news

కొన్ని నెలలు క్రితం జరిగిన సంఘటన ఇది... త్వరలోనే శ్రీకాకుళంలో ధర్నా చేస్తానని ఏపీ ముఖ్యమంత్రి చంద్రబాబు నాయుడు ప్రకటించారు . ముఖ్యమంత్రి హోదాలో ఉండి.. ధర్నా చేయడం ఏమిటి అంటూ ప్రతిపక్షాలు ఎద్దేవా చేసాయి... సాధారణంగా ప్రతిపక్షాల వాళ్లు ధర్నాలు, దీక్షలు చేస్తూ ఉంటారు... అయితే ఏపీ సీఎం ఈ విషయాన్ని ప్రకటించడం గమనార్హం. ఎందుకలా.. అంటే, మరుగుదొడ్ల నిర్మాణం విషయంలో ఏపీ సీఎంకు ఆగ్రహం వచ్చింది. ఈ విషయంలో జిల్లాల వారీగా చూసుకుంటే.. శ్రీకాకుళం బాగా వెనుకబడి ఉందని ఆయన చెప్పారు. అక్కడ ప్రజల్లో, అధికారుల్లో చలనం తేవడమే లక్ష్యంగా శ్రీకాకుళంలో తను ధర్నాను చేపట్టబోతున్నట్టుగా చంద్రబాబు ప్రకటించారు.

అయితే ముఖ్యమంత్రి చేసిన ఈ హెచ్చరికను అక్కడి అధికారులు నిజం చేశారు. శ్రీకాకుళం జిల్లా పాలకొండ మండలం గోపాలపురంలో మరుగుదొడ్లు నిర్మించుకోడానికి ముందుకురాని వారి ఇళ్ల ఎదుట ఆందోళనకు దిగారు అక్కడి అధికారులు. ఈ గ్రామంలోని 54 కుటుంబాలవారు వ్యక్తిగత మరుగుదొడ్లు నిర్మించుకోడానికి ముందుకు రాలేదు. ఎన్నిసార్లు చెప్పినా ఆ కుటుంబాల్లో మార్పు రాలేదు. దీంతో తహసీల్దార్‌ వరప్రసాద్‌, ఎంపీడీవో తిరుపతిరావు, ప్రత్యేకాధికారి రాంబాబు బుధవారం ఆ గ్రామానికి వెళ్లారు. ఎంత చెప్పినా వారిలో మార్పు లేకపోవడంతో మండుటెండలో సుమారు గంటపాటు వారి ఇళ్ల ఎదుట బైఠాయించి నిరసన తెలిపారు.

దీంతో గ్రామస్థులు స్పందించి.. ఆ 54 కుటుంబాలతో చర్చించారు. మూడు రోజుల్లో మరుగుదొడ్ల నిర్మాణాలు ప్రారంభించేలా చర్యలు తీసుకుంటామని గ్రామస్థులు హామీ ఇవ్వడంతో అధికారులు ఆందోళన విరమించారు. దీనిపై ప్రజల నుంచి ప్రశంసలు వ్యక్తమవుతున్నాయి. ఏదైనా ప్రజల్లో మార్పు తీసుకురావడానికి చంద్రబాబు చేసిన ఈ హెచ్చరిక భవిష్యత్తులో బాగానే వర్కౌట్ అవుతుందని పలువురు అభిప్రాయపడుతున్నారు. ఈ విషయంపై అందరినీ కదిలింపజేయడానికి శ్రీకాకుళంలో ధర్నా అని ప్రకటించారు చంద్రబాబు, ఇది వరకూ ఇదే విషయంలో కలెక్లర్ల ఆఫీసు ముందు ధర్నాకు దిగుతా అని హెచ్చరించారు.. మొత్తానికి, చంద్రబాబు ఏదైతే ప్లాన్ చేసారో, అధికారులు కూడా ధర్నాలతో, ప్రజలకు అవగాహన కలిగించి, ప్రజలకు మంచి చేస్తున్నారు...

