news

జగన్ మోహన్ రెడ్డి బయటకు రావటమే ఎక్కువ. ఆయన బయటకు వస్తున్నారు అంటే, రచ్చ రచ్చ అవుతుంది. ఈ రోజు జగన్ మోహన్ రెడ్డి, శారదాపీఠంలో జరిగే ఉత్సవాల్లో పాల్గునటానికి విశాఖపట్నం వెళ్ళారు. ఈ రోజు ఉదయం గన్నవరం నుంచి బయలుదేరి, విశాఖ చేరుకున్నారు. జగన్ మోహన్ రెడ్డి విశాఖలో దిగిన దగ్గర నుంచి రచ్చ రచ్చగానే ఉంది. ముందుగా జగన్ వస్తున్నారని, ఆయన వెళ్ళే దారిలో షాపులు అన్నీ మూసివేయటం పెద్ద వివాదాస్పదం అయ్యింది. సియం వస్తుంటే, అసలు మేమెందుకు షాపులు ముయ్యాలి అని ప్రశ్నించినా, వారికి చివరకు షాపులు మూసేయక తప్పలేదు. అంతేనా, ఇంకో వింత ఘటన. జగన్ వెళ్ళే దారిలో రోడ్డు పైన బ్యారికేడ్లు పెట్టారు. ఇలా ఎందుకు పెట్టారో, ఏంటో ఎవరికీ అర్ధం కాలేదు. అసలు ఒక సియం ప్రజల మధ్యకు వస్తే ఎలా ఉండాలి ? ప్రజలతో మమేకం అయ్యేలా ఉండాలి. ప్రజలు ఆపితే వారి కష్టాలు వినాలి, ప్రజలతో మమేకం అవ్వాలి. తమిళనాడు సియాం స్టాలిన్ చేస్తుంది అదే. ఈ రకంగా సెక్యూరిటీ పేరుతో జగన్ వస్తున్నాడని, షాపులు మూసివేయటం, ఎవరూ రోడ్డు మీద ఉండకూడదు, ఎవరూ కనపడకూడదు అంటే ఎలా ? అప్పటికే టిడిపి నాయకులు కొంత మందిని హౌస్ అరెస్ట్ కూడా చేసారు. మళ్ళీ ఈ ఏర్పాట్లు అదనం.

సరే ఇది అయిపొయింది, జగన్ తో పాటు శారదాపీఠంలోకి వెళ్ళటానికి, మంత్రి అప్పల రాజు, తన అనుచరగళంతో వచ్చారు. మిమ్మల్ని ఒక్కరినే లోపలకు పంపిస్తాం అని చెప్పటంతో, మంత్రి పోలీసుల పై రెచ్చిపోయారు. పచ్చి బూతులు తిడుతూ, అలాగే ఆ పోలీస్ ని తోసేసి రచ్చ రచ్చ చేసారు. బయటకు మాత్రం, పోలీసులే తనను బూతులు తిట్టారు అంటూ, చెప్పుకొచ్చారు. తీరా చూస్తే,మంత్రి బూతులు విడియో బయటకు వచ్చింది. మంత్రితో పాటు, మంత్రి అనుచరులకు కూడా గౌరవం ఇవ్వాలి అంటే ఎలా ? ఇక తరువాత జగన్ మోహన్ రెడ్డి పర్యటన అయిపొయింది. తిరిగి వచ్చేస్తున్నారని, విశాఖ మొత్తం స్థంబింప చేసారు. ఎయిర్ పోర్ట్ కు వెళ్ళే వారు, తమ ఫ్లైట్ టైం అవుతుంది మహా ప్రభో అని రోడ్డు మీదకు వచ్చి ఆందోళన చేయాల్సిన పరిస్థితి. ట్రాఫిక్ పోలీసులతో ఇబ్బందులు, ఇలా రకరకాలుగా జరిగింది. మొత్తానికి గంట పైనే ట్రాఫిక్ ఆపేసారు. ఇలా ఈ రోజు జగన్ మోహన్ రెడ్డి విశాఖ పర్యటన, రచ్చ రచ్చ అయ్యింది.

ఆంధ్రప్రదేశ్ లో అప్పులు విషయం ఇప్పుడు దేశ వ్యాప్తంగా కూడా చర్చ అయిన సంగతి తెలిసిందే. దాదాపుగా అప్పుల ఊబిలో కూరుకుపోయి, ఇక దివాళా అంచున ఉందని, ఇప్పటికే అనేక మంది ఆరోపణలు చేస్తున్నారు. రాష్ట్ర ప్రభుత్వ ఆర్ధిక పరిస్థితి ఎంత దయనీయంగా ఉంది అంటే, అప్పులు తీర్చటానికి, మళ్ళీ అప్పులు చేస్తున్న పరిస్థితి చూసి, ఆశ్చర్య పోతున్నారు. నిన్న రిజర్వ్ బ్యాంక్ దగ్గర సెక్యూరిటీ వేలం వేసి, రెండు వేల కోట్ల రూపాయలు తెచ్చారు. అయితే అవి ఆంధ్రప్రదేశ్ అకౌంట్ లోకి రాక ముందు, రిజర్వ్ బ్యాంక్ అఫ్ ఇండియా, అక్కడే మినాయించుకుంది. ఓవర్ డ్రాఫ్ట్ 2500 కోట్లు ఉందని, అందుకే ఇప్పుడు తీసుకున్న రెండు వేల అప్పుని, దానికి జమ వేసుకున్నాం అని చెప్పారు. ఇంత చేసినా రాష్ట్ర ప్రభుత్వానికి చిల్లి గవ్వ కూడా రాకపోగా, ఇంకా 500 కోట్లు కట్టాల్సి ఉంది. ఈ విధంగా అప్పు తీర్చటానికి, మళ్ళీ అప్పు చేస్తున్నారు. ఇప్పటికీ రిజర్వ్ బ్యాంక్ వద్ద, సెక్యూరిటీ వేలంలో, 40 వేల కోట్ల అప్పుని ఆంధ్రప్రదేశ్ ప్రభుత్వం తీసుకుంది. పైగా, జనవరి నుంచి మార్చ్ వరకు, తమకు మరో 27 వేల కోట్లు అప్పు కావాలని జగన్ మోహన్ రెడ్డి, ఢిల్లీ వెళ్లి మరీ మోడీని కోరినట్టు తెలుస్తుంది. అంటే ఆంధ్రప్రదేశ్ లో ఆర్ధిక పరిస్థితి ఎంత దారుణంగా ఉందో దీని బట్టి అర్ధం చేసుకోవచ్చు.

