news

టాలీవుడ్ యాక్టర్ నందమూరి తారకరత్నకు జీహెచ్ఎంసీ అధికారులు షాకిచ్చారు. బంజారాహిల్స్ రోడ్డు నెంబర్ 12లో ఉన్న తారక్‌కు చెందిన 'ఫ్రెండ్స్ డ్రైవ్ ఇన్' రెస్టారెంట్‌ను కూల్చివేశారు. విషయం తెలుసుకున్న తారకరత్న హుటాహుటిన రెస్టారెంట్ వద్దకు వచ్చి అధికారులను నిలదీశారు. ఐతే నిబంధనలను విరుద్ధంగా నడుపుతున్నారని ఫిర్యాదులు రావడం వల్లే కూల్చివేశామని వివరణ ఇచ్చారు. కూల్చివేత సందర్భంగా హోటల్ దగ్గర ఉద్రిక్త పరిస్థితులు నెలకొన్నాయి. అన్ని అనుమతులు తీసుకున్నాకే రెస్టారెంట్ నిర్వహిస్తున్నామని జీహెచ్‌ఎంసీ అధికారులతో వాగ్వాదానికి దిగారు. అన్నీ కరెక్ట్ గా ఉన్నా కూడా, ఇలా ఎందుకు చేస్తున్నారని ప్రకటించినా, పట్టించుకోకుండా ముందుకు సాగారు.

రాత్రివేళ రెస్టారెంట్‌లో సౌండ్ సిస్టమ్‌తో ఇబ్బందులు సృష్టిస్తున్నారని, తాగుబోతుల ఆగడాలు సైతం పెరిగాయని కాలనీవాసులు ఫిర్యాదు చేసినట్లు సమాచారం. ఈ నేపథ్యంలోనే జీహెచ్ఎంసీ అధికారులు రెస్టారెంట్‌ను కూల్చివేసినట్లు తెలుస్తోంది. విషయం తెలుసుకున్న తారకరత్న హుటాహుటిన ఘటనాస్థలికి చేరుకున్నారు. తమకు కొంత సమయం ఇవ్వాలని అధికారులను కోరారు. తారకరత్న విన్నపం మేరకు జీహెచ్ఎంసీ అధికారులు మూడు గంటల గడువు ఇచ్చారు. గడువులోగా రెస్టారెంట్‌లోని సామగ్రిని అక్కడి నుంచి తరలించేందుకు సిబ్బంది ప్రయత్నిస్తున్నారు. అయితే తారక రత్న దీని మీద న్యాయ పోరాటం చెయ్యడానికి సిద్ధం అవుతున్నట్టు కూడా వార్తలు వస్తున్నాయి.

అయితే అధికారులు తమకు ముందస్తు నోటీసు ఇవ్వకుండా, ఉన్నట్టు ఉండి ఇలా వచ్చి, కూల్చివేతకు దిగడం దారుణమని అంటున్నారు. అసలు ఎందుకు చేస్తున్నారు, ఏంటి అనే సమాచారం ఇవ్వకుండా, టైం ఇవ్వకుండా, ఎదో యుద్ధానికి వచ్చినట్టు వచ్చారని, ఎందుకు చేస్తున్నారో కూడా కొంత సేపు చెప్పలేదని అంటున్నారు. అయితే దీని వెనుక రాజకీయ కక్ష కూడా ఉంది అనే అనుమానాలు కూడా వస్తున్నాయి. గత ఎన్నికలలో కూకట్ పల్లిలో నందమూరి సుహాసినికి మద్దతుగా ప్రచారం చేసినందుకు, కేసీఆర్ పై విమర్శలు చేసినందుకు, తమ హీరోను అధికారులు వేధిస్తున్నారని నందమూరి అభిమానులు ఆరోపిస్తున్నారు. ఏదైనా ఇబ్బంది ఉంటే, ముందు చెప్తారని, హెచ్చరిస్తారాని, తరువాత నోటీస్ ఇస్తారని, ఏమి లేకుండా ఇలా చెయ్యటం దారుణమని అంటున్నారు.

