news

సహజంగా రాష్ట్ర ప్రభుత్వం చేసే చెల్లింపులు అన్నీ, ఆర్బీఐ నుంచే జరుగుతాయి. సహజ ప్రక్రియలో భాగంగా, ప్రభుత్వం పంపించే అన్ని బిల్లులను ఆర్బీఐ ఎటువంటి కొర్రీలు లేకుండా అప్రోవ్ చేస్తుంది. అయితే మన ఆంధ్రప్రదేశ్ ప్రభుత్వం, పంపిన ఒక బిల్లుని మాత్రం తిప్పి పంపటం, సంచలనంగా మారింది. దీని వెనుక కారణం లేకపోలేదు. ఈ మధ్య కాలంలో ఏపి ప్రభుత్వం ఏది చేసినా సంచలనమే. అలాగే మార్చ్ 31వ తారిఖు, రాత్రి 11.50 గంటలకు ఒక బిల్లు చెల్లింపు ఆర్బీఐ వద్దకు వెళ్ళింది. అయితే ఆ బిల్లు విలువ రూ.1,100 కోట్ల. చెల్లింపు అమయం, ఆర్ధిక ఏడాది పది నిమిషాల్లో ముగుస్తుంది అనగా. సారిగ్గా ఇక్కడే ఆర్బిఐ అభ్యంతరం చెప్పింది. ఆంధ్రప్రదేశ్ రాష్ట్ర ప్రభుత్వం రూ.1,100 కోట్ల చెల్లింపు విషయంలో, ఆర్ధిక ఏడాది పది నిమిషాల ముందు ఫైల్ రావటంతో, ఆర్బిఐ దాన్ని తిరస్కరించింది. ఇప్పుడు సమయం అయిపోయిందని, ఈ బిల్లుని వచ్చే ఆర్ధిక ఏడాదిలో, బడ్జెట్ లో, చూపించి, ఫైల్ తిరిగి పంపిస్తే, తాము ఆమోదిస్తామని ఏపి ప్రభుత్వానికి చెప్పింది. అయితే ఏపి ప్రభుత్వం మాత్రం, మేము సమయానికి పంపించామని, మీ దగ్గర ఆలస్యం అయ్యిందని, ఎలాగైనా, అది పోయిన ఆర్ధిక ఏడాదిలోనే చూపించాలని ఆర్బిఐకి చెప్పగా, దానికి ఆర్బిఐ ఒప్పుకోలేదు. దీంతో, ఈ రూ.1,100 కోట్లని, సస్పెన్స్ ఎకౌంటులో చూపించి, పోయిన ఆర్ధిక ఏడాది బిల్లులోనే చెల్లింపులు చేయాలని, ప్రభుత్వం ఆలోచిస్తుంది.

సహజంగా ఏదైనా బిల్లులో స్పష్టత లేకపోయినా, డబ్బులు తిరిగి వచ్చినా, అవి సస్పెన్స్ ఎకౌంటు లో పెట్టి, తరువాత కారణం తెలుసుకుని క్లియర్ చేస్తారు. అయితే ఇక్కడ కూడా ప్రభుత్వం అలాగే చేయాలని ఆలోచిస్తుంది అంటూ ఒక పత్రికలో వచ్చిన కధనం ఇప్పుడు సంచలనంగా మారింది. అయితే అసలు ప్రభుత్వం ఈ బిల్లు విషయంలో ఎందుకు ఇంత పట్టుదలగా ఉంది అనేది ఎవరికీ అర్ధం కావటం లేదు. వచ్చే ఆర్ధిక ఏడాదిలో, కొత్త తేదీ వేసి, ఆ బిల్లు క్లియర్ చేయవచ్చు కదా, ఇందులో ఏమి ఇబ్బంది అనే ప్రశ్నలు వస్తున్నాయి. ఇంతలా ఆర్బిఐతో డీ కొట్టి మరీ, బిల్లు ఎందుకు క్లియర్ చేయాలని అనుకుంటున్నారో అర్ధం కావటం లేదు. ఈ ఒక్క బిల్లు పైనే ప్రభుత్వంలోని పెద్దలు ఎందుకు ఇంత ప్రేమ చూపిస్తున్నారు అనే వాదన వస్తుంది. ఇప్పటికే అనేక వేల కోట్ల బిల్లులు ప్రభుత్వం వద్ద పెండింగ్ లో ఉన్నాయి. వాటి కోసం కాంట్రాక్టర్ లు ఎదురు చూస్తున్నారు. అయితే ఈ ఒక్క బిల్లు విషయంలో, అదీ ఆర్ధిక ఏడాది పది నిమిషాల్లో ముగుస్తుంది అనగా, ఎందుకు ఇంత రాద్ధాంతం చేస్తున్నారో అర్ధం కావటం లేదనే విశ్లేషణ వస్తుంది. మరి ప్రభుత్వం, దీని పై ఎలా స్పందిస్తుందో చూడాలి.

