news

ఆంధ్రప్రదేశ్ ముఖ్యమంత్రి చంద్రబాబు నాయుడు, ప్రధాన మంత్రికి, కేంద్ర మంత్రులకు వేర్వేరుగా లేఖలు రాశారు. చమురు ధరల తగ్గింపు, ఉపాధి హామీ వేతనాల చెల్లింపు వ్యత్యాసాలపై లేఖలు రాశారు. పెట్రోల్, డీజిల్ ధరలు తగ్గించాలని కేంద్ర మంత్రి ధర్మేంద్ర ప్రదాన్ కు రాసిన లేఖలో కోరారు. క్రూడాయిల్ ధరలు తగ్గుతున్నా చమురు ధరలు తగ్గడం లేదని తెలిపారు. ముడిచమురు ధరలు తగ్గినా ప్రజలకు ప్రయోజనం చేకూరలేదని, ముడిచమురు ధరలు తగ్గినా 9 సార్లు సుంకం పెంచడం సరికాదని ఆ లేఖలో చంద్రబాబు పేర్కొన్నారు. కేంద్ర గ్రామీణాభివృద్ది శాఖ మంత్రి నరేంద్రసింగ్‌ తోమర్‌కు, ఉపాధి హామీ నిధుల పై మరో లేఖ రసారు చంద్రబాబు... గ్రామీణ కూలీలు, ప్రత్యేకించి వ్యవసాయ కూలీల (నరేగా) భత్యాల్లో గత నాలుగేళ్లుగా పెరుగుదల శూన్యమని ముఖ్యమంత్రి చంద్రబాబు పేర్కొన్నారు.

ఈ మేరకు కేంద్ర గ్రామీణాభివృద్ది శాఖ మంత్రి నరేంద్రసింగ్‌ తోమర్‌కు లేఖరాశారు. ‘‘ఏపీలో 2014-15లో ‘నరేగా’ వేతనం రూ.180 ఉంది. 2016-17లో రూ.194, ఆ తర్వాత రూ.197, తాజాగా రూ.205 ఉంది. మొత్తంగా ఈ నాలుగేళ్లలో చూస్తే వేతనం 13.8 శాతం పెరిగింది. కానీ అదే సమయంలో ఎనిమిది నిత్యావసర వస్తువుల ధరలు మాత్రం 72 శాతం పెరిగాయి. దీంతో గ్రామీణ ప్రాంతాల్లో నిస్ప్రహ నెలకొంద’’ని ఆ లేఖలో తెలిపారు. హరియాణా, కర్ణాటక, తమిళనాడు, కేరళ తదితర రాష్ట్రాల్లో ఇస్తున్న స్థాయిలోనే, ఏపీలో కూడా ఉపాధి హామీ వేతనాన్ని ఇవ్వాలని కోరారు. మరో పక్క ప్రధాని మోడీకి, పీఎంఏవైలో ఏపీకి మొండిచెయ్యి పై మరో లేఖ రసారు. ‘ప్రధాన మంత్రి ఆవాస్‌ యోజన గ్రామీణ్‌’ (పీఎంఏవై-జి) కింద రాష్ర్టాలకు ఇళ్ల కేటాయింపు విషయంలో ఆంధ్రప్రదేశ్‌కు అన్యాయం జరుగుతోందని ముఖ్యమంత్రి చంద్రబాబు అన్నారు.

