి.

ప్రమాదం జరిగింది ఇలా... ఆ పైపుల క్యాప్యాసిటీ 100 క్యూసెక్కులు గల సామర్థ్యం. రెండు భారీ పైపుల నుంచి చెరువులోకి నీరు వదిలే ప్రదేశంలో, ఇనుక బస్తాలతో తయారు చేసిన ప్లాట్ ఫారం పై ఎంపీ, ఎమ్మెల్యేలు నిలబడి అక్కడ నీటికి మంగళహారతులను, చీర సారె సమర్పించారు. ఇదే సమయంలో ఒక్కసారిగా నీటిప్రవాహంలో సంభవించిన ఎయిర్‌ ప్రెషర్‌ వల్ల, రెండు పైపుల నుంచి నీరు ఒక్కసారిగా నీరు బయటకు వచ్చింది. దీంతో అక్కడ ఉన్న ప్రజాప్రతినిధులు, మీడియా ప్రతినిధులు, వైసీపీ నాయకులు, ఏమి జరుగుతుందో తెలియక ఆందోళన చెందారు. అక్కడ ఉన్న కడ్డీలను పట్టుకుని ఆ నీతి ఉదృత తట్టుకుని నిలబడ్డారు. కాగా ఇటలీ దేశంలో తయారైన సాఫ్ట్‌వేర్‌ టెక్నాలజీతోనే నీటివిడుదలను ప్రారంభించాల్సి ఉన్నప్పటికీ మోటార్లు మొరాయించడంతో మ్యాన్‌వల్‌ పద్ధతిలోనే నీరు విడుదల చేశారు.