news

దిల్లీ పర్యటనలో ఉన్న ఆంధ్రప్రదేశ్‌ ముఖ్యమంత్రి చంద్రబాబనాయుడు జాతీయ నేతలతో వరుసగా భేటీ అవుతున్నారు. విభజన హామీలను సాధించుకునే క్రమంలో వివిధ పార్టీల మద్దతును కూడగట్టేందుకు ఢిల్లీకి వెళ్లిన చంద్రబాబు పార్లమెంటులో బిజీబిజీగా గడుపుతున్నారు. ఉదయం పార్లమెంటుకు చేరుకున్న ఆయన ప్రాంగణంలోని మహాత్మాగాంధీ విగ్రహానికి నమస్కరించి నివాళులర్పించారు. అనంతరం పార్లమెంటు ద్వారానికి నమస్కరించి లోనికి వెళ్లారు. అనంతరం పార్లమెంటులోని సెంట్రల్‌ హాల్‌లో వివిధ పార్టీల నేతలతో చంద్రబాబు భేటీ అయ్యారు.

అన్నాడీఎంకే నేత వేణుగోపాల్‌, ఎన్‌సీపీ నేతలు శరద్‌ పవార్‌, సుప్రియా సూలె, తారిక్‌ అన్వర్‌, టీఎంసీ నేతలు సుదీప్‌ బందోపాధ్యాయ, డెరిక్‌ ఒబ్రెయిన్‌, సమాజ్‌వాదీ పార్టీ నేత రామ్‌గోపాల్‌ యాదవ్‌, నేషనల్‌ కాన్ఫరెన్స్ అధినేత ఫరూక్‌ అబ్దుల్లా, తెరాస నేత జితేందర్‌రెడ్డి తదితరులతో సమావేశమై చర్చించారు. విభజన చట్టం అమలుపై 72 పేజీల నివేదికను వారికి అందజేశారు. విభజన వల్ల ఏపీకి కలిగిన నష్టం, దాని భర్తీకి కేంద్రం విభజన చట్టంలో పెట్టిన హామీలు, అవి కాక పార్లమెంట్ వేదికగా ఇచ్చిన వాగ్దానాలు... అవి అమలైన తీరు తదితర సమాచారాన్ని ఇందులో పొందుపర్చారు...

విభజన చట్టంలోని అంశాలు, హామీల అమలులో కేంద్ర ప్రభుత్వం నిర్లక్ష్యం, ఆంధ్రప్రదేశ్‌కు జరిగిన అన్యాయాన్ని చంద్రబాబు జాతీయ నాయకుల దృష్టికి తీసుకెళ్తున్నారు. విభజన చట్టంలోని అంశాలు, ప్రత్యేకహోదా సహా కేంద్ర ప్రభుత్వం ఇచ్చిన హామీల అమలుకు రాష్ట్ర ప్రభుత్వం చేస్తున్న పోరాటానికి మద్దతిచ్చిన పార్టీల నేతలకు చంద్రబాబు ధన్యవాదాలు తెలిపారు. భవిష్యత్తులోనూ తమకు బాసటగా నిలవాలని వారికి విజ్ఞప్తి చేశారు... ఇంకా ఈ భేటీలు కొనసాగుతూనే ఉన్నాయి...

కేంద్ర, రాష్ట్ర ప్రభుత్వాల మధ్య, ఇంత గోల జరుగుతున్నా, కేంద్రం, మన రాష్ట్రానికి ప్రశంసలు పంపించింది... జాతీయ స్థాయిలో ఆంధ్రప్రదేశ్ రాష్ట్రం 2017-18 లో మహాత్మా గాంధీ జాతీయ గ్రామీణ ఉపాధి హామీ పథకం అమలులో సుపరిపాలనా సూచికలైన 7 రిజిష్టర్ల నిర్వహణ, పనుల వారీ ఫైల్స్ నిర్వహణ, పౌరసమాచార బోర్డుల ఏర్పాటు, 42 లక్షల జాబ్ కార్డులు జారీ చేయడంలో ఉత్తమ పనితీరు కనబర్చినందుకు కేంద్ర గ్రామీణాభివృద్ధి శాఖ జాయింట్ సెక్రటరి అపరాజిత సారంగి రాష్ట్ర ప్రభుత్వాన్ని ప్రత్యేకంగా ప్రసంశించారు.

అదే విధంగా కేంద్ర ప్రభుత్వం వేతన నిధుల విడుదల్లో జాప్యం చేసినప్పటికి రాష్ట్ర ప్రభుత్వం చొరవ చూపి, పేదల సమస్యలను దృష్టిలో , వుంచుకుని నిధులు విడుదల చేసిందని ఆమె ప్రసంశించారు. ఆర్ధిక సంవత్సరం ముగిసిన నేపథ్యంలో వివిధ రాష్ట్రాలకు పంపిన అభినందన సందేశం ద్వారా ఈ అంశాలను వెల్లడించారు. ఈ ఆర్థిక సంవత్సరంలో రాష్ట్ర ప్రభుత్వం పేదల వేతలను దృష్టిలో వుంచుకుని వేతన చెల్లింపులో జాప్యాలను నివారించడానికి గానూ వేతన చెల్లింపుల నిమిత్తం రూ. 180 కోట్ల నిధులను విడుదల చేసింది.

