news

తెలుగుదేశం పార్టీ అధినేత, మాజీ ముఖ్యమంత్రి చంద్రబాబు నాయుడు, మొదటిసారి గుంటూరులోని తెలుగుదేశం పార్టీ రాష్ట్ర కార్యాలయానికి వచ్చారు. ఈ రోజు నుంచి వారంలో 5 రోజులు పాటు, చంద్రబాబు ఇక్కడే, కార్యకర్తలకు, నేతలకు అందుబాటులో ఉండనున్నారు. చంద్రబాబు మొదటి సారి కార్యాలయానికి వచ్చిన సందర్భంలో, పెద్ద ఎత్తున, నేతలు, కార్యకర్తలు స్వాగతం పలికారు. కార్యాలయం బయట ఉన్న ఎన్టీఆర్ విగ్రహానికి నివాళులు అర్పించి, చంద్రబాబు కార్యాలయంలోకి అడుగు పెట్టారు. ఈ సందర్భంగా, చంద్రబాబు కార్యకర్తలను ఉద్దేశించి మాట్లాడారు. ఈ రోజు నుంచి పార్టీ కార్యక్రమాలు ఇక్కడ నుంచే జరుగుతాయాని అన్నారు. మంగళగిరిలో కార్యాలయం సిద్ధం అయ్యే వరకు, ఇక్కడ నుంచే పని చేస్తామని చెప్పారు. 40 శాతం మంది మనకు ఓటు వేసారని, వారికి అండగా ఉండాల్సిన బాధ్యత మనదే అని చంద్రబాబు అన్నారు. ఎంతో మంచి పరిపాలన అందించామని, అందరికీ సంక్షేమ పధకాలు అందించామని, ఏ మూలకు వెళ్ళినా మన అభివృద్ధి కనిపిస్తుందని, అయినా ఎన్నికల్లో ఓడిపోయామని, గెలుపు ఓటములు సహజం అని, ప్రజల కోసం పని చెయ్యాలని చంద్రబాబు అన్నారు.

అయితే ఈ సందర్భంగా వైసీపీ చేస్తున్న దాడులు పై చంద్రబాబు తీవ్రంగా స్పందించారు. వైసీపీ వచ్చిన నెలలోనే మన కార్యకర్తల పై దాడులు జరిగాయని అన్నారు. ఇప్పటికే 6 గురుని చంపేశారని అన్నారు. ప్రతి కార్యకర్తకు అండగా ఉండాల్సిన బాధ్యత నాదని, అవసరం అయితే ఆ గ్రామాలకు వచ్చి అండగా ఉంటానని అన్నారు. కుప్పం పర్యటన తరువాత, చనిపోయిన కార్యకర్తల కుటుంబాలని చంద్రబాబు పరామర్శించనున్నారు. చనిపోయిన వారికి 5 లక్షలు ఆర్ధిక సాయం చెయ్యనున్నారు. చంద్రబాబు మాట్లాడుతూ, కార్యకర్తలే 37 ఏళ్ళుగా పార్టీని మోస్తున్నారని, పార్టీ వల్ల నష్టం వచ్చినా పార్టీతోనే ఉన్నారని అన్నారు. వారే మన పార్టీకి మూలస్తంభాలు, అలాంటి వారి పై దాడులు చేస్తే, చూస్తూ ఊరుకోను, మనం ఏ తప్పు చెయ్యలేదు, అరాచకం చెయ్యలేదు, మీకు అండగా నేను ఉంటా, మీ ఊరికి వచ్చి అండగా ఉంటా అని చంద్రబాబు కార్యకర్తలకు ధైర్యం చెప్పారు.

ఇది వరకు పెన్షన్లు అంటే పెద్దగా పెట్టించుకునేవారు కాదు. కాంగ్రెస్ హయంలో కేవలం 200 రూపాయలు ఇచ్చే వారు. వాటితో ఏమి చేసుకోలేని పరిస్థితి. ఈ నేపధ్యంలో, పాదయాత్రలో వారి కష్టాలు చూసిన చంద్రబాబు, అధికారంలోకి రాగానే అయుదు రెట్లు పెంచి, వెయ్య రూపాయలు చేసారు. దీంతో ముసలి అవ్వలకు, తాతలకు పెన్షన్లు భరోసా ఇచ్చాయి. ఇక చంద్రబాబు వీటిని వెయ్యి నుంచి, రెండు వేలుకు పెంచారు. దీంతో వీరి ఆనందానికి అవధులు లేకుండా పోయాయి. ముసలి వయసులో వదిలేసిన, కొడుకులు, కోడళ్ళు కూడా వారిని తెచ్చి ఇంట్లో పెట్టుకున్న పరిస్థితి. అయితే ఎన్నికల ప్రాచారంలో చంద్రబాబు, జగన్ ఇద్దరూ , పెన్షన్ 3 వేలు చేస్తామని చెప్పారు. ప్రజలు చంద్రబాబుని ఓడించి, జగన్ కు అవకాసం ఇచ్చారు. కాని జగన్ మాత్రం, 3 వేలు కాకుండా 250 పెంచి, 2250 చేసారు. 3 వేలకు పెంచుకుంటూ పోతాం అని ప్రకటించారు.

