news

ఇంగ్లీష్ మీడియంలో విద్యాబోధనకు సంబంధించి కౌంటర్ దాఖలకు హైకోర్టు ధర్మాసనం వారం రోజులు గడువిచ్చింది. గడువు లోగా కౌంటర్ దాఖలు చేయని పక్షంలో, తామిక వాదన వినమని, విద్యాశాఖ ఉన్నతాధికారి స్వయంగా కోర్టుకు హాజరు కావలసి ఉంటుందని హైకోర్టు ధర్మాసనం హెచ్చరించింది. కౌంటర్ దాఖలు చేయటంలో ఇంత జాప్యం ఎందుకు జరుగుతోందని ధర్మాసనం అడ్వకేట్ జనరలను ప్రశ్నించింది. ఆంగ్ల మాధ్యమంలో విద్యాబోధనను ప్రవేశపెడుతూ ప్రభుత్వం జారీ చేసిన జీవోపై ప్రముఖ సామాజిక కార్యకర్త డాక్టర్ గుంటుపల్లి శ్రీనివాస్ ప్రజా ప్రయోజన వ్యాజ్యం దాఖలు చేశారు. పిటిషనర్ తర పున ప్రముఖ హైకోర్టు న్యాయవాది కారుమంచి ఇంద్రనీల్ బాబు వాదించారు. హైకోర్టు ప్రధాన న్యాయమూర్తి జిస్టిక్స్ జితేంద్ర కుమార్ మహేశ్వరి, జస్టిస్ ఎన్ జయసూర్యలతో కూడిన ధర్మాసనం పిల్ పై సోమవారం విచారణ జరి పింది. ఆంగ్ల మాధ్యమాన్ని ప్రవేశపెట్టే విషయంలో రాష్ట్ర ప్రభుత్వం ముందుకు వెళుతున్నందున దానిని నిలుపుదల చేస్తూ మధ్యంతర ఉత్తర్వులు జారీ చేయాలని పిటిషనర్ తరపు న్యాయవాది ఇంద్రనీల్ ధర్మాసనాన్ని అభ్యర్థించారు.

“ఈ విషయంలో తదుపరి ఉత్తర్వులు జారీ చేసేవరకు ముందుకు వెళ్లవద్దని న్యాయస్థానం ఇంతకు ముందే ఆదేశించింది. ఒకవేళ ముందుకు వెళితే సీబీఐ విచారణకు ఆదేశిస్తాం. అందుకు బాధ్యలు ఎవరు? దానిపై ఎంత వ్యయం చేశారు? తదితర అంశాలన్నీ బయటకు లాగుతాం. బాధ్యులపై చర్యలు తీసుకోవటంతో పాటు ప్రతి రూపాయి వెనక్కి రప్పిస్తాం " అని ధర్మాసనం ఘాటుగా వ్యాఖ్యానించింది. ఆంగ్ల మాధ్యమంలో విద్యాబోధనకు సంబంధించి రాష్ట్ర ప్రభుత్వం జారీ చేసిన జీవో జాతీయ విద్యా విధానానికి వ్యతిరేకంగానే వున్నదని అసిస్టెంట్ సొలిసిటర్ జనరల్ కృష్ణమోహన్ ధర్మాసనం ముందు స్పష్టం చేశారు. జాతీయ విద్యావిధానం ప్రకారం బోధనా మాధ్యమం మాతృ భాష లోనే ఉండాలని ఆయన పేర్కొన్నారు. అన్ని రాష్ట్రాలు ఇదే విధానాన్ని అవలంభిస్తున్నాయని కృష్ణమోహన్ ధర్మాసనం దృష్టికి తీసుకెళ్లారు.

