news

రెండు తెలుగు రాష్ట్రాల సియంలకు అత్యంత ప్రీతిపాత్రుడు, విశాఖ శారదా పీఠానికి చెందిన పీఠాధిపతి స్వరూపానందేంద్ర సరస్వతి. మొన్న విజయవాడ కృష్ణాతీరంలో జరిగిన, శారదాపీఠ ఉత్తరాధికారి నియామక కార్యక్రమంలో , జగన్, కేసీఆర్ పాల్గున్నప్పుడు, ఒకరు నా ఆత్మ, ఒకరు నా ప్రాణం అంటూ స్వరుపానంద చెప్పుకొచ్చారు. అంతే కాదు, జగన్ సియం అవ్వటం కోసమే శారదా పీఠం పని చేసిందని, మరో 15 ఏళ్ళు ఆయనే సియంగా ఉండటానికి పని చేస్తామని స్వరుపానంద చెప్పి అందరినీ ఆశ్చర్యపరిచారు. ఓక సన్యాసి ఇలా మాట్లాడటం ఏంటి అంటూ అందరూ ఆశ్చర్యపోయిన పరిస్థితి. ఇదే విధంగా కేసీఆర్ పై కూడా ప్రశంసలు గుప్పించారు స్వామి.జగన్ కేమో ముద్దులు, కేసీఆర్ కేమో ఆలింగనాలతో ఉక్కిరిబిక్కిరి చేశారు స్వరూపానంద. వీళ్ళ ముగ్గిరి కలయిక, వీరు చెప్పిన ప్రవచనాలు, వీళ్ళ హావభావాలతో కృష్ణా తీరం పులకించి పోయిందా అనేంతగా హడావిడి చేసారు. స్వామి వారి భక్తికి మెచ్చిన కేసీఆర్, వెంటనే హైదరబాద్ వెళ్లి , క్యాబినెట్ మీటింగ్ పెట్టి ఒక నిర్ణయం తీసుకున్నారు.

అదే గండిపేట మండలంలోని కోకాపేట వద్ద విశాఖపట్నం శారదాపీఠంకు రెండెకరాల స్థలం కేటాయించటం. దీని కోసం ఒక జీ.ఓ కూడా విడుదల చేసింది. ఈ రోజు ఇచ్చిన మాట ప్రకారం శారదా పీఠానికి రెండెకరాల భూమిని కేటాయిస్తూ ఉత్తర్వులు కూడా ఇచ్చేసారు. ఇంతకీ ఎకరం భూమి ఎంతో తెలుసా ? తెలిస్తే ఆశ్చర్య పోతారు. ఎకరానికి రూపాయి చొప్పున ఈ కేటాయింపు జరిగింది. అంటే రెండు ఎకరాలకు, రెండు రూపాయలు అనమాట. ఈ స్థలంలో శారదా పీఠం గురుకుల వేద పాఠశాలను నెలకోల్పనుంది. అయితే కోకాపేటలో రియల్ ఎస్టేట్ భూమ్ అధికంగా ఉంది. అక్కడ ఎకరా 25 కోట్లు దాకా పలుకుతుంది. అలాంటి చోట, కేసీఆర్ తన స్వార్ధ ప్రయోజనాల కోసం, రాష్ట్ర సంపదను, ఇలా అప్పనంగా, ఎకరా రూపాయికి ఇచ్చేసారు. పోనీ ఇక్కడ పరిశ్రమలు వచ్చి, ఉద్యోగాలు వస్తాయా అంటే అదీ లేదు. కేసీఆర్ ఇంత ఉదారత చూపి, ఎకరా రూపాయికి ఇచ్చేస్తే, మరి మన జగన్ గారు, ఎంత ఉదారత చూపుతారో చూద్దాం.

వైసీపీ అధ్యక్షుడు జగన్ మోహన్ రెడ్డికి, అత్యంత ఆప్తుడు, అన్నిట్లో వెన్ను దన్నుగా ఉంటూ, చివరకు జైలుకు వెళ్ళినప్పుడు కూడా తోడుగా ఉన్న వైసీపీ జాతీయ ప్రధాన కార్యదర్శి , రాజ్యసభ సభ్యుడు విజయసాయిరెడ్డికి, జగన్‌ మోహన్‌రెడ్డి మరో బంపర్ ఆఫర్ ఇచ్చారు. అధికారంలోకి వచ్చిన తరువత, అధికారం లేక ముందు కూడా, జగన్ మోహన్ రెడ్డి తరువాత, అంతా తానే అన్నట్టుగా, విజయసాయి రెడ్డి నడిపించుకుంటూ వచ్చారు. ఆయన చేసిన సేవలకు మెచ్చిన్ జగన్ మోహన్ రెడ్డి, విజయసాయిరెడ్డి వైసీపీ జాతీయ ప్రధాన కార్యదర్శిగా బాధ్యతలు ఇచ్చారు. అంతే కాదు, ఎన్ని విమర్శలు వచ్చినా, విజయసాయి రెడ్డికి రాజ్యసభ టికెట్ కూడా ఇచ్చి, రాజ్యసభ సభ్యుడిని చేసారు. ఇప్పుడు అధికారం రావటంతో, విజయసాయి రెడ్డికి మరో పదవి కూడా ఇచ్చారు. ఢిల్లీలో ఆంధ్రప్రదేశ్ ప్రభుత్వ ప్రతినిధిగా విజయసాయి రెడ్డిని నియమిస్తున్నట్లు ఈ రోజు సాయంత్రం ఉత్తర్వులు జారీ అయ్యాయి. దీని ప్రకారం, ఇక పై విజయసాయి రెడి కేబినెట్ మంత్రి హోదా కలిగి ఉత్నారు.

