news

నిన్న మంత్రి దేవినేని ఉమ గారు ఆంధ్ర హాస్పిటల్ లో చికిత్స పొందుతున్న సాదనాల ప్రసాదరావును పరామర్శించడానికి వెళ్ళి, పరామర్శించి వస్తుండగా అంబులెన్సుల హడావుడి చూసి డాక్టర్లను ఏమిటి అని అడిగారు. అప్పుడు డాక్టర్లు నందిని అనే పాపకు బ్రెయిన్ డెడ్ అయ్యిందని అవయవదానం చేశారని అవయవాలు సేకరించేందుకు హైదరాబాదు నుండి డాక్టర్లు వచ్చి ఏర్పాట్లు చేశారని చెప్పారు.వెంటనే నందిని దగ్గరకు వెళ్ళిన మంత్రి దేవినేని ఎందుకైనా మంచిది అవయవదానం వద్దు ఎంత ఖర్చయినా ఆపాపను బ్రతికించాలి అని చెప్పారు.

తల్లిదండ్రులు సైతం మాకు స్తోమత లేదు మేం భరించలేం మేం తీసుకెళ్తాం అనగా మంత్రి దేవినేని వారిని వారించి ఎంత కావాలి అని అడిగారు. అందుకు తల్లిదండ్రులు 4,00,000 రూపాయలు ఖర్చవుతుంది అని చెప్పగా ఆ మొత్తాన్ని నేను ఏర్పాటు చేస్తాను తక్షణమే పాప కోలుకునేందుకు తగిన ఏర్పాట్లు చేసి చికిత్స చేయమని డాక్టర్లను అదేశించారు. తన అన్నమాట ప్రకారం ముఖ్యమంత్రితో మాట్లాడి తక్షణమే నాలుగు లక్షల రూపాయలను 20 గంటల్లో మంజూరు చేయించి ముఖ్యమంత్రి వద్దనుండి నేరుగా ఎల్ ఓ సి ని తీసుకుని మంత్రి శ్రీ దేవినేని ఉమామహేశ్వరరావు ఆంద్ర హాస్పిటల్ కు వెళ్ళి తల్లిదండ్రులకు అందజేశారు.

అనంతరం వైద్యులతో మాట్లాడిన మంత్రి దేవినేని ఎంత ఖర్చయినా పాపను బ్రతికించాలని కోరారు. మంత్రి చేసిన సహాయాన్ని ఎప్పటికీ మరువబోమని తల్లిదండ్రులు కన్నీటి పర్యంతమయ్యారు. మరో పక్క, మంత్రి చేసిన సహాయం తెలుసుకుని అందరూ, మంత్రిని అభినందించారు. పాప ప్రాణం డాక్టర్లు కాపాడాలని, కోరుకుంటున్నారు. ముఖ్యమంత్రి సహాయ నిధి, ఇలా ఎంతో మంది ప్రాణాలు కాపాడింది. ఆపదలో ఉన్నవారు ఎవరైనా, ముఖ్యమంత్రి దగ్గరకు వెళ్తే చాలు, అది నిజమైన సమస్య అని తెలుసుకుంటే, ఎంత వరుకైన సహాయం చేస్తున్నారు.

దేశమంతటా జమిలీ ఎన్నికలను నిర్వహించాలని కొంతకాలంగా గట్టిగా కోరుతున్న బీజేపీ.. ఆ దిశగా తన ప్రయత్నాలను ముమ్మరం చేస్తుంటే, ఈ రోజు ఎలక్షన్ కమిషన్ మాత్రం షాక్ ఇచ్చింది. జమిలి ఎన్నికలు నిర్వహించేందుకు అవసరమైన సదుపాయాలు తమ వద్ద లేవని భారత ఎన్నికల సంఘం తేల్చి చెప్పేసింది. జమిలి ఎన్నికల ప్రక్రియను వేగవంతం చేయాలని డిమాండ్ చేస్తూ బీజేపీ అధ్యక్షుడు అమిత్‌షా లా కమిషన్‌కు లేఖ రాసిన మరుసటి రోజే ఈసీ ఈ ప్రకటన చేయడం గమనార్హం. వచ్చే ఏడాది లోక్‌సభ, రాష్ట్రాలకు ఒకేసారి ఎన్నికలు నిర్వహించడం సాధ్యం కాదని ఎన్నికల సంఘం పేర్కొంది. ‘‘ఒకేసారి ఎన్నికలు నిర్వహించేందుకు సరిపడినన్ని వీవీపీఏటీలు మా వద్ద లేవు..’’ అని ఎన్నికల సంఘం చీఫ్ ఓపీ రావత్ పేర్కొన్నారు.

