news

ఆంధ్రప్రదేశ్ లో జల విద్యుత్ కేంద్రాల వద్ద, ఏపికి చెప్పకుండా తెలంగాణా వంద శాతం పవర్ జనరేషన్ జరుగుతూ ఉండటం పై మళ్ళీ వివాదం నెలకొంది. నాగార్జన సాగర్, శ్రీశైలం, పులిచింతల ప్రాజెక్ట్ వద్ద వంద శాతం పవర్ జనరేషన్ చేయాలని నిర్ణయం తీసుకున్నారు. ప్రధానంగా పులిచింతల ప్రాజెక్ట్ వద్ద జల విద్యుత్ ఉత్పాదన కోసం తెలంగాణ ప్రభుత్వం ఇప్పటికే అక్కడ భారీ ఎత్తున పోలీసులను మోహరించింది. ఆంధ్రప్రదేశ్ లో పులిచింతల ఏపి భూభాగంలో ఉండగా, హైడల్ పవర్ ప్రాజెక్ట్ మాత్రం తెలంగాణా భూభాగంలో ఉంది. తెలంగాణాలోని సూర్యాపేట జిల్లా చింతల పాలెం వద్ద ఈ ప్రాజెక్ట్ పవర్ జనరేషన్ అవుతూ ఉంటుంది. గత రాత్రి నుంచి కూడా తెలంగాణా ప్రభుత్వం పవర్ జనరేషన్ ప్రారంభించింది. 1500 క్యూసెక్కుల నీటిని ఉపయోగించుకుని ఒక యూనిట్ లో విద్యుత్ ఉత్పాదన ప్రారంభించటంతో, ఆంధ్రప్రదేశ్ ప్రభుత్వానికి ఎటువంటి సమాచారం ఇవ్వకుండా, విద్యుత్ ఉత్పాదన మొదలు పెట్టారు. అయితే ఆంధ్రప్రదేశ్ ప్రభుత్వం ఈ విషయంలో కూడా సుతిమెత్తగానే వెళ్తుంది. తెలంగాణా దూకుడుగా వెళ్తుంటే, ఏపి మాత్రం కేవలం కేంద్రానికి లేఖలో ఫిర్యాదు చేసి ఊరుకుంది. గత వారం అక్రమ ప్రాజెక్ట్ లు విషయంలో కూడా అన్ని తిట్టులు తిట్టినా, కేవలం లేఖలు రాసి ఊరుకున్నట్టే, ఇక్కడ కూడా ఏపి ప్రభుత్వం అదే పని చేసింది.

తెలంగాణా అధికారులు విద్యుత్తు ఉత్పాదన చేస్తూ ఉంటే, నీరు అంతా బయటకు వెళ్లి పోతుయి, దీని వల్ల కృష్ణా డెల్టాలో సాగు తాగు నీరు అవసరాల కోసం, కృష్ణా డెల్టాలో నారు మళ్ళుకి, కృష్ణా, గుంటూరులో తాగు నీటికి ఇబ్బంది అయ్యే అవకాసం ఉంది. పులిచింతల ఉన్న నీటిని తెలంగాణా ప్రభుత్వం ఇష్టం వచ్చినట్టు వాడేస్తుంటే, ఏపి ఇంకా దూకుడుగా వెళ్లకపోవటం ఆశ్చర్యాన్ని కలిగిస్తుంది. ఈ రోజు ఉదయం వరకు కూడా దాదాపుగా రెండు వేల క్యూసేక్కుల నీటిని వాడుకున్నారు. ఇప్పుడు కూడా పవర్ జనరేషన్ జరుగుతూ ఉంది, దీంతో పులిచింతల ప్రాజెక్ట్ లో ఉన్న నీరు తగ్గిపోతుంది. మరో పక్క శ్రీశైలం, నాగార్జున సాగర్ లో కూడా వంద శాతం విద్యుత్ ఉత్పత్తి చేయాలని తెలంగాణా ప్రభుత్వం నిర్ణయం తీసుకుంది. దీంతో ఇప్పుడు మొత్తం కృష్ణా నీళ్ళు తెలంగాణా వాడేసుకుంటుంది. అటు రాయలసీమకు , ఇటు కృష్ణా డెల్టాకు కూడా ఇబ్బంది అయ్యే అవకాసం ఉంది. దీంతో ఇప్పుడు ఆంధ్రప్రదేశ్ ఇప్పుడు ఎలా రియాక్ట్ అవుతుందో చూడాలి.

ఓబుళాపురం గనుల కేసు విచారణ ఈ రోజు హైదరాబాద్ సిబిఐ కోర్టులో జరిగింది. అయితే డిశ్చార్జ్ పిటిషన్ పై, తమ వాదనలు వినిపించేందుకు సమయం కావాలి అంటూ, శ్రీలక్ష్మి తరుపు న్యాయవాది సిబిఐ కోర్టుని కోరారు. దీనికి స్పందించిన సిబిఐ కోర్టు, వాదనలు వినిపించేందుకు, నేటి విచారణే చివరి వాయిదా కదా అని గుర్తు చేసి, న్యాయవాదికి షాక్ ఇచ్చింది. దీనికి స్పందించిన న్యాయవాది, తాము ఇప్పటికే హైకోర్టులో క్యాష్ పిటిషన్ దాఖలు చేసామని, అది జూలై 2వ తేదీకి వాయిదా పడిందని, అందుకే సమయం కావాలి అంటూ, శ్రీలక్ష్మి తరుపు న్యాయవాది సిబిఐ కోర్టుని కోరారు. అయితే ఇప్పటి వరకు హైకోర్టు స్టే ఇవ్వలేదు కాబట్టి, తాము ఎలాంటి గడువు ఇంకా ఇవ్వలేమని సిబిఐ కోర్టు తేల్చి చెప్పింది. వెయ్యి రూపాయాలు జరిమైనా చెల్లిస్తే వాదనలు వింటాం అంటూ, సిబిఐ కోర్టు మరో షాక్ ఇచ్చింది. మొత్తం మీద ఈ కేసుని జూలై 5కు వాయిదా వేసిన సిబిఐ కోర్టు, ఆ రోజు కనుక వాదనలు వినిపించకాపోతే, మేమే తగిన ఉత్తర్వులు ఇస్తాం అంటూ, సిబిఐ కోర్ట్ తేల్చి చెప్పింది. ఇప్పటికే ఓబుళాపురం గనుల కేసు విచారణ జరుగుతున్న సందర్బంలో, ఈ కేసులో ఉన్న ఐఏఎస్ అధికారి శ్రీలక్ష్మి పై కూడా సిబిఐ కోర్టులో విచారణ జరుగుతుంది. ఆమె పాత్ర పై కూడా సిబిఐ కోర్టులో వాదనలు జరుగుతున్నాయి.

