news

బీజేపీ పార్టీకి దేశ వ్యాప్తంగా వ్యతిరేక పవనాలు వీస్తున్నాయి. ఇప్పటికే దాదాపు 10 ఎంపీ స్థానాలను పోగొట్టుకున్న బీజేపీ, వివిధ రాష్ట్రాల్లో కూడా తిరోగమనంలో ఉంది. కొద్దినెలల్లో అసెంబ్లీ ఎన్నికలు జరగనున్న మూడు కీలక బీజేపీ-పాలిత హిందీ బెల్ట్‌ రాష్ట్రాలు- రాజస్థాన్‌, మధ్యప్రదేశ్‌, ఛత్తీస్‌‌‌గడ్‌ల్లో కాంగ్రెస్‌ విజయఢంకా మోగిస్తుందని ఏబీపీ-సీ ఓటర్‌ జరిపిన ఓ సర్వే అంచనా వేసింది. రాజస్థాన్‌లో 200 సీట్లకు గాను 130 స్థానాలు, ఛత్తీగఢ్‌లో 90 స్థానాలకు గాను 54 సీట్లు, మధ్యప్రదేశ్‌లో 230 సీట్లకు గాను 117 స్థానాలు కైవసం చేసుకుని అధికారంలోకి వస్తుందని సర్వే జోస్యం చెప్పింది. ఒక్క మధ్యప్రదేశ్‌లో మాత్రమే బీజేపీ ఆశించిన దానికంటే ఎక్కువ సీట్లు సాధించవచ్చని, అయినప్పటికీ అధికారం చేపట్టే అవకాశాల్లేవని ప్రజల నాడి బట్టి తెలుస్తోందని పేర్కొంది.

నాలుగు నెలల కిందట ఇదే గ్రూపు జరిపిన సర్వే మధ్యప్రదేశ్‌లో బీజేపీ భారీగా సీట్లు కోల్పోతుందని, చత్తీ్‌సగఢ్‌లో ఆ పార్టీ పరిస్థితి మెరుగ్గా ఉందని తెలిపింది. ఈ సారి చత్తీ్‌సగఢ్‌లో పరాజయం తప్పదని పేర్కొనడం విశేషం. అయితే ఒక్క రాజస్థాన్‌లో తప్ప మధ్యప్రదేశ్‌, చత్తీ్‌సగఢ్‌ రెంటిలోనూ 2 పార్టీల మధ్య ఓట్ల శాతంలో తేడా 2% లోపే ఉండడం గమనార్హం. అసెంబ్లీ ఎన్నికల్లో ఓడిపోయినా ఇదే రాష్ట్రాల్లో వచ్చే ఏడాది జరిగే లోక్‌సభ ఎన్నికల్లో మాత్రం బీజేపీదే విజయమని సర్వే వెల్లడించింది. ప్రధానిగా ఎవరు అర్హులన్న ప్రశ్నకు 53.8% మంది మోదీకే ఓటేశారని, 46.2% మంది రాహుల్‌ అని బదులిచ్చారని వివరించింది.

సర్వే అంచనాలు వాస్తవరూపం దాలిస్తే- అది రాహుల్‌కు కొత్త టానిక్‌ అవుతుంది. మూడు ప్రధాన రాష్ట్రాల్లో ఓటమి 2019కి సంబంధించినంత వరకూ బీజేపీకి అశనిపాతమే అవుతుంది. ఇప్పటికే ఈ రాష్ట్రాల్లో ఓడిపోతుంది అని తెలిసే, మోడీ, షా భయపడి ఎన్నికలకు వెళ్ళటం లేదనే అభిప్రాయం ఉంది. రాజస్థాన్‌, మధ్యప్రదేశ్‌, ఛత్తీస్‌‌‌గడ్‌ల్లో బీజేపీ ఓడిపోతుందని బీజేపీ వాళ్లకు కూడా తెలుసు. అందుకే, వీటికి ఎన్నికలు జరపకుండా, లోక్ సభ ఎన్నికలతో పాటు జరపటానికి, జమీలీ అనే కొత్త కాన్సెప్ట్ తో మోడీ, ముందుకు వస్తున్నారు. ఇప్పుడే ఈ రాష్ట్రాల్లో ఎన్నికలు జరిగి, బీజేపీ ఓడిపోతే, ఈ ప్రభావం వచ్చే ఎన్నికల పై పడుతుంది అని మోడీ, షా అభిప్రాయం. వీరి అభిప్రాయాలకు తగ్గట్టు గానే, సర్వేల్లో కూడా, బీజేపీ ఓటమి తధ్యం అని చెప్తున్నారు.

