News

నిన్న నంద్యాల, నేడు కాకినాడ ఎన్నిక‌ల్లో ప్ర‌జ‌లు టీడీపీకే జై కొట్టారు. తిరుగులేని విజ‌యాన్ని అందించారు. కాపు రిజ‌ర్వేష‌న్ల‌ కోసం ముద్ర‌గ‌డ‌ ప‌ద్మ‌నాభం చేస్తున్న ఉద్య‌మం ప్ర‌భావం ఎన్నిక‌ల్లో ఎక్క‌డా క‌నిపించ‌లేదు. కాపు కులాన్ని అడ్డం పెట్టుకొని 'నంద్యాల' అసెంబ్లీ, 'కాకినాడ' కార్పోరేషన్ ఎన్నికల్లో తెలుగుదేశం పార్టీని, చంద్రబాబు నాయుడు ను దెబ్బ కొట్టాలని ఎన్నో కుట్రలు చేసినా అవేమి ఫలించలేదు. కాపు రిజ‌ర్వేష‌న్ల ముసుగులో ముద్ర‌గ‌డ రాష్ర్టంలో ప్ర‌భుత్వాన్ని ఢీ కొడుతున్నారు. స‌మ‌యం వ‌చ్చిన‌ప్పుడు కాపులు బుద్ది చెబుతారంటూ హెచ్చ‌రిస్తూ వ‌చ్చారు. ఆయ‌న చెప్పిన‌ట్లే స‌మ‌యం వ‌చ్చింది.

తొలుత నంద్యాల ఉప ఎన్నిక‌లు వ‌చ్చాయి. ఆ ఎన్నిక‌ల్లో టీడీపికి వ్య‌తిరేకంగా బ‌లిజ‌లు ఓటు వేయాల‌ని సంకేతాలు పంపారు. అయినా 36వేల‌మంది బ‌లిజ‌లు ఒకే తాటిపైకి వ‌చ్చారు. టీడీపీ ప‌క్షాన నిలిచారు. కాకినాడ ఎన్నిక‌ల్లో కాపు ఉద్య‌మ ప్ర‌భావం ఉంటుంద‌ని భావించారు. అయితే అది ఎక్క‌డా ప్ర‌తిఫ‌లించ‌లేదు. ప్ర‌భుత్వ వ్య‌తిరేక‌త ఎక్క‌డా క‌నిపించ‌లేదు. మొత్తం 48 డివిజ‌న్ల‌కు గాను 38 చోట్ల టీడీపీ, బీజేపీ కూటమి ప‌క్షానే నిలిచారు.

వాస్త‌వానికి ముద్ర‌గ‌డ ఉద్య‌మం వెనుక వైసీపీ ఉంద‌ని ఎప్ప‌టి నుంచో టీడీపీ ఆరోపిస్తుంది. వైసీపీ కూడా ముద్ర‌గ‌డ ఉద్య‌మం త‌మ‌కు లాభిస్తుంద‌ని ఊహిస్తూ వ‌చ్చింది. అయితే ఆ అంచ‌నాల‌న్నీ త‌ల‌కిందుల‌య్యాయి. నంద్యాల ఉప ఎన్నిక‌లు , కాకినాడ కార్పొరేష‌న్ ఎన్నిక‌లు ఆ పార్టీకి షాక్ ఇచ్చాయి. అక్క‌డ బ‌లిజ‌లు, ఇక్క‌డ కాపులు వైసీపీని ఆద‌రించ‌లేదు. కాకినాడ‌లో అయితే 30 ఏళ్ల త‌ర్వాత టీడీపీకి ప‌ట్టం గ‌ట్టారు.

ఇక ముద్రగడ కాపులకు నాయకుడు కాదు అని కాకినాడ ఎన్నిక రుజువుచేసింది. తొంభై శాతంమంది కాపులు తెలుగుదేశం వెంటే ఉన్నారు అని, ముద్రగడ కేవలం కాగితం పులి మాత్రమే అని ఈ ఎన్నిక చాటింది.

