news

హైకోర్ట్ లో తన తండ్రి హత్య కేసును సీబీఐకి ఇవ్వమని ఆదేశిచాలని కోరుతూ, వి-వే-క కూతురు వేసిన రిట్ పిటీషన్ చూస్తే, సంచలన విషయాలు ఉన్నాయి. స్వయానా పెదనాన్న కొడుకు, సాక్షాత్తూ ముఖ్యమంత్రిగా ఉన్న అన్న పైనే, ఈ ఆరోపణలు చెయ్యటం సంచలనంగా మార్దిని. వైఎస్ సునీత కోర్టుకి ఏమి చెప్పింది? కొన్ని ముఖ్యాంశాలు ఇవి, 1. కడపలో వైఎస్ఆర్ ఎంత పాపులరో మా నాయనా అంతే పాపులర్. సౌమ్యుడూ, అందరికీ అందుబాటులో ఉంటాడన్న మంచిపేరుతో చాలా ఫాలోయింగ్ తెచ్చుకున్నారు. 2. మా నాయన మృ-త-దే-హా-న్ని చూసిన అప్పటి ప్రతిపక్ష నాయకుడు వైఎస్ జగన్ తెదేపాలోని ముఖ్యులకు దీనిని ఆపాదిస్తూ సీబీఐ విచారణ చేపట్టాలని డిమాండ్ చేసారు. తన పార్టీసహచరులతను వెంటబెట్టుకొని వెళ్ళి గవర్నర్ ను కలిసి సీబీఐ విచారణ చేయించాలని కోరారు. 3. అప్పటి ముఖ్యమంత్రి చంద్రబాబు అడిషినల్ డీజీపీ అధికారి అమిత్ గార్గ్ నేతృత్వంలో మొదటి సిట్ టీం ను ఏర్పాటు చేయడం జరిగింది. 4. ఆ తర్వాత మా పెదనాన్న కొడుకూ, నా కజిన్ అయిన వైఎస్ జగన్ ముఖ్యమంత్రి కావడం జరిగింది. ముఖ్యమంత్రి, కొత్త డీజీపీ సవాంగ్ బాధ్యతలు తీసుకున్న 14 దినాల్లో సిట్ ను రీ కాన్స్టిట్యూట్ చేయడం జరిగింది. అడిషినల్ డీజీపీ స్థాయి అధికారిని తప్పించి కేవలం జిల్లా ఎస్పీకి నేతృత్వాన్ని బదలాయించి రెండవ సిట్ ను నీరుగార్చారు.

11) [అమిత్ గార్గ్ ను ఇక్కడ తప్పించారు] రెండవ సిట్ బాస్ అభిషేక్ మొహంతి ఆదేశాల మేరకు ఇద్దరు అనుమానితులు ఉదయ్ కుమార్ రెడ్డి, మధుసూధన్ రెడ్డి లను విచారణకై పులివెందుల నుండి కడపకు తీసుకొని వస్తుండగా మార్గ మధ్యంలో లెక్క లేనన్ని ఫోన్ కాల్స్ రావడం, చివరకు అనూహ్యంగా వారిని కడపకు తీసుకొని రాకుండా వెనక్కు పులివెందుల పంపించి వేయడం జరిగిది. ఎవరి ప్రోద్భలం మేరకు వారిని విచారణకు తీసుకొని రాకుండా మార్గమధ్యంలో వెనక్కి పంపివేయడం జరిగింది? 6. ఇది జరిగిన కొద్ది రోజులకే రెండవ సిట్ బాస్ అభిషేక్ మొహంతి ధీర్ఘకాలిక సెలవుపై ఏ కారణాల వలన వెళ్ళిపోయారు? ఆయన దీర్ఘకాలిక సెలవుపై వెళ్ళాక 3 వ సిట్ ను వేసారు.. స్థానిక ఎస్పీ కేకే అంబురాజన్ నేతృత్వంలో. 7. సిట్ కు ఇన్ చార్జ్ గా అభిషేక్ మొహంతీ గారినే కొనసాగించవలసినదిగా డీజీపీని కోరడం జరిగింది. (28-11-2019) . వ్యక్తిగత రక్షణకై 21-11-2019 న డీజీపీని కోరడం జరిగింది. 07-12-2019 న (కేసులో అనుమానితులైన వ్యక్తులే సాక్షులను ఇంటొరాగేట్ చెయ్యడంపై) కడప ఎస్పీకి రిప్రజెంటేషన్ ఇవ్వడం జరిగింది. కేసును సీబీఐ కి బదలాయించే విషయమై మళ్ళీ 11-12-2019 న డీజీపీని కోరడం జరిగింది. 8. ఘటనా స్థలంలో ర-క్త-పు మరకలు శుభ్ర పరచడం వల్ల అప్పుడు అక్కడ విధుల్లో ఉండటంతో సస్పెండయిన సీఐ శంకరయ్యను నిందితుల లిస్ట్ లో ఎందుకు చేర్చలేదు?