ఆంధ్రప్రదేశ్ మాజీ ఇంటలిజెన్స్ చీఫ్, డీజీ ర్యాంక్ ఉన్న ఏబీ వెంకటేశ్వర రావు ఐపిఎస్ పై, జగన్ మోహన్ రెడ్డి ప్రభుత్వం, తీవ్రమైన ఆరోపణలు చేసి, సస్పెండ్ చేసిన విషయం తెలిసిందే. దీంతో ఆయన తనకు జరిగిన అన్యాయం పై కోర్టుకు వెళ్లారు. రెండేళ్ళ నుంచి ఈ కేసు సాగదీయటం పై, కోర్టు ఆగ్రహం వ్యక్తం చేస్తూ, విచారణ తొందరగా ముగించమని, డెడ్లైన్ విధించింది. దీంతో విధిలేని పరిస్థితిలో, ఏబీ వెంకటేశ్వర రావు పై విచారణ జరపాల్సిన పరిస్థితి ప్రభుత్వానికి వచ్చింది. కమిషనర్ ఆఫ్ ఎంక్వయిరీస్ ముందు, ఆయన విచారణకు రావాలని ఆదేశించారు. అయితే ఏబీ వెంకటేశ్వర రావు విచారణకు హాజరు అయిన తరువాత, ఆయన పన్నిన వ్యూహంలో ప్రభుత్వం చిక్కుక్కుంది. తన పైన దేశ ద్రోహం ఆరోపణలు చేసిన వారు, నిరూపించాలంటూ,ఆయన భీష్మించుకుని కూర్చుకున్నారు. ముఖ్యంగా తనని సస్పెండ్ చేస్తూ, ప్రెస్ కి వివరాలు ఇచ్చే సమయంలో, తన పై ఏనక ఆరోపణలు చేసిన సీపీఆర్వో శ్రీహరిని ఆయన టార్గెట్ చేసారు. కమిషనర్ ఆఫ్ ఎంక్వయిరీస్ ముందు, విచారణకు వచ్చిన ఏబి వెంకటేశ్వర రావు, ముందుగా సీపీఆర్వో శ్రీహరిని కూడా ఈ విచారణకు పిలిపించాలని కోరారు. ఆయన తన పై అనేక ఆరోపణలు చేసారని, చివరకు దేశ ద్రోహం ఆరోపణలు కూడా చేసారని అన్నారు.

ఆ ఆరోపణలపై వాస్తవాలు ఏమిటో, ఆయన్ను పిలిచి విచారణ చేయాలని కోరారు. దీంతో, కమిషనర్ ఆఫ్ ఎంక్వయిరీస్ సిసోడియా, చేసేది లేక, సీపీఆర్వో శ్రీహరిని విచారణకు రావాల్సిందిగా నోటీస్ ఇచ్చారు. అయితే తాను విచారణకు రాలేను అంటూ, ఆయన బదులు ఇచ్చారు. దీంతో అసలు ఈ ఆరోపణలు తన పై ఎందుకు చేసారు, ఎవరు చెప్తే చేసారు అంటే అంశం పై, అడగాలి అనుకున్న ఏబివికి, అవకాసం లేకుండా పోయింది. అయితే తాను పై నుంచి వచ్చే నోట్, మీడియాకు వదలుతాను కాని, తనకు ఈ విషయం పై వివరాలు ఏమి తెలియదు అని చెప్పినట్టు తెలుస్తుంది. ఇక మరో పక్క, నాలుగో తారిఖు మళ్ళీ విచారణకు ఏబీవీ రానున్నారు. ఈ సమయంలో, సహజంగా, ఇలాంటి విచారణల్లో, రాత పూర్వకంగా సమాధానాలు చెప్తారు. అయితే ఏబీవీ మాత్రం, నేరుగా తనను ప్రశ్నలు అడగవచ్చని, ఎవరికి అనుమానం ఉన్నా, ఏ విషయం పైన అయినా, తాను నేరుగా సమాధానం చెప్తానని, చెప్పినట్టు తెలుస్తుంది. సహజంగా ఆరోపణలు ఎదుర్కుంటున్న వారు, నేరుగా ప్రశ్నలు అడిగేందుకు కాకుండా, న్యాయ సలహా తీసుకుని రత పూర్వకంగా సమాధానాలు ఇస్తారని, అయితే ఏబీవీ మాత్రం, ధైర్యంగా విచారణకు సై అనటం, గమనించాల్సిన అంశం.