2017-18లో 21.53 కోట్ల పనిదినాలను వేతనదారులకు కల్పించి మొత్తం రూ. 6149.38 కోట్లు పథకం కింద ఖర్చు చేసింది. ఇందులో రూ. 3,159.87 కోట్లను వేతనాల రూపంలో, రూ. 2645.67 కోట్లు మెటిరీయల్ వాటా కింద ఖర్చు చేసింది. అలాగే 2017-18 లో 6,33,080 కుటుంబాలకు 100 రోజుల పని కల్పించింది. పథకం ప్రారంభం నుంచి ఒక ఆర్ధిక సంవత్సరంలో ఇంత పెద్ద మొత్తంలో నిధులు వ్యయం చేయడం ఇదే ప్రధమం. ఆంధ్రప్రదేశ్ 2017-18 ఆర్థిక సంవత్సరంలో దేశ స్థాయిలో నాలుగు సూచికల్లో ప్రధమ స్థానంలో, నాలుగు సూచికల్లో ద్వితీయ స్థానంలో సముచిత స్థాయిలో నిల్చింది.

చంద్రబాబు ఢిల్లీ పర్యటన మొదలైంది... నేషనల్ మీడియా మొత్తం చంద్రబాబు చుట్టూతా ఉండి హడావిడి చేస్తుంది... మరో పక్క చంద్రబాబు ప్రముఖ నేతలను కలిసి, మనకు జరిగిన అన్యాయం వివరించి, వారి మద్దతు కూడగడుతున్నారు... ముఖ్యమంత్రి చంద్రబాబు ఉదయం పార్లమెంటుకు చేరుకున్నారు. ముందుగా పార్లమెంటు ఆవరణలోని గాంధీ విగ్రహం వద్ద టీడీపీ ఎంపీలతో కలిసి చంద్రబాబు పుష్పాంజలి ఘటించారు. అనంతరం పార్లమెంటు ప్రధాన ద్వారం ముందు ఉన్న మెట్లకు నమస్కరించారు. పార్లమెంటు ఓ సారి చూసిన చంద్రబాబు ఇది ప్రజాస్వామ్య దేవాలయం అంటూ లోపలకి అడుగుపెట్టారు. ఈ సమయంలో టీడీపీ ఎంపీలు ‘జై తెలుగుదేశం’, ‘జై జన్మభూమి’ అంటూ పెద్దపెట్టున నినాదాలు చేశారు.

మోదీ సర్కార్‌పై టీడీపీ ప్రవేశపెట్టిన అవిశ్వాస తీర్మానానికి మద్దతు తెలిపిన బీజేపీయేతర పార్టీల ఫ్లోర్‌లీడర్లను పార్లమెంటు సెంట్రల్ హాల్‌లో కలుసుకుని ధన్యవాదాలు తెలిపారు. అలాగే అవిశ్వాసానికి మద్దతు ఇవ్వాల్సిందిగా ఫ్లోర్‌లీడర్లను కోరారు. ఫరూక్‌ అబ్దుల్లా, సుప్రియా సూలే, జ్యోతిరాదిత్య సింధియా, జితేందర్‌రెడ్డి, వీరప్పమొయిలీ, రాజీవ్‌ సాతీవ్‌‌తో పాటు టీఎంసీ ఎంపీ సౌగత్‌ రాయ్‌, అన్నాడీఎంకే నేత వేణుగోపాల్‌ను చంద్రబాబు కలుసుకున్నారు. ఈ సందర్భంగా, శరద్ పవార్ మాట్లాడుతూ, మీరు 29 సార్లు ఢిల్లీ వచ్చింది ఒక లెక్క, ఇప్పుడు ఒక లెక్క అన్నారు.. అయితే చంద్రబాబు మాత్రం, నా తక్షణ కర్తవ్యం, రాష్ట్రానికి మేలు జరగటమే అని, మిగిలినవి తరువాత మాట్లాడుకుందాం అని చెప్పారు... విభజన చట్టం, హామీల అమలు, ప్రత్యేక హోదాపై రూపొందించిన వివరణ పత్రాన్ని అందిస్తూ కేంద్ర ప్రభుత్వ వైఫల్యాలను ఎండగట్టారు.

మరో పక్క, అన్నాడీఎంకే ఫ్లోర్‌లీడర్ వేణుగోపాల్‌తో మాట్లాడారు. మనమంతా దక్షిణ భారతీయులమని... ఏపీకి జరిగిన అన్యాయంపై టీడీపీ ప్రవేశపెట్టిన అవిశ్వాస తీర్మానానికి మద్దతు ఇవ్వాలని కోరారు. దీనిపై స్పందించిన వేణుగోపాల్ తమ పార్టీ అధిష్టానంతో భేటీ అయి నిర్ణయం తీసుకుంటామని...పార్టీ అధినేతతో చర్చించిన అనంతరం తమ నిర్ణయాన్ని తెలుపుతామని చంద్రబాబుకు తెలియజేశారు.