9. మూడవ సిట్ కు ఎస్పీ అంబురాజన్ వచ్చినప్పటి నుండీ కేసు దర్యాప్తులో పురోగతి లేదు. గత సిట్ ల దర్యాప్తు వివరాలను తర్వాత వచ్చే వారు పరిగణలోకి తీసుకోవట్లేదు. 10. రెండవ సిట్ చే విచారింపబడిన హెడ్ కానిస్టేబుల్ రామ కృష్ణా రెడ్డి (ర-క్త-పు మరకలు శుభ్రపరిచేటప్పుడు ఘటనా స్థలంలో ఉన్నాడు) ఇప్పుడు తనే సాక్షుల ఇళ్ళకు వెళ్ళి ప్రశ్నలు వేయడం ఎక్కడి విచిత్రం? ఇదే విషయం డీజీపీకి కూడా లేఖ ద్వారా తెలియజేసాము. 11. నా సోదరుడు సీఎం జగన్ గతంలో స్వతంత్ర్య సంస్థ దర్యాప్తును కోరి ఇప్పుడు సీబీఐకు కేసును అప్పగించకపోవడం శోచనీయం. 12. తరచూ సిట్ అధికారులను ఎందుకు మార్చుతున్నారో రాష్ట్ర ప్రభుత్వం గానీ, పోలీసులు గానీ చెప్పట్లేదు. ప్రతిపక్ష నాయకుడిగా ఉన్నప్పుడు సీబీఐ విచారణ కోసం రిట్ పిటీషన్ వేసిన నా సోదరుడు జగన్ ఆ పిటీషన్ ను వెనక్కి తీసుకోనంత వరకూ టెక్నికల్ గా ఆయన సీబీఐ విచారణ కోరుతున్నట్లే లెక్క. ఇప్పుడు తనే సీఎం అయ్యాక సీబీఐను ఈ కేసు విచారించమని కోరకపోవడం అనేక అనుమానాలకు తావిస్తుంది. అమాయకులపై దోషులుగా ముద్ర పడే అవకాశం ఉంది. 13. అనుమానితులు :: అంతా తెలిసిన వారు, బంధువులే.. ముఖ్యమైన వారు ఎంపీ వైఎస్ అవినాష్ రెడ్డి, అతని తండ్రి వైఎస్ భాస్కర్ రెడ్డి మరియూ వైకాపా రాష్ట్ర కార్యదర్శి డీ. శివశంకర్ రెడ్డి.

అనుమానితుల్లో అందరి కంటే చివరన మొక్కుబడిగా ఆదినారాయణ రెడ్డి, రవీంధ్రనాధ్ రెడ్డి పేర్లు.. అసలు అభియోగాలన్నీ సొంత వారిపైనే. ఈ రిట్ పిటీషన్ చదివితే సీఎం సొంత బాబాయి కూతురే తనకూ తన తల్లికీ న్యాయం జరగడం కోసం ఎన్ని అవస్థలు పడుతుందో అవగతం అవుతుంది.. మరి ఈ విషయం పై జగన్ ఎలా స్పందిస్తారో చూడాలి.

అందరూ ఊహించినట్లుగానే శాసనమండలి రద్దుచేస్తూ కేబినెట్, శాసనసభ నిర్ణయం తీసుకుంది. ముఖ్యమంత్రిగా బాధ్యతలు స్వీకరించిన ఏడు నెలల కాలంలోనే జగన్ తీసుకున్న అతి తిక్క నిర్ణయంగా రాజకీయ విశ్లేషకులు చెబుతున్నారు. తాను తెసుకున్న ప్రతి నిర్ణయంలోను మండలి మొదటి నుంచీ ఏదో సాకుతో తిరిగి వంపుతోంది అని జగన్ భావిస్తున్నారు. టిడిపి తనకున్న అవకాశాలను వినియోగిస్తూ బిల్లులను సెలెక్ట్ కమిటీకి పంపేవిధంగా సభలో ఒత్తిడి తెచ్చింది. చైర్మన్ తన విచక్షణాధికారంతో సెలెక్ట్ కమిటీకి పంపుతూ నిర్ణయం తీసుకున్నారు. దీనిపై అభిప్రాయాలు తీసుకోవడానికి జగన్ మూడ్రోజుల సమయం కేటాయించారు. శాసనసభ ద్వారా మండలిని రద్దుచేస్తూ తీర్మానంచేసి కేంద్రానికి పంపారు. ఇప్పుడు కేంద్రం నిర్ణయం కీలకం కానుంది.