"నలుగురు నలుగురు పెళ్ళాలు, కార్లు మార్చినట్టు మారుస్తూ ఉంటాడు" అంటూ పవన్ కళ్యాణ్ ని ఉద్దేశించి జగన్ మోహన్ రెడ్డి చేసిన వ్యాఖ్యలు ఎంత దుమారం రేపాయో అందరికీ తెలిసిందే. అయితే, అందరికీ ముగ్గురు అని మాత్రమే తెలుసు కాని, జగన్ మాత్రం నలుగురు అని పదే పదే అన్నారు. అయితే, జగన్ వ్యాఖ్యల పై, పవన్ ఎప్పటికప్పుడు అవకాసం దొరికిన ప్రతిసారి స్పందిస్తూనే ఉన్నారు. తాజాగా... పశ్చిమగోదావరి జిల్లా నిడదవోలులో జరిగిన బహిరంగ సభలో, మరో సారి, ""నలుగురు నలుగురు పెళ్ళాలు" అని జగన్ చేసిన వ్యాఖ్యల పై పవన్ స్పందించారు. అంతే కాదు, అన్ని పెళ్ళిళ్ళు ఎందుకు చేసుకోవాల్సి వచ్చిందో కూడా చెప్పారు.

పవన్ మాట్లాడుతూ, నా వ్యక్తిగత జీవితం చాలా శుభ్రమైంది. మీలాగా నా జీవితాన్ని దాయను. మీరు మెచ్చుకుంటే మెచ్చుకోండి.. చీదరించుకుంటే చీదరించుకో నేను దాయను. నేను బయటకొకటి, లోపలొక మనిషిని కాదు, ఒక పెళ్లి చేసుకుని మీలాగా బలాదూరుగా తిరిగే వ్యక్తిని కాదు. నా కర్మ, నాకు కుదర్లేదు, ఇలా జరిగింది. మూడు పెళ్ళిళ్ళు చేసుకున్నా. ఏం చేయను దానికి’ అంటూ పవన్ అన్నారు. నా కర్మ... నాకు కుదరలేదు, అలా జరిగింది... ఏం చేయను? మంచో చెడో జరిగింది. నాకేం ఒళ్లు పొగరెక్కి చేసుకోలేదు. నాతో ఉండాలంటే ఎవరికైనా కష్టమే. వీడెప్పుడూ బయటివాళ్ల కోసం ఏడుస్తూ ఉంటాడు. వాళ్లకేమైంది, వీళ్లకేమైంది? అని బాధ పడుతుంటాడు. అలాంటి వారితో ఎవరుంటారు?

నాలాంటి వాడి పక్కన ఉండే వారికి సుఖం ఏముంటుంది? అందరూ నన్ను సినిమా యాక్టర్ అంటారు... కానీ నన్ను ఇంట్లో చూస్తే గదిలో ఓ మూలన పుస్తకాలు చదువుతూ కూర్చుంటాను. నా జీవితంలో పార్టీలు, పబ్బులు ఉండవు. ఎప్పుడూ కూర్చుని పుస్తకాలు చదువుతుంటాడు, లేకుంటే ఆవులు దగ్గరో గేదెల దగ్గరో ఉంటాను. లేదంటే ఎవరితోనే మాట్లాడుతూ ఉంటాను. నాతో ఉండే వారికి ఎప్పుడూ ఒత్తిడి ఉంటుంది. అందుకే నా వ్యక్తి గత జీవితం చిన్నాభిన్నం అయిపోయింది. ఇలా అయినందుకు నేనూ ఏడ్చాను. ఆడ పడుచులు, అక్కా చెల్లెళ్లతో కలిసి పెరిగిన వాన్ని, అందరినీ ఎక్కువగా అర్థం చేసుకుంటాను.... కానీ కొన్ని పరిస్థితుల వల్ల ఇలా జరిగింది అని పవన్ కళ్యాణ్ తెలిపారు.

