news

Case Update : 2018 మార్చి నాటి వైసీపీ, టీడీపీ శ్రేణుల ఘర్షణ కేసులో బీటెక్. లింగాల మహిళ కేసుతో బీటెక్ రవి అరెస్టుకు సంబంధం లేదు  : కడప ఎస్పీ అన్బురాజన్

తెలుగుదేశం పార్టీ ఎమ్మెల్సీ బీటెక్ రవిని కొద్ది సేపటి క్రితం, చెన్నై లో, ఏపి పోలీసులు అదుపులోకి తీసుకున్నారు. అయితే దీని పై వివరాలు తెలుసుకుని, తెలుగుదేశం నేతలు కూడా షాక్ అయ్యారు. కక్ష సాధింపు చర్యలకు ఇది పరాకాష్ట అని తెలుగుదేశం నేతలు ఆరోపిస్తున్నారు. పదిహేను రోజుల క్రితం, నాగమ్మ అనే మహిళ మృ-తి కి నిరసనగా తెలుగుదేశం పార్టీ చలో పులివెందుల కార్యక్రమానికి పిలుపు ఇచ్చిన సంగతి తెలిసిందే. ఈ కార్యక్రమంలో పాల్గునేందుకు, బీటెక్ రవితో పటు, రాష్ట్ర తెలుగు మహిళా అధ్యక్షురాలు వంగలపూడి అనిత, తెలుగుదేశం ఎస్సీ సెల్ అధ్యక్షుడు ఎంఎస్ రాజుతో పాటు, మొత్తం తెలుగుదేశం నాయకులు చాలా మంది పులివెందులకు వెళ్లారు. అయితే ఈ నేపధ్యంలో, ఓ మహిళ తన కుటుంబ పరువుకు భంగం కలిగించారని పోలీసులకు ఫిర్యాదు చేసింది. దీంతో వీరందరి పై కూడా ఎస్సీ, ఎస్టీ కేసు నమోదు చేసారు. అయితే ఆ కేసు ఆధారంగా, వీరి అందరినీ పట్టుకునే పనిలో పడిన పోలీసులు, బీటెక్ రవి నిన్న బెంగుళూరులో ఉన్నారని నిన్న అక్కడకు వెళ్ళగా, ఆయన చెన్నై వెళ్ళారని తెలుసుకుని, ఈ రోజు చెన్నై వెళ్లి మరీ ఆయన్ను అరెస్ట్ చేసారు. ఆయన కదలికల పై నిఘా పెట్టి, మరీ వేరే రాష్ట్రంలో అరెస్ట్ చేసారు. ఈ రోజు ఆయన్ను కడప జిల్లా కోర్టుకు తరలించనున్నారు. బీటెక్ రవితో పాటుగా, మిగతా అందరి నాయకులుని కూడా అరెస్ట్ చేసే పనిలో పోలీసులు ఉన్నట్టు తెలుస్తుంది. వీళ్ళందరినీ కూడా ఈ రోజు, రేపటిలో అదుపులోకి తీసుకుంటారని తెలుస్తుంది.

అయితే ఈ సంఘటన పై తెలుగుదేశం పార్టీ సీరియస్ అయ్యింది. తెలుగుదేశం పార్టీ జాతీయ ప్రధాన కార్యదర్శి నారా లోకేష్ మండిపడ్డారు. మహిళకు న్యాయం చేయాలని, చలో పులివెందుల నిర్వహిస్తే, ఎస్సీ, ఎస్టీ కేసులు పెడుతూ, అక్రమ కేసులను 20 మంది నేతల పై మోపారని లోకేష్ అన్నారు. పులివెందుల కార్యక్రమంలో పాల్గుని, మహిళను కాపాడమని వేడుకుంటే, టిడిపి ఎమ్మెల్సీ బీటెక్ రవిని అరెస్ట్ చేయటాన్ని ఖండిస్తూ, దీని పై తాము న్యాయ పోరాటం చేస్తామని అన్నారు. పోలీసులకు, జగన్ రెడ్డికి, తెలుగుదేశం నాయకుల పై అక్రమ కేసులు పై ఉన్న శ్రద్ధ, మహిళల రక్షణ పై లేకపోవటం బాధాకరం అని అన్నారు. అయితే దీని పై స్పందించిన తెలుగుదేశం పార్టీ లీగల్ టీంను అలెర్ట్ చేసింది. ఆయన్ను కోర్టులో హాజరు పరిచిన వెంటనే, బెయిల్ పిటీషన్ మూవ్ చేయాలనీ ఆదేశించింది. అయితే తెలుగుదేశం పార్టీ ఈ చర్య పై ఆశ్చర్యం వ్యక్తం చేస్తుంది. ఒక ప్రజాప్రతినిధి పై అక్రమ కేసులు పెట్టి, అదేదో పెద్ద నేరం అయినట్టు, వేరే రాష్ట్రం వెళ్లి మరీ అరెస్ట్ చేయటం ఏమిటి అని, జగన్ కక్షసాధింపు పాలనకు ఇది ఒక ఉదాహరణ అని తెలుగుదేశం ఆరోపిస్తుంది.