జగన్ తీర్మానాన్ని ప్రతిపాదిస్తూ ప్రసంగించారు. ఇదే అంశం పై మంత్రులు, సభ్యులు రద్దు అనివార్యమని చెప్పారు. చివరకు మండలిని రద్దు చేయాలని తీర్మా నం చేస్తూ కేంద్రానికి నివేదించారు. ఈ తీర్మానం ముందుగా కేంద్ర హోంశాఖకు చేరుతుంది. అక్కడ తీర్మానం పరిశీలించి కేంద్ర హోంమంత్రి, ప్రధాని అంగీకరిస్తే.. కేంద్ర కేబినెట్ సమావేశంలో పెట్టి ఆమోదించాల్సి ఉంటుంది. ఆ తర్వాత కేంద్ర కేబినెట్ ఆమోదిస్తే పార్లమెంటులోని రెండు సభల్లోనూ ఆమోదం పొందాలి. ఆ తర్వాత మాత్రమే తిరిగి హోంశాఖ రాష్ట్రపతికి నివేదిస్తుంది. ఆయన ఆమోదం పొందిన తర్వాత మండలిని రద్దు చేస్తూ నోటిఫికేషన్ విడుదల కానుంది. అప్పటివరకూ మండలి రద్దు ప్రక్రియ అమల్లోనే ఉంటుంది. మండలి సభ కొనసాగడం, చర్చలు నిర్వహించడం యధాతథంగానే కొనసాగుతుంది.

ఏపి శాసనమండలిలో బిజెపి నుంచి సోము వీర్రాజు, మాధవ్ ఇద్దరు సభ్యులు మాత్రమే ప్రాతినిధ్యం వహిస్తున్నారు. మాజీ మంత్రి ఆదినారాయణ రెడ్డి బిజెపితో టచ్ లో ఉన్నారు. అయితే తమ పార్టీకి చెందిన సభ్యులెవరూ ఇప్పుడు ఎపి అసెంబ్లీలో ప్రాతినిధ్యం వహించడంలేదు. తాజా నిర్ణయంతో మండలిలోనూ అవకాశం కోల్పోతారు. ఇద్దరు సభ్యులకోసం బిజెపి అధినాయకత్వం ఆలోచన చేయదని, ఈ నిర్ణయం వెనుక ఉన్న ఉద్దేశాలను వరిగణలోకి తీసుకుంటుందని నిపుణులంటున్నారు. తమిళ నాడులో ఎంజిఆర్ ముఖ్యమంత్రిగా ఉన్న సమయంలో ఇదే రకంగా మండలిని రద్దుచేస్తూ తీర్మానం పంపగా, అప్పటి కేంద్ర ప్రభుత్వం కేవలం మూడు నెలల్లోనే ఆమోదిస్తూ నిర్ణయం తీసుకున్నారు. ఇప్పుడు మాత్రం ఎపి ముఖ్యమంత్రికి కేంద్ర పెద్దలతో ఉన్న సంబంధాల ఆధారంగానే దీనిపై నిర్ణయం వెలువడుతుందని వారి అంచనా. ఇప్పటినుంచి రెండేళ్లు పడుతుందని టిడిపి వాదిస్తుంటే, అంత సమయం పట్టదని, బిజెపి జగనకు అనుకూలంగానే నిర్ణయం తీసుకుంటుందని వైసీపీ ప్రచారం చేస్తుంది. ఇప్పుడు ఎపి మండలిరద్దు తీర్మా నంపై కేంద్రస్పందన ఎలా ఉంటుందనేది ఆసక్తికరంగా మారింది.

