news

ఈ రోజు తెలంగాణాలో షర్మిల కొత్త పార్టీ ప్రకటించారు. ఈ సందర్భంగా ఆమె, ప్రసంగించారు. అందరూ ఆసక్తిగా ఎదురు చూస్తున్న తెలంగాణా ఆంధ్రప్రదేశ్ నీటి వివాదం పై స్పందించారు. అయితే ఈ సందర్భంగా షర్మిల చేసిన వ్యాఖ్యలు సంచలనంగా మారాయి. ముఖ్యంగా ఆమె చంద్రబాబు పేరు చెప్పకుండా, చంద్రబాబుని ఇద్దరూ కలిసి ఓడించారు అనే విధంగా మాట్లాడారు. ఆమె మాటలలోనే "కృష్ణా నది మీద రెండు సంవత్సరాల నుంచి ప్రాజెక్ట్ లు కడుతూ ఉంటే, కేసీఆర్ గారు ఇప్పుడే తెలివిలోకి వచ్చారా ? పక్క రాష్ట్ర ముఖ్యమంత్రిని ఇంటికి ఆహ్వానించ వచ్చు, కౌగలించుకోవచ్చు, భోజనాలు పెట్టొచ్చు, స్వీట్ లు కూడా తినిపించవచ్చు. ఇద్దరూ కలిసి ఉమ్మడి శత్రువుని ఓడించనూ వచ్చు. కానీ రెండు నిమిషాలు కూర్చుని నీటి పంచాయతీలు మాట్లాడుకోలేరా ?" అంటూ షర్మిల సంచలన వ్యాఖ్యలు చేసారు. ఉమ్మడి శత్రువుని ఓడించటం అంటే, కేసీఆర్ జగన్ లు కలిసి చంద్రబాబుని ఓడించారు అని షర్మిల పరోక్షంగా వ్యాఖ్యానించారు. అప్పట్లో చంద్రబాబుని ఓడిస్తానని, రిటర్న్ గిఫ్ట్ ఇస్తాను అని కేసీఆర్ ప్రకటించిన విషయం తెలిసిందే. మోడీ, కేసీఆర్, జగన్ అందరూ కలిసి చంద్రబాబుని ఓడించారని, అప్పట్లో పెద్ద ప్రచారమే జరిగిన విషయం అందరికీ తెలిసిందే.

ఈ రోజు షర్మిల చేసిన వ్యాఖ్యలతో అది నిజం అని తేలిపోయింది. ఎందుకంటే అప్పట్లో షర్మిల కూడా ఆంధ్రప్రదేశ్ రాష్ట్రంలో చంద్రబాబుని ఓడించటానికి ప్రచారం చేసిన విషయం తెలిసిందే. బైబై బాబు అంటూ వెకిలిగా ఆమె చేసిన ప్రచారం అందరికీ గుర్తు ఉంది. అప్పట్లో ఈ కుట్రలు అన్నీ ఆమెకు తెలిసే ఉంటాయి. అందుకేనేమో, ఇప్పుడు తన అన్నతో విభేదాలు రావటంతో, ఉన్నది మొత్తం కక్కేశారు. చంద్రబాబుని ఓడించటంకోసం చంద్రబాబు, జగన్ కలిసి ఎలా పని చేసింది ఈ రోజు షర్మిల మాటలతో అర్ధం అయిపోతున్నాయి. ఒక్కడిని ఓడించటానికి, ఇన్ని కుయుక్తులు పన్ని, ఈ రోజు రాష్ట్రాన్ని ఇలా కుక్కలు చింపిన విస్తరి చేస్తున్నారు అని టిడిపి నేతలు అంటున్నారు. ఈ రోజు షర్మిల చేసిన వ్యాఖ్యలతో, ఆ రోజు జగన, కేసీఆర్ పన్నిన కుట్రలు అన్నీ బయట పడ్డాయని అంటున్నారు. నీటి వివాదాం అంటా బూటకం అని మేము మొదటి నుంచి చెప్తుంది ఇందుకే అని, కేసీఆర్ జగన్ ఇద్దరికీ సఖ్యత బాగానే ఉందని, ఇవన్నీ నాటకాలు అని అంటున్నారు.