జగన్ మోహన్ రెడ్డి సారధ్యంలో, ఆంధ్రప్రదేశ్ రాష్ట్ర ప్రభుత్వం చేస్తున్న అప్పు, ప్రతి నెలకు ఒక రికార్డు కొడుతుంది. గతంలో చంద్రబాబు హయాంలో, 5 ఎల్లో లక్షా 25 వేల కోట్లు అప్పు చేస్తే, నానా గగ్గోలు పెట్టి, నానా హంగామా చేసి, చంద్రబాబు రాష్ట్రాన్ని తాకట్టు పెట్టారు, చంద్రబాబు రాష్ట్రాన్ని అప్పుల పాలు చేసారు అంటూ, అప్పటి ప్రతిపక్షం వైఎస్ఆర్ కాంగ్రెస్ పార్టీ చేసిన హంగామా అంతా ఇంతా కాదు. అయితే అప్పట్లో చంద్రబాబు తెచ్చిన అప్పు, అభివృద్ధి రూపంలో కళ్ళకు కన్పించింది. అమరావతి, పోలవరం, ఇరిగేషన్ ప్రాజెక్ట్ లు, పంచాయతీల్లో రోడ్డులు, ఇలా అనేక అభివృద్ధి కార్యక్రమాలు కళ్ళకు కనిపించాయి. అలాగే రుణమాఫీ, పసుపు కుంకుమ లాంటివి లేక్కేస్తేనే, సంక్షేమానికి ఈ రెండు పధకాల్లోనే 35 వేల కోట్ల రూపాయలు కనిపిస్తున్నాయి. అయితే ఇప్పటి జగన్ మోహన్ రెడ్డి ప్రభుత్వం, గతంలో చంద్రబాబు పై చేసిన విమర్శలకు పూర్తి వ్యతిరేకంగా పని చేస్తుంది. గతంలో ఏది అయితే తప్పు అన్నారో, అంతకు పదింతలు తప్పు చేస్తున్నారు. గతంలో అభివృద్ధి కళ్ళకు కనిపించింది, నేడు కనీసం రోడ్డుకు పడిన గుంతలు కూడా పుడ్చేవారు లేరు. ఒక్క కొత్త ప్రాజెక్ట్ లేదు, ఒక్క కొత్త రోడ్డు లేదు, ఏమి లేదు. అయితే సంక్షేమానికి ఖర్చు చేస్తున్నాం అని ప్రభుత్వం చెప్తుంది. సంక్షేమం కావాల్సిందే, అయితే ఆదాయం పెంచే మార్గం చూడకుండా, అప్పులతో ఎంత వరకు సంక్షేమం చేయగలం ?

ఇక అసలు విషయానికి వస్తే, నవంబర్ నెల వరకు రాష్ట్ర ప్రభుత్వం చేసిన అప్పుల లెక్క బయటకు వచ్చింది. కాగ్ ప్రతి నెల విడుదల చేసే లెక్కలు, నవంబర్ వరకు వచ్చాయి. అయితే నవంబర్ నెలలో ప్రభుత్వం ఏకంగా 13 వేల కోట్లు అప్పు చేసింది. మరి నవంబర్ నెలలో అంత పెద్ద కార్యక్రమం ఏమి చేసారో ప్రభుత్వానికి తెలియాలి. ఈ ఆర్ధిక సంవత్సరం, నవంబర్ వరకు, ప్రభుత్వం చేసిన అప్పు దాదపుగా 74 వేల కోట్లు వరకు వెళ్ళింది. గత ఏడాది 45 వేల కోట్లకు పైగా అప్పు ఉంది. అంటే జగన్ మోహన్ రెడ్డి ప్రభుత్వం వచ్చిన తరువాత, ఇప్పటి వరకు చేసిన అప్పు, లక్ష కోట్లు దాటిపోయింది. చంద్రబాబు 5 ఏళ్ళలో చేసింది, జగన్ ఏడాదిన్నరలోనే చేసారు. ఇక ఇప్పటి వరకు ఏపి అప్పు మొత్తం లెక్కిస్తే, ఏపిలో ఉన్న ప్రతి ఒక్కరి తల పై, రూ.70 వేలకు చేరింది. రాష్ట్ర విభజన తరువాత వచ్చిన అప్పు, గత ప్రభుత్వం చేసిన అప్పు, జగన్ మోహన్ రెడ్డి ప్రభుత్వం ఇప్పటి వరకు చేసిన అప్పుతో ఇంత వరకు వచ్చింది. ఇక కేవలం ఈ ఆర్ధిక ఏడాది లెక్కలు లెక్కిస్తే, ఈ ఎనిమిది నెలల్లోనే, జగన్ మోహన్ రెడ్డి ప్రభుత్వం తెచ్చిన అప్పుతో, ఒక్కో తల పై రూ.13వేలకు పైగా భారం పడింది. ఇది మన రాష్ట్ర ఆర్ధిక పరిస్థితి.

