ఆంధ్రపదేశ్ మాజీ ముఖ్యమంత్రి చంద్రబాబు, ఈ రోజు బోస్టన్ కమిటీ రిపోర్ట్ పై మీడియాతో మాట్లాడారు. నిన్న సాయంత్రం హైదరాబాద్ వెళ్ళాల్సి ఉన్నా, బోస్టన్ రిపోర్ట్ రావటంతో, దాని పై విశ్లేషించి మాట్లాడటానికి, ఆగిపోయానని, నిన్న రాత్రి అంతా దీని పై స్టడీ చేసామని చెప్పారు. అయితే ఐఏఎస్ విజయ్ కుమార్ మాత్రం, నిన్న బోస్టన్ రిపోర్ట్ రాగానే, అరగంటలో ప్రెస్ మీట్ పెట్టి, ఇంత పెద్ద రిపోర్ట్ పై బ్రీఫింగ్ ఇచ్చారని చెప్పారు. మాట్లాడితే బోస్టన్ వాళ్ళు మాట్లాడాలని, అలాంటిది విజయ్ కుమార్ మాట్లాడాడు, అరగంటలోనే రిపోర్ట్ అంతా చూసేసి, ప్రెస్ ముందు బ్రీఫింగ్ ఇచ్చాడా ? 14 ఏళ్ళు సియంగా చేసిన నాకే, ఇది స్టడీ చెయ్యటానికి, రాత్రంతా పట్టిందని చంద్రబాబు అన్నారు. ఇక్కడే బోస్టన్ కమిటీ ఒక బోగస్ కమిటీ అని అర్ధమవుతుందని, వీళ్ళు తయారు చేసి, వీళ్ళే చదివారని అన్నారు. ఇంకా చంద్రబాబు ఏమన్నారు అంటే, " బోస్టన్ కమిటి రిపోర్టుకు తల ఉందా,తోక ఉందా...? ఎప్పుడేశారు బోస్టన్ కన్సల్టెన్సీ గ్రూప్ ను..? ఏ టర్మ్స్ ఆఫ్ రిఫరెన్సెస్ ఇచ్చారు దానికి..? విజయసాయి రెడ్డి అల్లుడు రోహిత్ రెడ్డి స్నేహితుడి కంపెనీ ఇది. ఇంతకుముందు ఇలాగే తప్పుడు రిపోర్ట్ లు ఇచ్చినవాళ్లు జైలుకు వెళ్లారు. మీకు కమిటీ వేసే అధికారం ఎక్కడ ఉంది..? డిస్ట్రిబ్యూటెడ్ కేపిటల్ కు రిపోర్ట్ ఇవ్వమని అధికారం ఎక్కడ ఉంది..? "
"నాలుగు అంశాల ప్రాతిపదికన శివరామకృష్ణన్ కమిటి రిపోర్ట్ ఇచ్చింది. భూములు, కనెక్టివిటి, రిస్క్ ప్రాతిపదికన ఇచ్చారు. 4,728మంది అభిప్రాయాలు చెబితే 2,191మంది విజయవాడ-గుంటూరుకు మొగ్గు చూపారు. విశాఖకు 500మంది అనుకూలంగా చెప్పారు. శివరామకృష్ణన్ కమిటి ఇక్కడే అని చెప్పింది. అప్పటి ప్రభుత్వం అదే నిర్ణయం తీసుకుంది. గ్రీన్ ఫీల్డ్ సిటి డెవలప్ మెంట్ పై బోస్టన్ చెప్పిందంతా తప్పే. 32 పైగా గ్రీన్ ఫీల్డ్ సిటిలు నిర్మిస్తే 2 తప్ప (చైనాలో షెంజెన్, ఇండియాలో నవీ ముంబై) అన్నీ విఫలం అయ్యాయి. మొనార్టో(ఆస్ట్రేలియా): అడిలైడ్ కు 160కిమీ దూరం. నీలాంటి తిక్కలాడే అక్కడ నుంచి ప్రభుత్వం మార్చడం వల్ల అది విఫలం అయ్యింది. బ్లా సిటి ప్రాజెక్ట్(ఓమన్): 2007లో పిపిపి కింద ప్రారంభించింది అది.. షేక్ జయిద్ సిటి(ఈజిప్ట్): గ్రేటర్ కైరో కు అది శాటిలైట్ సిటి. కింగ్ సిటి(ఘనా): మైనింగ్ ప్రాంతంలో అర్బన్ ఎకానమి కోసం పెట్టింది అది. ఇన్నో పోలిస్(రష్యా): టెక్నాలజి కంపెనీలకు ఒక హబ్ గా దానిని తెచ్చారు. దానిని ఫెయిల్ అయ్యింది అంటారు. కిలాంబ(లువాండా): అది సింపుల్ గా అర్బన్ మునిసిపాలిటి-పిపిపి కింద కట్టాలని మొదలెట్టారు. ఎకోట్లాంటిక్(నైజీరియా): సముద్రాన్ని రిక్లయిన్ చేసి అక్కడ ఒక టెక్నాలజి హబ్ చైనీస్ పార్టనర్ షిప్ లో చేద్దామని అనుకున్నారు. అదొక హబ్ మాత్రమే. పెరిగే జనాభా అవసరాలకు తగ్గట్లుగా పెద్దపెద్ద నగరాల శివార్లలో అభివృద్ది చేసిన హబ్ లు, అర్బన్ టౌన్ షిప్ లను గ్రీన్ సిటిలుగా చూపించి అవన్నీ ఫెయిల్ అయ్యాయని చెప్పడాన్ని బట్టే ఈ బిసిజి రిపోర్ట్ చిత్తశుద్ది ఎంతో తెలుస్తోంది."