రాష్ట్రం దివాళా తీస్తుంటే, జగన్ ఆయన అనుచరుల కంపెనీల మాత్రం అమాంతం పెరిగిపోతున్నాయని టిడిపి నేత పట్టాభి అన్నారు. ఈ రోజు విలేఖరులతో మాట్లాడిన ఆయన, పలు ఆసక్తికర వ్యాఖ్యలు చేసారు. ఆయన మాటల్లోనే, "జగన్మోహన్ రెడ్డి కంపెనీలు, ఆయన అనుచరుల కంపెనీలే ఎందుకు కళకళలాడుతున్నాయోకూడా ఆలోచించాలి. వాటిలో ముందుగా రాంకీ ఇన్ ఫ్రాస్ట్రక్చర్ కంపెనీని తీసుకుంటే, వైసీపీఎంపీ అయోధ్యరామిరెడ్డిది. రెండేళ్లలోనే ఆ కంపెనీ ఆస్తులు, రామిరెడ్డి ఆదాయం అమాంతం పెరగడంతో, ఐటీ వారి కన్ను కూడా పడింది. దాంతో ఐటీవారు సదరు కంపెనీపై దాడులు కూడా చేశారు. రాంకీ ఇన్ ఫ్రాస్ట్రక్చర్ షేర్ వ్యాల్యూ గత సంవత్సర కాలంలో ఎన్నడూలేని విథంగా కళ్లు తిరిగేరీతిలో 442 శాతం పెరిగింది. ఎన్ ఎస్ఈ (నేషనల్ స్టాక్ ఎక్స్చేంజ్) డేటాలో ఈ సమాచారం ఉంది. అంత తక్కువ సమయంలో షేర్ వ్యాల్యూ అంతలా పెరగడం చాలా అరుదు. రెండు సంవత్సరాల కాలంలో రాంకీ ఆస్తులు అమాంతం పెరగడం వల్లే, షేర్ వ్యాల్యూ కూడా 442శాతం పెరిగింది. జగన్మోహన్ రెడ్డి సొంత కంపెనీ అయిన భారతి సిమెంట్స్ సంగతి కూడా చూద్దాం. భారతి సిమెంట్స్ లో ప్రధాన వాటా దారు వైక్యాట్ అనే ఫ్రెంచ్ కంపెనీ. వైక్యాట్ వారు మే6-2021న 2021-22 ఆర్థిక సంవత్సరానికి సంబంధించి, తొలి త్రైమాసికం (మొదటిమూడునెలలు) కంపెనీ ఆదాయవి వరాలని వేదికను వారి కంపెనీ వెబ్ సైట్లో ఉంచారు. దానిలో ఏమని రాశారంటే, భారతదేశానికి సంబంధించి, తమకున్న ఏకైక కంపెనీ భారతి సిమెంట్స్ అని, కడప, కాల్ బుర్గికు చెందిన రెండు ప్లాంట్ల ద్వారా ఈ ఆర్థిక సంవత్సరం తొలిత్రైమాసికంలోని టర్నోవర్లో అనూహ్యంగా 42శాతం వృద్ధి నమోదైందని చెప్పారు. భారతి సిమెంట్స్ కంపెనీ 42శాతం వృద్ధి నమోదు చేయడానికి కారణాన్ని కూడా చెప్పారు. ఇంప్రూవ్ మెంట్ ఇన్ సెల్లింగ్ ప్రైసెస్ (సిమెంట్ ధరలపెరుగుదల) అని చాలా స్పష్టంగా చెప్పారు. జగన్మోహన్ రెడ్డి ముఖ్యమంత్రయ్యాక సిమెంట్ కంపెనీలను సిండికేట్ చేసి, భారీగా ధరలు పెంచేలా చేశాడుకదా? దానికికారణమే భారతి సిమెంట్స్ టర్నోవర్ తొలిత్రైమాసికంలోనే 42శాతం పెరగడం. ఆ మొత్తం విలువ భారత కరెన్సీలో రూ.800కోట్లు. అదీ లాభమంటే. ఇలా ఉంటే రాష్ట్ర ఖజానా వెలవెలబోకుండాఎలా ఉంటుంది? ఏ1 ఆదాయం, ఆయన కంపెనీల ఆదాయం అలా పెరుగుతుంటే, ఇక ఏ2 విజయసాయి కంపెనీల సంగతేంటో చూద్దాం."

