news

ఆంధ్రప్రదేశ్ రాష్ట్రంలో, జగన్ మోహన్ రెడ్డి అధికారంలోకి వచ్చిన తరువాత, రాష్ట్రం రంగుల మయం అయిపోయిన సంగతి తెలిసిందే. రాష్ట్రంలోని ప్రతి పంచాయతీ ఆఫీస్ కి, ప్రభుత్వ భవనాలకు, స్కూల్స్ కు, వాటర్ టాంక్లకు, గేదల కొమ్ములకు, స్మశానాలకి, ఆకులకు, ఇలా ఒకటి కాదు రెండు కాదు, ఏది కనిపిస్తే దానికి, రంగులు వేసుకుంటూ ముందుకు వెళ్తున్నారు. రాష్ట్రంలో ఆర్ధిక పరిస్థితి బాగోలేదు అని చెప్తూనే, రంగులకు మాత్రం, బడ్జట్ కు వెనుకాడతం లేదు. అయితే ఆకులకు, గేదల కొమ్ములకు, ప్రైవేటు బిల్డింగ్స్ కు వేసుకుంటే ఎవరికీ అభ్యంతరం ఉండదు కాని, ప్రభుత్వ భవనాలకు వెయ్యటం మాత్రం తీవ్ర అభ్యంతరం. బ్రిటిష్ కాలంలో కట్టిన ఆఫీస్ లకు కూడా, తామే కట్టాం అనే విధంగా రంగులు వేసుకుంటున్నారు. ఏదో ఒకటీ అర అంటే, కింద స్థాయిలో అత్యుత్సాహం అనుకోవచ్చు. కాని ఇక్కడ ప్రభుత్వం ఆదేశాలు ఇచ్చి మరీ, ఇలా ప్రభుత్వ భవనాలకు రంగులు వేయించటం చూసి అందరూ ఆశ్చర్య పోతున్నారు.

గ్రామాల్లో ఉండే పంచాయతీ భవనాలకు రంగులు వెయ్యటం ఏంటి, ఇదేమన్నా పార్టీ ఆఫీసా, ప్రజలు అందరూ వచ్చే కార్యాలయానికి మీ పార్టీ జెండా రంగులు ఎలా వేస్తారు అంటూ ప్రశ్నిస్తున్నారు. అయితే, ఈ రంగుల పిచ్చ పై, జగన్ ప్రభుత్వానికి హైకోర్ట్ లో షాక్ తగిలింది. ప్రభుత్వ భవనాలకు, మీ పార్టీ జెండా రంగులు ఎలా వేస్తారు అంటూ, హైకోర్ట్ తీవ్ర ఆగ్రహం వ్యక్తం చేసింది. గుంటూరు జిల్లా వట్టిచెరుకూరు మండలం, పల్లపాడు పంచాయతీ కార్యాలయానికి వైసీపీ రంగులు వేయడంపై దాఖలైన పిటిషన్‌పై శుక్రవారం హైకోర్ట్ విచారణ జరిపింది. ప్రజలందరూ వచ్చే ప్రభుత్వ కార్యాలయాలకు, పార్టీ రంగులు ఎలా వేస్తారు అంటూ హై కోర్ట్ ప్రశ్నించింది. పది రోజుల్లో, పూర్తీ నివేదిక ఇవ్వాలని, గుంటూ జిల్లా కలెక్టర్‌ను హైకోర్టు ఆదేశించింది.