"ఇప్పటికే రాజధానులున్న దేశాలకు,రాజధాని లేని మన రాష్టానికి పోలికేంటి. రిపోర్ట్ లో పేర్కొన్న 3 దేశాలకు సంబంధించి రాజధానులు ఏవైతే చెప్పారో అవన్నీ ఆల్రడీ ఆ దేశాలకు ఎగ్జిస్టెన్స్ కేపిటళ్లు ఉన్నాయి. మనం మాట్లాడేది రాజధాని లేని రాష్ట్రం గురించి. డొడోమా(టాంజానియా): దారుసలామ్ రాజధాని ఉండగా, సెంట్రల్లీ లొకేటెడ్ గా డొడోమా నగరాన్ని అభివృద్ది చేశారు. జనాభా అంత రాలేదని అనడం పూర్తి గా తప్పు.. పిపిపిలో దానిని అభివృద్ది చేస్తోంది 2,500ఎకరాల్లోనే..అందులో కూడా 7లక్షల జనాభా వచ్చింది. అది వీళ్లు తక్కువగా అంటున్నారు. (మన రాజధాని 34వేల ఎకరాలు...) జయవర్దన్ పురె కొట్టే(శ్రీలంక): శ్రీలంకకు ఆల్రడీ కేపిటల్ ఉంది. చారిత్రకంగా లంక రాజుల భవనాలు, బుద్దిస్ట్ మాన్యుమెంట్లు ఉన్నాయి కాబట్టి చారిత్రక అంశాల ప్రాతిపదికన కేపిటల్ గా దానిని నోటిఫై చేశారే తప్ప ‘‘అది ఇంకా మున్సిపాలిటీనే. పుత్రజయ(మలేసియా): ఆల్రడీ ఉన్న కేపిటల్ డెవలప్ మెంట్ లో ఉండగా ఇంకొకటి టేకప్ చేశారు. ఇవన్నీ రాజధానులు ఉన్న దేశాలు. మనది రాజధాని లేని రాష్ట్రం. దానికీ దీనికీ పొంతనలేదు."