తెలుగుదేశం ప్రభుత్వం గతంలో ఏ ప్రభుత్వాలు చేయని విధంగా ఉప ముఖ్యమంత్రి, పార్టీ అధ్యక్షుడు లాంటి అత్యున్నత పదవులు తమ సామాజికవర్గానికి ఇచ్చి, కాపు కార్పోరేషన్ ఏర్పాటు చేసి కోట్లాది రూపాయాలు కేటాయించి తమ కులం వారి అభ్యున్నతికి పాటుపడుతున్నా, కాపులను బిసిల్లో చేర్చే విషయంలో ఒక కమిషన్ ఏర్పాటు చేసినా ముద్రగడ ఇవేమి పట్టించుకోకుండా కేవలం జగన్ తొత్తుగా మారి కాపులను టిడిపికి, ప్రభుత్వానికి వ్యతిరేకంగా రెచ్చగొట్టటం తన పబ్బం గడుపుకోవటం కోసం జాతి ప్రయోజనాలను తాకట్టు పెట్టటమే అని భావించారు. దీని ఫలితమే నంద్యాల, కాకినాడ ఎన్నికల్లో టిడిపి ఘన విజయం, వైసిపి ఘోర పరాజయం.

నిజానికి జగన్ తో స్నేహం కంటే ముందు ముద్రగడకు కాపు కులంలో మంచి పేరే ఉంది... తుని ట్రైన్ సంఘటన మొదలు, ఇవాల్టి వరకు, ముద్రగడ అడుగడుగునా జగన్ కు ఎలా వంత పాడారో చూసి, సొంత కులం వాళ్ళే ముద్రగడను లైట్ తీసుకున్నారు. మొన్న నంద్యాలలో శిల్పా సోదరులు రాజకీయ జీవితాన్ని నాశనం చేసిన జగన్, ఇవాళ ముద్రగడకు కూడా అదే పరిస్థితి తీసుకు వచ్చారు...

ఇప్పటికైనా ముద్రగడ తన క్షుద్ర రాజకీయాన్ని మానుకుని తన కుటిల రాజకీయ చదరంగంలో కాపులను పావులుగా మార్చకుండా చూడాలని మెజారిటీ కాపులు తమ తీర్పును ఓట్ల రూపంలో తెలియచేశారు. ఈ తీర్పు కాపుల విజయం, ముద్రగడ పరాజయం...

ఇటీవ‌ల కాలంలో వైఎస్ జ‌గ‌న్ ఎక్క‌డ‌కెళ్లినా, ఒక క‌థ చెబుతున్నారు. సినిమాలో విల‌న్ చివ‌రి రీల్ వ‌ర‌కూ పైచేయి సాధిస్తాడు.. హీరో చివ‌రి రీల్‌లో వ‌చ్చి విల‌న్ ఆట క‌ట్టిస్తాడు అని చెప్పిందే చెప్పి రీల్ అర‌గ‌దీసేస్తున్నాడు.

250 కోట్ల డీల్‌తో మాట్లాడుకున్న బీహారి బాబు ప్ర‌శాంత్ కిశోర్ ఇచ్చిన క‌థ ఇద‌ని, అందుకే జ‌గ‌న్ దీన్ని వ‌ద‌ల‌డంలేద‌ని మ‌రో క‌థ‌నం ప్ర‌చారంలో ఉంది.
స‌రే ఇప్పుడు రీల్‌, రియ‌ల్ విల‌న్ ఎవ‌రో తేలిపోయింది.

2019కి సెమీఫైన‌ల్స్ అని, రెఫ‌రెండం అని, చంద్ర‌బాబుకు నాకు మ‌ధ్య పోటీ అని నోటికొచ్చిన‌ట్ట‌ల్లా మాట్లాడిన జ‌గ‌న్‌ను..రియ‌ల్ విల‌న్ అని నంద్యాల వాసులు నిర్ణ‌యించేశారు. రీల్ లైఫ్‌లో డ‌బ్బుతో తెచ్చిపెట్టుకున్న గూండాలు...విల‌న్ చుట్టూ ఉంటారు. మంచి ప‌నులు, ప్ర‌జోప‌యోగ కార్య‌క్ర‌మాలు న‌చ్చి మెచ్చేప్ర‌జ‌లు క‌థ‌నాయ‌కుడి వెంట ఉంటారు.