అయితే ఇది ఇలా ఉంటే, ఈ రంగుల పై మొదటి నుంచి వైసీపీ ప్రభుత్వాన్ని, అందరూ తప్పు బడుతున్నారు. చాలా ఖర్చు పెట్టి, రాష్ట్రంలో వేల భవనాలకు వైసీపీ జెండా రంగులు వేస్తున్నారని, రేపు జరగబోయే పంచాయతీ ఎన్నికల్లో, ఎన్నికల కోడ్ వస్తుందని, అప్పుడు ఈ భవనాలు అన్నిటికీ మళ్ళీ సున్నం పుయ్యాలని ఒక వాదన ఉంది. ఎందుకంటే, ఎన్నికలు సహజంగా ప్రభుత్వ స్కూల్స్ లో, పంచాయతీ ఆఫీస్ ల్లో జరుగుతాయి. అక్కడ వైసీపీ రంగులు ఉంటే, ఎన్నికల కోడ్ కిందకు వస్తుంది. అందుకే వాటికి మళ్ళీ తెల్ల రంగు పుయ్యాలి. ఇవన్నీ తెలిసినా, ప్రభుత్వం ఎందుకు ఇలా చేసింది అనేది తెలియాలి. ఇప్పుడు హైకోర్ట్ ఆగ్రహం వ్యక్తం చెయ్యటంతో, కార్యాలయాల రంగులు అన్నీ మార్చే అవకాసం ఉంది. అంటే ప్రజా ధనం మొత్తం వృధానేనా ?

ఒకరికి నష్టం, మరొకరి లాభం అంటారు పెద్దలు. ఆంధ్రప్రదేశ్, తెలంగాణా విషయంలో అదే జరుగుతుంది. జగన్ మోహన్ రెడ్డి గారి ప్రభుత్వం వచ్చిన తరువాత, ఈ ఆరు నెలల్లో ఒక్క పరిశ్రమ కూడా రాలేదు. కాని, ఈ ఆరు నెలల్లో, గతంలో చంద్రబాబు హయంలో పెట్టుబడులు పెట్టటానికి వచ్చిన వాళ్ళు మాత్రం, వెళ్ళిపోతున్నారు. ఆ వెళ్ళిపోయిన వారు, మనల్ని వెక్కిరుస్తూ, ఈ పక్కనే, పక్క రాష్ట్రాల్లో పెట్టుబడులు పెడుతూ, ఉద్యోగాలు, ఆదాయం పెంచుకుంటున్నారు. ఇప్పటికే కియా అనుబంధ సంస్థలు చెన్నై వెళ్ళిపోయాయి. ఇక అదానీ డేటా సెంటర్, ఉంటుందో ఉండదో తెలియని పరిస్థితి, దీంతో వాళ్ళు తెలంగాణా వెళ్ళిపోయారు. ఇక సింగపూర్ కు చెందిన కంపెనీలు కూడా తెలంగాణా వెళ్ళిపోయాయి. రిలయన్స్ జియో కూడా, వేల్లిపోటానికి సిద్ధంగా ఉంది. ఇక ప్రకాశంలో పెట్టే పేపర్ మిల్ కూడా అడ్రెస్ లేదు. ఇప్పుడు ఈ జాబితాలో ‘లూలూ’ గ్రూప్ కూడా చేరింది. వీళ్ళు కూడా ఇప్పుడు తెలంగాణా వెళ్ళిపోయి, అక్కడ పెట్టుబడి పెడుతున్నారు.

దుబాయ్‌కు చెందిన ప్రముఖ వాణిజ్య సంస్థ ‘లూలూ’ గ్రూప్ ఆంధ్రప్రదేశ్‌లోని వైజాగ్ లో పెట్టుబడుల పెట్టేందుకు, గత ప్రభుత్వ హయాంలో, చంద్రబాబు సమక్షంలో ఒప్పందం చేసుకున్నారు. విశాఖపట్నంలో అంతర్జాతీయ కన్వెన్షన్ సెంటర్, షాపింగ్ మాల్, ఫైవ్‌స్టార్ హోటల్ నిర్మాణం కోసం ఆ సంస్థ ముందుకు వచ్చింది. మొత్తంగా, రూ.2,200 కోట్ల పెట్టుబడులతో, 7 వేల మందికి ఉద్యోగాలు ఇచ్చే లక్ష్యంలో, ఒప్పందం జరిగింది. అయితే ప్రభుత్వం మారిన వెంటనే, జగన్ మోహన్ రెడ్డి అధికారంలోకి రాగానే, అప్పట్లో చంద్రబాబు కంపెనీలతో కుదుర్చుకున్న ఒప్పందాలు, ఇచ్చిన భూములు సమీక్షించి, కొన్ని కంపెనీల ఒప్పందాలు రద్దు చేసారు. అందులో ఒకటి దుబాయ్‌కు చెందిన కంపెనీ ‘లూలూ’ గ్రూప్