దానిపై అడ్వకేట్ జనరలను ధర్మాసనం ప్రశ్నించింది. ప్రభుత్వ ఉత్వ ర్వులు జాతీయ విద్యా విధానానికి అనుగుణంగానే వున్నాయని, కౌంటర్ దాఖలు చేసేందుకు కొంత సమయం ఇవ్వాలని అడ్వకేట్ జనరల్ ధర్మ సనాన్ని కోరారు. ఇరుపక్షాల వాదనలు విన్న హైకోర్టు ధర్మాసనం కేసును ఫిబ్రవరి 4వ తేదీకి వాయిదా వేసింది. ఈ ప్రజాప్రయోజన వ్యాజ్యంలో 'ఇంప్లీడ్ ' అయ్యేందుకు ప్రముఖ సీనియర్ న్యాయవాదులు సైతం ఆసక్తి కనబరుస్తుండటం ప్రాధాన్యత సంతరించుకున్నది. ఇక ఆంగ్ల మాధ్యమంలో విద్యాబోధనకు సంబం ధించి రాష్ట్ర ప్రభుత్వం విద్యార్థుల, తల్లిదండ్రుల నుంచి అభిప్రాయ సేకరణ జరిపింది. రాష్ట్రంలోని అన్ని జిల్లాలలోని పాఠశాల విద్యా కమిటీల ద్వారా ఈ మేరకు అభిప్రాయాలు సేకరించారు.

జగన్మోహన్‌రెడ్డి తీసుకుంటున్న ప్రజావ్యతిరేకచర్యలను, గతంలో ఒప్పుకొని, ఇప్పుడు మాటతప్పిన ఆయన తీరుని ప్రశ్నించామన్న అక్కసుతోనే ముఖ్యమంత్రి టీడీపీ ఎమ్మెల్సీలపై కక్షకట్టి, మండలినిరద్దు చేశాడని టీడీపీ ఎమ్మెల్సీ దీపక్‌రెడ్డి ఆక్షేపించారు. సోమవారం ఆయన మరోఎమ్మెల్సీ సత్యనారాయణరాజుతో కలిసి మంగళగిరిలోని పార్టీ కేంద్రకార్యాలయంలో విలేకరులతో మాట్లాడారు. 151మంది వైసీపీ ఎమ్మెల్యేలుం టే, వారిలో 84మందిపై కేసులున్నాయని, అలాంటివారుపెద్దలసభను రద్దు చేయడం దురదృష్టకరమని దీపక్‌రెడ్డి ఆవేదన వ్యక్తంచేశారు. రాష్ట్రప్రజలు ఇప్పటికైనా మేలుకోకుంటే, భవిష్యత్‌లో అధికారపార్టీ ఆధ్వర్యంలో మరిన్ని అనర్థాలు చోటుచేసుకుంటాయన్నారు. మండలిరద్దు తీర్మానం ఓటింగ్‌పై 18మంది వైసీపీఎమ్మెల్యేలు సభకు రాలేదని, తమఅధినేత నిర్ణయం తప్పన్న ఆలోచన వారిలో కొందరికి ఉందని ఈవిషయం తో రుజువైందన్నారు. దేశంలో 10రాష్ట్రాలు తమకు కౌన్సిల్‌ (మండలి) కావాలని కేంద్రానికి అభ్యర్థించుకున్నాయన్నారు.

తనపుట్టినరోజు కానుకగా రాష్ట్రానికి మండలిని కానుకగా ఇచ్చిన వై.ఎస్‌.నిర్ణయాన్ని కూడా ధిక్కరించేలా జగన్‌ తీసుకున్న నిర్ణయంపై రాష్ట్రప్రజలే ఆలోచించాలన్నారు. ఉమ్మడి రాష్ట్రంలో ప్రజలపక్షాన మండలిఉండాలన్న సదుద్దేశంతోనే నాటిపాలకులు మండలిని పునరుద్ధరించారన్నారు. జగన్‌ తనసొంత ఇంటికి రూ.43కోట్లు ఖర్చుచేశాడని, అలాంటివ్యక్తి మండలికి రూ.60కోట్లు ఖర్చుచేయ లేడా అని దీపక్‌రెడ్డి ప్రశ్నించారు. 38బిల్లులు మండలికి వస్తే, రెండుబిల్లులకు మాత్రమే సలహాలు, సూచనలుచేశామని, ప్రజలఅభిప్రాయం తెలుసుకోమని చెప్పడమే తప్పన్నట్లుగా జగన్‌ నిర్ణయాలు తీసుకోవడం సిగ్గుచేటన్నారు. నిబంధనలకు వ్యతిరేకంగా ఎన్నిరకాలుగా చేయాలో అన్నిరకాలుగా మండలిసభ్యుల్ని ఇబ్బందులకు గురిచేశారని , తననిర్ణయాన్ని కాదన్నారని ఇదంతా జరిగిందని, భవిష్యత్‌లో తనకు ఎదురుచెబితే అసెంబ్లీసభ్యులపైకూడా జగన్‌ఇలానే ప్రవర్తిస్తాడన్నారు. బీజేపీ వాళ్లుకూడా ప్రజలపక్షాన ఢిల్లీలో పోరాడి, మండలిరద్దుని ఆపాలని దీపక్‌రెడ్డి సూచించారు.

