news

జగన్మోహన్ రెడ్డి తన స్వార్థప్రయోజనాలకోసం రాష్ట్రప్రయోజనాల ను ఎలా తాకట్టుపెట్టారో, రాష్ట్రాన్ని నిలువునా ఎలా ముంచేశారో కేంద్రంప్రకటించిన బడ్జెట్ తోనే తేటతెల్లమైందని, ఆయన ప్రతిపక్షంలో ఉన్నప్పుడు చేసిన ప్రజామోసపూరితయాత్ర లో 25 మంది ఎంపీల ను ఇస్తే ప్రత్యేకహోదా తెస్తానని చెప్పి, అధికారంలోకి వచ్చాక సార్ ప్లీజ్... సార్ ప్లీజ్ అని అడుక్కోవడం తప్ప వేరేమార్గంలేదని చెప్పడం, అడుగుతూనే ఉందామనడం జగన్మోహన్ రెడ్డి రాష్ట్రానికి చేసిన వంచనకాదా అని తెలుగుమహిళ రాష్ట్రవిభాగం అధ్యక్షు రాలు శ్రీమతి వంగలపూడి అనిత నిలదీశారు. బుధవారం ఆమె తననివాసం నుంచి జూమ్ యాప్ ద్వారా విలేకరులతో మాట్లాడారు. ప్రతిపక్షంలో ఉన్నప్పుడు ఒకలా, అధికారంలోకి వచ్చాక మరోలా వ్యవహరిస్తూ, జగన్ యువతను, విద్యార్థులను దారుణంగా మోసగించాడన్నారు. ప్రత్యేకహోదా తెస్తానంటూ గతంలో ఊదరగొట్టి న జగన్, పలువేదికల్లో మాట్లాడుతూ పెయిడ్ ఆర్టిస్ట్ లతో ఆనాడు ముఖ్యమంత్రిగా ఉన్న చంద్రబాబునాయుడిని వారితో దారుణంగా దూషింపచేశాడన్నారు. ఆనాడు జగనన్న జగనన్నా ప్రత్యేకహోదా రావాలన్న పెయిడ్ విద్యార్థులంతా నేడు జగన్ చేసిన మోసంపై ఎందుకు మాట్లాడట లేదని అనితప్రశ్నించారు. ఆనాడు జగన్ ను పొగిడి, చంద్రబాబుని తిట్టినవారంతా నేడు వాలంటీర్ల ఉద్యోగాలు వెలగబెడుతూ నోరుతెరవలేని దుస్థితిలో ఉన్నారేమోనని ఆమె ఎద్దేవాచేశారు. రాష్ట్రానికి ఆర్థికలోటుతోపాటు, పోలవరం, వెనుకబ డిన జిల్లాలకు నిధులు, రైల్వేజోన్, పోర్టులు, మెట్రోరైల్ ప్రాజెక్టులు, విద్యాసంస్థలు, పరిశ్రమలకు రాయితీలు ఏవీ ప్రకటించకుండా నేడు కేంద్రం రాష్ట్రాన్ని అనాథగా వదిలేయడానికి జగన్మోహన్ రెడ్డి చేతగా నితనం కారణం కాదాఅని అనిత మండిపడ్డారు.