వీవీపీఏటీ మెషీన్ల కోసం సకాలంలో ఆర్డర్ చేయాల్సి ఉందనీ.. జమిలి ఎన్నికలపై రెండు మూడు నెలల్లోగా తుదినిర్ణయం ప్రకటిస్తామని వెల్లడించారు. ‘ఒకే దేశం ఒకే ఎన్నికలు’ నినాదంతో జమిలి ఎన్నికల కోసం బీజేపీ ఇటీవల దూకుడు ప్రదర్శిస్తున్న సంగతి తెలిసిందే. ఇదే అంశంపై నిన్న అమిత్‌షా లా కమిషన్‌కు లేఖ రాశారు. సంవత్సరం పొడవునా రాష్ట్రాల్లో ఎన్నికలు జరుగుతున్న కారణంగా అభివృద్ధి కార్యక్రమాలపై తీవ్ర ప్రభావం పడుతోందని ఈ లేఖలో పేర్కొన్నారు. చాలామంది అధికారులు ఎన్నికల డ్యూటీలో గడపాల్సి రావడం వల్ల మాటామాటికీ జరుగుతున్న ఎన్నికలతో ఖర్చు పెరిగిపోతున్నదని ఆయన పేర్కొన్నారు. అయితే, ఎన్నికల కమిషన్ మాత్రం, మా వల్ల కాదు అంటూ చేతులు ఎత్తేసింది.

మరో పక్క, లోక్‌సభకు, అన్ని రాష్ట్రాల అసెంబ్లీలకూ ఒకేసారి ఎన్నికలు జరపాలన్న ప్రతిపాదనకు తాము సుముఖమని, దీనివల్ల డబ్బు, సమయం, మానవ వనరులు ఆదా అవుతాయని, అభివృద్ధి ప్రక్రియ ఎలాంటి అంతరాయమూ లేకుండా కొనసాగుతుందని పేర్కొంటూ లా కమిషన్‌కు బీజేపీ అధ్యక్షుడు అమిత్‌ షా సోమవారం ఓ లేఖ రాశారు. జమిలీపై అభిప్రాయ సేకరణకు కమిషన్‌ ఈ మధ్యే వివిధ పార్టీల నేతలతో విడివిడిగా సమావేశమైంది. ఈ సమావేశానికి ప్రధాన పార్టీలైన బీజేపీ, కాంగ్రెస్‌ హాజరుకాలేదు. బీజేపీ ఇప్పుడు తన సమ్మతిని తెలియజేయగా, కాంగ్రెస్‌ మాత్రం ఈ ప్రతిపాదనను తీవ్రంగా వ్యతిరేకిస్తోంది. లెఫ్ట్‌, తృణమూల్‌, ఎన్సీపీ, బీఎస్పీ, డీఎంకే, టీడీపీ లాంటి పార్టీలు సైతం వ్యతిరేకిస్తున్నాయి. అయితే బీజేపీ తన ప్రణాళికను ఎలాగైనా అమలు చెయ్యాలన్న కృతనిశ్చయంతో ఉన్నట్లు కనబడుతోంది.