జగన్‌ పతనం ఆరంభమైంది : సత్యనారాయణరాజు.. అన్నివ్యవస్థలను తనకింద ఉంచుకోవాలన్న ఆలోచనతోనే ముఖ్యమంత్రి కౌన్సిల్‌ను రద్దుచేశాడని, మండలి నిర్వహణకు రూ.60కోట్లు వృథా అవుతున్నాయంటు న్న ముఖ్యమంత్రికి తమసభ్యులను నామినేట్‌చేసినప్పుడు ఆ విషయం తెలీదా అని సత్యనారాయణరాజు ప్రశ్నించారు. ప్రజాభిప్రాయానికి అనుగుణంగా ప్రభుత్వం తీసుకు న్న నిర్ణయాన్ని సెలెక్ట్‌కమిటీకి పంపడమే ఏదో తప్పని భావించిన ముఖ్యమంత్రి తనపతనాన్ని తానే కొనితెచ్చుకుంటున్నాడన్నారు. తనకు విధేయుడిగా పనిచేసిన ఎల్వీ సుబ్రహ్మణ్యాన్ని ఆర్డీవోస్థాయికి పంపినప్పుడే జగన్‌పతనం ఆరంభమైందన్నారు. దేశం లో ఎవరూ చేయనివిధంగా జగన్‌ ప్రవర్తిస్తున్నాడని, 5కోట్లమందికి ముఖ్యమంత్రి నన్న భావన ఆయనలో ఏమాత్రం కనిపించడంలేదన్నారు.

ఓటింగ్‌లోసభ్యుల్నే లెక్కించలేనివారు, పరిపాలనేం చేస్తారు : అశోక్‌బాబు.... మండలిరద్దు తీర్మానం బిల్లుపై ఓటింగ్‌ జరిగేటప్పుడు నాన్‌మెంబర్స్‌ను బయటకుపం పారని, అలానే మండలిలో కూడా సభ్యులుకానివారిని బయటకు పంపమంటే దాన్ని తప్పుపట్టారని, టీడీపీ ఎమ్మెల్సీ అశోక్‌బాబు తెలిపారు. అసెంబ్లీ కార్యదర్శి ముఖ్యమంత్రి దగ్గరికి వెళ్లి మాట్లాడటం, ఏవో కాగితాలు ఆయనకు చూపించడం జరిగిందని, తరువాతే 133మంది సభ్యులు మండలిరద్దు బిల్లుకి ఆమోదం తెలిపినట్లుగా స్పీకర్‌ చెప్పారన్నారు. 121మంది సభ్యులు న్నారని తొలుతచెప్పి, తరువాత 133అనడం జరిగిందన్నారు. సభలోని సభ్యుల్ని కూడా లెక్కించలేని ఈ ప్రభుత్వం, ప్రజలకు ఏం పరిపాలన ఇస్తుందని అశోక్‌బాబు ప్రశ్నించారు. వైసీపీకి ఉన్న151మందిలో 133మంది మద్ధతుపలికితే, మిగిలిన సభ్యులు ఏమయ్యారని, వారి పరిస్థితి ఏమిటని ఆయన నిలదీశారు. నేటితో వైసీపీపని అయిపోయిందని, రేపటినుంచి (28వతేదీ) టీడీపీపోరాటం ఆరంభమవుతుందన్నారు. తీర్మానాలు చేసినంతమాత్రాన రాజధాని మార్పు, మండలిరద్దు అనేవి సాధ్యంకావన్నారు. చంద్రబాబుకి పేరొస్తుందనే జగన్‌ రాజధానిని తరలిస్తున్నాడని, మండలిని రద్దుచేశారని, మేమంతా మావ్యక్తిగతంకోసం పనిచేయడంలేదని, రాష్ట్రప్రజలకోసమే పనిచేస్తున్నామని, భవిష్యత్‌లోనూ చేస్తామని ఎమ్మెల్సీ బుద్దా నాగజగదీశ్వరరావు తెలిపారు.