ముఖ్యంగా గత నెలలో, ఢిల్లీ వెళ్ళిన సమయంలో, ప్రధాని మోడీతో మాట్లాడి, రాష్ట్ర ప్రభుత్వ ఆర్ధిక పరిస్థితి అస్తవ్యస్తంగా ఉందని, ఈ నేపధ్యంలో, చివరి క్వార్టర్ లో తమకు 27 వేల కోట్ల అప్పు కావాలని కోరారు. ప్రత్యేక అనుమతి ఇవ్వాలని, నిబంధనలు ఉంటే సడలించాలని కోరారు. ఈ నేపధ్యంలోనే ఉన్నతాధికారుల సమావేశం జరిగినప్పటికీ , ఆర్ధిక శాఖ మాత్రం కొర్రీ వేసింది. ఇప్పటికీ FRBM పరిమితి దాటి, ఆంధ్రప్రదేశ్ అప్పులు తెచ్చుకుందని, ఇప్పుడు మళ్ళీ తిరిగి కొత్త అప్పులు ఇవ్వటం నిబంధనలకు వ్యతిరేకం అవుతుందని, ఆంధ్రప్రదేశ్ కు ఇష్టం వచ్చినట్టు అప్పులు ఇస్తే, మిగతా రాష్ట్రాలు కూడా కేంద్ర ప్రభుత్వం పై ఒత్తిడి తెచ్చి ఎక్కువ అప్పు అడిగితే, ఏమి చేస్తారని ఆర్ధిక శాఖ ప్రశ్నించింది. ఇప్పటికే ఆంధ్రప్రదేశ్ అప్పులు 4 లక్షల కోట్లకు చేరుకున్నాయి. ఒక వైపు రాష్ట్ర ప్రభుత్వం ఒక కార్పొరేషన్ పెట్టి, మద్యం అప్పు చూపించి, ఇలా రకరకాలుగా అప్పులు తెచ్చి, ఇప్పుడు మళ్ళీ వివిధ మార్గాల్లో అప్పుల కోసం చూస్తుంది.

ఆంధ్రప్రదేశ్ రాష్ట్రంలో, రాష్ట్ర ప్రభుత్వం, ఏ సమస్యా లేనట్టు, చింతామణి నాటకాన్ని నిషేధించటం ఇప్పుడు హాట్ టాపిక్ అయ్యింది. వందల ఏళ్ళ నాటి నాటకాన్ని ఎందుకు నిషేధించారో, దానికి వెనుక ఉన్న స్కెచ్ ఏంటో తెలియదు కానీ, దీని పైన కొందరు హైకోర్టుకు వెళ్ళారు. ఈ పిటీషన్ పైన ఈ రోజు విచారణ జరిగింది. ఈ పిటీషన్ హైకోర్టు చీఫ్ జస్టిస్ బెంచ్ ముందుకు వచ్చింది. ఈ పిటీషన్ వేసిన రఘురామరాజు తరుపున, న్యాయవాది ఉమేష్ చంద్ర వాదనలు వినిపించారు. అయితే ఇదే సందర్భంలో నాటకాన్ని నిషేధించటం సరైన నిర్ణయం అంటూ, ఆర్యవైశ్య సంఘాల తరపున 3 ఇంప్లీడ్ పిటిషన్లు దాఖలు అయ్యాయి. దీంతో ఇవి కూడా ఈ రోజు హైకోర్టు ముందుకు విచారణకు వచ్చాయి. అయితే ఇంప్లీడ్ పిటిషన్లపై చీఫ్ జస్టిస్ ఆగ్రహం వ్యక్తం చేసారు. ఎన్ని వందల పిటీషన్లు దాఖలు చేస్తారు అంటూ, ఆగ్రహం వ్యక్తం చేసారు. విచారణను సాగదీయటానికి ఈ ఇంప్లీడ్ పిటీషన్లు వేస్తున్నారా అని ప్రశ్నించారు. ఒక ఇంప్లీడ్ పిటీషన్ ని కోర్టు అనుమతి ఇచ్చింది. ప్రతివాదులు అందరికీ కోర్టు నోటీసులు ఇస్తూ, కేసు విచారణ రెండు వారాలకు వాయిదా వేసింది.