news

దేశంలోని 101 జిల్లాల ర్యాంకింగ్ తీస్తే, ఆంధ్రప్రదేశ్ లోని విజయనగరం నెంబర్ వన్, కడపకి నాలుగవ స్థానం... విశాఖకు 13 స్థానం... ఇది చెప్పింది చంద్రబాబు కాదు, లేకపోతే ఆంధ్రప్రదేశ్ లోని పత్రికలు కావు... నీతి ఆయోగ్‌ ... ప్రధాన మంత్రి నరేంద్ర మోడీ స్వయానా చైర్మన్‌గా ఉన్న నీతి ఆయోగ్‌, ఈ విషయం చెప్పింది. అనేక వనరులు ఉండి, అభివృద్ధికి దూరంగా ఉన్న జిల్లాలను బహుముఖంగా అభివృద్ధి దిశగా పరుగుతీయించటమే లక్ష్యంగా నీతి ఆయోగ్‌ సరికొత్త పథకానికి రూపకల్పన చేసింది. ఈ ఏడాది జనవరిలో ప్రధాని మోదీ ఈ కార్యక్రమాన్ని ప్రారంభించారు. 28 రాష్ట్రాల నుంచి మొదటిగా 115 జిల్లాలను గుర్తించింది. వాటినుంచి 101 జిల్లాలను ఎంపిక చేసి వాటికి బేస్‌లైన్‌ ర్యాంకులను కేటాయించింది.

ఐదు రంగాలలో, 49 సూచికల ఆధారంగా ఈ ర్యాంకులను కేటాయించినట్లు నీతి ఆయోగ్‌ ప్రకటించింది. వీటిలో విజయనగరం 48.15శాతం మార్కులతో మొదటి స్థానలో నిలిచింది. 47.55 శాతం మార్కులతో కడప నాల్గవ స్థానంలోనూ, 42.66శాతం మార్కులతో విశాఖ 13 స్థానంలోనూ నిలిచాయి. ఎంపిక చేసిన జిల్లాల అభివృద్ధికి ప్రత్యేక కార్యాచరణ ప్రణాళిక రూపొందిస్తామని నీతి ఆయోగ్‌ తన నివేదికలో తెలిపింది. నీతి ఆయోగ్‌ తన సర్వే కోసం బిల్‌,మిలిండా గేట్స్‌ ఫౌండేషన్‌, టాటా ట్రస్ట్‌, ఐటీసీ గ్రూప్‌, పిరమల్‌ ట్రస్ట్‌ తదితర సంస్థల సేవలను వినియోగించుకుంది.

కేంద్ర ప్రభుత్వంలోని వివిధ మంత్రిత్వ శాఖలు 43 జిల్లాలను, వామపక్ష తీవ్రవాద ప్రభావం ఉన్న 33 జిల్లాల ప్రగతిని కేంద్ర హోంమంత్రిత్వ శాఖ పర్యవేక్షిస్తుంది. ఈ విధమైన విభజన వల్ల ఏపీలోని విజయనగరం, కడప జిల్లాలు వివిధ కేంద్ర మంత్రిత్వ శాఖల పరిధిలోకి వెళ్లాయి. నక్సల్స్‌ ప్రభావిత జిల్లాలైన విశాఖపట్నం కేంద్ర హోంమంత్రిత్వ శాఖ పరిధిలో ఉంటాయి. దేశంలోనే అత్యుత్తమంగా అభివృద్ధి చెందిన జిల్లాను అందుకునేలా పోటీపడటం, తీర్చిదిద్దడమే లక్ష్యంగా కార్యాచరణ ఉంటుందని పేర్కొంది. ఈ జిల్లాల్లో ప్రత్యేక కార్యాచరణ ప్రారంభమైన తర్వాత రియల్‌టైమ్‌ ప్రాతిపదికన ఆ సూచీల ప్రగతిని పరిశీలిస్తామని, రాష్ట్రంలో అత్యుత్తమ, దేశంలో అత్యుత్తమ స్థాయికి చేరుకోవడానికి ఇంకా ఎంత దూరంలో ఉందనే విషయాన్ని ఎప్పటికప్పుడు అంచనా వేస్తామని పేర్కొన్నారు.