ఆయన మొన్నటి వరకు జగన్ మోహన్ రెడ్డి పేషీలో పని చేసిన కీలక అధికారి. విద్యా, వైద్య రంగాలకు కీలక సలహాదారుగా ఉన్నారు. జగన్ మోహన్ రెడ్డికి అత్యంత సన్నిహితుడు అని పేరు. అందుకే ఆయన్ను ఏకంగా సియం పేషీలో కూర్చో బెట్టారు. ఆయనే పీవీ రమేష్, ఐఏఎస్. చంద్రబాబు హయాంలో కీలకమైన శాఖలు చూసుకునే వారు. చంద్రబాబు కూడా ఆయనకు అధిక ప్రాధాన్యం ఇచ్చి, మంచి పోస్ట్ లో పెట్టారు. తరువాత ఆయన రిటైర్డ్ అయ్యారు. అయితే ఆయన రిటైర్డ్ అయినా సరే, జగన్ మోహన్ రెడ్డి తెచ్చుకుని, తన పేషీలో పెట్టుకున్నారు అంటే, ఆయన ఎంత ముఖ్యమో అర్ధం చేసుకోవచ్చు. అయితే ఏమైందో ఏమో కానీ, ఉన్నట్టు ఉండి చీఫ్ మినిస్టర్ ఆఫీస్ లో ప్రక్షాళన పేరుతో పీవీ రమేష్ ను బాధ్యతల నుంచి తప్పించారు. అదే సందర్భంలో అజయ్ కల్లం రెడ్డిని మాత్రం ఉంచారు. అయితే మరేదైనా పదవి ఇస్తారేమో అని చాలా కాలం పీవీ రమేష్ ఎదురు చూసి చూసి, చివరకు జగన్ కు గుడ్ బయ్ చెప్పారు. పీవీ రమేష్ ను తప్పించటం పై రకరకాల కధనాలు మీడియాలో ప్రసారం అయ్యాయి. ఆయన వేసే ట్వీట్లు కూడా, ప్రభుత్వాన్ని, జగన్ ను టార్గెట్ చేసే విధంగా ఉంటూ వచ్చాయి. అయితే ఆయన ఏ రోజు కూడా, డైరెక్ట్ గా ఏమి జరిగిందో చెప్పలేదు.

జగన్ మోహన్ రెడ్డితో గుడ్ బాయ్ చెప్పి వచ్చిన తరువాత కూడా, ఆయన తన వ్యక్తిగత ట్విట్టర్ ఖాతాలో తన అభిప్రాయాలు పంచుకుంటూ ఉంటారు. అయితే తన పదవి పోయిన తరువాత, మొదటి సారి జగన్ మోహన్ రెడ్డిని ఉద్దేశిస్తూ ఆయన ట్వీట్ చేసారు. నూతన సంవత్సర శుభాకాంక్షలు చెప్తూ, ఆంధ్రప్రదేశ్ అభివృద్ధి చెందాలని ఆకాంక్షిస్తూ, చంద్రబాబు నాయుడు, జగన్ మోహన్ రెడ్డి కలిసి పని చేయాలని, రాష్ట్ర హితం కోసం ఇద్దరూ కలిసి పని చేయాలని ట్వీట్ చేసారు. అయితే పీవీ రమేష్ ట్వీట్ పై, పలువురు స్పందించారు. ఒక పక్క జగన్ మోహన్ రెడ్డి తనకు వ్యతిరేకంగా ఉండేవారిని అందరినీ శత్రువులుగా చూస్తుంటే, ప్రధాన ప్రత్యర్ధి అయిన చంద్రబాబుతో సఖ్యత అనేది ఎలా ఉంటుందని అన్నారు. మరి కొందరు అయితే, పీవీ రమేష్ లాంటి సీనియర్ ఐఏఎస్ కూడా జగన్ వద్ద పని చేయలక వచ్చేసారని, అలాంటిది చంద్రబాబు ఎలా కలిసి పని చేయగలరని అన్నారు. మొత్తానికి పీవీ రమేష్ గారిది మంచి ఉద్దేశమే అయినా, మన రాష్ట్రంలో అధికార వైసీపీ పోకడలు చూసిన తరువాత కూడా ఆయన ఇలా ఎలా అన్నారో మరి ? బహుసా జగన్ కు డైరెక్ట్ గా చెప్పలేక, చంద్రబాబుని కూడా కలిపి చెప్పి ఉంటారు.