జగన్ ఢిల్లీ వెళ్లిన ప్రతిసారీ ఈ పెద్దమనిషి ప్రత్యేకహోదా కోసం వెళుతున్నాడని భావిం చినవారందరికీ ఇప్పటికీ వాస్తవం బోధపడిందన్నారు. జగన్ ఢిల్లీ వెళ్లడం, అమిత్ షాను, ఇతరకేంద్రమంత్రులను కలవడం, శాలువాలుకప్పి, బొకేలుఇచ్చి కేసులనుంచి బయటపడేయమని వారికాళ్లపై పడటం తప్ప, రాష్ట్రానికి రూపాయికూడా తీసుకొచ్చింది లేదన్నారు. ఏనాడూ రాష్ట్రప్రయోజనాలగురించి, జగన్ ఒక్క మాట కూడా కేంద్రంతో మాట్లాడిందిలేదని, అలా మాట్లాడాడని ఆయన గుండెలమీద చేయివేసుకొని చెప్పగలడా అని అనిత ప్రశ్నించారు. ప్రత్యేకవిమానాల్లో ప్రజలసొమ్ముని దుబారా చేస్తూ ఢిల్లీ వెళ్లిన జగన్ కేవలం బిల్డప్ ల కోసం, తనకేసులమాఫీకి మాత్రమే కేంద్రపెద్దల చుట్టూ తిరిగాడన్నారు. తనపై ఉన్న కేసులను మాఫీ చేయించుకో వడానికే జగన్ అమిత్ షా, మోదీల ముందు మెడలు వంచాడన్నా రు. జగన్ తీరు ఆ విధంగా ఉంటే, అధికారపార్టీకి చెందిన 28మంది ఎంపీలు, ప్రత్యేకహోదా గురించి ఒక్కరోజైనా ఎందుకు మాట్లాడలేద న్నారు. గతంలో ప్రత్యేకహోదా కోసం నల్లరిబ్బన్లు కట్టుకున్నవారం తానేడు ఏమైపోయారన్నారు. పోలవరానికి నిధులు తీసుకొస్తాము. ... ప్రాజెక్టుని అప్పుడు పూర్తిచేస్తాం..ఇప్పుడుపూర్తిచేస్తాం అని చెప్పకునే ఇరిగేషన్ మంత్రి ఢిల్లీవెళ్లి, నిధులు ఎందుకు తేలేకపోయాడని అనిత నిగ్గదీశారు. ఇటువంటి వారంతా రాష్ట్రాన్ని నడిపిస్తాము..ఉద్ధరిస్తామని చెబితే, ఇంకాప్రజలునమ్మాలా అన్నా రు.

కేంద్రంనుంచి నిధులు తేలేని అసమర్థులు, రాష్ట్రప్రజలపై పన్ను లభారం వేస్తూ, వారిని పీల్చిపిప్పిచేస్తున్నారు. ప్రధాని మోదీ వెనకాలకూర్చున్నానని చెప్పుకునే మహానుభావుడు, టీవీల్లో కనిపించడం కోసమే వెనకాల కూర్చున్నాడని అర్థమైపోయిందన్నా రు. ప్రత్యేకహోదా తీసుకురాలేకపోతే తక్షణమే చంద్రబాబు తన పద వికి రాజీనామాచేయాలని డిమాండ్ చేసిన, ప్రబుధ్దులు నేడు ప్రత్యే కహోదాకోసం ఎందుకు రాజీనామాలు చేయడం లేదన్నారు. తెలుగు రాష్ట్రాలప్రయోజనాలకోసం, ప్రతితెలుగువాడి ప్రయోజనం కోసం టీడీపీ వ్యవస్థాపక అధ్యక్షుడు స్వర్గీయ ఎన్టీఆర్, ప్రస్తుత పార్టీ అధ్యక్షుడు చంద్రబాబునాయుడు అనునిత్యం పనిచేస్తూనే ఉన్నార న్నారు. అచ్చెన్నాయుడు ఏం నేరంచేశాడని ఆయనపై ఈ చేతగాని ప్రభుత్వం కేసుల పెట్టిందన్నారు. తనబంధువైన వ్యక్తితో అచ్చెన్నా యుడు మాట్లాడిన మాటల్లో ఎక్కడా అతన్ని బెదిరించినట్లులేదని, అయినాకూడాప్రభుత్వం తన వైఫల్యాలను కప్పిపుచ్చుకోవడాని కే ఆయనపై తప్పుడుకేసులుపెట్టి అరెస్ట్ చేసిందన్నారు. పట్టాభిగారు ప్రభుత్వ వైఫల్యాలను ఎప్పటినుంచో ఎండగడుతూనే ఉన్నారని, జగన్మోహన్ రెడ్డి తాలూకా అవినీతిని,పాలనా వైఫల్యా లను ఆధారాలతో సహా, కూలకషంగా ప్రజలకు అర్థమయ్యేలా చెబుతున్నాడనే ఆయనపై దాడిచేయించారని అనిత స్పష్టంచేశారు .

