news

తమిళనాడు తరహా కుతంత్రాలు ఇక్కడ సాగవు.. ఆనాడు ప్రధానమంత్రి పదవినే కాదన్నా.. హక్కుల కోసం ప్రశ్నిస్తే బురదజల్లుతారా.. నామీద కోసం ప్రజలపై చూపద్దు.. ప్రత్యేక హోదాతో పాటు విభజన హామీలు ఎందుకు నెరవేర్చరో ప్రజలకు సమాధానం చెప్పాలని ముఖ్యమంత్రి చంద్రబాబునాయుడు మరోసారి కేంద్రంపై నిప్పులు చెరిగారు. తెలుగుదేశం పార్టీ 37వ ఆవిర్భావ దినోత్సవ వేడుకలు గుంటూరులోని పార్టీ జాతీయ కార్యాలయంలో గురువారం రాత్రి ఘనంగా నిర్వహించారు. ఈ సందర్భంగా కార్యకర్తల నుద్దేశించి చంద్రబాబు మాట్లాడారు. ఎవరెన్ని కుట్రలు పన్నినా తెలుగుప్రజల ఆత్మగౌరవాన్ని కాపాడేందుకు చిరస్థాయిగా పార్టీ నిలిచి ఉంటుందన్నారు. పేదలపాలిట పెన్నిధిగా నిలిచిన ఎన్టీఆర్‌ను సైతం ఆరోజు కేంద్రంలోని కాంగ్రెస్ ప్రభుత్వం అనేక ఇబ్బందులకు గురిచేసి ప్రజాగ్రహాన్ని చవిచూసిందని గుర్తుచేశారు. నాలుగు దశాబ్దాల రాజకీయ జీవితంలో ఎదురుదాడి కొత్తేమీ కాదన్నారు.

నేషనల్ ఫ్రంట్, యునైటెడ్ ఫ్రంట్, ఎన్డీయే-1ల ఏర్పాటు నేపథ్యంలో అప్పట్లో ప్రధాన మంత్రి పదవి అవకాశం వచ్చినా తృణప్రాయంగా తిరస్కరించామన్నారు. రాష్ట్రాన్ని హేతుబద్ధతలేకుండా ఓ జాతీయ పార్టీ కుక్కలుచింపిన విస్తరి చేస్తే మరో పార్టీ ఆదుకుంటామని ఇచ్చిన హామీ మేరకు బీజేపీకి మద్దతి చ్చామన్నారు. గత నాలుగేళ్లుగా హామీలను అమలు చేయకుండా విస్మరించటం వల్లే ఎన్డీయే నుంచి వైదొలగామని తెలిపారు. అండగా నిలుస్తుందని ఆశిస్తే అడుగడుగునా ఆటంకాలు కల్పిస్తోందని ధ్వజమెత్తారు. ఎక్కడా ఏ తప్పు చేయం.. కక్కుర్తి రాజకీయాలతో ఇరుకున పెట్టాలని చూస్తే సహించేది లేదని స్పష్టం చేశారు. ప్రతిపక్ష వైఎస్సార్ కాంగ్రెస్ పార్టీ ఓ వైపు హోదా కావాలని కాలు దువ్వుతూ మరోవైపు అంతర్గతంగా ప్రధాని కాళ్లకు మొక్కుతున్నారని విమర్శించారు. నాలుగేళ్లు సహకరించిన జనసేన అధినేత పవన్‌కళ్యాణ్ అవగాహనా రాహిత్యంతో బురద చల్లుతున్నారని మండిపడ్డారు.

పోలవరాన్ని అడ్డుకునే ప్రయత్నంచేస్తే మాడి మసైపోతారని హెచ్చరించారు. మాకు ఎవరి దయాదాక్షిణ్యాలు అక్కర్లేదు.. విభజనతో హక్కుగా వచ్చినవే అడుగుతున్నాం.. ఇచ్చిన మాట నిలబెట్టుకోవాలని ప్రధానమంత్రి నరేంద్ర మోదీకి విజ్ఞప్తి చేశారు. స్వశక్తితో ప్రపంచస్థాయి రాజధాని నిర్మాణం చేపడతామన్నారు. ఇందుకు ప్రజలు తమ శక్తికొలదీ సహకరించాలని పిలుపునిచ్చారు. నాలుగు దశాబ్దాల ఈ సుదీర్ఘ ప్రస్థానంలో ఆంధ్ర, తెలంగాణలో నిర్ణయాత్మకశక్తిగా రూపుదిద్దుకుని తెలుగు ప్రజల ఆత్మగౌరవాన్ని కాపాడేందుకు అండగా తమ పార్టీ నిలుస్తుందని భరోసా ఇచ్చారు.