చెరువు మీద అలిగితే ఏమవుతుంది ? నష్టం చెరువుకి కాదు, అలగిని వాడికే.. తరతరాలుగా ఈ సామెత తెలుసుకుని, జీవితాన్ని మలుచుకున్న వాళ్ళే కాని, అడ్డదిడ్డంగా వెళ్ళిన వారు లేరు. మొదటి సారి మనకు జగన మోహన్ రెడ్డి రూపంలో తగిలాడు. ఈ రోజు జగన్ మోహన్ రెడ్డి ఢిల్లీ వెళ్లారు. కేసుల మాఫీ కోసం కాదంట, ఎలక్షన్ కమిషన్ కు, చంద్రబాబు మీద ఫిర్యాదు చెయ్యటానికి. ఎవరైనా ఫిర్యాదు చెయ్యచ్చు తప్పు లేదు. కాని, జగన్ మోహన్ రెడ్డి చేసిన ఫిర్యాదు, చేసిన డిమాండ్ చూసి, ఎలక్షన్ కమిషనే ఖంగుతినేలా జగన్ మోహన్ రెడ్డి మాట్లాడారు. ఇలాంటి డిమాండ్ , ఏ రాష్ట్రం నుంచి, ఏ నాయకుడు చెయ్యకపోవటంతో, ఈ విషయం చెప్తున్న సమయంలో జాతీయ మీడియా కూడా షాక్ అయ్యింది.

జగన్ మోహన్ రెడ్డి మాట్లాడుతూ, చంద్రబాబు సామాజికవర్గ నేతలందరినీ తప్పించాలని, అప్పుడే ఎన్నికలు సవ్యంగా జరుగుతాయని అన్నారు. సీఐలకు డీఎస్పీలుగా ప్రమోషన్‌ ఇచ్చిన సమయంలో, 35 మంది చంద్రబాబు సామాజికవర్గ వారే ఉన్నారని అన్నారు. అయితే, ఇక్కడ దాదపుగా 2-3 మాత్రమే ఆ సామాజికవర్గం వారని లెక్కలు చెప్తున్నాయి. ఇక ఎప్పటి లాగే, డీజీపీ, ఇంటెలిజిన్స్‌ డీజీ పై కూడా తన కోపం చూపించారు. ఇంటెలిజిన్స్‌ డీజీ చంద్రబాబు సామాజికవర్గం అని, వీరిని కూడా బాధ్యతల నుంచి తప్పించాలని జగన్‌ డిమాండ్ చేశారు. మరో వింత ఏంటి అంటే, 60 లక్షల దొంగ ఓట్లు ఉన్నాయంటూ, జగన్ మరో వింత మాట మాట్లాడారు.

ఉన్న ఓట్లే 2 కోట్ల పైన అయితే, 40 శాతం దొంగ ఓట్లు ఉన్నాయని జగన్ అనటంతోనే, తాను ఏ పరిస్థితిలో ఉన్నారో అర్ధం చేసుకోవచ్చు. ఇప్పటి నుంచే ఓటమికి ప్రిపేర్ అవుతునట్టు ఉంది. ఏదన్నా 10, 20 లక్షలు అంటే ఎవరన్నా నమ్ముతారు. తెలంగాణాలో 20 లక్షల దొంగ ఓట్లు ఉన్నాయంటేనే ఎవరూ నమ్మలేదు, అలాంటిది ఏకంగా 60 లక్షలు దొంగ ఓట్లు అంటే, అసలు అది సాధ్యం అయ్యే పనేనా. ఇలాంటి మాటలు మాట్లాడితే, ఎవరైనా సీరియస్ గా తీసుకుంటారా ? అయినా చంద్రబాబు మీద కోపం ఉంటే చంద్రబాబుని తిట్టాలి, ఆయన సామాజికవర్గం మొత్తం అసలు ఎన్నికల్లో పని చెయ్యకూడదు అనేది వింత వాదన కాదా ? చంద్రబాబు సామాజికవర్గం మొత్తం తెలుగుదేశం పార్టీకే ఓటు వేస్తుందా ? తన పార్టీలో సామాజికవర్గం వారు లేరా ? ఇలా ఒక సామాజికవర్గం మొత్తాన్ని నమ్మను అని ఒక ప్రతిపక్ష నాయకుడు ఇలా బహిరంగంగా చెప్పటం, బహుసా ఇదే మొదటి, చివరి సారి అయి ఉంటుంది.