ఎన్నికల కమీషనర్ నిమ్మగడ్డ రమేష్ కుమార్ ని టార్గెట్ చేసిన జగన్ ప్రభుత్వం, ఆయన పై ప్రివిలేజ్ నోటీస్ ఇచ్చిన సంగతి తెలిసిందే. ఈ రోజు ఈ నోటీస్ పై ఆన్లైన్ లో ప్రివిలేజ్ కమిటీ సమావేశం జరిగింది. ఈ సందర్భంగా, మహారాష్ట్ర ఎన్నికల కమీషనర్ తరహాలో, నిమ్మగడ్డ పై కూడా చర్య తీసుకోవాలని వైసీపీ తరుపు సభ్యులు ప్రతిపాదించారు. అయితే దీని పై టిడిపి తరుపున అనగాని సత్యప్రసాద్ ఈ చర్యను తీవ్రంగా వ్యతిరేకంచారు. దీంతో ఈ రచ్చ జరగటంతో, సమావేశం ఈ రోజుకి, ఏ నిర్ణయం తీసుకోకుండా ముగిసింది. ప్రివిలేజ్ కమిటీ తీరుపై అనగాని సత్యప్రసాద్ అసహనం వ్యక్తం చేసారు. ప్రివిలేజ్ కమిటీని కూడా వైసీపీ ప్రభుత్వం తన నియంతృత్వ విధానాలకు వాడుకుంటోంది. రాష్ట్ర ఎన్నికల కమిషనర్ నిమ్మగడ్డ రమేష్ కుమార్ కు వ్యతిరకంగా మంత్రులు పెద్దిరెడ్డి రామచంద్రారెడ్డి, బొత్స సత్యానారాయణ ప్రివిలేజ్ కమిటీకి ఫిర్యాదు చేసిందే తడవుగా.. విచారణకు రావలని పిలవడం ఆశ్చర్యం కలిగిస్తోంది. ప్రివిలేజ్ కమిటీ సమావేశానికి హాజరైన టీడీపీ సభ్యులు అనగాని సత్యప్రసాద్ సమావేశం నిర్వహణ తీరుపై అసహనం వ్యక్తం చేశారు. రాజ్యాంగ బద్దమైన పదవిలో ఉన్న నిమ్మగడ్డ రమేష్ కుమార్ ను ఉద్దేశించి తీవ్రమైన పదజాలం వాడిన మంత్రులపై చర్యలు తీసుకోకుండా.. ఎన్నికల కమిషనర్ పై చర్యలు అంటూ మాట్లాడడం రాజ్యాంగ ఉల్లంఘనే అవుతుంది. అసలు ఎన్నికల కమిషనర్ కు ప్రివిలేజ్ నోటీసులు ఇవ్వడం బ్లాక్ మెయిల్ చేసేలా ఉన్నాయని అభిప్రాయపడ్డారు.

గతంలో తెలుగుదేశం పార్టీ నుండి వైసీపీలోకి వెళ్లిన ఎమ్మెల్సీ శివనాధరెడ్డిపై ఫిర్యాదు చేసిన సందర్భంలో.. గవర్నర్ నియమించిన తనపై సభా హక్కుల చట్టం కింద చర్యలు ఎలా తీసుకుంటారని వైసీపీ నేతలు ప్రశ్నించారు. అదే వైసీపీ నేతలకు.. ఎన్నికల కమిషనర్ ను కూడా నియమించింది గవర్నర్ అనే విషయం ఎలా మరిచిపోయారు.? తాము ఏం మాట్లాడినా తప్పులేదు.. కానీ.. తమను ఎదురించి మాత్రం ఎవరూ మాట్లాడకూడదు అనేలా మంత్రులు వ్యవహరించడం, రాజ్యాంగానికి అనుగుణంగా పని చేయాల్సిన స్పీకర్ ముఖ్యమంత్రి ఆదేశాల మేరకు పని చేయడం ఎంత మాత్రమూ రాజ్యాంగ బద్దం కాదు. గతంలో తెలుగుదేశం పార్టీ నేతలు ఎన్నోసార్లు ప్రివిలేజ్ నోటీసులు ఇచ్చినా స్పందించని స్పీకర్ తమ్మినేని సీతారాం.. ముఖ్యమంత్రి, మంత్రులు చేసిన ఫిర్యాదులపై మాత్రం ఆఘమేఘాలపై స్పందించడం విస్మయం కలిగిస్తోంది. ప్రివిలేజ్ కమిటీనే నవ్వుల పాలు చేసేలా ప్రభుత్వం వ్యవహరించడం ఎంత మాత్రమూ సరికాదని గుర్తుంచుకోవాలి అని అనగాని సత్యప్రసాద్ అన్నారు.

