news

పోలవరం ప్రాజెక్ట్ అనేది రాష్ట్రానికి జీవనాడి. ఆంధ్రప్రదేశ్ రాష్ట్రం విడిపోయిన సందర్భంలో, మనకు ఏదైనా వచ్చిన మంచి ఏదైనా ఉంది అంటే, అది పోలవరం ప్రాజెక్ట్ ని జాతీయ ప్రాజెక్ట్ గా ప్రకటించటం. 2014 వరకు 3 శాతం పనులు అయితే, చంద్రబాబు 2014 నుంచి 2019 వరకు ఆ పనులను 72 శాతానికి తీసుకుని వెళ్లారు. గత 18 నెలలుగా గట్టిగా 2 శాతం పని కూడా జరగలేదు. ఇది ఇలా ఉంటే చంద్రబాబు హయాంలోనే, పోలవరం ప్రాజెక్ట్ అంచనాలను కేంద్రం రూ.55,548.87 కోట్ల అంచనాకు ఆమోదించింది. కేంద్ర జలశక్తి శాఖలోని టెక్నికల్ అడ్వైజరీ కమిటీ, సిడబ్ల్యుసీ అప్పట్లోనే ఈ అంచనాలు ఆమోదించాయి. అయితే తరువాత ప్రభుత్వం మారటంతో, కేంద్రం పోలవరం విషయంలో తప్పించుకునే ప్రయత్నం చేసింది. చంద్రబాబు హయాంలో ఆమోదించిన రూ.55,548.87 కోట్లు కాకుండా, కేవలం రూ.20 వేల కోట్లు ఇస్తే సరిపోతుందని, రాష్ట్రానికి ఒక లేఖ రాసింది. దీని పై కేంద్రంతో పోరాడి, మోడీ మెడలు విరిచి, పోలవరం అంచనాలు రూ.55,548.87 కోట్లకు ఆమోదించుకుని రావాల్సిన రాష్ట్ర ప్రభుత్వం, తమ చేతకాని తనాన్ని చంద్రబాబు మీద రుద్దే ప్రయత్నం చేసింది. గతంలో చంద్రబాబు ప్యాకేజికి ఒప్పుకోవటంతోనే, కేవలం 2013-14 రేట్లు ప్రకరామే కేంద్రం ఇస్తాను అంటుందని, అప్పట్లో క్యాబినెట్ సమావేశంలో కూడా ఇదే ఒప్పుకున్నారు అంటూ, ఇదంతా చంద్రబాబు తప్పు అంటూ చెప్పుకొచ్చింది వైసిపీ.

అయితే 2019లో ఆమోదించారు కదా , ఎప్పుడో 2017లోది ఎందుకు ? 2019 ఆమోదించిన దాని గురించి చెప్పండి అంటే మాత్రం, మాట్లాడటం లేదు. ఇలా తమ చేతకాని తనాన్ని, చంద్రబాబు మీద వేసే ప్రయత్నం చేసింది వైసీపీ. అయితే అబద్ధం ఏనాటికైనా బయట పడుతుంది కాబట్టి, ఈ రోజు అదే బయట పడింది. కేంద్ర జల శక్తి శాఖ ఇచ్చిన 2020 నివేదికలో, పోలవరం ప్రాజెక్ట్ అంచనా వ్యయం 2017-18నాటి ధరల ప్రకారం, రూ.55,548.87 కోట్లుగా గుర్తించింది. అంటే చంద్రబాబు హయాంలో ఆమోదించిన దానికే కేంద్రం ఒప్పుకుంది. అలాగే ఇప్పటి వరకు పోలవరం ప్రాజెక్ట్ కోసం పెట్టిన ఖర్చు రూ.17,327 కోట్లుగా కేంద్రం తేల్చింది. ఇప్పటికైనా వైసీపీ ప్రభుత్వం మేల్కొనాలి. ఇది కేంద్ర ప్రభుత్వం మనకు ఇచ్చిన ఒక పెద్ద ఆయుధం. ఇది చూపించి, మీరు లేఖ రాసినట్టు రూ.20,398.61 కోట్లు కాదు, మాకు రూ.55,548.87 కోట్లు ఇవ్వాల్సిందే అని వెంటనే జగన్ మోహన్ రెడ్డి లేఖ రాయాలి. కేంద్రాన్ని ఇదే సమయంలో ఫిక్స్ చేయాలి. చంద్రబాబుని ఎప్పుడైనా సాధించవచ్చు కానీ, కేంద్రం ఇచ్చిన ఈ అవకాశాన్ని మాత్రం, రాష్ట్ర ప్రభుత్వం వదులుకోకూడదు. చూద్దాం, ప్రభుత్వం ఏమి చేస్తుందో.

