news

ప్రస్తుతం ఆంధ్రప్రదేశ్ రాష్ట్రంలో కూల్చివేతల కాలం నడుస్తుంది. మొన్నటి దాక అన్ని కట్టడాలు కట్టం చూసిన ఆంధ్రప్రదేశ్ ప్రజలు, కూల్చివేతలు చూసి బాధపడుతున్నారు. ప్రతిపక్ష హోదాలో తనకు ప్రజా వేదిక కేటాయించాలని చంద్రబాబు కోరారు. అయితే, చంద్రబాబు లేఖకు కనీసం స్పందించని ప్రభుత్వం, రాత్రికి రాత్రి ప్రజా వేదికను కూల్చేసింది. కేవలం చంద్రబాబు మీద కక్షతో, బంగారం లాంటి బిల్డింగ్ ను పడేసిన జగన్ మనస్తత్వం పై, ఏపి ప్రజలు కూడా ఒక అభిప్రాయానికి వచ్చారు. ఇప్పుడు తెలంగాణా కాంగ్రెస్ నేతలు కూడా జగన్ నిర్ణయాల పై తీవ్రంగా స్పందిస్తున్నారు. వైఎస్ జగన్ నిర్ణయాల పై తెలంగాణ కాంగ్రెస్ సీనియర్ నేత వి. హనుమంతరావు తీవ్ర స్థాయిలో విరుచుకు పడ్డారు. ఫ్యాక్షనిస్టుగా వ్యవహరించవద్దు అంటూ తీవ్రంగా స్పందించారు.

ఆంధ్రప్రదేశ్ రాష్ట్రంలో రాజీవ్ మెమోరియల్ భవన్‌ను కూల్చేయాలని జగన్ నిర్ణయించుకున్నారు. జగన్ నిర్ణయం పై వీహెచ్ స్పందిస్తూ, జగన్ నిర్ణయాలు ఫ్యాక్షన్ ఆలోచనకు అద్దం పడుతోన్నాయని వీహెచ్ తీవ్ర వ్యాఖ్యలు చేశారు. రాజీవ్ గాంధీ పుణ్యమే వైఎస్ రాజశేఖర్ రెడ్డి ఆనాడు, పీసీసీ చీఫ్ అయ్యారని, సోనియా గాంధీ దయ ఉండబట్టే వైఎస్ రాజశేఖర్ రెడ్డి ముఖ్యమంత్రి అయ్యారనే విషయాన్ని, జగన్ మొహన్ర్ ఎద్ది గుర్తుంచుకోవాలని అన్నారు. రాజకీయాల్లో కక్ష సాధింపు చర్యలు మంచిది కాదని, ఇవాళ అధికారం ఉండచ్చు, రేపు పోవచ్చు అని అన్నారు. ఇలా ఏది కనిపిస్తే అది కూల్చివేయటం పై కాకుండా, ఎన్నికల ప్రచారంలో ఇచ్చిన ఇచ్చిన హామీలు అమలు చేసే విధంగా, జగన్ పరిపాలన చేస్తే, ప్రజలకు బాగుంటుందని అన్నారు.

గత ప్రభుత్వ హయంలో, ప్రభుత్వ జూనియర్ కాలీజేల్లో, డ్రాప్ అవుట్ లు తగ్గించటానికి, ఇంటర్ విద్యార్థులకు మధ్యాహ్న భోజన ప్రవేశ పెట్టారు. ఇది మంచి ఫలితాన్ని ఇచ్చింది కూడా. అయితే జగన్ ప్రభుత్వం రాగానే, ఇంటర్ పిల్లలకు, మధ్యాహ్న భోజనం అవసరం లేదని, దాన్ని తీసేసారు. దీని పై విధ్యార్ధులు ఆందోళన చేసినా ఎవరూ పట్టించుకోలేదు. ఇదే విషయం పై, తెలుగుదేశం పార్టీ జనరల్ సెక్రటరీ, ఎమ్మెల్సీ నారా లోకేష్ స్పందించారు. జగన్‌ మోహన్ రెడ్డి గారు, ప్రభుత్వ సొమ్ము పొదుపు చెయ్యాలి అనుకుంటే, 2 లక్షల మంది పేద విద్యార్థుల నోటి దగ్గర ముద్దనే లాగెయ్యలా అంటూ ప్రశ్నించారు. ఇక్కడ పేదల ముద్ద లాగేస్తూ, తాను మాత్రం, తన ఇంటి దగ్గర రోడ్డ వెయ్యటానికి, 1.3 కిమీ రోడ్డు వెయ్యటానికి 5 కోట్లు, టాయిలెట్లు కట్టడానికి 30 లక్షలు, బ్యారికేడ్లు పెట్టడానికి 75 లక్షలు, హెలిప్యాడ్ కు 1.89 కోట్లు ఖర్చు పెట్టారని ఆరోపించారు.