"విజయసాయి అల్లుడి కంపెనీ అయిన అరబిందోకు రాష్ట్రంలో ని పోర్టులన్నింటినీ, ఈ ముఖ్యమంత్రి ఒకదాని తర్వాత ఒకటి ధారాదత్తం చేస్తున్నాడు. కాకినాడ ప్రాంతంలోని రెండు కీలకమైన పోర్టులతోపాటు, రామాయపట్నం పోర్టుని కూడా అరబిందో పరం చేశారు. 75కిలోమీటర్ల పరిధిలో రెండు పోర్టులు ఒకే కంపెనీ అధీనంలో ఉండకూడదనే నిబంధనను కూడా అరబిందోకోసం తుంగలోతొక్కి, కాకినాడ వద్ద ఉన్న రెండుపోర్టులను అరబిందోకు అప్పగించారు. రాష్ట్రంలోని ప్రధానమైన పోర్టులను, విజయసాయి రెడ్డి తన అల్లుడికి కట్న కానుకల కింద సమర్పించాడు. రాంకీ, భారతి సిమెంట్స్, అరబిందోల పరిస్థితి అలా ఉంటే, ఇక హెటిరో డ్రగ్స్ విషయానికి వద్దాం. సీబీఐ, ఈడీ ఈ ముఖ్యమంత్రిపై గతంలో ఫైల్ చేసిన అనేక చార్జ్ షీట్లలో సహముద్దాయిగా ఉన్న పార్థసారథి రెడ్డిదే ఈహెటిరోసంస్థ. విశాఖపట్నం వద్ద ఉన్న రూ.225 కోట్ల విలువైన భూమిని ప్రభుత్వం పార్మా కంపెనీకి ధారాదత్తం చేసిందని పత్రికల్లో వార్తలుకూడా వచ్చాయి. విశాఖపట్నంలోని బేపార్క్ లోని వాటాలతో పాటు, అదే నగరంలోని కీలకమైన ఆస్తులను కూడా హెటిరో పరంచేశారు. ఈ విధంగా జగన్మోహన్ రెడ్డి కంపెనీలు కానీ, ఆయన అనుచరుల కంపెనీలు కానీ ఈ రెండేళ్లలో ఎంతలా లాభాలార్జించాయో ప్రత్యేకంగా చెప్పాల్సిన పనిలేదు. ఇక సాక్షి పత్రిక, ఛానెల్ లాభాలకు హద్దేలేదు. నిత్యం ప్రకటనల రూపంలో తన మీడియా సంస్థకు వందలకోట్లు దోచిపెడుతున్నాడు. అందుకే అన్నది జగన్ హావాలా దెబ్బకు రాష్ట్రం దివాలా అని. ప్రభుత్వ ఉద్యోగులు, పింఛన్లకు సకాలంలో జీతాలు ఇవ్వలేని ముఖ్యమంత్రి, తనసొంతకంపెనీలను మాత్రం జాగ్రత్తగా లాభాల్లో ముంచితేలుస్తున్నాడు. "

తెలుగుదేశం పార్టీ ఎమ్మెల్యే పీఏసీ చైర్మెన్ పయ్యావుల కేశవ్ సంచలనానికి తెర లేపారు. ఒకటి కాదు రెండు కాదు, ఏకంగా జగన్ మోహన్ రెడ్డి ప్రభుత్వం, రూ.41 వేల కోట్లకు బిల్లులు చూపించలేదు అంటూ సంచలన ఆరోపణలు చేసారు. ఆరోపణలే కాదు దానికి సంబంధించి పూర్తి ఆధారాలు కూడా తీసుకుని, గవర్నర్ వద్ద పెట్టారు. ఏకంగా 10,806 బిల్లులకు సంబంధించి రూ.41 వేల కోట్లకు లెక్కలు గల్లంతు అయ్యాయని, అవి