వారికి వైజాగ్ లో కేటాయించిన భూమి రద్దు చేసారు. దీంతో ‘లూలూ’ గ్రూప్ ఒక ఘాటు లేఖ రాసిన సంగతి తెలిసిందే. మేము ఇండియాలో ఎక్కడైనా పెట్టుబడులు పెడతాం కాని, ఆంధ్రప్రదేశ్ లో మాత్రం పెట్టం అంటూ, ఒక బహిరంగ లేఖ కూడా రిలీజ్ చేసారు అంటే, వాళ్ళు ఎంత ఆందోళన చెందారో అర్ధం అవుతుంది. అయితే, ఇప్పుడు ‘లూలూ’ గ్రూప్ కంపెనీ, అనూహ్యంగా తెలంగాణాలో పెట్టుబడులు పెడుతుంది. నిన్న తెలంగాణ ముఖ్యమంత్రి కేసీఆర్ అధ్యక్షతన జరిగిన కేబినెట్ సమావేశంలో లూలూ గ్రూప్ కు హైదరాబాద్ శివార్లలో 290 ఎకరాలు కేటాయించాలని నిర్ణయించారు. ఈ సంస్థ తెలంగాణాలో 2500 కోట్ల పెట్టుబడి పెడుతుండడం విశేషం. అయితే ఆంధ్రప్రదేశ్ కు రావలసిన కంపెనీ, తెలంగాణాకు వెళ్ళిపోవటంతో, ఆంధ్రప్రదేశ్ ప్రజలు బాధ పడుతున్నారు. మనల్ని హేళన చేసిన తెలంగాణా పెద్దలు, మన పతనాన్ని ఎంజాయ్ చేస్తున్నారని, ప్రజలు అనుకుంటున్నారు.

తెలుగుదేశం హాయంలో, పెట్టుబడులు ఆకర్షించటానికి, రాష్ట్ర ఆర్థికాభివృద్ధి మండలి (ఈడీబీ) పెట్టిన సంగతి తెలిసిందే. దీనికి సీఈవోగా ఐఆర్‌ఎస్‌ అధికారి జాస్తి కృష్ణ కిశోర్‌ వ్యవహరించారు. కియా, హెచ్సీఎల్, లాంటి ఎన్నో పెద్ద పెద్ద కంపెనీలు రావటంలో, కృష్ణ కిశోర్‌ ఎంతో సమర్ధవంతంగా పని చేసారు. అయితే, అనూహ్యంగా ఈ అధికారిని సస్పెండ్ చేస్తూ, జగన్ ప్రభుత్వం నిర్ణయం తీసుకుంది. చీఫ్ సెక్రటరీ ఇచ్చిన ఆదేశాలతో, నిన్న జీవో విడుదల అయ్యింది. అయితే ఇప్పుడు, ఈ వ్యవహారం అధికార వర్గాల్లో సంచలనం సృష్టిస్తోంది. ఐఆర్‌ఎస్‌ అధికారిగా ఉన్న, జాస్తి కృష్ణ కిశోర్‌ కేంద్రం నుంచి డిప్యుటేషన్‌ పై రాష్ట్రానికి వచ్చారు. చంద్రబాబు హయంలో కీలక పదవిలో ఉన్న కృష్ణ కిషోర్, జగన్ మోహన్ రెడ్డి ప్రభుత్వం రాగానే ఆయన్ను పదవి నుంచి తప్పించారు. అయితే అప్పటి నుంచి ఆయనకు ఎలాంటి పోస్టింగ్ కూడా ఇవ్వలేదు. తనను రిలీవ్ చెయ్యాలని, కేంద్ర సర్వీస్ లకు వెళ్తానని ఆయాన కోరినా, ప్రభుత్వం స్పందించలేదు.