జడ్జిల పై వైసీపీ నేతల వివాదాస్పద వ్యాఖ్యలు కొనసాగుతూనే ఉన్నాయి. గతంలో ఇలా ఇష్టం వచ్చినట్టు మాట్లాడిన కొంత మంది వైసీపీ నేతల పై ఇప్పటికే కోర్టు ధిక్కరణ కేసులు కూడా నమోదు అయ్యి, హైకోర్టులో విచారణలో ఉన్నాయి. అయినా కూడా వైసీపీ నేతల తీరు మారలేదు. తాజాగా పూతలపట్టు ఎమ్మెల్యే ఎంఎస్ బాబు, జడ్జిల పై వివాదాస్పద వ్యాఖ్యలు చేసారు. చిత్తూరు జిల్లా బంగారుపాలం మండలంలో, ఒక గ్రామంలో ఇళ్ళ పట్టాల పంపిణీ కార్యక్రమానికి వెళ్లారు. ఈ సందర్భంగా అక్కడ కొంత మందికి ఇళ్ళ పట్టాలు రాలేదు. దీనికి కారణం అక్కడ కొంత మంది ఆ భూమి పై అభ్యంతరం చెప్పటంతో, కోర్టు ఆ భూమి పంపిణీ పై స్టే విధించింది. ఈ నేపధ్యంలో స్థానిక వైసీపీ నాయకుడు, అతని కొడుకు, ఇద్దరూ కలిసి , దాదాపు 40 మంది దగ్గర, ఒక్కొక్కరి నుంచి వేల రూపాయలు వసూలు చేసారు. అయితే అదే వైసీపీ నాయకుడు, కోర్టుకు వెళ్లి స్టే తెచ్చారని తెలుస్తుంది. అయితే నిన్నటి రోజున ఈ విషయం తెలుసుకున్న ప్రజలు తిరగబటడంతో అతన్ని వైసీపీ పార్టీ నుంచి సస్పెండ్ చేసారు. అయితే ఈ సందర్భంలో పూతలపట్టు ఎమ్మెల్యే ఎంఎస్ బాబు, అక్కడ మాట్లాడుతూ జడ్జిల పై అనుచిత వ్యాఖ్యలు చేసారు. ఎవరికీ ఎక్కవు డబ్బులు ఇస్తే వారికి అనుకూలంగా తీర్పులు ఇస్తారా అంటూ సంచలన వ్యాఖ్యలు చేసారు.

మీరు అసలు జడ్జీలేనా అంటూ తీవ్ర పదజాలం ఉపయోగించారు. అంతే కాకుండా పేద వాళ్ళకు మా ప్రభుత్వం ఎంతో చేస్తుంటే, ఇలాంటి వాటి పై స్టే ఇస్తారా, అసలు మీరు పేద కుటుంబాలు గురించి తేలియదా ? వాళ్ళ స్థితి గతులు తెలియవా ? అసలు మీరు జడ్జిలేనా ? చంద్రబాబు ఏమి చెప్తే దానికి అనుకూలంగా తీర్పులు ఇస్తారా అంటూ వివాదాస్పద వ్యాఖ్యలు చేసారు. నిన్నటి రోజు ఆయన చేసిన వ్యాఖ్యలు, ఈ రోజు మీడియాలో వచ్చాయి. అయితే ఇలా కోర్టుల పై, జడ్జిల పై , ఇలాంటి తీవ్ర వ్యాఖ్యలు చేయటం వైసీపీ నేతలకు కొత్త కాదు. గతంలో ఏకంగా జగన మోహన్ రెడ్డి ఇలాగే కోర్టుల పై వ్యాఖ్యలు చేసారు. ఇక విజయసాయి రెడ్డి లాంటి వాళ్ళు, ఎమ్మెల్యేలు, మంత్రులు కూడా, కోర్టులను, న్యాయమూర్తులను తప్పు బడుతూ వాళ్ళని టార్గెట్ చేస్తూ వస్తున్నారు. తాము ఏమి చేసినా, మాకు ఎవరూ అడ్డు పడ కూడదు అనే ధోరణి ఎక్కువ అయిపోతుంది. అయితే జడ్జిలు కానీ, కోర్టులు కానీ, ఉన్న చట్టాలను బట్టి, తమ తీర్పులు ఇస్తాయి కానీ, ఇష్టం వచ్చినట్టు తీర్పులు ఇస్తే పై కోర్టులలో ఆ తీర్పులు నిలవవు కదా ? మరి పదే పదే వైసీపీ నేతలు, ఇలా న్యాయస్థానాలతో ఘర్షణ వాతావరణం ఎందుకు పెంచుకుంటున్నారో అర్ధం కావటం లేదు. కోర్టులు సీరియస్ అయితే, వీళ్ళు ఎమై పోతారు ?