ప్రజాసాధికార సర్వేను ప్రామాణికంగా తీసుకుని ఇళ్ల కేటాయింపులు జరపాలని కేంద్ర ప్రభుత్వాన్ని కోరారు. ఈ అంశంపై బుధవారం ప్రధాని మోదీకి ఆయన లేఖ రాశారు. ‘‘రాష్ట్రంలో 20.99లక్షల మంది ఇళ్లు లేని పేదలు పీఎంఏవై పథకానికి అర్హులుగా ఉన్నట్లు మా సర్వేలో తేలింది. దానిని కేంద్రం ప్రామాణికంగా తీసుకుని ఇళ్ల కేటాయింపులు చేయాలి’’ అని కోరారు. దీనిపై ఇప్పటికే పలుమార్లు లేఖలు రాశామని, ఒకసారి అసెంబ్లీలో, మరోసారి కేబినెట్‌లో తీర్మానాలు చేసి పంపామని గుర్తుచేశారు. ‘‘2022 నాటికి ’అందరికీ ఇళ్లు’ అనే పథకాన్ని కేంద్రం ప్రవేశపెట్టింది. అందులోభాగంగా రాష్ర్టాలకు పీఎంఏవై ఇళ్లు మంజూరు చేస్తోంది. అయితే ఏపీకి రావాల్సినన్ని ఇళ్లు రావడం లేదు. పీఎంఏవై-జి ఇళ్ల కేటాయింపునకు 2011లో నిర్వహించిన సోషియో ఎనకమిక్‌ కాస్ట్‌ సర్వేను ప్రామాణికంగా తీసుకోవడం వల్ల మాకు అన్యాయం జరుగుతోంది. ఆ సర్వే ఏపీలో సక్రమంగా జరగలేదు. అనేక అంతరాయాలతో గందరగోళంగా సర్వే సాగింది. ఆ సర్వే ప్రకారం పీఎంఏవై-జి పథకానికి రాష్ట్రంలో కేవలం 5.83లక్షల మంది మాత్రమే అర్హత సాధించారు. దానికి అనుగుణంగా 2016-17, 2017-18 సంవత్సరాలకు గాను రాష్ర్టానికి 1,23,112 ఇళ్లు మాత్రమే వచ్చాయ’’ని పేర్కొన్నారు.

కర్నూలు జిల్లా ఓర్వకల్ మండలానికి మహర్దశ పట్టనుంది. నేడు రాష్ట్ర ముఖ్యమంత్రి నారాచంద్రబాబు నాయుడు కీలకమైన ఓర్వకల్ లో సుమారు 1,000 కోట్ల పెట్టుబడులను ఆకర్షించేందుకు సుమారు 100 మందికి పైగా పారిశ్రామికవేత్తలతో సమావేశం కానున్నారు. ముందుగా కర్నూలుకు తలమానికంగా మారిన జైరాజ్ ఇస్సాత్ స్టీల్ ఫ్యాక్టరీ ఏర్పాటుకు భూమి పూజ చేయనున్నారు. రూ. 3వేల కోట్ల పెట్టుబడితో ఏర్పాటు కానున్న ఈ స్టీల్ ఫ్యాక్టరీలో దాదాప 1,100 మందికి ప్రత్యక్షంగా, మరో 2 వేల మందికి పైగా పరోక్షంగా ఉద్యోగాలు రానున్నాయి. ఈ పరిశ్రమకు అనుబంధంగా మరి కొన్ని పరిశ్రమలు ఇక్కడ ఏర్పాటు కానున్నాయి. నంద్యాలలో రూ. 60 కోట్ల పెట్టబడితో ఏర్పాటు కానున్న ఆత్యాధునిక ఉదయానంద ప్రైవేట్ ఆసుపత్రి ఏర్పాటు కానుంది.

అంతే కాకుండా కొమ్ము చెరువు ఆంజనేయ స్వామి దేవాలయం సమీపంలో రూ.30 కోట్లతో పుట్టు గొడుగుల పరిశ్రమ ఏర్పాటు కానుంది. కర్నూలు జిల్లా ఉల్లిగడ్డ పంటకు ప్రసిద్ది. ప్రతి ఏటా అతివృష్టి, అనావృష్టితో పాటు గిట్టుబాటు ధరలు లేక ఉల్లి రైతులు తీవ్రంగా నష్టపోతున్నారు. ఈ విషయాన్ని గమనించిన ముఖ్యమంత్రి ఈ ప్రాంతంలో 30 కోట్లతో భారత్ ఉల్లిగడ్డల కోల్డ్ స్టోరేజి గోదాము నిర్మాణానికి అనుమతిచ్చారు. ఉల్లిగడ్డలు ధరలు లేని సమయంలో ఇక్కడ నిల్వ ఉంచుకొని గిట్టుబాటు ధర వచ్చిన తర్వాత విక్రయించుకునేందుకు వీలుగా ఈ కోల్డ్ స్టోరేజి రైతులుకు బాగా ఉపయోగ పడనుంది. పోలిశెట్టి కంజల్స్ పేరుతో డాక్టర్ రవిబాబు అనే పారిశ్రామికవేత్త రూ. 5.5 కోట్లతో మినరల్ సోడియం సెల్ఫ్ యూనిట్ ఏర్పాటు చేయనున్నారు. అదే విధంగా ఆక్సిజన్ ప్లాంట్ ఏర్పాటు కానుంది.