అయితే అనూహ్యంగా ఆయన్ను గురువారం రాత్రి సస్పెండ్ చేస్తూ, చీఫ్ సెక్రెటరి నీలం సాహ్ని ఉత్తర్వులు జారీ చేశారు. పరిశ్రమలు, మౌలిక సదుపాయాలు, వాణిజ్య శాఖల నుంచి వచ్చిన నివేదిక ఆధారంగా, ఈ నిర్ణయం తీసుకునట్టు జీవోలో తెలిపారు. కృష్ణ కిశోర్‌పై ఏసీబీ డైరెక్టర్‌ జనరల్‌, సీఐడీ విడివిడిగా కేసులు నమోదు చేసి, ఆయన పై విచారణ జరిపి ఆరు నెలల్లోగా చర్యలు తీసుకోవాలని ఆదేశించారు. అప్పటి వరకు ఆయన అమరావతి విడిచి వెళ్ళకూడదు అని ఆదేశాలు ఇచ్చారు. అయితే కేంద్ర సర్వీసు కేడర్‌లో, ఒక కార్యదర్శి హోదాలో ఉన్న వ్యక్తీని, రాష్ట్ర ప్రభుత్వం నేరుగా సస్పెండ్‌ చేయడం పై అధికారులు కూడా ఆశ్చర్య పోతున్నారు. అయితే, ఇది ఇలా ఉంటే, ఫ్లాష్ బ్యాక్ లోకి వెళ్తే, కృష్ణ కిషోర్ చేసిన పని ఒకసారి గుర్తు చేసుకోవాలి.

గతంలో జగన్ మోహన్ రెడ్డికి చెందినా, జగతి పబ్లికేషన్స్‌లో జరిగిన, అక్రమాలను జాస్తి కృష్ణ కిశోర్‌ వెలికితీసారని అధికార వర్గాల్లో చర్చ జరుగుతుంది. కృష్ణ కిశోర్‌ 2009లో ఇన్కమ్ టాక్స్ శాఖలో హైదరాబాద్‌ రేంజ్‌-2లో అదనపు కమిషనర్‌గా పని చేసారు. ఆ సమయంలో, జగతి పబ్లికేషన్స్‌ సంస్థ 10 రూపాయల విలువ ఉన్న షేరును, రూ.370 కు అమ్మింది. ఒక్క షేరుకు రూ.360 ప్రీమియంకి అమ్మటం అసహజంగా ఉండటంతో, దీని పై చూడామని, కేంద్ర ప్రత్యక్ష పన్నుల బోర్డు (సీబీడీటీ) హైదరాబాద్‌ రేంజ్‌-2 ఐటీ అధికారులకు ఫైలు పంపింది. ఈ బాధ్యతను అప్పటి, అదనపు కమిషనర్‌గా ఉన్న జాస్తి కృష్ణ కిశోర్‌కు అప్పగించారు. దీని పై విచారణ జరిపి, మైనస్ 18 కూడా లేని రేటుని, రూ.370కి కొనడం అసాధారణమని తెలిపారు. చివరకు ‘క్విడ్‌ ప్రోకో’గా నిర్ధారించారు. అయితే ఇప్పుడు ఆయన, చంద్రబాబు హయంలో అక్రమాలకు పాల్పడ్డారని, ఆరు నెలల్లో విచారణ జరపని, ఆయన్ను సస్పెండ్ చేసారు.