ఎక్కడ ఖర్చు పెట్టారు, దేని కోసం ఖర్చు పెట్టారో లెక్క లేకుండా, పోయిందని ఆధారాలు చూపించారు. ఇదే విషయం పై కాగ్ కూడా రాసిన లేఖను చూపించారు. ఇవన్నీ గవర్నర్ కు ఇచ్చి, గవర్నర్ కు ఉన్న అధికారాలు, ఇందులో గవర్నర్ పాత్ర, ఆయనకు ఇది ఎలా అంటుకుంటుందో చెప్తూ, గవర్నర్ దీని పై దృష్టి పెట్టాలని కోరారు. చంద్రబాబు ఆదేశాల మేరకు ఈ రోజు పయ్యావుల కేశవ్ గవర్నర్ ను కలిసారు. రాష్ట్ర ప్రభుత్వం పాల్పడుతున్న ఆర్ధిక అవకతవకల పై గవర్నర్ కు ఫిర్యాదు చేసారు. గవర్నర్ కు ఫిర్యాదు చేసిన తరువాత పయ్యావుల, మీడియాతో మాట్లాడారు. ఈ సందర్భంగా ఆయన మాట్లాడుతూ, ఒక చిన్న కంపెనీ కూడా పక్కగా లెక్కలు మైంటైన్ చేస్తూ, ఎక్కడ తేడా లేకుండా అన్ని బిల్లులు పెట్టుకుంటారని, అలాంటిది ఒక రాష్ట్ర ప్రభుత్వం లక్షల కోట్ల బడ్జెట్ పెడుతూ, ఏకంగా రూ.41 వేల కోట్ల ఖర్చులకు సరైన వివరాలు చూపించలేదని అన్నారు.

ఇదే విషయం గవర్నర్ వద్దకు తీసుకుని వెళ్ళామని అన్నారు. మేము గత ఏడాది కాలంగా దీని పై పరిశోధనలు జరిపామని, చివరకు కాగ్ వాళ్ళు కూడా తాము ఇచ్చిన నివేదికలు కరెక్ట్ అనే విధంగా, ఈ రూ.41 వేల కోట్లకు లెక్కలు చెప్పాలి అంటూ రాష్ట్ర ప్రభుత్వానికి లేఖ రాసారని అన్నారు. ఒక్క బిల్ మూవ్ అవ్వాలి అని, దానికి సంబంధించిన పూర్తి వివరాలు, ఓచర్లు, సంతకాలు ఉంటాయాని, అప్పుడు కానీ ట్రెజరర్ విడుదల చేయడని, అలాంటిది రూ.41 వేల కోట్లకు ఎలాంటి ల్లులు, ఓచర్లు, లావాదేవీల పత్రాలు లేకుండానే ఖర్చు పెట్టేసారని అన్నారు. ఇది తాము అనటం లేదని, ఏకంగా కాగ్ లేఖ రాస్తూ, రాష్ట్ర ప్రభుత్వాన్ని పూర్తి వివరాలు అడిగారని అన్నారు. ప్రిన్సిపల్ అకౌంటెంట్ జనరల్ రాసిన లేఖను కూడా గవర్నర్ కు ఇచ్చినట్టు పయ్యావుల తెలిపారు. ప్రభుత్వం చేసే ప్రతి చర్య గవర్నర్ పేరు మీదే జరుగుతుందని, ఆర్టికల్ 151(2) ప్రకారం గవర్నర్ కు తెలియచేయాలని, రాష్ట్ర ప్రభుత్వం ఏ నివేదికలు ఇస్తే గవర్నర్ ఆవే నివేదికలు ఇచ్చే పరిస్థితి ఉంటుందని, అందుకే గవర్నర్ గారికి ఈ విషయాలు చెప్పి, సరైన చర్యలు తీసుకుని, మొత్తం ఆడిట్ చేపించమని కోరామని పయ్యావుల అన్నారు.