అయితే పెంచిన 250 పోయిన నెల ఇవ్వలేదు. ఈ నెల నుంచి ఇస్తునట్టు ప్రకటించారు. ప్రతి నెల లాగే, హుషారుగా పెన్షన్ తీసుకోవటానికి వెళ్ళిన వృద్ధులకు, వికలాంగులకు షాక్ తగిలింది. పెన్షన్లు ఈ రోజు ఇవ్వటం లేదని, ఈ నెల కొంచెం ఆలస్యంగా, 8 వ తారీఖు ఇస్తామని చెప్పారు. చంద్రబాబు ఉండగా, జీతాలు ఇచ్చినట్టు ఒకటవ తారీకు పెన్షన్ ఇస్తూ ఉండటంతో, ఎంతో మంది మందులకు, ఇతర ఖర్చులకు, మొదటి వారంలోనే ఖర్చు పెట్టే వారు. అయితే మొదటి సారి, పెన్షన్లు వారం లేట్ గా వస్తున్నాయి అని తెలుసుకుని, ఉసూరు మంటూ వెనుతిరిగి ఇళ్ళకు వెళ్లారు. అసలు ఎందుకు లేట్ గా ఇస్తున్నారు అయ్యా, అని కొంత మంది వృద్ధులు అడగగా, ఆ సమాధానం విని, వీరు అవాక్కయ్యారు. 8 వ తారీఖు జగన్ తండ్రి రాజశేఖర్ రెడ్డి పుట్టిన రోజు అని, అందుకే ఆ రోజు నుంచి పెన్షన్ ఇస్తామని చెప్పటంతో, అవాక్కవ్వటం వీరు వంతు అయ్యింది. మందులు అవి కొనుక్కోవటానికి, మరో వారం రోజులు ఆగాలని, ఇలా పుట్టిన రోజులు, పోయిన రోజులు అని మా పొట్ట కొడితే ఎలా అని లబోదిబో మంటూ ఇంటికి వెళ్ళిపోయారు. ప్రభుత్వం నిర్ణయం తీసుకుంటే, ఇక ఎవరైనా ఏమి చేయగలరు...

తెలుగుదేశం పార్టీ ఓటమి చెందిన తరువాత, రాష్ట్రంలో రాజకీయ పరిణామాలు మారిపోతున్నాయి. తెలుగుదేశం పార్టీని బలహీనపరిచి, ఆ స్థానం ఆక్రమించుకోవాలని బీజేపీ ప్రయత్నం చేస్తుంది. ఇందులో భాగంగా, ఇప్పటికే రాజ్యసభ అభ్యర్ధులను లాగేసుకున్నారు. దాదపుగా 75 మంది నేతల కోసం, బీజేపీ ప్రయత్నాలు చేస్తుంది. కొంత మంది ఇప్పటికే కాషాయం కండువా కప్పుకున్నారు కూడా. ఒక పక్క చంద్రబాబు, ఓటమి పై సీనియర్ నేతలతో భేటీ అయ్యి, సమీక్షలు చేస్తుంటే, ఇక్కడ కొంత మంది నేతలు మాత్రం, అటు ఇటుగా ఉంటున్నారు. ముఖ్యంగా తెలుగుదేశం పార్టీ కాపు సామాజిక వర్గానికి ఎమ్మెల్యేలు, మాజీ ఎమ్మెల్యేలు, ముఖ్యనేతలు మాటి మాటికీ భేటీ అవ్వటం, బీజేపీలోకి వెళ్తున్నాం అని మీడియాకు లీకలు ఇవ్వటం, మీడియా ముందుకు వచ్చి, అదేమీ లేదు అని చెప్పటం, జరుగుతూ వస్తుంది. ఈ నేపధ్యంలో, ఈ రోజు మరోసారి తెలుగుదేశం పార్టీ కాపు నేతలు అంతా, సమావేశం అవుతున్నారు. బొండా ఉమా ఇంట్లో, ఈ రోజు లంచ్ మీటింగ్ కు కాపు నేతలంతా వచ్చారు .

కాకినాడలో జరిగిన సమావేశం తర్వాత కాపునేతలు అంతా, ఇలా భేటీ అవ్వటం, రెండోసారి. ఇది ఇలా ఉంటే, కాపు నేతలు అందరినీ చంద్రబాబు ఈ రోజు సాయంత్రం రమ్మన్నారు. చంద్రబాబుతో ఏమి మాట్లాడాలి అనే విషయం పై బొండా ఉమా ఇంట్లో అందరూ భేటీ అయ్యారు. ఈ సందర్భంగా బొండా ఉమా, మీడియాతో కొన్ని ఆసక్తికర వ్యాఖ్యలు చేశారు. మేము పార్టీ మారుతున్నాం అనే వచ్చిన వార్తల్లో వాస్తవం లేదని అన్నారు. మేము భేటీ అవుతుంది, పార్టీ మారటానికి కాదని, అలా అనుకుంటే, ఇన్ని మీటింగ్ లు అవసరం లేదని, ఒకేసారి మారిపోయే వాళ్ళమని బొండా ఉమా అన్నారు. మేము పార్టీ నుంచి మాకు ఎదురవుతున్న ఇబ్బందులు, కొంత మంది నుంచి సరైన సహకారం అందక పోవటం వంటి అంశాల పై మాత్రమే చర్చించామని అన్నారు. పార్టీలోని కొంత మని వల్ల మాకు ఇబ్బందులు వచ్చాయని, అవన్నీ చంద్రబాబు దృష్టికి తీసుకువెళ్తామని అన్నారు. ఈ సమస్యలు అన్నిటి పై చంద్రబాబుతో చర్చిస్తామని, పార్టీ అధినేతగా ఆయన సరైన నిర్ణయం తీసుకుంటారని భావిస్తున్నాం అని, చంద్రబాబు స్పందనను బట్టి భవిష్యత్తు కార్యాచరణ ప్రకటిస్తామని చెప్పారు.