హైదరాబాద్ లో కూర్చుని, ఆంధ్రప్రదేశ్ రాజకీయాలు చేస్తున్న జగన్, పవన్, అతి ముఖ్యమైన విషయంలో మాత్రం మౌనంగా ఉంటున్నారు... ఇప్పటి వరకు కనీసం, ఈ మాట కూడా ఎత్తలేదు... అదే తెలంగాణా మన రాష్ట్రానికి ఇవ్వాల్సిన విద్యుత బకాయలు... ఒకటి రెండు కాదు, 5700 కోట్లు మనకి బాకీ ఉన్నాడు, కెసిఆర్... కెసిఆర్ ప్రత్యెక హోదాకు మద్దతు ఇస్తున్నారని, ఆహా ఓహో అంటున్న వారు, మనకు తెలంగాణా నుంచి రావల్సిన వాటి గురించి మాత్రం ఒక్కరంటే ఒక్కరు కూడా నోరు ఎత్తరు... జగన్ మాట్లాడడు, పవన్ మాట్లాడడు, మిగతా వారు మాట్లాడరు... వీటి మీద కేంద్రాన్ని అడగరు... వీటి కోసం ఆందోళన చెయ్యరు... మోడీ అంటే, వీరిద్దరికీ ఎలాగూ భయం, కనీసం కెసిఆర్ ని అయినా అడుగుతారు అనుకుంటే, కెసిఆర్ కు భజన చేస్తారు కాని, మన రాష్ట్రానికి రావాల్సిన 5700 కోట్ల బాకీ గురించి ఎవరూ మాట్లాడారు... మరి చంద్రబాబు ఏమి చేస్తున్నాడు అంటారా ?

రాష్ట్రానికి జరిగిన అన్యాయం పై, మోడీనే వాయిస్తున్నాడు చంద్రబాబు, ఈ కెసిఆర్ ఒక లెక్కా ? ఏకంగా తెలంగాణా సంస్థల పై, దివాళా ప్రక్రియ ప్రారంభించాలని కేసు వేసారు.. మాది ధనిక రాష్ట్రం, మాకు ఆంధ్రప్రదేశ్ తో పోలిక ఏంటి అంటూ డాంబికాలు పోయిన తెలంగాణా ముఖ్యమంత్రి కెసిఆర్, మన ఆంధ్రప్రదేశ్ కరెంటు వాడుకుని, మనకి బాకీ ఉన్నాడు అన్న సంగతి మర్చిపోయాడు... మానకి ఇవ్వాల్సిన డబ్బులు ఇవ్వకుండా, బిల్డ్ అప్ ఇస్తూ, బయట తిరుగుతూ, ఫోజులు కొడుతున్న కెసిఆర్ పై దూకుడుగా ముందడుగు వేసింది ఆంధ్రప్రదేశ్ ప్రభుత్వం... భారతదేశ చరిత్రలో మొట్టమొదటిగా, ఒక ప్రభుత్వ సంస్థ, మరొక ప్రభుత్వ సంస్థ నుండి తన బకాయిలను తిరిగి పొందడానికి నేషనల్ కంపెనీ లా ట్రిబ్యునల్ (NCLT) వద్దకు వెళ్లి, ఆ సంస్థ పై దివాలా ప్రక్రియ ప్రారంభించి, ఆస్తులు జప్తు చేసి, మా బాకీ మాకు తీర్చేలా చెయ్యండి అంటూ, పిటీషన్ వేసింది ఆంధ్రప్రదేశ్ ప్రభుత్వ సంస్థ...

తెలంగాణ రాష్ట్ర దక్షిణ ప్రాంత విద్యుత్తు పంపిణీ సంస్థ (టీఎస్‌ఎస్పీడీసీఎల్‌), ఉత్తర ప్రాంత విద్యుత్తు పంపిణీ సంస్థ (టీఎస్‌ఎన్పీడీసీఎల్‌)ల నుంచి రూ.5732.40 కోట్లు బకాయి రాబట్టుకోవడానికి ఆంధ్రప్రదేశ్‌ విద్యుదుత్పత్తి కార్పొరేషన్‌ లిమిటెడ్‌ (ఏపీ జెన్‌కో) న్యాయపోరాటం ప్రారంభించింది. నోటీసులిచ్చినా తెలంగాణ విద్యుత్తు పంపిణీ సంస్థలు స్పందించలేదని.. టీఎస్‌ఎస్పీడీసీఎల్‌, టీఎస్‌ఎన్పీడీసీఎల్‌ల దివాలా ప్రక్రియ ప్రారంభించాలంటూ జాతీయ కంపెనీ లా ట్రైబ్యునల్‌ (ఎన్‌సీఎల్‌టీ) హైదరాబాద్‌ బెంచ్‌లో ఏపీ జెన్‌కో వేర్వేరుగా రెండు దరఖాస్తులు దాఖలు చేసింది. ఏపీ జెన్‌ కో తరఫున ఎండీ కె.విజయానంద్‌ ఈ దరఖాస్తులను దాఖలు చేశారు. వీటిని పరిశీలించిన ఎన్‌సీఎల్‌టీ జ్యుడీషియల్‌ సభ్యులు మురళి.. కౌంటరు దాఖలు చేయాలని తెలంగాణ విద్యుత్తు పంపిణీ సంస్థలను ఆదేశిస్తూ తదుపరి విచారణను జూన్‌ 1వ తేదీకి వాయిదా వేశారు. కనీసం, ఇప్పటికైనా కొంచెం ధైర్యం తెచ్చుకుని, పవన్, జగన్, ఈ విషయం పై పోరాడాలని ఆశిద్దాం...