గాలి జనార్దన్ రెడ్డి... ఈ పేరు తెలియని తెలుగువారు ఉండరు... రాజశేఖర్ రెడ్డి ముఖ్యమంత్రిగా ఉన్న టైంలో, అక్రమ మైనింగ్ లో, ఒక పీకు పీకాడు... జగన్ సొంత కొడుకు అయితే, గాలి నా పెద్ద కొడుకు అంటూ అప్పట్లో రాజశేఖర్ రెడ్డి చెప్తూ ఉండే వారు... అలాగే, జగన్ లక్ష కోట్లు కొట్టేస్తే, పెద్ద కొడుకు గాలి జనార్ధన్ రెడ్డి కొట్టేసిన అక్రమ మైనింగ్ లెక్క అంతా ఇంతా కాదు.. చివరకు ఇద్దరు కొడుకులు జైలుకు వెళ్లి, ప్రస్తుతం బెయిల్ పై బయట తిరుగుతున్నాడు అనుకోండి... అయితే, ఇప్పుడు దేశం మొత్తం ఆశ్చర్యపోయే వార్తా వినిపిస్తుంది... అదే, గాలి జనార్దన్ రెడ్డి, బీజేపీ నుంచి పోటీ చేస్తున్నారు అనే వార్త...

గాలి జనార్దన్ రెడ్డి కర్ణాటక అసెంబ్లీ ఎన్నికల్లో బీజేపీ టిక్కెట్‌పై పోటీ చేస్తారని ఆయన సోదరుడు సోమశేఖర రెడ్డి బుధవారంనాడు తెలిపారు. మైనింగ్ కుంభకోణాల్లో 42 నెలల పాటు ఆయన జ్యుడిషియల్ కస్టడీలో ఉన్న వ్యక్తి, ఇప్పుడు బీజేపీ నుంచి పోటీ చేస్తున్నారు... స్కామ్‌ల నేపథ్యంలో గాలి జనార్దన్ రెడ్డి విషయంలో పార్టీ మౌనంగానే ఉంటున్నప్పటికీ తాము పార్టీతోనే ఉన్నామని రెడ్డి బ్రదర్స్ చెబుతున్నారు. తాజాగా తన సోదరుడు బళ్లారి నుంచి బీజేపీ టిక్కెట్‌పైనే పోటీ చేస్తారని సోమశేఖర్‌రెడ్డి చెప్పడంతో కర్ణాటక ఎన్నికలు ఈసారి మరింత రసవత్తరంగా ఉండే అవకాశాలు కనిపిస్తున్నాయి...

మే 12న కర్ణాటక అసెంబ్లీ ఎన్నికలు జరుగనున్న విషయం తెలిసిందే. ఈ నేపథ్యంలో ఇప్పటికే అధికార కాంగ్రెస్ పార్టీతోపాటు బీజేపీ ఎన్నికల ప్రచారం మొదలుపెట్టాయి. ఒక పక్క, నరేంద్ర మోడీ, అవినీతి పై యుద్ధం అంటూ దేశం అంతా తిరిగి చెప్తూ, 42 నెలల పాటు జైలులో ఉండి వచ్చిన వ్యక్తిని, తన పార్టీ తరుపున పోటీ చేసే అవకాశం ఇస్తున్నారని తెలియటంతో, దేశ ప్రజలు ఆశ్చర్యపోతున్నారు... గతంలో జనార్ధన్ రెడ్డి భారతీయ జనతా పార్టీ తరఫున రాష్ట్ర మంత్రిగా కూడా వ్యవహరించారు. అప్పట్లో బీజేపీ తరఫున ఎమ్మెల్సీ హోదాతో గాలి జనార్ధన్ రెడ్డి మంత్రి పదవిని చేపట్టారు.

