news

టిడిపి అధికార ప్రతినిధి పట్టాభిని తమ కస్టడీలోకి ఇవ్వాలి అంటూ, ఆయన పై పోలీసులు వేసిన కస్టడీ పిటీషన్ పై ఈ రోజు విజయవాడ కోర్టులో విచారణ జరిగింది. ఇటీవల జగన్ మోహన్ రెడ్డి పైన, పట్టాభి అనుచిత వ్యాఖ్యలు చేసారు అంటూ, ఆయన పైన గవర్నర్ పేట పోలీసులు కేసు నమోదు చేసి, పట్టాభిని అరెస్ట్ చేసారు. దానికి సంబంధించి విజయవాడ కోర్టులో బెయిల్ పిటీషన్ దాఖలు చేయటం, తరువాత కోర్టు రిమాండ్ కు ఇవ్వటం, తరువాత పట్టాభి హైకోర్టులో బెయిల్ పిటీషన్ దాఖలు చేయటం, ఆ తరువాత బెయిల్ పొందిన విషయం తెలిసిందే. మరో వైపు పోలీసులు పట్టాభిని తమ కస్టడీకి ఇవ్వాలి అంటూ, ఒక పిటీషన్ దాఖలు చేసారు. అయితే ఆ పిటీషన్ పై ఈ రోజు విజయవాడ కోర్టులో విచారణ జరిగింది. ఈ పిటీషన్ ను విచారణ చేసిన అనంతరం, కోర్టు ఈ పిటీషన్ ను కొట్టివేస్తూ, పోలీసులకు షాక్ ఇచ్చింది. అందులో ప్రధానంగా పోలీసులు తెలిపిన అంశం, పట్టాభి అనుచిత వ్యాఖ్యలు చేసారని, కుట్ర పూరితంగా వ్యవహరించారని, పదే పదే ఒకే మాటను ఆయన ప్రెస్ మీట్ లో తెలిపారని, ఇదంతా ఒక ప్లాన్ ప్రకారం పట్టాభి చేసారని, ఇదంతా ఒక కుట్ర ప్రకారం జరిగింది అని, ఈ కుట్ర పైన పూర్తి విషయాలు రాబట్టేందుకు, ఆయనను తమ కస్టడీకి ఇవ్వాలి అంటూ, పోలీసులు పిటీషన్ దాఖలు చేసారు.

ఇదే విషయాన్ని పోలీసుల తరుపున న్యాయవాది కోర్టు ముందు వాదించారు. అలాగే చార్జ్ షీట్ లో కూడా కొన్ని ప్రదమైన విషయాలు పొందుపరిచారు. ఇవే విషయాలను ఛార్జ్ షీట్ లో కూడా పొందు పరిచారు. మరో వైపు, పట్టాభి తరుపున వాదించిన న్యాయవాది వాదనలు వినిపిస్తూ, పట్టాభిని అరెస్ట్ చేసిన విధానమే ప్రొసీజర్ ప్రకారం జరగలేదని, హైకోర్టు కూడా దీనికి సంబంధించి అభ్యంతరాలు లేవనెత్తింది అని, ముఖ్యంగా 41ఏ నోటీస్ పై, హైకోర్టు లేవనెత్తిన అంశాలు, కింద స్థాయి కోర్టు కూడా ఈ అంశం పై, వ్యవహరించిన తీరు పైన, హైకోర్టు చేసిన వ్యాఖ్యలను, పట్టాభి తరుపు న్యాయవాది కోర్టు ముందు ప్రస్తావించారు. పోలీసులు వ్యవహరించిన తీరు పైన, హైకోర్ట్ లేవనెత్తిన అంశాలు, పట్టాభికి బెయిల్ ఇస్తూ కోర్టు చేసిన వ్యాఖ్యలను, పట్టాభి న్యాయవాది విజయవాడ కోర్టు ముందు ఉంచారు. దీంతో ఇరువురి వైపు వాదనలు విన్న న్యాయస్థానం, పోలీసులు వేసిన కస్టడీ పిటీషన్ ను కొట్టివేసింది. మరి పోలీసులు పై కోర్టు కు వెళ్లి అపీల్ చేస్తారా, లేదా అనేది చూడాల్సి ఉంది.