జగన్ మాత్రం ఇలా విచ్చలవిడిగా ఖర్చు పెడుతూ, పేద ఇంటర్ విద్యార్థులకు మధ్యాహ్న భోజనం అవసరం లేదు అనటం దారుణమని, ఇంటర్ విద్యార్థులకు మధ్యాహ్న భోజనం పధకం మళ్ళీ ప్రవేశపెట్టాలని కోరారు. ఇక చంద్రబాబు హయంలో, హౌసింగ్ స్కీం మొత్తం అవినీతి అంటూ జగన్ చేసిన వ్యాఖ్యల పై కూడా లోకేష్ స్పందించారు. రాజశేఖర్ రెడ్డి ముఖ్యమంత్రిగా ఉన్న సమయంలో, ఇందిరమ్మ ఇళ్ల అవకతవకల గురించి లోకేష్ ప్రస్తావించారు. ఆ సమయంలో, జగన్ క్విడ్ ప్రో కోలో బిజీ గా ఉండి, ఈ స్కాం గురించి తెలిసి ఉండదు, బొత్స సత్యనారాయణగారిని అడిగితె ఆ భోగతం అంతా చెప్తారని లోకేష్ అన్నారు. ప్రతి పేదవాడికి సొంత ఇల్లు ఉండాలనే ఆలోచనతో చంద్రబాబుగారు పేదల కోసం ధనవంతుల ఇళ్ళకు తీసిపోని అత్యాధునిక సౌకర్యాలతో ఇళ్ళు కట్టించారని, మూడు విడతల్లో 8,00,346 ఇళ్ళు ప్రజలకు ఇచ్చామని, మేము గర్వంగా చెప్పుకుంటామని లోకేష్ అన్నారు. అవినీతి అవినీతి అంటున్నారు, అవినీతి ఎక్కడ ఉందో రుజువు చెయ్యండి అని ఛాలెంజ్ చేసారు.

తెలుగుదేశం పార్టీ అధ్యక్షుడు, మాజీ ముఖ్యమంత్రి చంద్రబాబు నాయుడు,నిన్న చెప్పిన మాట ప్రకారం, భరోసా యాత్రకు శ్రీకారం చుడుతున్నారు. ముందుగా ఈ నెల 5 వ తారీఖున ప్రకాశం జిల్లా, చినగంజాం మండలం రుద్రమాంబపురం గ్రామాన్ని సందర్శిస్తారు. ఇటీవల వైసీపీ నేతలు, గొడవ జరుగుతున్న సమయంలో, అందరి ముందు టీడీపీ కార్యకర్త పద్మను వివస్త్రను చేసే ప్రయత్నం చేయగా, ఆమె అవమాన భారంగా భావించి, ఆత్మహత్య చేసుకున్న సంగతి తెలిసిందే. చంద్రబాబు ముందుగా ఆమె కుటుంబాన్ని పరామర్శించనున్నారు. ఈమేరకు, తెలుగుదేశం పార్టీ కార్యాలయం నుంచి, పర్చూరు ఎమ్మెల్యే ఏలూరి సాంబ శివరావు క్యాంపు ఆఫీసుకు మంగళవారం సమాచారం అందింది. ఈ నెల 5వ తేదీన రుద్రమాంబపురానికి చంద్రబాబు వస్తున్నారని, మృతిచెందిన పద్మ కుటుంబ సభ్యులను పరామర్శిస్తారని చెప్పారు. అయితే గత పది రోజులుగా, పర్చూరు ఎమ్మెల్యే ఏలూరి సాంబశివరావు ఆస్ట్రేలియా పర్యటనలో ఉన్నారు.

చంద్రబాబు పర్యటన ఖరారు కావటం, ఆయనకు సమాచారం రావటంతో, ఆయన 4వ తేది ఉదయానికి విదేశాల నుంచి తిరిగి వచ్చి, నియోజకవర్గానికి చేరుకుంటారు. పార్టీ కార్యాలయం నుంచి వచ్చిన సమాచారం ప్రకారం 5వ తేదీ ఉదయం ఉండవల్లిలోని తన నివాసం నుంచి చంద్రబాబు రోడ్డు మార్గాన బయలుదేరాతారు. గుంటూరు, ప్రత్తిపాడు, పర్చూరు, ఇంకొల్లు, కడవ కుదూరు మీదుగా రుద్రమాంబపురం వస్తారు. అక్కడ ఆ కార్యకర్త కుటుంబాన్ని పరామర్శించిన తరువాత, మధ్యాహ్నం తిరిగి అదే మార్గంలో ఉండవల్లి చేరుకుంటారు. చంద్రబాబు రాష్ట్ర వ్యాప్తంగా అన్ని జిల్లాల పర్యటన చెయ్యనున్నారు. ఎన్నికల ఫలితాల అనంతరం టీటీపీ కార్యకర్తల పై వైసీపీ దాడులుచేసిన ప్రాంతాలకు వెళ్తున్నారు. ఈ దౌర్జన్యాలలో మరణించిన కార్యకర్తల కుటుంబాలను కలిసి వారికి ధైర్యం చెప్పటంతో పాటు, పార్టీ తరుపున రూ.5 లక్షల చొప్పున ఆర్థిక సహయం అందించాలని చంద్రబాబు నిర్ణయించారు.