news

ఒక ఎమ్మల్యే హోదాలో ఉండి కూడా, నోటి వెంట బూతులు తప్ప, మంచి మాటలు మాట్లాడని జగన్ పార్టీ ప్రియ శిష్యురాలు రోజా పై మహిళలు తిరగబడ్డారు. మగ వారు కూడా భరించలేని బూతులు మాట్లాడే రోజా, మొన్న పెనమలూరు ఎమ్మల్యే బోడె ప్రసాద్ ను టార్గెట్ చేసింది. అప్పట్లో విజయవాడలో వచ్చిన కాల్ మనీ కేసు పై, అప్పట్లోనే చంద్రబాబును ఉద్దేశిస్తూ కామ సియం అంటూ, పిచ్చి పిచ్చి వాగుడు వాగి, ఆ వాగుడు భరించలేక, అసెంబ్లీలో ఉన్న ఎమ్మల్యేలు అందరి విజ్ఞప్తి మేరకు, సంవత్సరం పాటు, అసెంబ్లీ నుంచి బహిష్కరణకు గురైంది రోజా.

అసెంబ్లీ వేదికగానే, సాక్షాత్తు ఒక ముఖ్యమంత్రినే కామ సియం అంటూ సంభోదించిన ఇలాంటి మహిళకు, మిగతా వారు అంటే ఒక లెక్కా ? అందుకే పెనమలూరు ఎమ్మల్యే పై నెల రోజుల క్రితం ఇలాంటి వ్యాఖ్యలే చేసింది. నెల రోజుల క్రితం రోజా కంకిపాడు వచ్చింది. అక్కడ ఈ సారి టికెట్ ఆసిస్తున్న పార్ధసారధి, తన మొఖం చూపిస్తే ఎవరూ ఓట్లు వెయ్యరని, రోజాని తీసుకువచ్చి ఒక మీటింగ్ పెట్టించారు. ఇంకేముంది, చాలా రోజుల తరువాత మైక్ దొరకటంతో రోజా రెచ్చిపోయింది. పార్ధసారధి ఎంతో గొప్ప వాడు అని, బోడె ప్రసాద్ 'సెక్స్ కుంభకోణంలో' ఉన్నాడు అంటూ, తీవ్ర వ్యాఖ్యలు చేసింది. అసలు బోడె ప్రసాద్ కు సెక్స్ కుంభకోణం ఏంటో అర్ధం కాలేదు.

రోజా నోరు తెరిస్తే నన్ను రేప్ చేసే దమ్ము ఉందా లాంటి మాటలు తప్పితే, వేరే మాటలు రావు. ఈ మాటలకు మగ వారు కూడా భయపడి రోజా నోటికి దూరంగా ఉంటారు. అయితే, రోజా పదే పదే తనను 'సెక్స్ కుంభకోణంలో' ఉన్నాడు అని చెప్తూ ఉండటంతో, బోడె ప్రసాద్ తీవ్రంగా స్పందించారు. నేను సెక్స్ 'కుంభకోణంలో' ఉన్నానని నీకు ఎలా తెలుసు, నువ్వు ఎమన్నా కంపెనీ నడిపావా ? నేను ఎక్కడన్నా తగిలనా అంటూ తీవ్రంగా స్పందించారు. నేను నాలుగేళ్ల నుంచి, రోజా ఇలా అంటున్నా రాజకీయ విమర్శలు అని ఊరుకున్నా అని, ఇప్పుడు నా ప్రజల ముందుకు వచ్చి, మళ్ళీ ఇలాంటి మాటలే రోజా మాట్లాడుతుంటే, చూస్తూ ఊరుకోను అంటూ, బోడె ప్రసాద్ తీవ్రంగా స్పందించారు.

అయితే, బోడె ప్రసాద్ వ్యాఖ్యల పై, రోజా పెనమలూరు పోలీస్ స్టేషన్ లో ఫిర్యాదు చేసారు. అయితే ఇవి రాజకీయ ఆరోపణలు కవటంతో, పోలీసులు ఈ కేసు గురించి పెద్దగా పట్టించుకోలేదు. కాని, రోజా మాత్రం, హైకోర్ట్ కి వెళ్లారు. నిష్పక్షపాతంగా దర్యాప్తు జరిపేలా పోలీసులను ఆదేశించాలని రోజా హైకోర్టులో పిటిషన్‌ వేశారు. పిటిషన్‌లో హోంశాఖ ముఖ్యకార్యదర్శి, విజయవాడ పోలీసు కమిషనర్‌, పెనమలూరు ఎస్‌హెచ్‌వోలను ప్రతివాదులుగా చేర్చారు. అయితే, ఇక్కడ వింత ఏంటి అంటే, నోరు తెరిస్తే బూతులు మాట్లాడే రోజా, ఎదురు బోడె ప్రసాద్ తనని బూతులు తిట్టాడు అని కేసు పెట్టి, హైకోర్ట్ దాకా వెళ్ళటం. మనం మంచిగా ఉంటే, హుందాగా విమర్శలు చేస్తే, ఎవరూ మనల్ని అనరు. ఎదుటి వాళ్ళని, కావాలని రెచ్చగొట్టి, బూతులు తిట్టి, వారు స్పందిస్తే, వారి మీదే కేసు పెట్టటం, తాజా రాజకీయం ఏమో.. మొత్తానికి ప్రశాంతంగా ఉన్న పెనమలూరు నియోజకవర్గంలో, రోజాను పంపించి, ఇలాంటి రెచ్చగొట్టే వ్యాఖ్యలు చేపించి, జగన్ సక్సెస్ అయ్యాడు.