గత రెండు రోజులుగా టిటిడిలో పెను మార్పులు జరిగాయి. గత శుక్రవారం, శ్రీవారి ఆలయ ప్రధాన అర్చకులలో ముగ్గురు, జగన్ మోహన్ రెడ్డిని కలిసి, వంశపారంపర హక్కులు పునరుద్దిస్తూ, తమ పిల్లలకు కూడా టిటిడిలో ఉద్యోగాలు ఇవ్వాలని, జగన్ ని కలిసి వేడుకున్నారు. దీంతో వారి పిల్లలను కూడా టిటిడిలో చేర్చుకోవాలని ఆదేశాలు ఇచ్చారు. దీంతో జగన్ మోహన్ రెడ్డి, కీర్తిస్తూ, ప్రధాన అర్చకులు జగన్ ని ఆకాశానికి ఎత్తారు. అయితే, గత రెండేళ్ళ నుంచి, పదవీ విరమణ చేసిన తాను, తిరుమలలో రీఎంట్రీ ఇవ్వటానికి ప్రయత్నం చేస్తున్న రమణ దీక్షితులకు, ఈ పరిణామం ఆగ్రహం తెప్పించింది. దీంతో గతంలో తనకు ఇచ్చిన హామీ ఏమైంది అంటూ, వైసీపీ నాయకులతో తాడో పేడో తేల్చుకోవటానికి, సంప్రదింపులు జరిపారు. ఈ నేపధ్యంలోనే, ముందుగా ప్రధాన అర్చకుల పిల్లలకు, టిటిడిలో చోటు దక్కుతుంది అని అందరూ అనుకున్న వేళ, తిరుమలలో గత రెండు రోజులుగా కీలక పరిణామాలు జరిగాయి. గతంలో హైకోర్టు ఇచ్చిన తీర్పుని, ఇప్పుడు ఇంప్లిమెంట్ చేయాలని భావించిన టిటిడి, నిన్న రాత్రి ప్రొసీడింగ్స్ ఇచ్చింది. గతంలో 65 ఏళ్ళు దాటిన వారిని తొలగించిన వారిని, మళ్ళీ ఆ పదవిలోనే తిరిగి నియమిస్తూ, ఉత్తర్వులు ఇచ్చింది. దీంతో గతంలో పదవి నుంచి తొలగించిన రమణ దీక్షితులు, మళ్ళీ ప్రధాన అర్చకుడిగా ఎంట్రీ ఇవ్వనున్నారు.

రెండేళ్ళ నుంచి, తనను పక్కన పెట్టినా, ఎట్టకేలకు సాధించారు. అయితే ఈ ఉత్తర్వులతో, ఇప్పుడు తిరుమలలో కొత్త డౌట్ వస్తుంది. ఇప్పుడు మళ్ళీ ముగ్గురు కొత్తా ప్రధాన అర్చకులుగా రానున్నారు. దీంతో, ఇప్పటికే ప్రధాన అర్చకులుగా ఉన్న వారి పరిస్థితి ఏమిటి ? వారు ప్రధాన అర్చకులుగా ఉంటారా ? రమణ దీక్షితులు ఆధిపత్యం తట్టుకుంటారా అనే చర్చ జరుగుతుంది. అయితే దీని పై ఇప్పుడున్న ప్రధాన అర్చకులు ఎలా స్పందిస్తారు అనే దాని పై చర్చ జరుగుతుంది. ఇక మరో పక్క శ్రీవారి సేవల పై అనేక ఆరోపణలు చేసి, చివరకు శ్రీవారికి సరిగ్గా సేవలు చేయటం లేదు, శ్రీవారి హుండీలో డబ్బులు కూడా వేయొద్దు అని రచ్చ రచ్చ చేసి, రాజకీయాలు చేసి, రాజకీయాల్లో ఒక పావుగా మారిన రమణ దీక్షితులు లాంటి వ్యక్తి, తిరుమల ప్రధాన అర్చకుడిగా వచ్చే అర్హత ఉందా అనే చర్చ కూడా జరుగుతుంది. లేని పింక్ డైమెండ్ పోయిందని, అబద్దాలు చెప్పిన ఈయన, శ్రీవారి ప్రధాన అర్చకుడా, అని వివిధ రాజకీయ పక్షాలు కూడా ఆరోపిస్తున్నాయి.