మరో పక్క, జనసేన పార్టీ గుర్తును పార్టీ అధినేత పవన్‌ కల్యాణ్‌ ప్రకటించారు. పార్టీ గుర్తును పిడికిలిగా నిర్ణయించినట్లు పశ్చిమగోదావరి జిల్లా నిడదవోలు సభలో వెల్లడించారు. సమాజంలో అందరి ఐక్యతకు చిహ్నంగా పిడికిలి ఉంటుందన్నారు. అన్ని కులాలు, మతాలు, ప్రాంతాలు కలసికట్టుగా ఉండి బలాన్ని చాటేలా పిడికిలి చూపుతామని, అందుకే ఈ గుర్తును ఎంపిక చేశామని చెప్పారు. రేపటి నుంచి అందరూ పిడికిలి బిగించి, ఇది మా గుర్తు అని అందరికీ చెప్పాలని, మన గుర్తు, పిడికిలి అని చెప్పారు.

దేశంలో ఆవాస యోగ్యమైన ప్రాంతాల జాబితాను కేంద్ర ప్రభుత్వం సోమవారం విడుదల చేసింది.‘ఆవాస యోగ్యమైన ప్రాంతాలు’ పేరుతో విడుదల చేసిన జాబితాలో రెండు తెలుగు రాష్ట్రాల్లోని ప్రధాన నగరాలు సత్తాచాటాయి. మెట్రోనగరాలను వెనక్కి నెట్టి ఈ సారి తిరుపతి, విజయవాడ, విశాఖపట్నం నగరాలు స్థానాలు సంపాదించుకున్నాయి. దేశవ్యాప్తంగా పూణె ప్రధమస్థానంలో నిలవగా, దేశరాజధాని దిల్లీ 65వ స్థానానికి పరిమితమైంది. కేంద్ర గృహ, పట్టణాభివృద్ధి మంత్రిత్వశాఖ సోమవారం విడుదల చేసిన ‘ఆవాస యోగ్యతా సూచి(ఈజ్‌ ఆఫ్ లివింగ్‌ ఇండెక్స్‌)’ను విడుదల చేసింది.

సంస్థలు,పరిపాలన(ఇన్‌స్టిట్యూషనల్‌), సామాజిక సదుపాయాలు(విద్య, ఆరోగ్యం‌), ఎకనామిక్‌ ఫ్యాక్టర్స్‌, మౌలిక సదుపాయాలు అనే నాలుగు అంశాల ప్రాతిపదికగా చేసిన సర్వేలో మూడింటిలో తిరుపతి చోటు సంపాదించుకుంది. సంస్థలు, పరిపాలనాపరంగా నవీ ముంబయి మొదటి స్థానంలో ఉండగా, తిరుపతి రెండోస్థానంలో ఉంది. చివరి స్థానంలో విశాఖపట్నం నిలిచింది. వైద్యం, విద్య పరంగా తిరుపతి మొదటి స్థానంలో నిలవగా, విజయవాడ ఎనిమిదో స్థానంలో నిలిచాయి. ఆర్థిక ఆంశాల తీరుగా చండీగఢ్‌ తొలిస్థానంలో నిలవగా చివరిస్థానంలో విజయవాడ నిలిచింది.

మౌలిక సదుపాయాల పరంగా గ్రేటర్‌ ముంబయి తొలిస్థానంలో నిలవగా, ఆరోస్థానంలో తిరుపతి, చివరిస్థానంలో విశాఖపట్నం ఉన్నాయి. మరో పక్క, దేశవ్యాప్తంగా పరిశుభ్రమైన రైల్వేస్టేషన్ల జాబితాలో కూడా ఆంధ్రప్రదేశ్ సత్తా చాటింది. పరిశుభ్రమైన రైల్వేస్టేషన్ల జాబితాలో గతేడాది అగ్రస్థానంలో నిలిచిన విశాఖపట్టణం ఈ ఏడాది పదో స్థానానికి పడిపోయింది. ఇక మూడు, నాలుగు స్థానాల్లో ఆంధ్రప్రదేశ్‌కు చెందిన తిరుపతి, విజయవాడ రైల్వేస్టేషన్లు ఉన్నాయి. క్లీనెస్ట్‌ జోన్‌గా నార్త్‌ వెస్ట్రన్‌ రైల్వేస్టేషన్‌ అగ్రస్థానంలో నిలిచింది. దక్షిణమధ్య రైల్వే రెండో శుభ్రమైన జోన్‌గా నిలిచింది. గతేడాది దక్షిణమధ్య రైల్వే ఈ జాబితాలో నాలుగో స్థానంలో ఉంది. ఈస్ట్‌ కోస్ట్‌ రైల్వే మూడో స్థానంలో ఉంది.