పలాసలో బీజేపీ జాతీయ అధ్యక్షుడు అమిత్‌షాకు ఘోర అవమానం జరిగింది. జనం లేక అమిత్‌షా సభ వెలవెలబోయింది. భాజపా చేపట్టిన బస్సు యాత్ర ప్రారంభోత్సవానికి అమిత్‌షా పలాస వచ్చారు. అమిత్‌షా రాక సందర్భంగా బహిరంగ సభ ఏర్పాటు చేసింది భాజపా రాష్ట్ర కార్యవర్గం. వేలాది మంది కూర్చునేందుకు అనువుగా కుర్చీలు కూడా ఏర్పాటు చేసారు. అయితే ప్రజలు మాత్రం అమిత్ షా ను తిరస్కరించారు. జనం లేక కుర్చీలను ముందే సర్దేసారు బీజేపీ కార్యకర్తలు. డబ్బులు ఇస్తాం అన్నా ప్రజలు రాని పరిస్థితి. ఈ పరిణామంతో తీవ్ర ఆగ్రహంతో, పలాసలో బహిరంగ సభను రద్దు చేసుకున్నారు అమిత్‌షా. అయితే అక్కడి నేతలు మా పరువు పోతుంది, ఇలా చెయ్యకండి అని బ్రతిమిలాడటంతో అమిత్ షా కురించారు.

ఉన్న కొద్దిమందిని ఉద్దేశించి ప్రజాచైతన్య యాత్ర రథం పై నుంచే ప్రసంగించారు అమిత్‌షా. ప్రజాస్పందన లేకపోవటంతో వెలవెలబోయిన బహిరంగ సభా వేదికను చూసి కన్నాకు చురకలు అంటించారు. ప్రజలు రాకపోవటంతో ప్రజాచైతన్య యాత్ర రథం వరకే పరిమితం చేసారు భాజపా నాయకులు. మరో పక్క, అమిత్‌షా రాకపై తెదేపా శ్రేణులు పెద్ద ఎత్తున నిరసనకు దిగాయి. పలాస ఎమ్మెల్యే గౌతు శ్యామసుందర శివాజీ, జిల్లా తెదేపా అధ్యక్షురాలు గౌతు శిరీష ఆధ్వర్యంలో కార్యకర్తలు కాశీబుగ్గ పాతబస్టాండ్‌లోని ఎన్టీఆర్‌ విగ్రహం వద్ద ఆందోళనకు దిగారు. అమిత్‌షా గోబ్యాక్‌ అంటూ నినాదాలు చేశారు. అనంతరం పోలీసులు నేతలను అదుపులోకి తీసుకుని కాశీబుగ్గ పీఎస్‌కు తరలించారు. పోలీసుల వైఖరిని నిరసిస్తూ ఎమ్మెల్యే శివాజీ, గౌతు శిరీష, కార్యకర్తలు పోలీస్‌ స్టేషన్‌లోనే బైఠాయించారు.

అయితే ఈ సందర్భంగా అమిత్ షా మాట్లాడుతూ, రాష్ట్రానికి 5 లక్షల కోట్లు ఇచ్చినట్టు చెప్పారు. అవి చంద్రబాబు జేబులోకి వెళ్ళాయంటూ చెప్పుకొచ్చారు. రాష్ట్రాభివృద్ధికి ఎంతో తోడ్పాటు అందించామని చెప్పారు. రాష్ట్రానికి కేంద్రం ఇచ్చిన హామీల్లో సింహభాగం మొదటి ఐదేళ్లలోనే పూర్తిచేశామని.. తిరుపతిలో ఐఐటీ, ఐఐఎస్‌ఈఆర్‌.. విశాఖలో ఐఐఎం, తాడేపల్లిగూడెంలో ఎన్‌ఐటీ ఏర్పాటు చేశామన్నారు. ఈ సంస్థలేవీ ఇంతకుముందు ఏపీలో లేవని ఆయన చెప్పారు. గుంటూరు జిల్లా మంగళగిరిలో ఎయిమ్స్‌, విశాఖలో ఎన్‌ఐపీఈఆర్‌ నెలకొల్పామని.. పెట్రోలియం విశ్వవిద్యాలయాన్ని కూడా ఏపీకి కేటాయించామని అమిత్‌షా చెప్పారు.