దీనికి సంబంధించిన జీవోను ప్రభుత్వ ప్రధాన కార్యదర్శి ఎల్వీ సుబ్రహ్మణ్యం కొద్ది సేపటి క్రిందట జారీ చేశారు. తక్షణమే ఈ ఉత్తర్వులు అమల్లోకి వస్తాయని స్పష్టం చేసారు. అయితే, ఈ పదవికి సంబధించి, మిగతా విధి విధానాలు, త్వరోలేనే ప్రకటిస్తామని జీఓలో రాసారు. అంటే ఆయన చేసే పని ఏంటి, జీతం ఎంత, ఎంత మంది ఆయన కింద పని చేస్తారు, లాంటి అంశాలు తరువాత చెప్తామంటూ జీఓలో రాసారు. మరో పక్క, ఈ పదవి విజయసాయి రెడ్డికి పెద్ద ఇబ్బందిగా ఏమి ఉండదని విశ్లేషకులు అంటున్నారు. ఎందుకంటే, గత 5 ఏళ్ళుగా ప్రతిపక్షంలో ఉన్నా, తెలుగుదేశం పార్టీని కాదని మరీ, విజయసాయి రెడ్డికి ఢిల్లీలో బీజేపీ పెద్దలు ప్రాధాన్యత ఇచ్చే వారు. ఏకంగా ప్రధాని కార్యాలయంలోకి వెళ్ళిపోయే చనువు ఆయనకు ఉంది. మొన్న ప్రధాని, హాయ్ విజయ్ గారు అని పలకరించటం కూడా చూసాం. ఇంత లాబీయింగ్ తెలిసిన విజయసాయి రెడ్డికి ఈ పదవి కొత్తగా ఏమి ఉండదని, ఎందుకంటే ఆయన ప్రతి రోజు చేసేది ఈ పనే అని విశ్లేషకులు అంటున్నారు.

నోట్లు రద్దు చేసిన సమయంలో, రూ.34కోట్ల విలువైన రెండు వేల రూపాయల నోట్ల కట్టలు దొరికిన పారిశ్రామికవేత్త శేఖర్‌రెడ్డి గుర్తున్నారా ? అప్పట్లో ఒక్క నోటు కోసం, బ్యాంకుల ముందు బారులు తీరి, లాఠీ దెబ్బలు మన లాంటి సామాన్యులు పడితే, ఇలాంటి వారికి మాత్రం ఏకంగా 34 కోట్లు కొత్త నోట్లు ఇచ్చారు. అప్పట్లో ఇది ఒక సంచలనం అయ్యింది. అయితే ఆ టైంలో శేఖర్‌రెడ్డి టీటీడీ బోర్డు సభ్యుడిగా ఉన్నారు. దీంతో ఈ డబ్బు అంతా చంద్రబాబుది అని, శేఖర్ రెడ్డి చంద్రబాబు బినామీ అంటూ వైసీపా పార్టీ హంగామా చేసింది. చంద్రబాబు చేసిన స్కాం డబ్బులు ఇవన్నీ అంటూ, వైసీపీ పార్టీ చేసిన హంగామా అంతా ఇంతా కాదు. తెలుగుదేశం పార్టీ వైపు నుంచి సరైన కౌంటర్ లేక పోవటంతో, ఇది నిజం అని నమ్మినవారు కూడా ఉన్నారు. అప్పట్లో ఈ విషయం పై ఐటి, ఈడీ కూడా శేఖర్ రెడ్డి పై కేసులు పెట్టాయి. అయితే ఇప్పుడు ఇదే శేఖర్ రెడ్డి, అమయాకుడు అని, ఆ డబ్బు అంతా అతడి కష్టార్జితం అని ఐటి, ఈడీ తేల్చాయి.

ఇక్కడ సమస్య ఈ డబ్బు ఆయన కష్టపడి సంపాదించాడా లేడా అని కాదు. ఒక్క రెండు వేల రూపాయి కాగితం కోసం ప్రజలు అల్లాడిపోతున్న సమయంలో, శేఖర్ రెడ్డికి, 34 కోట్లకు, రెండు వేల రూపాయలు ఎక్కడ నుంచి వచ్చాయి అని ? కేంద్రంలో పెద్దల సహయం లేనిదే అంత డబ్బు రాదు. మరి, ఈ విషయం తేల్చకుండా, అది సక్రమ సంపాదన అని తేల్చేసారు. అయితే క్లీన్ చిట్ ఇచ్చిన వెంటనే శేఖర్ రెడ్డి , ఆంధ్రాలో వాలిపోయారు. ఇక్కడ జగన్ ప్రభుత్వం ఉండటంతో, వెంటనే ఒక అర్జీ పెట్టుకున్నారు. మళ్లీ టిటిడి బోర్డు మెంబెర్ పదవిని ఆశిస్తున్నట్లు జగన్ కు చెప్పారు. నాకు ఏ పాపం తెలియదని, నేను అమాయకుడుని అని దర్యాప్తు సంస్థలు తేల్చాయని, నాకు క్లీన్ చిట్ ఇచ్చారని, అందుకే ఇప్పుడు మళ్ళీ టిటిడి బోర్డు మెంబెర్ పదవి ఆశిస్తున్నాని, ఆ పదవి కేటాయించమని జగన్ ని కోరారు. మరి జగన్ మోహన్ రెడ్డి గారు, శేఖర్ రెడ్డి గారి వినతిని ఆమోదిస్తారో, తిరస్కరిస్తారో చూడాలి.