తన రాజకీయ అవసరాలు కోసం, ఎవరి మీద అయిన పుకార్లు పుట్టించటం వైఎస్ఆర్ కాంగ్రెస్ పార్టీకి వెన్నతో పెట్టిన విద్య. తప్పుడు సమాచారం ఇచ్చి, పుకార్లు పుట్టించి, ప్రజలను కన్ఫ్యూజ్ చేసి, లబ్ది పొందటం వైఎస్ఆర్ కాంగ్రెస్ పార్టీ స్టైల్. అందుకే జగన్ మోహన్ రెడ్డి పార్టీని, ఫేక్ పార్టీ అని, ఫేక్ ఫెలో అని చంద్రబాబు ఎప్పుడూ సంబోధిస్తూ ఉంటారు. అయినా ఈ ఫేక్ పనులు మాత్రం వైసీపీ నేతలు ఆపటం లేదు. గంజాయి రవణా విషయంలో, దేశ వ్యాప్తంగా ఏపి పై విమర్శలు వస్తున్నాయి. ఢిల్లీ, మహారాష్ట్ర, తెలంగాణా, కేరళ, తమిళనాడు, ఒరిస్సా, ఇలా ఏ రాష్ట్రంలో గంజాయి దొరికినా అది, ఏపి నుంచే వెళ్తుంది. ఈ విషయం ఆయా రాష్ట్రాల పోలీస్ ఆఫీసర్లు ప్రెస్ మీట్లు పెట్టి మరీ చెప్తున్నారు. కొద్ది రోజుల క్రితం తెలంగాణా రాష్ట్రంలోని నల్గొండలో భారీగా గంజాయి పట్టుబడింది. యధావిధగా వాటి మూలాలు ఏపిలో ఉన్నాయని నల్గొండ పోలీసులు విచారణలో తెలుసుకున్నారు. తమ రాష్ట్ర ముఖ్యమంత్రి ఆదేశాల ప్రకారం, గంజాయి పై ఉక్కు పాదం మోపటానికి నేరుగా రంగంలోకి దిగారు. అసలు వీటి మూలాల పైనే దెబ్బ కొట్టాలని, ఏకంగా విశాఖ వచ్చారు. అక్కడ గంజాయి సాగు చేస్తున్న వారి వద్దకు వెళ్ళారు. అయితే బరి తెగించిన గంజాయి ముఠా, పోలీసుల పైనే దా-డి చేసారు. దీంతో నల్గొండ పోలీసులు ఫైర్ ఓపెన్ చేసారు.

అయితే ఈ విషయం ప్రముఖంగా రావటంతో, ఏపి పరువు పోయింది. ముఖ్యంగా ఏపి పోలీస్ ఏమి చేస్తుందనే వాదన మొదలైంది. అంతే కాదు, నారా లోకేష్, అన్ని రాష్ట్రాల పోలీసులు మాట్లడిన వీడియో పోస్ట్ చేసారు. దీని పై తాము ఎక్ష్పొజ్ అవ్వటంతో, విజయసాయి రెడ్డి ఎదురుదా-డి మొదలు పెడుతూ, పరోక్షంగా నల్గొండ ఎస్పీని టార్గెట్ చేస్తూ, ఆయన చంద్రబాబు మినిషి అని, అతను ఇతర రాష్ట్రాల్లో ఉన్న పోలీసులతో మాట్లాడి, ఏపి పరువు తీసే విధంగా చేసారు అంటూ సంచలన వ్యాఖ్యలు చేసారు. విజయసాయి రెడ్డి వ్యాఖ్యల పై నల్గొండ ఎస్పీ రంగనాద్ స్పందిస్తూ ఘాటు వ్యాఖ్యలు చేసారు. టిడిపికి, చంద్రబాబుకు తాను అనుకూలం అంటూ విజయసాయి రెడ్డి చేసిన వ్యాఖ్యలను ఖండించారు. తాను చెప్పటంతోనే, కర్ణాటక, తెలంగాణా, మహరాష్ట్ర పోలీసులు ఏపి పేరు చెప్పారని చెప్పటం, హాస్యాస్పదం అని అన్నారు.ఎంపీ హోదాలో ఉన్న వ్యక్తి వాస్తవాలు తెలుసుకోవాలని అన్నారు. సరైన సమాచారం లేకుండా ఆరోపణలు చేయటం కరెక్ట్ కాదని అన్నారు. మరి విజయసాయి రెడ్డి ఏమి అంటారో చూడాలి.