భావితరాల భవిష్యత్‌ తలచుకొని, రాష్ట్రపౌరుడిగా తీవ్రమైన ఆందోళనకు లోనవుతు న్నానని, రాష్ట్రంలో జరుగుతున్న పరిణామాలు చూస్తుంటే బాధకలుగుతోందని, మున్ముం దు ప్రజలు ప్రశాంతంగా బతికే పరిస్థితులు ఉంటాయా అన్న అనుమానం తనను కలచివేస్తోందని టీడీపీ శాసనసభాపక్షనేత, మాజీమంత్రి, కింజారపు అచ్చెన్నాయుడు ఆవేదన వ్యక్తంచేశారు. సోమవారం ఆయన మంగళగిరిలోని పార్టీ కేంద్రకార్యాలయంలో విలేకరులతో మాట్లాడారు. 151స్థానాలతో అధికారంలోకి వచ్చిన జగన్మోహన్‌రెడ్డి, ప్రజల ఆకాంక్షలకు అనుగుణంగా, రాష్ట్ర భవిష్యత్‌ను దృష్టిలో పెట్టుకొని పరిపాలన చేస్తాడని భావించానని, కానీ రాష్ట్రాన్ని భూస్థాపితం చేయాలన్నవిధంగా, 8మాసాలనుం చి ఏపీని గొడ్డలితో నరికినట్లుగా వ్యవహరిస్తున్నాడని అచ్చెన్నాయుడు మండిపడ్డారు. భవిష్యత్‌లో ఎవరువచ్చినా బాగుచేయలేని విధంగా రాష్ట్రాన్ని అన్నిరంగాల్లో ముక్కలు చేశాడన్నారు. రాష్ట్ర శాసనసభ జరిగిన తీరుచూస్తుంటే వైసీపీ కార్యాలయాన్ని తలపిస్తోం దని, బీ.ఏ.సీ సమావేశం నిర్వహించకుండా సభను నిర్వహించారన్నారు. తొలుత బీ.ఏ.సీ సమావేశంలో మూడురోజులు నిర్వహిస్తామని చెప్పినప్పుడు, సభలో చర్చించేది అతిముఖ్యమైన బిల్లుల గురించి కాబట్టి, సమయం సరిపోదని టీడీపీ పక్షాన చెప్పడం జరిగిందన్నారు.

అవేమీ లెక్కచేయకుండా ఒకగంటలోనే మూడురాజధానుల బిల్లుని ఆమోదించి, మండలికి పంపారన్నారు. మొట్టమొదటిసారి మండలిలో జరిగిన నిర్ణయంపై అసెంబ్లీలో చర్చించారని, చరిత్రలో ఎన్నడూలేనివిధంగా మండలిరద్దుపై అజెండా ఇవ్వడం జరిగిం దన్నారు. నేడు శాసనసభ ఆరంభమయ్యేముందు బీ.ఏ.సీ సమావేశం ఉంది రావాలంటూ తనకు ఫోన్‌చేశారని, ఒకహెలికాఫ్టర్‌ పంపితే మీరుకోరి నట్లుగా వెంటనే హాజరవు తానని తాను చెప్పడం జరిగిందని మాజీమంత్రి తెలిపారు. ప్రజల అభీష్టానికి వ్యతిరేకం గా మండలిరద్దుకు పూనుకున్న ప్రభుత్వం, ఆఘమేఘాలపై అసెంబ్లీని నిర్వహించింద న్నారు. సర్వాధికారాలున్నాయన్న అహంకారంతో మండలిపై వైసీపీ ప్రభుత్వం మూకు మ్మడి దాడికి పాల్పడిందన్నారు. శాసనమండలి ఈ 8నెలల్లో వైసీపీ ప్రభుత్వం తీసుకొచ్చి న ఎలాంటి ప్రజోపయోగ నిర్ణయాలను అడ్డుకుందోచెప్పాలని అచ్చెన్నాయుడు డిమాండ్‌ చేశారు. 6 రాష్ట్రాల్లో మాత్రమే శాసనమండలులు ఉన్నాయంటున్న జగన్‌, దేశంలో ఎన్ని రాష్ట్రాలకు మూడు రాజధానులున్నాయో చెప్పాలన్నారు. 7 మాసాల్లో 32బిల్లులు మండలికి వస్తే దేన్ని తిరస్కరించలేదని, కేవలం మూడురాజధానులపేరుతో రాష్ట్రాన్ని నాశనం చేయాలనుకుంటున్న ప్రభుత్వఏకపక్ష చర్యనే పెద్దలసభ అడ్డుకుందన్నారు.