కొంతకాలంగా బీహార్ సీఎం నితీష్ కుమార్,ఐప్యాక్ సంస్థ అధినేత ప్రశాంత్ కిషోర్ మధ్య వివాదం నడుస్తున్న విషయం అందరికి తెలిసిందే.అనేక సందర్భాల్లో సీఎం నితీష్ తీసుకున్న నిర్ణయాలను వ్యతిరేకిస్తూ మీడియా తో మాట్లాడటం,తన సొంత నిర్ణయాలను పార్టీ నిర్ణయాలగా ప్రకటిస్తూ ప్రశాంత్ కిషోర్ నితీష్ కి కొరకరాని కొయ్యగా మారారు.బీజేపీ కింగ్ పిన్ అమిత్ షా ఆదేశాలతో ప్రశాంత్ కిషోర్ ని పార్టీ ఉపాధ్యక్షుడిగా ప్రకటించిన నాటినుండి నితీష్ కి కంటి మీద కునుకు లేకుండా చేసారు ప్రశాంత్ కిషోర్.ముఖ్యమంత్రి గా ఆయన చేస్తున్న తప్పులను ఎత్తి చూపారు.పార్టీ లో కూడా నితీష్ ని కాదని తనకంటూ ప్రత్యేక వర్గాన్ని ఏర్పాటు చేసుకున్నారు.అయితే ఇప్పుడు ఆ వివాదం తారా స్థాయికి చేరుకుంది.బీజేపీ తీసుకొచ్చిన సిఏఏ,ఎన్ఆర్సి,ఎన్పిఆర్ సిసిఏ బిల్లుల వ్యవహారంలో నితీష్ ,ప్రశాంత్ మధ్య పచ్చ గడ్డి వేస్తే భగ్గున మండే వాతావరణం తీసుకొచ్చాయి.రోజుకో ట్వీట్ తో నితీష్ ని ఇబ్బంది పెట్టారు కిషోర్.

రాజకీయంగా ఇబ్బంది పడుతున్నాం అని గమనించిన నితీష్ అసలు నిజాలు బయటపెట్టారు.అమిత్ షా ఆదేశాలతోనే ప్రశాంత్ కిషోర్ ని పార్టీ ఉపాధ్యక్షుడిని చేసా,పార్టీ ని దెబ్బతీసే కార్యక్రమాలు చేస్తే చూస్తూ ఊరుకోను అంటూ వార్నింగ్ ఇచ్చారు.పార్టీ లైన్ దాటాలి అనుకుంటే పదవికి రాజీనామా చెయ్యాలి అని అన్నారు.అయితే నితీష్ ని మరింత రెచ్చగొట్టే విధంగా ప్రశాంత్ కిషోర్ ట్వీట్ చేసారు.ఇక ప్రశాంత్ కిషోర్ ని పదవి నుండి తప్పించి ఆయన పార్టీ సభ్యత్వాన్ని కూడా రద్దు చెయ్యాలని నితీష్ నిర్ణయం తీసుకున్నారు.ఈ సమాచారం తెలుసుకున్న జగన్ వెంటనే ప్రశాంత్ కిషోర్ తో ఫోన్లో మాట్లాడారు. నేను మీకు అండగా ఉంటా అని హామీ ఇచ్చారు. వైఎస్ఆర్ కాంగ్రెస్ పార్టీ ఉపాధ్యక్షుడిగా మీకు పదవి ఇస్తా అని ప్రశాంత్ కిషోర్ కి జగన్ అఫర్ చేశారట.

అంతే కాదు ప్రస్తుతం ఢిల్లీ లో వ్యవహారాలు చక్కబెడుతున్న విజయసాయి రెడ్డి అనేక కేసుల్లో నిందితుడుగా ఉండటంతో జగన్ కి ముఖ్యుల అపాయింట్మెంట్ రావడం కష్టం అవుతుంది అందుకే ప్రశాంత్ కిషోర్ కి క్యాబినెట్ ర్యాంక్ తో పాటు ఢిల్లీ లో ఎపి ప్రభుత్వ ప్రత్యేక ప్రతినిధిగా పదవి ఇవ్వాలని జగన్ డిసైడ్ చేసారట.ప్రశాంత్ కిషోర్ కి బీజీపీ అధినాయకత్వం ఆశీస్సులు ఉన్నాయి.కాబట్టి ఢిల్లీ పెద్దల నుండి కావాల్సిన సహాయం కూడా వెంటనే దక్కుతుంది అలానే రాష్ట్రంలో తనకి అడ్డుగా మారిన మండలి రద్దు కు కూడా ప్రశాంత్ కిషోర్ మార్గం సుగమం చేస్తారు అని జగన్ బలంగా నమ్మి ప్రశాంత్ కిషోర్ ని మరో సారి పూర్తి స్థాయి లో వినియోగించుకోవాలి అని డిసైడ్ అయ్యారు అట.ప్రశాంత్ కిషోర్ కూడా ముఖ్యమంత్రి జగన్ అఫర్ కి అంగీకరించినట్టు సమాచారం.వైఎస్ఆర్ కాంగ్రెస్ ఉపాధ్యక్షుడిగా ప్రశాంత్ కిషోర్ బాధ్యతలు తీసుకోవడం ఇక లాంఛనమే అంటున్నారు పార్టీ వర్గాలు.పూర్తి స్థాయిలో పీకే బాధ్యతలు స్వీకరిస్తే ఇక రాష్ట్రంలో ప్రతిపక్షాలకు పీకే మార్క్ సినిమా కనిపిస్తుంది అని వైఎస్ఆర్సి వర్గాలు అంటున్నాయి