అమరావతి రైతులకు రాష్ట్ర ప్రభుత్వం షాక్ ఇచ్చింది. కొత్తగా ఇచ్చేది ఏముంది, వచ్చిన దగ్గర నుంచి వాళ్ళకు షాక్ ఇస్తూనే ఉన్నారు కదా అంటారా. పాపం ఏమి చేస్తారు. ఇన్నేళ్ళు ఉద్యమం చేసినా, ఎక్కడా కట్టు దాటకుండా ఉద్యమం చేస్తున్నారని అలుసో, లేక మరే కారణమో కానీ, వాళ్ళు శాంతియుతంగా నిరసన కార్యక్రమాలు చేస్తాం అన్నా కూడా, ప్రభుత్వం ఒప్పుకోవటం లేదు. గతంలో చూసాం అనేక కార్యక్రమాలు చేస్తాం అని చెప్పినా, ప్రభుత్వం ఒప్పుకోకుండా రణరంగం సృష్టించింది. ఇప్పుడు కూడా అమరావతి రైతులు, మహిళలు చేస్తున్న కార్యక్రమానికి అడ్డు తగిలింది ప్రభుత్వం. న్యాయస్థానం నుంచి దేవస్థానం అంటూ, ఆంధ్రప్రదేశ్ హైకోర్టు నుంచి తిరుమలకు పాదయాత్రగా వెళ్తాం అంటూ, అమరావతి రైతులు పెట్టుకున్న వినతిని ప్రభుత్వం అంగీకరించ లేదు. దీనికి సంబంధించి రాష్ట్ర డీజీపీ అనుమతి నిరాకరిస్తూ లేఖ రాసారు. నవంబర్ ఒకటో తేదీ నుంచి డిసెంబర్ 17వ తేదీ వరకు, దాదాపుగా 40 రోజులు పాటు, ఈ పాదయత్రని నిర్వహించాలని అమరావతి రైతులు నిర్ణయం తీసుకున్నారు. న్యాయస్థానం టు దేవస్థానం అని చెప్పి, ఈ పాదయాత్రకు నామకరణం చేసారు. అమరావతిలో ఉన్న హైకోర్టు, తిరుమల శ్రీవారి ఆలయం వరకు కూడా ఈ పాదయాత్రను నిర్వహించాలని నిర్ణయం తీసుకున్నారు.

దీనికి సంబంధించిన ఏర్పాట్లు కూడా చేసుకుంటున్నారు. రూట్ మ్యాప్ కూడా రూపొందించారు. ఈ నేపధ్యంలోనే తమకు అనుమతి ఇవ్వాలని డీజీపీకి, అమరావతి రైతు పరిరక్షణ సమితి తరుపున, గద్దె తిరుపతి రావు లేఖ రాసారు. అయితే ఎన్ని రోజులు అయినా అనుమతి ఇవ్వక పోవటంతో, రైతులు హైకోర్టు తలుపు తట్టారు. ఈ విషయం పై ఈ నెల 28లోగా ఏదో ఒకటి తేల్చాలి అంటూ హైకోర్టు డీజీపీన ఆదేశించింది. ఈ నేపధ్యంలోనే డీజీపీ ఈ రోజు లేఖ రాసారు. అనుమతి నిరాకరిస్తున్నాం అని తెలిపారు. శాంతి భద్రతల సమస్యలు తలెత్తుతాయని, ఇతర ప్రాంతాల్లో సమస్యలు వస్తాయని, ఉద్రిక్త పరిస్థితులు తల ఎత్తే ప్రమాదం ఉందని, జాతీయ రహదారి వెంట ఈ పాదయాత్ర చేయటం మంచిది కాదని, అందుకే అనుమతి నిరాకరిస్తున్నాం అని డీజీపీ తెలిపారు. అయితే అమరావతి రైతులు దీని పై అభ్యంతరం తెలుపుతూ, రేపు దీని పై హైకోర్టులో పిటీషన్ దాఖలు చేస్తాం అని, శాంతి యుతంగా చేసే పాదయాత్రకు కూడా అనుమతి ఇవ్వకపోతే ఎలా అని ప్రశ్నిస్తున్నారు.