వైఎస్ఆర్ కాంగ్రెస్ పార్టీ అధినేత, ఆంధ్రప్రదేశ్ ప్రతిపక్ష నేత వైయస్ జగన్మోహన్ రెడ్డికి మరో ఝలక్. వైసీపీకి చెందిన ఎమ్మెల్యే ఒకరు ముఖ్యమంత్రి నారా చంద్రబాబు నాయుడు పై ప్రశంసలు కురిపించారు. సొంత సామాజిక వర్గం ఎమ్మల్యే ఇలా చెయ్యటంతో అందరూ అవాక్కయ్యారు... ఒక పక్క, గిడ్డి ఈశ్వరితో పాటు మరో ముగ్గురు ఉత్తరాంధ్ర ఎమ్మల్యేలు తెలుగుదేశం పార్టీలోకి వస్తున్నారు అని వార్తలు వస్తున్న తరుణంలో, ఇప్పుడు రాయలసీమ ఎమ్మల్యే జగన్ కు ఝలక్ ఇచ్చారు...
కర్నూల్ జిల్లా వైసీపీ ఎమ్మెల్యే సాయిప్రసాద్ రెడ్డి శుక్రవారం మీడియాతో మాట్లాడారు. ఈ సందర్భంగా చంద్రబాబును మెచ్చుకుంటూ, వైఎస్ఆర్ పరిపాలన పై విమర్శలు చేశారు . ఆంధ్రప్రదేశ్ లో తెలుగుదేశం ప్రభుత్వం ప్రతిష్టాత్మకంగా చేపట్టిన జీ ప్లస్ త్రీ ఇళ్ల నిర్మాణాన్న మెచ్చుకున్నారు. ఎస్ హయాంలో నిర్మించిన ఇందిరమ్మ ఇళ్లలో సదుపాయాలు సరిగ్గా లేవని చెప్పుకొచ్చారు. ఇందిరమ్మ ఇళ్లు కూలిపోతున్నాయన్నారు. కానీ తాజాగా టీడీపీ ప్రభుత్వం నిర్మిస్తున్న జీప్లస్ త్రీ ఇళ్ల నిర్మాణం చాలా బాగుందని వైసీపీ ఎమ్మెల్యే కితాబిచ్చారు.
అయితే ఈ ఎమ్మల్యే, గతంలో తెలుగుదేశం పార్టీలోకి వస్తున్నారు అని వార్తలు వస్తే, వాటిని ఖండించారు... టీడీపీలో చేరితో భారీ మొత్తం ఇస్తామని అధికార పార్టీ నేతలు ఆఫర్ చేశారని గత ఏడాది సాయిప్రసాద్ రెడ్డి సంచలన వ్యాఖ్యలు చేశారు. తాను, తన సోదరుడు ప్రలోభాలకు లొంగే వ్యక్తులం కాదన్నారు... తాజాగా, ఇలా మాట్లాడటం జగన్ ను ఇబ్బంది పెట్టే అంశం... జగన్ కర్నూల్ లో పాదయాత్ర చేస్తూ, చంద్రబాబు ఏమి చెయ్యట్లేదు అని ప్రచారం చేస్తుంటే, సొంత పార్టీకి చెందిన ఎమ్మల్యే మాత్రం, చంద్రబాబు పరిపాలనను మెచ్చుకుంటున్నారు....
