news

చంద్రబాబు నవ్యాంధ్ర ముఖ్యామంత్రి అయిన తరువాత, పేదలకు పక్కా గృహాలు కట్టివ్వటమే ఆశయంగా, చాలా కసరత్తు చేసారు. చంద్రబాబుకు తోడు, అప్పట్లో వెంకయ్య నాయుడు కేంద్ర మంత్రిగా, రాష్ట్రానికి కొంత సహాయం చేసారు. దీంతో చంద్రబాబు మరింత దూకుడుగా, అధికారులకు టార్గెట్ ఫిక్స్ చేసారు. ప్రతి పేదవాడికి ఇల్లు కట్టించి ఇవ్వాలనే లక్ష్యంతో, ఒక పెద్ద యజ్ఞం మొదలు పెట్టారు. ఇల్లు కట్టి చూడు, పెళ్లి చేసి చూడు అని అంటారు. ఒక్క ఇల్లు కట్టటమే కష్టం అయిన ఈ రోజుల్లో, లక్షల లక్షల ఇల్లు కడుతున్నారు. అదీ పక్కాగా. మనకు తెలిసిన ఇందిరమ్మ గృహాలులా కాదు. అంతా పధ్ధతి ప్రకారం, ఒక్క పైసా అవినీతి లేకుండా కడుతున్నారు. ఈ క్రమంలో, రేపు, జూలై 5వ తారీఖు దాదాపు 3 లక్షల ఇళ్ళల్లో ఒకేసారి గృహప్రవేశాలు జరగనున్నాయి. దీంతో చంద్రబాబు ఈ విషయం పై రివ్యూ చేసారు. నా ఆశయం నెరవేరే రోజు అని, కేంద్రం కూడా ఇన్ని ఇళ్ళు ఎలా పూర్తి చేసారు అనే అంశం పై, మన వైపు చూస్తున్నారని అని అన్నారు.

ఇప్పటివరకు రాష్ట్ర వ్యాప్తంగా 5,80,849 ఇళ్ళ నిర్మాణం పూర్తియిందని, మిగిలిన 8-లక్షల ఇళ్ళను రానున్న జనవరి నాటికి పూర్తి చేయాలని ముఖ్యమంత్రి చంద్రబాబు నాయుడు పేర్కొన్నారు. నెలకు లక్ష ఇళ్ళ నిర్మాణం పూర్తి చేయడమే లక్ష్యమని నిర్దేశించారు. 2022 నాటికి రాష్ట్రం లోని పేదలందరికి పక్కా ఇళ్ళు నిర్మిం చడమే ప్రభుత్వ లక్ష్య మని స్పష్టం చేశారు. ఈనెల 5వ తేదీన 3-లక్షల ఇళ్ళ సామూహిక గృహప్రవేశాల కార్యక్రమాన్ని నిర్వ హిస్తున్నామని ఇది ఒక చరిత్ర అని అన్నారు. గతంలో లక్ష సామూహిక గృహప్రవేశాలు నిర్వహించామని, అదే తరహాలో ఈ కార్యక్రమాన్ని కూడా విజయవంతం చేయాలని కోరారు. గత ప్రభుత్వం 10 ఏళ్ళ పాలనలో రాష్ట్ర వ్యాప్తంగా 14 లక్షల ఇళ్లు మాయమయ్యాయని , వీటిని నియోజకవర్గాల వారీగా ఎక్కడ ఎన్ని ఇళ్లు గల్లంతయ్యాయో వాటి వివరాలను విశ్లేషించాలని ముఖ్యమంత్రి చంద్రబాబునాయుడు అధికారులను ఆదేశిం చారు.

అక్రమాలకు పాల్పడిన వారిపై కఠిన చర్యలు తీసుకో వాలని చెప్పారు. ప్రభుత్వ పథకాలలో అవినీతి, అక్రమాలకు పాల్పడితే చర్యలు ఎంత కఠినంగా ఉంటాయో తెలిసేలా చేయాలని సూచించారు. పేదల ఇళ్లను గల్లంతుచేసిన వారిపై కేసులు నమోదు చేయాలని ఆదేశించారు. ప్రస్తుతం రాష్ట్రంలో ఎంతమందికి పేదలకు ఇళ్లు, ఇళ్లస్థలాలు లేవనే సమాచారాన్ని సేకరించాలని, దీనిలో సాధికార మిత్రలను వినియోగించుకోవాలని ముఖ్యమంత్రి సూచించారు. ప్రభుత్వ భూములు లేనిచోట ప్రైవేట్‌ భూములు కొనుగోలు చేసి ఇళ్ల స్థలాలు ఇస్తామని తెలిపారు. ఇప్పటికే భూముల కొనుగోలుకు రూ.750 కోట్లు కేటాయించినట్లు ముఖ్యమంత్రి చంద్రబాబు వెల్లడించారు. దీనిలో ఎస్సీలకు రూ.250 కోట్లను ప్రత్యేకంగా కేటాయించినట్లు తెలిపారు. హౌసింగ్‌, రెవెన్యూ, పంచాయతీరాజ్‌ శాఖల అధికారులు సమన్వ యంతో పనిచేసి అర్హులైన ప్రతి పేద కుటుంబానికి పక్కా ఇళ్ళు అందించేలా కృషి చేయాలని సూచించారు.