జనసేన పార్టీ మేనిఫెస్టో విజన్‌ డాక్యుమెంట్‌‌ను మంగళవారం భీమవరంలో ఆ పార్టీ అధ్యక్షుడు పవన్‌కల్యాణ్‌ విడుదల చేశారు. విజన్‌ డాక్యుమెంట్‌లో 12 అంశాలను పొందుపరిచారు. అయితే, ఇవి పవన్ చెప్పిన సిద్ధాంతాలకు, పూర్తి భిన్నంగా ఉన్నాయి. మా పార్టీ ప్రధాన సిద్ధాంతం, కులాలను కలిపే ఆలోచనా విధానం అంటూ పవన్ ఎప్పుడూ చెప్తూ ఉంటారు (ఆచరించారు అనుకోండి, అది వేరే విషయం). తెలుగుదేశం పార్టీ వివిధ కార్పొరేషన్ లు పెట్టి, వివిధ రిజర్వేషన్ లు పేరు మీద కులాలను విడదీస్తూ ఉంటుంది అంటూ, పవన్ కళ్యాణ్ ప్రతి రోజు విమర్శలు చేస్తూ ఉంటారు. ఇలాగే మరో 7 సిద్ధాంతాలు పార్టీకి ఉన్నాయి అని చెప్పుకుంటూ ఉంటారు.

అయితే, ఆయన చెప్పే వాటికి, చేసే వాటికి పొంతనే లేదు. ఈ రోజు జనసేన పార్టీ మేనిఫెస్టో విజన్‌ డాక్యుమెంట్‌‌లో, 12 హామీలు ఇస్తే, సగానికి పైగా హామీలు, కులాల మీదే ఉన్నాయి. అందరినీ కులాల పేరుతో విడదీస్తున్నారు అని చెప్పే పవన్, తను ఇచ్చే హామీలు అన్నీ, కులాల పేరు మీదే ఉన్నాయి. ఒకరిని అనే ముందు, మనం ఏమి చేస్తున్నాం అనేది కూడా చూడాలి. చెప్పేది ఒకటి, చేసేది ఒకటి, అని పవన్ పై ఉన్న అపవాదు, ఈ డాక్యుమెంట్ చుసిన తరువాత, మరింత బలపడుతుంది. పైగా, సరి కొత్త రాజకీయం అని చెప్పే పవన్, ఆ దిశగా ఎక్కడా తన విజన్ డాక్యుమెంట్ లో కనిపించలేదు. మరో పక్క "కాపులకు 9వ షెడ్యూల్‌ ద్వారా రిజర్వేషన్ల కల్పన" అనే హామీ ఇప్పటికే తెలుగుదేశం అమలు చేసి, కేంద్రానికి పంపించింది. మరి పవన్ ఇంకా కొత్తగా చేసేది ఏంటో మరి... ఇవీ జనసేన ఇచ్చిన 12 హామీలు..

1. మహిళలకు 33శాతం రాజకీయ రిజర్వేషన్లు 2. గృహిణులకు ఉచితంగా గ్యాస్‌ సిలిండర్లు 3. రేషన్‌కు బదులు మహిళల ఖాతాల్లో రూ.2500-3500 మధ్య నగదు జమ 4. బీసీలకు అవకాశాన్ని బట్టి రాజకీయంగా 5శాతానికి రిజర్వేషన్ల పెంపు 5. చట్టసభల్లో బీసీలకు రాజకీయ రిజర్వేషన్లు 6. కాపులకు 9వ షెడ్యూల్‌ ద్వారా రిజర్వేషన్ల కల్పన 7. ఎస్సీ వర్గీకరణకు సామరస్య పరిష్కారం 8. ఆర్థికంగా వెనుకబడిన అగ్రవర్ణాల వారికి కార్పోరేషన్‌ 9. ఆర్థికంగా వెనుకబడిన అగ్రవర్ణాల విద్యార్థులకు వసతిగృహాలు 10. ముస్లింల అభివృద్ధికి సచార్‌ కమిటీ విధానాలు అమలు 11. ప్రభుత్వ ఉద్యోగులకు సీపీఎస్‌ విధానం రద్దు 12. వృద్ధుల కోసం ప్రభుత్వ ఆశ్రమాలు