నంద్యాల‌లో 2014లో 3000 పైచిలుకు ఓట్ల‌తో జ‌గ‌న్ పార్టీ గెలిచింది. 2017లో వైసీపీ అభ్య‌ర్థికి వ‌చ్చిన 3000 పోయింది..తెలుగుదేశానికి 27000 పై చిలుకు మెజారిటీ వ‌చ్చింది. అంటే దాదాపు మూడేళ్ల‌లో 30 వేల మంది అభిమానుల్ని సంపాదించుకున్న చంద్ర‌బాబు రియ‌ల్ హీరో అయితే... రీల్‌లో చివ‌ర‌న హీరోగా వ‌స్తాన‌ని ప‌దే ప‌దే చెబుతున్న జ‌గ‌న్‌ని నువ్వే రియ‌ల్ విల‌న్‌వి అని నంద్యాల జ‌నాలు ఛీకొట్టి పంపారు.

అమ‌రావ‌తి రాజ‌ధానిని, ఆంధ్ర‌ప్ర‌దేశ్ అభివృద్ధిని ప‌క్క రాష్ర్ట పాల‌కుల‌తో క‌లిసి అడ్డుకుంటున్న జ‌గ‌న్‌కి నంద్యాల నాందిగా రాష్ర్ట‌మంతా ఇదే రీతిగా బుద్ధి చెప్ప‌బోతోంద‌ని రాజ‌కీయ ప‌రిశీల‌కులు అంచ‌నా వేస్తున్నారు. నంద్యాల అనే క్లైమాక్స్‌లో అడ్డంకుల్ని అధిగ‌మించి విల‌న్ అయిన జ‌గ‌న్‌ని మ‌ట్టి క‌రిపించిన రియ‌ల్ హీరో చంద్ర‌బాబుకు జ‌నం జేజేలు ప‌లుకుతున్నారు.

నంద్యాల బై ఎల‌క్ష‌న్ ఇచ్చిన షాక్ నుంచి తేరుకోని జ‌గ‌న్‌కు..త‌న పార్టీ సీనియ‌ర్ నేత‌లు, ఆంత‌రంగికులు ఇచ్చిన నివేదిక చూసి క‌ళ్లుబైర్లు క‌మ్మాయ‌ట‌! నంద్యాల‌లో ఘోర ప‌రాభ‌వానికి జ‌గ‌న్ చేసిన ఏడు త‌ప్పులే కార‌ణ‌మ‌ని వారు విశ్లేషించార‌ట‌! వాస్త‌వంలో గెలిస్తే త‌న ఖాతాలో వేసుకుందామ‌నుకున్న జ‌గ‌న్‌...దారుణ ప‌రాభవం ఎదురు కావ‌డంతో... అధికార పార్టీ దుర్వినియోగం, ప్ర‌లోభాలు, బెదిరింపులు అంటూ కొత్త ప‌ల్ల‌వి అందుకుంటున్నార‌ట‌! ఇది కావాల‌నే వ్యూహాత్మ‌క చేసింద‌ని తెలుస్తోంది.

ఆ ఏడు త‌ప్పులు ఏంటంటే...!

1) చ‌నిపోయిన శాసన‌స‌భ్యుడి స్థానం ఏక‌గ్రీవం చేయ‌డం సంప్ర‌దాయం..అయితే నంద్యాల‌లో భూమాపై క‌క్ష‌తో దీనికి జ‌గ‌న్ ఒప్పుకోలేదు ఇది మొద‌టి త‌ప్పు

2) ఓడిపోతామ‌ని తెలిసీ పోటీకి త‌న వ్యూహాన్ని, బ‌ల‌గాల‌ను వినియోగించ‌డం మ‌రో త‌ప్పు

3) శిల్పా మోహ‌న్‌రెడ్డి, చ‌క్ర‌పాణిరెడ్డి సోద‌రుల‌కు నంద్యాల నియోజ‌క‌వ‌ర్గంలో తీవ్ర‌వ్య‌తిరేక‌త ఉంద‌ని తెలిసి..వారితో వ‌చ్చే ఎన్నిక‌ల టికెట్లు, ఇప్ప‌టికి పార్టీలో చేర్చుకోవ‌డానికి వంద‌ల కోట్ల ఒప్పందం కుదుర్చుకోవ‌డం మ‌రో త‌ప్పు.