ఆంధ్రప్రదేశ్ రాష్ట్ర ఎన్నికల కమీషనర్ నిమ్మగడ్డ రమేష్ కుమార్ చర్యలతో, వైసీపీ పార్టీ ఉక్కిరిబిక్కిరి అవుతుంది. రాష్ట్ర ఎన్నికల కమిషన్, రూల్స్ ప్రకారం వెళ్తున్నా, వైసీపీ పార్టీ ఇబ్బందులు పడుతుంది. ఇప్పటికే నిమ్మగడ్డ రమేష్ కుమార్ పై, ప్రతి రోజు ఎదురు దా-డి చేస్తూనే ఉన్నారు. అయితే నిమ్మగడ్డ మాత్రం తన పని తాను, రాజ్యాంగం ప్రకారం, రూల్స్ ప్రకారం చేస్తూనే ఉన్నారు. వైసీపీ వాళ్ళకు నిమ్మగడ్డ పై లీగల్ గా వెళ్ళటానికి ఒక్క పాయింట్ కూడా దొరకలేదు. చివరకు తనను మంత్రులు తిట్టారని, గవర్నర్ కు నిమ్మగడ్డ లేఖ రాస్తే, అది తమ హక్కులకు భంగం అంటూ, ప్రివిలేజ్ కమిటీకి ఫిర్యాదు చేసి, తద్వారా నిమ్మగడ్డ పై కక్ష తీర్చుకునే ధోరణిలో ఉన్నారు. అయితే ఇదంతా ఒక ఎట్టు అయితే, గతంలో పెద్ద ఎత్తున వచ్చిన ఏకాగ్రీవాలు ఇప్పుడు రాలేదు. అధికార పార్టీ నేతలు ఎన్ని బెదిరింపులకు పాల్పడ్డా, ప్రజల్లో వచ్చిన చైతన్యం, ఎలక్షన్ కమిషన్ చర్యలతో అవి కూడా ఆగిపోయాయి. చాలా తక్కువ ఏకాగ్రీవాలు నమోదు అయ్యాయి. ఇవన్నీ వైసీపీ పార్టీకి ఇబ్బందిగా మారాయి. వీటితోనే ఇబ్బందులు పడుతుంటే, ఇప్పుడు మరో ఇబ్బంది వైసీపీ పార్టీకి వచ్చి పడింది. అదే ఎన్నికల కమిషన్ విడుదల చేస్తున్న "ఈ-వాచ్" అనే యాప్. ఈ రోజు ఎన్నికల కమిషన్ ఈ -వాచ్ అనే యాప్ ప్రారంభం చేయనున్నారు.

ఈ యాప్, ప్రజలకు, ఎలక్షన్ కమిషన్ కు అనుసంధానంగా ఉంటుంది. ఎన్నికల వేళ ప్రజలు ఎదురు అయ్యే ఇబ్బందులు, అభ్యర్ధులకు వచ్చే బెదిరింపులు, ఇలా ఒకటి ఏమిటి, ఎన్నికలకు సమంధించి అన్నీ, ఎలక్షన్ కమిషన్ కు నేరుగా ఫిర్యాదు చేయవచ్చు. అయితే ఈ యాప్ పై వైసీపీ ఎందుకో కంగారు పడుతుంది. ఏ రాజకీయ పార్టీ అయినా, ఇలాంటివి స్వాగిస్తుంది. వైసీపీ మాత్రం కంగారు పడుతుంది. ఈ యాప్ ని ఎలా అడ్డుకోవాలో తెలియక, యదావిధిగా, ఈ యాప్ తెలుగుదేశం పార్టీ తాయారు చేస్తుంది అంటూ పాత పాట పడుతూ ఎదురు దాడి చేస్తుంది. చంద్రబాబు, నిమ్మగడ్డ కలిసి ఈ యాప్ తయారు చేస్తున్నారు అంటూ వైసీపీ ఎదురు దాడి చేస్తుంది. అయితే, ఇంత సిల్లీ వాదన అధికార పార్టీ చేయటం ఏమిటో ఎవరికీ అర్ధం కావటం లేదు. ఇలాంటి యాప్ లో అనేక రాష్ట్రాల్లో ఉన్నాయి. ఎలక్షన్ కమిషన్ లాంటి సంస్థ, ఒక రాజకీయ పార్టీ దగ్గర యాప్ తయారు చేపిస్తుందా ? చేపిస్తే, ప్రభుత్వం వద్ద ఉన్న వ్యవస్థతో ఆధారాలు చూపించటం ఎంత సేపు ? ఆధారాలు చూపించకుండా, ఇలా ఎందుకు ఎదురు దాడి చేస్తున్నారు ? ప్రజలు, అభ్యర్ధులు దౌర్జన్యాల పై ఫిర్యాదు చేస్తారు, ఇందులో ఏముంది, వైసీపీ కంగారు పడటానికి ?