తలసేమియా బాధితులకు పూర్తి ఉచిత వైద్యం అందిస్తూ, వారికి నెలకు రూ.2 వేల పింఛన్‌ సదుపాయం కల్పిస్తామని ముఖ్యమంత్రి నారా చంద్రబాబు నాయుడు అన్నారు. జిల్లా కేంద్ర ప్రభుత్వ ఆసుపత్రి ప్రాంగణంలో నూతనంగా నిర్మించిన తలసేమియా హిమోఫీలియా చికిత్స కేంద్ర భవనాన్ని మంగళవారం ఆయన ప్రారంభించారు. అనంతరం మాట్లాడుతూ తలసేమియా, హిమోఫీలియా బారిన పడిన చిన్నారులకు మూడు వారాలకు ఒకసారి రక్త మార్పిడి చేయాల్సి ఉంటుందన్నారు. ఈకారణంగా వారి తల్లిదండ్రులు ఆర్థిక ఇబ్బందులు పడటంతో పాటు మనోవ్యధకు గురవుతున్నారన్నారు. ఆ వ్యాధిగ్రస్తులను ఆదుకునేందుకు అండగా ఉండాలని నిర్ణయించానని, భవిష్యత్తులో వ్యాధి నివారణకు పూర్తి స్థాయిలో చర్యలు తీసుకుంటామన్నారు.

వైద్య ఖర్చులకోసం పేదలు ఎన్నో వ్యయప్రయాసలకు గురవుతున్నారని, ఇకనుంచి తలసేమియా వ్యాధి సోకిన వారికి వైద్యంతో పాటు నెలకు రూ.2 వేల ఆర్థిక సహాయం అందిస్తామన్నారు. ఈమేరకు అన్ని జిల్లాల్లో చర్యలు తీసుకుంటామని తెలిపారు. అనారోగ్యం కారణంగా పేదలు ఆర్థికంగా నష్టపోకూడదనే ఉద్దేశంతో వారికి ఆరోగ్య భద్రత కల్పించేందుకు ప్రభుత్వం ఎన్‌టీఆర్‌ ఆరోగ్య రక్ష, మాతా శిశు సంరక్షణ, ఎన్‌టీఆర్‌ బేబీకిట్స్‌, తల్లీబిడ్డ ఎక్స్‌ప్రెస్‌, 108, 104 ద్వారా దీర్ఘకాలిక వ్యాధిగ్రస్తులకు ప్రత్యేక చికిత్సలు అమల్లోకి తెచ్చామన్నారు. మాతాశిశు మరణాలు తగ్గించేందుకు చర్యలు తీసుకుంటున్నామని తెలిపారు.

అనంతరం తలసేమియా బాధిత చిన్నారులను ముఖ్యమంత్రి పలకరించారు. తొలుత భవనం ప్రారంభోత్సవానికి వస్తున్న ముఖ్యమంత్రికి రెడ్‌క్రాస్‌ రాష్ట్ర కార్యదర్శి ఎస్‌. బాలసుబ్రమణ్యం, భవనం దాత వెలమాటి జనార్దనరావు, రెడ్‌క్రాస్‌ జిల్లా ఛైర్మన్‌ మాగంటి ప్రసాద్‌, డీసీహెచ్‌ఎస్‌ శంకరరావు ఘన స్వాగతం పలికారు. అనంతరం రెడ్‌క్రాస్‌ కార్యాలయ ప్రాంగణంలో ఏర్పాటుచేసిన రెడ్‌క్రాస్‌ సొసైటీ అంతర్జాతీయ వ్యవస్థాపకులు జీన్‌ హెన్సీ డ్యూనాంట్‌ విగ్రహాన్ని ముఖ్యమంత్రి ఆవిష్కరించారు. కార్యక్రమంలో ఏలూరు ప్రభుత్వాసుపత్రి పర్యవేక్షకుడు ఏవీఆర్‌ మోహన్‌, రెడ్‌ క్రాస్‌ కార్యదర్శి తన్నీరు మునియా, సభ్యులు మడుమిల్లి మోహనగుప్తా, అల్లూరి ఇంద్రకుమార్‌, మంతెన వెంకటరామరాజు తదితరులు పాల్లొన్నారు.