పవన్ కళ్యాణ్ చెప్పిన మాటలు గుర్తున్నాయా ? చంద్రబాబుకి 2.5 మార్కులు, కెసిఆర్ కు 6 మార్కులు ఇచ్చి, కెసిఆర్ పరిపాలన ఆహా ఓహో అంటూ పొగడ్తల వర్షం కురిపించాడు.. ఇక పవన్ కొత్త స్నేహితుడు, వైసిపీ దగ్గరకు వద్దాం.. నిన్న విజయసాయి రెడ్డి, అంతకు ముందు జగన్, ఇద్దరూ ఏమన్నారో గుర్తుందా ? చంద్రబాబు, కెసిఆర్ ని చూసి పరిపాలన ఎలా చెయ్యాలో నేర్చుకోవాలి అంట... వీళ్ళద్దరి మాట విని, ప్రజలు ఆశ్చర్యపోయారు.. ఎందుకంటే, ఎందులో చూసినా చంద్రబాబు, కెసిఆర్ కంటే వంద రెట్లు నయం... అసలు కెసిఆర్ సచివాలయనికే వెళ్ళాడు, అలాంటి వాడితో చంద్రబాబుకి పోలిక ఏంటి అని... అయితే, అటు పవన్ కు, ఇటు వైసిపీకి, అదిరిపోయే జెర్క్ ఇచ్చింది కాగ్...

తెలంగాణ ప్రభుత్వంలో ఆర్థిక క్రమశిక్షణ తప్పిందని కాగ్ పేర్కొంది. రెవెన్యూ లోటు 5 వేల కోట్లు ఉన్నట్లు కాగ్‌ నివేదిక వెల్లడించింది. అప్పు తెచ్చుకున్న నిధులను రెవెన్యూ రాబడిగా చూపించి ద్రవ్యలోటును రూ.2500 కోట్లు తక్కువగా చూపించారని తెలిపింది. వాల్టా చట్టం నిబంధనలు పాటించడంలో ప్రభుత్వం విఫలమందని నివేదికలో కాగ్ పేర్కొంది. వివిధ పథకాల కోసం డ్రా చేసిన నిధులకు యూసీ సమర్పించలేదని, కొన్ని చోట్ల నిధులు రాకుండానే యూసీలు సమర్పించారని మండిపడింది. అధిక ధరలకు విద్యుత్ కొనుగోలుతో రూ.5,820 కోట్ల భారం పడిందని తెలిపింది.

టీ హబ్ రెండో దశ భవన నిర్మాణంలో అక్రమాలు జరిగాయని, ప్రభుత్వంపై రూ. 16.70 కోట్ల ఆర్థిక భారం పడిందని కాగ్‌ తన నివేదికలో పేర్కొంది. ఇసుక కొనుగోలులో రూ.18 కోట్ల అనుచిత లబ్ది చేకూర్చారని ప్రభుత్వంపై అక్షింతలు వేసింది. ఇందిరమ్మ వరద కాలువకు రూ.4711 కోట్లు ఖర్చు చేసినా ఆశించిన ఫలితం రాలేదని కాగ్ తన నివేదికలో తెలియజేసింది. ప్రాధాన్యత లేని పనులను మొదటి రెండు దశల్లో మొదలు పెట్టారని..కేంద్రం ఇచ్చిన నిధుల్లో 50శాతం కూడా ఖర్చు చెయ్యలేదని ఆక్షేపించింది. దళితులకు మూడెకరాల భూమి గుర్తింపులో ప్రభుత్వం విఫలమైందని అభిప్రాయపడింది. ఎస్సీ, ఎస్టీ సబ్‌ప్లాన్ నిధులు ఖర్చు కావడం లేదని, కాగ్ తన నివేదికలో వెల్లడించింది. తెలంగాణాలో ఇంత జరుగుతున్నా, కెసిఆర్ ని ఆహా, ఓహో అంటూ పొగుడుతారు, చంద్రబాబుని తిడతారు... ఎందుకంటే, వీళ్ళు ఉండేది హైదరాబాద్ లో కాబట్టి... కెసిఆర్ తోక జాడిస్తే, ఏమి చేస్తాడో తెలుసు కాబట్టి...