స్వదేశీ, విదేశీ పెట్టుబడులకు స్వర్గధామంగా కర్నూలు జిల్లా ఓర్వకల్ మండలం మారనుంది. ఇక్కడ 34 వేల ఎకరాల ప్రభుత్వ భూమి ఉంది. ఈ ప్రాంతంలో దేశంలోనే రెండవ అతి పెద్ద పవర్ గ్రిడ్ ఓర్వకల్ సమీపంలోనే ఉంది. దేశంలోనే పెద్ద పవర్ గ్రిడ్ రాయచూర్లో ఉండగా, రెండవ అతి పెద్ద పవర్ గ్రిడ్ ఇక్కడ ఉండడం విశేషం. అంతేకాకుండా అతీ ప్రపంచంలోనే పెద్ద సోలార్ ప్రాజెక్టు కూడా ఇక్కడే ఉంది. ఈ ప్రాంతం నుంచి అటు బెంగుళూరు, చెన్నై, హైదరాబాద్, అమరావతి వంటి మహానగరాలు సమాన దూరంలోనే ఉన్నాయి. ఇక్కడ విదేశీ పెట్టుబడులను ఆహ్వానించేందుకు ముఖ్యమంత్రి ఈ ప్రాంతంలోనే విమానాశ్రయం పనులు వేగంగా జరుగుతోంది. సుమారు 1500 ఎకరాల్లో విమానాశ్రయం ఏర్పాటు కానుంది. ఇదే ప్రాంతంలోనే మెడికల్ హబ్గా మార్చేందుకు కూడా స్థల సేకరణ జరుగుతోంది. ఆరవిందో,హెట్రో వంటి ఔషధ కంపెనీలు కూడా వచ్చే అవకాశాలు ఉన్నాయి. ప్రముఖ సీడ్ కంపెనీలు కూడా ఇక్కడ నెలకొల్పే అవకాశాలు ఉన్నాయి.

పరిశ్రమలను ఆకర్షించాలంటే అందుకు కనీస మౌలిక సదుపాయాలు అవసరమవుతాయి. ఇందుకు ఈ ప్రాంతంలో నీటి సౌకర్యం, రోడ్లు, డ్రైనేజీ వంటి కనీస మౌలిక సదుపాయల కోసం ఎపిఐఐసి రూ. 500 కోట్లతో ప్రణాళికలు సిద్ధం చేసింది. ఈ ప్రాంతానికి చేరువలోనే తుంగభద్ర, కృష్ణా నది ఉండడంతో ముచ్చుమర్రి ఎత్తిపోతల పథకం, మల్యాల ఎత్తిపోతల పథకం ఉండడం, హంద్రీ-నీవా కాలువ ఉండడంతో నీటి సౌకర్యానికి ఇబ్బందులు లేవు. నేరుగా కాల్వల ద్వారా నీటి సదుపాయాలను పొందే అవకాశాలు ఉన్నాయి. 100 మంది పారిశ్రామికవేత్తలతో నేడు సీఎం ఒప్పందాలు... పది కోట్ల లోపు పెట్టుబడులు పెట్టగలిగే పారిశ్రామికవేత్తలతో నేడు ముఖ్యమంత్రి చంద్రబాబు నాయుడు సమావేశం కానున్నారు. వీరితో చర్చించి పెట్టుబడులు పెట్టుకునేందుకు అవసరమైన అన్ని సాంకేతిక సమస్యలన్నీ వెంటనే పరిష్కారం చేసేందుకు ఈ సమావేశం కీలకంగా మారింది.

రెండు రోజుల క్రితం వరకు కర్ణాటకలో, బీజేపీ ఓడిపోతుంది అని, కాంగ్రెస్ ఘన విజయం సాధిస్తుంది అని, మోడీ చేసిన అన్యాయం పై తెలుగు వారి రగిలి పోతున్నారని, కర్ణాటకలో ఉన్న తెలుగు వారు అందరూ, బీజేపీ ని ఓడించి, మోడీకి బుద్ధి చెప్తారని, హైదరాబాద్ మీడియా ఊదరగొట్టింది... నిజానికి, గ్రౌండ్ రియాలిటీ కూడా అదే... అయితే, గత రెండు రోజుల నుంచి, నెమ్మదిగా ట్యూన్ మారుస్తూ వచ్చారు... ఈ రోజు, ఏకంగా లగడపాటి సర్వే అనే అర్ధం వచ్చేలా, బీజేపీ గెలిసిపోతుంది అని వార్తలు రాసారు... మోడీ వచ్చిన తరువాత సీన్ మారిపోయింది అంటూ, తెలుగు వారిని ప్రభావితం చేసేలా వార్తలు వేసారు... మరీ ముఖ్యంగా, తెలుగుదేశం సానుభూతిపరులు నమ్మే పేపర్ ఒకటి, అలాగే మరో తెలుగు న్యూస్ ఛానల్, ఇలా రాయటంతో, దీని వెనుక ఎదో మతలబు ఉంది అంటూ, విశ్లేషకులు అభిప్రాయ పడుతున్నారు...