ఇక మరో పక్క సీబీఐ కోర్టులో జగన్ అక్రమాస్తుల కేసుల్లో ఒక కేసుగా ఉన్నా పెన్నా ఛార్జ్‌షీట్‌పై కూడా ఈ రోజు విచారణ జరిగింది. ఈ రోజు విచారణలో గనులశాఖ మాజీ అధికారి రాజగోపాల్ డిశ్చార్జ్ పిటిషన్‌ పై సీబీఐ కౌంటరు దాఖలు చేసింది. పెన్నా కేసు నుంచి రాజగోపాల్‌ను తొలగించవద్దని సీబీఐ కోర్టును కోరింది. మరో అధికారి శామ్యూల్ డిశ్చార్జ్ పిటిషన్‌పై కౌంటరు దాఖలుకు సీబీఐ గడువు కోరింది. పీఆర్ ఎనర్జీ డిశ్చార్జ్ పిటిషన్ పై కౌంటరు దాఖలుకు సమయం కావాలని కోర్టుని సిబిఐ కోరింది. ఇక సాంకేతిక కారణాలతో పయనీర్ హాలిడే రిసార్ట్స్ డిశ్చార్జ్ పిటిషన్ సిబిఐ కోర్టు వెనక్కు ఇచ్చింది. పెన్నా సిమెంట్స్ ఛార్జ్ షీట్ పై విచారణ జులై 6కు వాయిదా వేసింది సిబిఐ కోర్టు. అయితే ఇప్పటికీ జగన్ మోహన్ రెడ్డి కేసుల్లో ట్రైల్స్ స్టార్ట్ కాకపోవటం పై పలువురు పెదవి విరుస్తున్నారు. డిశ్చార్జ్ పిటీషన్ల పేరుతో కాలక్షేపం చేస్తున్నారని, సుప్రీం కోర్టు ఆదేశాల ప్రకారం, ప్రజా ప్రతినిధుల పై ఉన్న కేసులు అన్నీ ఏడాది లోపు పూర్తి కావాల్సిన విషయాన్ని గుర్తు చేస్తున్నారు.

విజయవాడలో నిన్న కాంగ్రెస్ పార్టీకి చెందిన ఏపీసీసీ రాజకీయ వ్యవహారాల కమిటీ సమావేశం జరిగింది. ఈ సమావేశంలో పాల్గొననున్న ఉమెన్ చాందీ, పీసీసీ అధ్యక్షుడు శైలజానాథ్ సహా ఇతర సీనియర్ నేతలు పాల్గున్నారు. రాష్ట్రంలో రాజకీయ పరిస్థితులపై సమావేశంలో చర్చించారు. ఏపీలో కాంగ్రెస్ పునర్‌నిర్మాణం దిశగా కార్యక్రమాలు చేపట్టాలని నిర్ణయం తీసుకున్నారు. ప్రత్యేక హోదా అంశానికి కట్టుబడి ఉన్నాం అని, హోదా విషయంలో రెండు ప్రభుత్వాలు విఫలం చెందాయని, రాష్ట్రంలో ధరల భారంపై జులై 7 నుంచి 17 వరకు నిరసనలు చేస్తున్నామని, అసలు అభివృద్ధి పనులు ఆగిపోయాయని ఉమెన్ చాందీ అన్నారు. అయితే ఈ సందర్భంగా విలేఖరులు చిరంజీవి గురించి అడగగా, ఆయన ఇప్పుడు తమతో లేరని, పార్టీ కార్యక్రమాల్లో ఎక్కడా పాల్గునటం లేదని చెప్తూ, పార్టీకి దూరం జరిగారు అనే విధంగానే సమాధానం చెప్పారు. అయితే, ఈ విషయం పై, ఈ రోజు మళ్ళీ మాట మార్చింది కాంగ్రెస్ పార్టీ. ఏపీసీసీ అధ్యక్షులు శైలజానాథ్ మాట్లాడుతూ, చిరంజీవి కాంగ్రెస్ వాదేనని ఏఐసీసీ, ఏపీసీసీ స్పష్టీకరణ చేసినట్టు చెప్పారు. సినీ రంగంలో చిరంజీవి బిజీగా ఉండటం వల్లే పార్టీ కార్యక్రమాల్లో పాల్గొనడం లేదని మాత్రమే ఉమెన్ చాందీ అన్నారుని అన్నారు. మాజీ కేంద్ర మంత్రి చిరంజీవి కాంగ్రెస్ వాదే అని భవిష్యత్ లో చిరంజీవి సేవలు పార్టీకి అందుతాయి అంటూ శైలజానాథ్ చెప్పుకొచ్చారు.