గుంటూరు జిల్లా, గురజాలలో అల్లర్లు సృస్టించటానికి ప్రయత్నించిన, వైసీపీ నేతలను, కార్యకర్తలను పోలీసులు ముందస్తు వ్యూహంతో కట్టడి చేసారు. స్థానిక ఎమ్మల్యే ఎరపతనేని శ్రీనివాస్ ను రాజకీయంగా ఎదుర్కోలేక, అక్రమ మైనింగ్‌ జరిగిందని ఆరోపిస్తూ, మేము నిజనిర్థారణ చేస్తామని, కమిటీ పేరుతో వైకాపా నేతలు దాచేపల్లి వెళ్తుండగా పోలీసులు వారిని అదుపులోకి తీసుకున్నారు. శాంతిభద్రతలను దృష్టిలో ఉంచుకుని పోలీసులు అక్కడికి వెళ్లేందుకు అనుమతి నిరాకరించారు. నేతలు ఎట్టిపరిస్థితుల్లోనూ దాచేపల్లి వెళతామడంతో ఎక్కడికక్కడ నేతలను గృహనిర్భంధం చేశారు.

ముందస్తు జాగ్రత్తల్లో భాగంగా గురజాల, దాచేపల్లిలో 144 సెక్షన్‌ విధించారు.నిజనిర్థారణ కమిటీ పేరుతో వైకాపా నేతలు గుంటూరు జిల్లా గురజాల నియోజకవర్గంలోని దాచేపల్లి వెళ్తుండగా కాజా వద్ద బొత్స సత్యనారాయణతోపాటు గుంటూరు తూర్పు ఎమ్మెల్యే ముస్తాఫా, లేళ్ల అప్పిరెడ్డిలను పోలీసులు అడ్డుకుని దుగ్గిరాల పోలీస్‌స్టేషన్‌కు తరలించారు. మాచర్లలో ఎమ్మెల్యే పిన్నెల్లి రామకృష్ణారెడ్డి, దాచేపల్లిలో జంగాకృష్ణమూర్తిని గృహనిర్బంధం చేశారు. మాజీ ఎమ్మెల్సీ టీజీవీ కృష్ణారెడ్డిని జన్మభూమి ఎక్స్‌ప్రెస్‌ రైలులో నడికుడి వద్ద పోలీసులు అదుపులోకి తీసుకున్నారు.

మరోవైపుగా దాచేపల్లి వెళ్లడానికి జిల్లా వైసీపీ నేతలు నరసరావుపేటలోని కాసుమహేష్‌రెడ్డి ఇంటికి అంబటిరాంబాబు, ఉమ్మారెడ్డి వెంకటేశ్వర్లు, మర్రి రాజశేఖర్‌, గోపిరెడ్డి శ్రీనివాసరెడ్డి తదితరులు చేరుకున్నారు. అక్కడి నుంచి మధ్యాహ్నాం బయలుదేరడానికి నేతలు సిద్ధమవగా పోలీసులు అడ్డుకున్నారు. అయితే ప్రభుత్వం మాత్రం, వీటి మీద ఆధారాలు ఉంటే కోర్ట్ కు వెళ్ళాలని, నిజ నిర్ధారణ అంటూ బొత్సా, జగన్ లాంటి వాళ్ళు ఇక్కడకు వచ్చి కామెడీ చేస్తే, ఎలా అని, దీని వెనుక అల్లర్లు జరుగుతాయానే సమాచారం ఉండబట్టే, వీరిని అరెస్ట్ చేసామని చెప్తున్నారు. జగన్, ఇలాంటి పనికిమాలని పనులు మానుకుని, నిజంగా ఎమన్నా అక్రమాలు జరిగితే, కోర్ట్ కు వెళ్లి, ఆధారాలు ఇవ్వాలని అంటున్నారు.