నిజానికి గ్రౌండ్ లెవెల్ లో, కర్ణాటకలో బీజేపీ గెలిచే అవకాశమే లేదని, ఇప్పటికీ నోట్ల రద్దు వల్ల కలిగిన కస్టాలు, GST, ATM లలో డబ్బులు లేకపోవటం, ఇవన్నీ సామాన్య ప్రజలను ఇబ్బంది పెడుతూనే ఉన్నాయని, పైగా మోడీ చెప్పే అబద్ధాలు నమ్మే పరిస్థితిలో కర్ణాటక ప్రజలు లేరని అభిప్రాయ పడుతున్నారు... తెలుగు మీడియాలో వచ్చిన వార్తలు, కేవలం చివరి నిమిషంలో చేసే పోల్ మ్యానేజిమెంట్ లో భాగంగానే జరుగుతున్నవి అని విశ్లేషకులు అభిప్రాయ పడుతున్నారు... అందుకే, తెలుగు దేశం సానుభూతి పరులు, ఎక్కువగా చూసే పేపర్ లో, బీజేపీ గెలుస్తుంది అని వార్తా రాసి, కొంత వరకు, కర్ణాటకలోని తెలుగు ప్రజల్లో అలజడి రేపే ప్రయత్నం చేసినట్టు విశ్లేషకులు అభిప్రాయ పడుతున్నారు...

బీజేపీ, కేసీఆర్, మీడియాను ప్రభావితం చేసి ,విడుదల చేసే రాతల వలన కర్నాటకలో తెలుగు వారు, ఎలాగూ బీజేపీ గెలుస్తుందని, రిస్క్ తీసుకోవటం ఎందుకని వారికే ఓటేస్తారనేది వారి వ్యూహం... అయినా లగడపాటి సర్వే పేరిట, ఆ పేపర్ ఇలా రాయటం చూస్తుంటే, అక్కడ కాంగ్రెస్ గెలిస్తే, ఇక్కడ తెలంగాణాలో కాంగ్రెస్ బలపడుద్ది అని, అందుకే ఆ పేపర్ ద్వారా, కెసిఆర్ ఆడిస్తున్న డ్రామాగా విశ్లేషకులు భావిస్తున్నారు.. బీజేపీ వెనుకాల ఎలాగూ ఉండనే ఉంది.... మొత్తంగా లగడపాటి పెరు చెప్పి, కర్ణాటక తెలుగు ప్రజల్లో ఒక విధమైన కన్ఫ్యూషన్ క్రియేట్ చెయ్యటంలో, కెసిఆర్, బీజేపీ, హైదరాబాద్ మీడియా సక్సెస్ అయ్యారు... అయినా, కొన్ని నెలల క్రితం ఇలాగే వైసిపీ, లగడపాటి పేరు మీద కొన్ని పిచ్చి సర్వేలు ప్రచారం చేస్తుంటే, అప్పుడు లగడపాటి చెప్పిన మాట "నేను ఏ సర్వే చేసినా, మీడియా ముందుకు వచ్చి చెప్తాను... నా సర్వే అని ఎవరన్నా రాస్తే నమ్మకండి...." అని చెప్పారు... ఈ హైదరాబాద్ మీడియాకు, చంద్రబాబు ఎక్కువ లాభమా, కెసిఆర్ ఎక్కువ లభమా అని బేరీజు వేసుకుంటే, వీరు ఎప్పటికైనా కెసిఆర్ వైపే వెళ్తారు... మనం, ఇలాంటి వారితో ఎప్పటికైనా జాగ్రత్తగా ఉండాలి.. అందుకే, మన మీడియా మనకు ఉండాలి అనేది...