తను తీసుకున్న నిర్ణయాలను మండలి వ్యతిరేకిస్తుందన్న అక్కసుతోనే జగన్‌ మండలి రద్దుకు పూనుకున్నాడని, తద్వారా ఆయన బడుగు, బలహీనవర్గాలవారి వేదిక లేకుండా చేశాడన్నారు. తొలిశాసనసభ సమావేశాల్లో దేశానికి ఆదర్శంగా ఉంటానని, ఏపీ శాసనసభ దేశానికి ఆదర్శంగా ఉండాలని చెప్పిన జగన్‌, టీడీపీకి చెందిన సభ్యుల్ని భయపెట్టి, ప్రలోభపెట్టి సిగ్గులేకుండా తనపార్టీలోకి తీసుకున్నాడని మాజీమంత్రి మండిపడ్డారు. ఓడిపోయినవారికి రాజకీయవేదికగా మండలి మారుతుందని చెబుతున్న స్పీకర్‌, ఇతరసభ్యులు వాస్తవాలు తెలుసుకోవాలన్నారు. తన ప్రభుత్వానికి సలహాలు ఇవ్వడానికి బడుగు, బలహీనవర్గాలవారు పనికిరారన్న జగన్మోహన్‌రెడ్డి, సలహాదారులు గా తనసామాజికవర్గం వారికే ప్రాధాన్యత ఇచ్చాడన్నారు. మొత్తంసభ్యుల్లో 50శాతానికి పైగా బడుగు, బలహీనవర్గాల సభ్యులున్న మండలిని రద్దుచేయాలనుకుంటున్న జగన్‌, ఆయాసామాజి కవర్గాలను తన అధికారంతో తొక్కేశాడన్నారు.

పదవులు పోతాయని తెలిసినా లెక్కచేయకుండా, అధికారపార్టీ ప్రలోభాలకు లొంగకు ండా, ప్రజలపక్షాననిలిచి, రాష్ట్రంకోసం పోరాటం చేసిన తెలుగుదేశం, ఇతర అనుబంధ విభాగాల మండలిసభ్యులందరి కాళ్లకు నమస్కారం చేస్తున్నామని అచ్చెన్నాయుడు పేర్కొన్నారు. చంద్రబాబునాయుడు, అచ్చెన్నాయుడు రాష్ట్రాభివృద్ధిని, అభివృద్ధి వికేంద్రీకరణను అడ్డుకున్నారని చెప్పడం సిగ్గుచేటన్నారు. గడచిని 5ఏళ్లలో టీడీపీ ప్రభుత్వం, జిల్లాలవారీగా అభివృద్ధి వికేంద్రీకరణను చేపట్టిందని, రాయలసీమకు, ఉత్తరాంధ్రకు సాగునీటిప్రాజెక్టులతోపాటు, పరిశ్రమల్ని తీసుకొచ్చిన విషయాన్ని వైసీపీ సభ్యులు, మంత్రులకు తెలియకపోవడం వారిఅజ్ఞానానికి చిహ్నమన్నారు. టీడీపీ హాయాంలో ప్రారంభమైన అనేకపనుల్ని, డబ్బుపిచ్చితో వైసీపీ ప్రభుత్వం నిలిపివేసిందన్నా రు. 7నెలల్లో వైసీపీ ప్రభుత్వంవచ్చాక పశ్చిమగోదావరి జిల్లాకు ఏంచేసిందో మంత్రి ఆళ్లనాని చెప్పాలని, టీడీపీసభ్యులను ఆయనే స్వయంగా తీసుకెళ్లి, తమప్రభుత్వం ఆ జిల్లాకు ఏంచేసిందో చూపి, దాన్ని నిరూపించగలిగితే, తాను రాజకీయసన్యాసం తీసుకుంటానని అచ్చెన్నాయుడు సవాల్‌విసిరారు. టీడీపీపాలనలో పశ్చిమగోదావరిలో జరిగిన అభివృద్ధిని నిరూపించడానికి తాము సిద్ధంగా ఉన్నామన్నారు.