గత ఎన్నికలతో పోలిస్తే ఏపీలో టీడీపీ పరిస్థితి ప్రస్తుతం ఆసక్తికరంగా మారింది. తెలుగుదేశం పార్టీ 2014లో బీజేపీ, జనసేన పార్టీలతో పొత్తు పెట్టుకుంది. ప్రస్తుతం ఈ రెండు పార్టీలు టీడీపీకి బద్ధ శత్రువులుగా మారాయి. అయినప్పటికీ పార్టీకి వచ్చిన నష్టమేమీ లేదని టీడీపీ అధిష్టానం భావిస్తోంది. బీజేపీ, జనసేన పార్టీలతో తెగతెంపుల వల్ల కాస్తోకూస్తో వాటిల్లే నష్టాన్ని కూడా ముస్లిం ఓటర్లు, దళిత ఓటర్ల అండతో నివారించవచ్చనేది టీడీపీ ఆలోచనగా కనిపిస్తోంది. ఏపీలో దాదాపు 25శాతం ఓటు బ్యాంకు దళితులదే కావడం గమనార్హం. ముస్లిం ఓటర్లు కూడా 11శాతం మంది ఉన్నారు. అంటే.. దాదాపు 35శాతానికి పైగా ఓటు బ్యాంకు దళిత, ముస్లిం ఓటర్లదే కావడం విశేషం. దీంతో 2019 ఎన్నికల్లో మళ్లీ విజయం సాధించేందుకు టీడీపీ దళిత, ముస్లిం ఓటు బ్యాంకుపై దృష్టి పెట్టినట్లు రాజకీయ వర్గాల్లో చర్చ జరుగుతోంది. పైగా చంద్రబాబు సారథ్యంలో ఏ పార్టీతో పొత్తు లేకుండా టీడీపీ తొలిసారి ఎన్నికల బరిలో నిలవబోతుండటం విశేషం.

ఇక ప్రధాన ప్రతిపక్షమైన వైసీపీ విషయానికొస్తే... జగన్ పార్టీ కూడా ఈ ఎన్నికల్లో ఒంటరి పోరుకే సిద్ధపడుతోంది. అయితే జగన్ అతి విశ్వాసం పార్టీకి నష్టం చేస్తుందనేది కొందరు రాజకీయ విశ్లేషకుల వాదన. ఏ ప్రతిపక్షమైనా అవకాశం ఉన్నప్పుడు ఇతర పార్టీలను కూడా కలుపుకుని ఎన్నికల సమరంలో నిలవాలని భావిస్తోందని.. జగన్ పార్టీకి అలాంటి అవకాశం వచ్చినప్పటికీ కాదనుకోవడం అతి విశ్వాసమేనని అంటున్నారు. 2014లో పవన్ ప్రత్యక్ష రాజకీయాల్లోకి వచ్చిన సమయంలో లెఫ్ట్ పార్టీలు జగన్ పార్టీ వైపు చూశాయని, అయితే జగన్ పొత్తుకు సుముఖత చూపకపోవడంతో ఆ ఆలోచనను విరమించుకున్నాయని ఏఎన్‌యూకు చెందిన ప్రొఫెసర్ ఒకరు చెప్పారు. 2014 ఎన్నికల్లో మాదిరిగానే జగన్ పార్టీ మళ్లీ అతి విశ్వాసంతో ముందడుగు వేస్తే రాజకీయంగా నష్టపోక తప్పదని అభిప్రాయపడ్డారు. పవన్ వ్యక్తిగత జీవితంపై జగన్ చేసిన వ్యాఖ్యలు, కాపు రిజర్వేషన్లపై చేసిన ప్రకటన.. ఈ రెండు అంశాలు ఎన్నికల్లో వైసీపీ విజయావకాశాలపై తీవ్ర ప్రభావం చూపనున్నాయని రాజకీయ విశ్లేషకులు అంచనా వేస్తున్నారు.

జనసేన విషయానికొస్తే.. 2019 ఎన్నికల్లో పవన్ లెఫ్ట్ పార్టీలతో పొత్తు పెట్టుకునే అవకాశాలు పుష్కలంగా కనిపిస్తున్నాయి. అయితే.. జనసేన పార్టీ తరపున ఎన్నికల బరిలో నిలిచే అభ్యర్థులు ఎవరనే అంశంపై సర్వత్రా చర్చ జరుగుతోంది. జనసేనలో పవన్ మినహా చెప్పుకోదగ్గ నేతలెవరూ లేకపోవడం పార్టీ శ్రేణులను ఆందోళనకు గురిచేసే విషయం. అభ్యర్థులను అప్పటికప్పుడు హడావుడిగా ప్రజలకు పరిచయం చేసి కేవలం అధినేత చరిష్మాతోనే గెలుస్తామని జనసేన భావిస్తే ఆ పార్టీకి చేదు అనుభవం ఎదురుకాక తప్పదనేది రాజకీయ విశ్లేషకుల వాదన. కాంగ్రెస్, బీజేపీ కూడా ఏపీలోని 175 నియోజకవర్గాల్లో పోటీ చేస్తామని ఇప్పటికే ప్రకటించిన సంగతి తెలిసిందే. ప్రత్యేక హోదా ఇస్తామనే వాగ్దానంతో కాంగ్రెస్, తాము న్యాయంగా ఏపీకి రావాల్సినవన్నీ ఇస్తే టీడీపీ మోసం చేసిందనే ఒకేఒక్క నినాదంతో బీజేపీ ఎన్నికల బరిలో నిలవబోతున్నాయి. అయితే ఏపీలో బీజేపీ మినహా ఇతర పార్టీలన్నీ ప్రత్యేక హోదా నినాదంతోనే ఎన్నికల బరిలో నిలవబోతుండటం విశేషం.