4) అన్నా చెల్లెళ్ల‌యిన బ్ర‌హ్మానంద‌రెడ్డికి..అఖిల‌ప్రియ‌కు...అలాగే దివంగ‌త ఎమ్మెల్యే భూమా నాగిరెడ్డి ఆత్మ‌లాంటి ఏవీ సుబ్బారెడ్డి...అఖిల‌ప్రియ‌కు గొడ‌వ‌లు పెట్టేందుకు త‌న మీడియాలో క‌థ‌నాలు పుంఖానుపుంఖానులుగా రాయించ‌డంతో వారిపై సానుభూతి మ‌రింత పెరిగిపోయింది. అలాగే అఖిల‌ప్రియ చుడీదార్ పై రోజా వ్యాఖ్య‌లు దారుణంగా దెబ్బ‌తీశాయి..ఇదే అతి పెద్ద త‌ప్పుగా నిలిచింది.

5) ముఖ్య‌మంత్రి పాంట్రీకార్‌ను ప‌ట్టుకుని డ‌బ్బుత‌ర‌లించే వాహ‌నం అని చెప్పి త‌న మీడియాలో హ‌డావిడి చేసి అభాసుపాల‌వ‌డం వ్యూహాత్మ‌క త‌ప్పిద‌మ‌ని ఆంత‌రంగికులు ఇచ్చిన నివేదిక‌లో పొందుప‌రిచారు.

6) మంత్రి ఆదినారాయ‌ణ‌రెడ్డి ద‌ళితుల‌పై వ్యాఖ్య‌లు చేశాడ‌ని, ఒక ఉద్య‌మం తీసుకొచ్చేందుకు ప్ర‌య‌త్నించారు. ఇది కూడా ఎన్నిక‌ల స‌మ‌యంలో చేసిన మ‌రో వ్యూహాత్మ‌క త‌ప్పిదం అని, ఎల‌క్ష‌న్ మూడ్ డైవ‌ర్ట్ అయ్యింద‌ట‌!

7) వైసీపీ అభ్య‌ర్థి త‌ప్ప‌క గెలుస్తాడ‌ని..బెట్టింగ్‌లు వేయించ‌డం..సోష‌ల్ మీడియాలో టీడీపీపై విష‌ప్ర‌చారం కూడా బూమ‌రాంగ్ అయ్యాయ‌ని మ‌రో త‌ప్పుగా తేల్చారు. ఈ ప్ర‌చారంతో వైసీపీ అభిమానులు పిచ్చి అభిమానంతో కొన్ని వంద‌ల కోట్లు బెట్టింగ్‌లో న‌ష్ట‌పోయార‌ని తెలుస్తోంది.

ఇవి కాకుండా రోజా నోటి దురుసు, జ‌గ‌న్ మిస్‌ఫైర్‌, శిల్పా సోద‌రుల‌పై వ్య‌తిరేక‌త, ఎన్నిక‌ల ఖ‌ర్చుకోసం శిల్పా సోద‌రుల ద‌గ్గ‌ర తీసుకున్న జ‌గ‌న్‌, అత‌ని గ్యాంగ్ వ‌ద్దే ఉంచుకుని ఖ‌ర్చు చేశార‌ట‌! ఇవ‌న్నీ కూడా వైసీపీ దారుణ ప‌రాజ‌యానికి కార‌ణాలుగా నిలిచాయ‌ని ఆ నివేదిక‌లో పేర్కొన్నార‌ట‌.

కాకినాడ కార్పొరేషన్ ఎన్నికల ఫలితాలు వచ్చాయి. రాష్ట్రంలో ప్రధాన ప్రతి పక్ష పార్టీ నాయకుడు జగన్ మోహన్ రెడ్డి మాత్రం వేరే పనిలో ఉన్నారు. ఒక పక్క ఫలితాలు వస్తుంటే, దాని మీద కనీసం సమీక్ష కూడా చేసే అవకాశం లేదు పాపం.

ఎందుకంటే, ఇవాళ శుక్రువారం... జగన్ సిబిఐ కోర్ట్ లో హాజరు కావలి.. అందుకే జగన్, ఫలితాలు కూడా చూడకుండా, అక్రమాస్తుల కేసు విచారణకు వెళ్లారు.

నిన్ననే హై కోర్ట్ కూడా మొట్టికాయలు వేసింది. ఎట్టి పరిస్థుతుల్లో కోర్ట్ కు విచారణకు హాజరు కావాల్సిందే అని తేల్చి చెప్పింది. దీంతో జగన్, ఏంటో బాధతో నాంపల్లి కోర్ట్ కు వెళ్లారు.