కర్ణాటక రాష్ట్రంలో జరుగుతున్న ఎన్నికల పై, ఆంధ్రప్రదేశ్ ముఖ్యమంత్రి నారా చంద్రబాబునాయుడు, లాస్ట్ మినిట్ లో కీలక వ్యాఖ్యలు చేసారు... ఈ రోజు సాయంత్రం 5 గంటలకు కర్ణాటకలో ఎన్నికల ప్రచారం ముగిసిన సంగతి తెలిసిందే.. అయితే అంతకు ముందే, కర్నూలు జిల్లాలో పర్యటించిన చంద్రబాబు అక్కడ ప్రసంగిస్తూ... కర్నాటక ఎన్నికల్లో ఏ పార్టీకి ఓటు వేయమని తాను చెప్పలేదని సీఎం స్పష్టం చేశారు. అలా చెప్తూనే, ఏపీకి అన్యాయం చేసిన పార్టీకి సహకరించొద్దని మాత్రమే చెప్పానని చంద్రబాబు చెప్పుకొచ్చారు. మనకు అన్యాయం చేసిన వారికి మాత్రం ఓటు వెయ్యొద్దన్నారు. అయితే ఏపీలో బీజేపీకి ఒక్కసీటు కూడా రాదని సీఎం జోస్యం చెప్పారు.

అవినీతి కేసుల పార్టీతో పొత్తు పెట్టుకోవాలని బీజేపీ చూస్తోందని, లేదంటే ఎన్నికల తరువాత కలుపుకోవాలని చూస్తోందని చంద్రబాబు అన్నారు. రాష్ట్ర ప్రయోజనాల కోసం నేను కేంద్రంతో పోరాడుతుంటే వైసీపీ నాపై పోరాడుతోందని, బీజేపీతో లాలూచీ పడుతున్న వైసీపీని చిత్తుగా ఓడించాలన్నారు. ఆంధ్రప్రదేశ్‌ను కేంద్ర ప్రభుత్వం అడుగడుగునా మోసం చేస్తోందని ఆంధ్రప్రదేశ్‌ ముఖ్యమంత్రి చంద్రబాబు నాయుడు అన్నారు. రాష్ట్రమంటే మోదీకి ఎందుకంత చిన్నచూపని నిలదీశారు. ప్రత్యేక రాష్ట్రంగా చూస్తామని హామీ ఇచ్చి మోసం చేస్తారా అని మండిపడ్డారు. కాంగ్రెస్‌, భాజపా రెండు పార్టీలు ద్రోహం చేశాయన్నారు. రాష్ట్రంలో ప్రస్తుతం జరిగిన అభివృద్ధి తన కష్టార్జితమని వ్యాఖ్యానించారు.

విభజన హామీల అమలు కోసం కేంద్రంపై తాను పోరాడుతుంటే వారితో లాలూచీపడ్డ పార్టీలు తనను విమర్శిస్తున్నాయని మండిపడ్డారు. కేంద్రం ఆదుకున్నా.. లేకున్నా అభివృద్ధి ఆగదన్నారు. కేంద్రం నుంచి రాష్ట్రానికి రావాల్సిన సాయం ఇవ్వాల్సిందేనని డిమాండ్‌ చేశారు.
2014 ఎన్నికల సందర్భంగా నరేంద్రమోదీ ఇచ్చిన హామీల వీడియోలను ప్రదర్శించారు. పోలవరం ప్రాజెక్టు మన రాష్ట్రానికి జీవనాడి అని, ఎన్ని అవాంతరాలు ఎదురైనా దానిని నిర్మించి తీరుతామని సీఎం హామీ ఇచ్చారు. రాష్ట్ర మంత్రులు కేఈ కృష్ణమూర్తి, అమర్‌నాథ్‌రెడ్డి, భూమా అఖిలప్రియ తదితరులు కార్యక్రమంలో పాల్గొన్నారు.