రాష్ట్రంలో వైకాపా నాయకుల అవినీతి, అమానుష చర్యలను ఎదుర్కొని ధైర్యంగా పోరాడుతున్న టిడిపి నాయకులను తెలుగుదేశం పార్టీ అధ్యక్షులు శ్రీ నారా చంద్రబాబు నాయుడు అభినందించారు. ఆయా నాయకులతో ఫోన్ లో మాట్లాడి అభినందనలు తెలిపారు చంద్రబాబు. విశాఖపట్నంలో విజయసాయి రెడ్డి తనపై చేసిన ఆరోపణలపై సాయిబాబా ఆలయంలో సత్య ప్రమాణానికి రావాలని సవాల్ చేసిన ఎమ్మెల్యే వెలగపూడి రామకృష్ణను చంద్రబాబు అభినందించారు. విశాఖలో జె గ్యాంగ్ భూకబ్జాలు, అవినీతి అక్రమ వసూళ్లపై పోరాటం చేస్తున్న టిడిపి నాయకులకు అభినందనలు తెలిపారు. ‘‘ఛలో పులివెందుల’’ కార్యక్రమాన్ని విజయవంతం చేసిన ఎమ్మెల్సీ బిటెక్ రవి, ఎంఎస్ రాజు, తెలుగు మహిళ అధ్యక్షురాలు వంగలపూడి అనిత, లింగారెడ్డి, జిల్లా పార్టీ నాయకులను ప్రశంసించారు. కడప, అనంతపురం జిల్లాలలో దళిత ఆడబిడ్డలపై అఘాయిత్యాలకు వ్యతిరేకంగా ఆందోళనల్లో పాల్గొన్న టిడిపి నాయకులను అభినందించారు. బాధిత కుటుంబాలకు అండగా ఉండి వారిలో మనోధైర్యం పెంచడాన్ని ప్రశంసించారు. పలాసలో సర్దార్ గౌతులచ్చన్న విగ్రహాన్ని కూలగొడ్తామన్న మంత్రి సీదిరి అప్పలరాజు వ్యాఖ్యలను నిరసిస్తూ శ్రీకాకుళం జిల్లాలో ఆందోళనలు జరిపిన మాజీ ఎమ్మెల్యే గౌతు శిరీషకు ఫోన్ చేసి అభినందించారు. బడుగు బలహీన వర్గాల పోరాట యోధుడు గౌతు లచ్చన్నపై మంత్రి అప్పలరాజు వ్యాఖ్యలను నిరసిస్తూ ఆందోళనల్లో పాల్గొన్న ఏపి టిడిపి అధ్యక్షుడు అచ్చెన్నాయుడు, ఎంపి రామ్మోహన్ నాయుడు, ఎమ్మెల్యే బెందాలం అశోక్, కూన రవికుమార్, శ్రీకాకుళం జిల్లా పార్టీ నాయకులను ప్రశంసించారు.

అనపర్తిలో వైసిపి ఎమ్మెల్యే సూర్యనారాయణ రెడ్డి అవినీతిపై ధ్వజమెత్తి రాష్ట్రవ్యాప్తంగా చర్చనీయాంశంగా చేసిన మాజీ ఎమ్మెల్యే నల్లమిల్లి రామకృష్ణారెడ్డిని చంద్రబాబు అభినందించారు. గుడిలో ప్రమాణం చేద్దామన్న రామకృష్ణారెడ్డి సవాల్ ద్వారా అనపర్తి ఎమ్మెల్యే అవినీతిని ప్రజల్లో నిలదీశారని ప్రశంసించారు. మాజీ ఎమ్మెల్యే జెసి ప్రభాకర్ రెడ్డి ఇంటికి వెళ్లి తన అనుచరులతో దౌర్జన్యానికి పురిగొల్పి తాడిపత్రిలో ఉద్రిక్తతలు సృష్టించిన వైసిపి ఎమ్మెల్యే కేతిరెడ్డి పెద్దారెడ్డి దుశ్చర్యలను ప్రజల్లో ఎండగట్టిన జెసి కుటుంబాన్ని, అనంతపురం టిడిపి నాయకులను చంద్రబాబు ప్రశంసించారు. పల్నాడులో వైసిపి దుర్మార్గాలపై ధ్వజమెత్తిన గురజాల మాజీ ఎమ్మెల్యే యరపతినేని శ్రీనివాసరావు, జిల్లా పార్టీ నాయకులను అభినందించారు. ఇదే స్ఫూర్తితో రాష్ట్రవ్యాప్తంగా అన్ని నియోజకవర్గాల్లో టిడిపి నాయకులు, శ్రేణులంతా సంఘటితంగా వైసిపి దుర్మార్గాలపై రాజీలేని పోరాటం చేయాలని, వైసిపి బాధిత ప్రజానీకానికి అండగా ఉండాలని చంద్రబాబు విజ్ఞప్తి చేశారు.