చిత్తూరు జిల్లాలో తోతాపురి మామిడి ఉత్పత్తిదారులను ఆదుకోవడానికి ఆంధ్రప్రదేశ్ ప్రభుత్వం ముందుకు వచ్చింది. తోతాపురి మామిడి కిలోకు రెండున్నర రూపాయల మేర ప్రభుత్వం రైతుకు చెల్లించాలని నిర్ణయించింది. ఉద్యానవన రైతులను ఆదుకోవడానికి మానవతా దృక్పథంతో ముఖ్యమంత్రి చంద్రబాబు నాయుడు ఈ మేరకు నిర్ణయించారు. దేశంలో ఇప్పటి వరకూ మామిడి రైతులను ఆదుకున్న మొట్టమొదటి ప్రభుత్వంగా ఏపీ నిలిచిపోతుంది. చిత్తూరు జిల్లాలో తోతాపురి మామిడి కిలో కు రూ. 7.50 చొప్పున చిత్తూరు జిల్లాలోని 53 ప్రాసెంసింగ్ యూనిట్లు కొనుగోలు చేసే విధంగా ప్రభుత్వం ఆదేశించింది. మామిడి ప్రాసెసింగ్ యూనిట్లు రూ.5 చెల్లిస్తాయి. కొనుగోళ్ళ వివరాలు అందిన తర్వాత కిలోకి రూ.2.50 చొప్పున ప్రభుత్వం ప్రాసెంసింగ్ యూనిట్లకు చెల్లిస్తుంది.

దీనికిగాను రాష్ట్రప్రభుత్వంపై సుమారు 45 కోట్ల భారం పడనుంది. చిత్తూరు జిల్లాలోని తోతాపురి మామిడి ఉత్పత్తిదారులకు మాత్రమే ఈ వెసులుబాటు ఉంటుందని రాష్ట్ర ప్రభుత్వం స్పష్టం చేసింది. గతంలో ఉల్లి, పసుపు, మిర్చి పంటలకు ధరలు పడిపోయినప్పుడు కూడా ప్రభుత్వం రంగంలోకి దిగి కొంత ధరను భరించింది. జులై 4 నుంచి 28వరకూ రైతులు తమ తోతాపురి మామిడి దిగుబడులను ప్రాసెంసింగ్ యూనిట్లకు తీసుకెళ్ళి అప్పగించవచ్చని ప్రభుత్వం ఓ ప్రకటనలో పేర్కొంది. రాష్ట్రంలో అన్ని రకాల మామిడి దిగుబడులకు ధరలు ఆశాజనకంగా ఉండగా ఒక్క తోతాపురికి మాత్రం ధరలు బాగా పడిపోయాయి. దాంతో సంబంధిత రైతులకు అశనిపాతంగా మారింది.ఈ విషయం తెలుసుకున్న రాష్ట్రప్రభుత్వం తోతాపురి ఉత్పత్తి రైతుల కష్టాలు తీర్చడంలో తక్షణం స్పందించింది. తోతాపురికి చిత్తూరు జిల్లా ప్రసిద్ధి.

చిత్తూరు జిల్లాలో మొత్తం 97000 హెక్టార్లలో వివిధ రకాల మామిడి పంటలను పండిస్తున్నారు..అయితే 34000 హెక్టార్లలో మాత్రం తోతాపురి రకాన్ని పండిస్తున్నారు. గతంలో తోతాపురి కిలో ఒక్కింటికీ రూ.11 ఉంటుండగా ప్రస్తుతం అది రూ.4కు పడిపోయింది. దాంతో తోతాపురి రైతులకు తీవ్ర ఆవేదన కలిగించింది. హతాశులైన తోతాపురి మామిడి రైతుల కష్టాలను తీర్చడానికి రాష్ట్రప్రభుత్వం తీసుకున్న సాహసోపేతమైన, వినూత్న తరహా చర్యలు తప్పకుండా వారిని ఒడ్డున పడవేస్తాయనడంలో సందేహం లేదు. జిల్లా కలెక్టరు పర్యవేక్షణలో ప్రాసెసింగ్ యూనిట్ల వద్ద రెవిన్యూ, ఉద్యానశాఖ అధికారుల సమక్షంలో కొనుగోళ్ళు జరుగుతాయి.