"అభివృద్ది చెందిన నగరాలతో పోల్చకుండా..సైబరాబాద్ తో, నవీ ముంబైతో పోల్చకుండా విఫలమైన నగరాలు అంటూ అబద్దాల ప్రచారం ఎందుకని చేస్తారు..? 5కోట్ల ప్రజల జీవితాలతో ఆడుకుంటున్నారు. డబ్బులు వస్తాయని ఏది చెబితే అది రాసిస్తారా..? అదేనా ఒక కన్సల్టెన్సీ చేయాల్సిన పని..? ఏ ఉదాహరణలు మీరు ప్రస్తావిస్తారు..? అభివృద్ది నమూనాలను ఉదాహరణగా తీసుకుంటారా..? విఫల ప్రయోగాలను ఆదర్శంగా తీసుకుంటారా..? రెండవ ప్రపంచ యుద్దం ముందు దేశాల గురించి చెబుతారా..? గతంలో రూ. 2.25లక్షల కోట్లు అప్పులు ఉన్నాయని అంటారు. మీరు ఈ 5నెలల్లో రూ. 32,250కోట్ల అప్పులు చేశారు. మీకు అప్పులు ఇచ్చేవాళ్లు కూడా లేరు. ఆదాయం ఉంటే ఎవరైనా అప్పులిస్తారు. మీరు ఆ ఆదాయాన్నే లేకుండా చేశారు. అమరావతిపై రూ.10వేల కోట్లు ఖర్చు పెట్టింది మీకు గుర్తు లేదా.. రైతులకు ఇచ్చిన ఒప్పందం మీకు కనబడలేదా..? మీరేమైనా కబోధులా..? దానిని గౌరవించాల్సిన బాధ్యత ప్రభుత్వంపై లేదా..? అది చెప్పాల్సిన బాధ్యత కమిటికి లేదా..? 7నెలల్లో ఒక్క రూపాయి ఖర్చు చేయలేదు. ఆ మాట చెప్పాల్సిన అవసరం లేదా..? అంటే వాళ్లేం అడుగుతారో అదే రాసిస్తారా...? అమరావతికి రూ లక్షా 10వేల కోట్లు అవుతుందని ఎవరు చెప్పారు..? 7నెలల నుంచి మేము ఎలా రన్ చేశాం.? అసెంబ్లీ, సెక్రటేరియట్, హైకోర్టు,రాజ్ భవన్, డిజిపి ఆఫీస్, విద్యుత్ కార్యాలయం అన్నీ ఇక్కడే సిధ్దం చేశాం కదా..? ఇంకో చోటకు వెళ్తే పెట్టుబడులు అవసరం లేదా..? ఇచ్చాపురం నుంచి కుప్పం వరకు సమానదూరంలో అమరావతి ఉంది. గన్నవరం ఎయిర్ పోర్ట్ విస్తరణలో భూములిచ్చిన రైతులకు ఇక్కడ ప్లాట్లు ఇచ్చాం. ఇప్పుడిలా తరలిస్తే వాళ్లకేం న్యాయం చేస్తారు..?
అమరావతిలో తొలిదశ అభివృద్దికి 55,343కోట్లతో ప్రణాళిక ఇచ్చాం. సెల్ఫ్ ఫైనాన్స్ ప్రాజెక్టుగా అభివృద్ది చేయాలని చూస్తే అన్నీ నాశనం చేశారు. "
"ఎందుకు విజయసాయి రెడ్డి విశాఖలోనే మకాం వేశారు.? విజయసాయి రెడ్డిని విశాఖ ఇన్ చార్జ్ గా ఎందుకు వేశారు..? నిజాయితీగా చేసే అధికారులను ఎందుకు మార్చారు..? విశాఖ గయాలి భూములపై వైసిపి నేతలంతా కన్నేశారు. బెదిరించి గత 7నెలలుగా ఆ భూములన్నీ లాక్కున్నారు. బోస్టన్ గ్రూప్ రిపోర్ట్ ఒక చెత్తకాగితం. ఈ నివేదికలో అన్నీ అసత్యాలే, తప్పుల తడకలే.. ఒక వ్యక్తి ఉన్మాదం వల్ల మనం జీవితాంతం బాధ పడాలా..? సామాన్యులకు ఇంత శిక్ష విధిస్తారా..? ఎమర్జెన్సీ అసెంబ్లీ పేరెప్పుడైనా విన్నారా..? రాజ్ భవన్ కు ఇంకేం పేరు పెడతారో..? ఇకనైనా రాజధానిపై ఈ ప్రభుత్వం ఒక స్పష్టత ఇవ్వాలి. ఎన్టీఆర్ మాండలిక వ్యవస్థ ద్వారా పరిపాలనను ప్రజల చెంతకు చేర్చారు. ప్రజల వద్దకే పాలనను టిడిపి చేరువ చేసింది. దానిని మళ్లీ అంతా రివర్స్ చేస్తున్నారు. పరిపాలనతో వికేంద్రీకరణ కాదు. అభివృద్దితో వికేంద్రీకరణ చేయండి. అందులో మీ సత్తా చూపించండి. ముఖ్యమంత్రి వితండ వాదానికి ప్రజలే బుద్ది చెప్పాలి. మన యువతరం ఆశల పందిరి అమరావతి. ఎక్కడికి పోతారు ఉద్యోగాల కోసం మన యువత..? విద్యార్ధులకు ఫీజులు ఎందుకు చెల్లించరు..? స్కాలర్ షిప్ లు ఎందుకు ఇవ్వరు..? అది మీ చేతగాని తనం కాదా..? ఆదాయాలకు గండికొట్టారు. ఆర్ధిక సంక్షోభంలో రాష్ట్రాన్ని ముంచేశారు.