పోలవరం పనులు రాత్రి పగులు అనే తేడా లేకుండా పరుగులు పెడుతున్నాయి... చంద్రబాబు ఎంతో పట్టుదలగా పనులు చేపిస్తున్నారు... కేంద్రం సరైన విధంగా నిధులు ఇవ్వకపోయినా, పనులు లేట్ అవ్వకుండా, రాష్ట్ర బడ్జెట్ లోనే, 9 వేల కోట్లు పోలవరానికి కేటాయించారు...వరద వచ్చే లోపు చేయాల్సిన కాంక్రీటు పనులను నిర్దేశిత ప్రణాళిక ప్రకారం పూర్తిచేయడానికి చర్యలు చేపట్టారు... రోజుకు నాలుగు లక్షల క్యూబిక్ మీటర్ల కాంక్రీటు పనులు చేయాలని నిర్దేశించారు... పోలవరం హెడ్ వర్కులో భాగమైన మెయిన్ డ్యామ్ కు సంబంధించి స్పిల్ వే, స్పిల్ ఛానల్ 1115.59 లక్షల క్యూబిక్ మీటర్ల మేర కాంక్రీటు పని జరగాల్సివుండగా, ఇప్పటి వరకు 780.38 లక్షల క్యూబిక్ మీటర్ల మేర పూర్తయింది. అంటే స్పిల్ వే, స్పిల్ ఛానల్ 70 శాతం పని పూర్త యింది.

డయాఫ్రం వాల్ కు సంబంధించి మొత్తం 1427 క్యూబిక్ మీటర్ల కాంక్రీటు పనికిగాను ఇప్పటి వరకు 1040.8 క్యూబిక్ మీటర్ల పని పూర్తయింది. ఇటీవల కేంద్ర జలసంఘం బృందం వచ్చే సమయానికి 72.0 శాతం పూర్తయింది. కాఫర్ డ్యామ్ జెట్ గ్రౌటింగ్ 1417 మీటర్ల మేర జరగాల్సివుండగా 1098 మీటర్ల మేర పూర్తయింది. ఎగువ కాఫర్ డ్యామ్కు సంబంధించి మొత్తం 2050 మీటర్ల జెట్ గ్రౌటింగ్ పనీ జర గాల్సి వుండగా ఇప్పటి వరకు 445.5 మీటర్ల పని పూర్తయింది. ఎగువ, దిగువ కాఫర్ డ్యామ్లను జెట్ గ్రౌటింగ్ పనులను స్పిలివే, స్పిల్ ఛానల్ పనులకు అనుసంధానం చేసుకుంటూ పూర్తిచేస్తున్నారు.

కుడి ప్రధాన కాల్వకు సంబంధించి 117.9 కిలోమీటర్ల మేర పూర్తయింది. లైనింగ్ 146.11 కిలోమీటర్లు పూర్తయింది. మొత్తం 182 స్ట్రక్చర్స్ పూర్తయ్యాయి. మొత్తం 255 స్ట్రక్చర్లు నిర్మించాల్సి వుంది. ఇందులో ప్రస్తుతం 56 స్ట్రక్చర్లు నిర్మాణ దశలో ఉన్నాయి. ఎడమ ప్రధాన కాల్వకు సంబంధించి 210.9 కిలోమీటర్ల మేర తవ్వకం జరపాల్సివుంది. అయితే ఇప్పటి వరకు 164.7 కిలోమీటర్ల మేర పూర్తయింది. కాల్వ లైనింగ్ కు సంబంధించి 124.5 కిలోమీటర్ల మేర పూర్తయింది. 137 స్ట్రక్చర్లు పూర్తయ్యాయి. మొత్తం 152 స్ట్రక్చర్లు నిర్మించాల్సివుండగా, 87 స్ట్రక్చర్లు నిర్మాణ దశలో వున్నాయి. ఇక మట్టి పనికి సంబంధించి మొత్తం 1115.59 క్యూబిక్ మీటర్ల పని చేయాల్సివుంది. మార్చి వరకు 780.38 లక్షల క్యూబిక్ మీటర్ల మేర పూర్తయింది. ఇంకా 335.21 లక్షల క్యూబిక్ మీటర్ల మట్టి పనిచేయాల్సి వుంది. కాంక్రీటు స్పిల్ వే, స్టీల్ బేసిన్ కు సంబంధించి 16.39 లక్షల క్యూబిక్ మీటర్ల మట్టి పనికి గాను ఇంకా 10.69 లక్షల క్యూబిక్ మీటర్ల పని చేయాల్సివుంది..

స్పిలవేకు సంబంధించి కాంక్రీటు పని 11.95 లక్షల క్యూబిక్ మీటర్లకు గాను ఇంకా 7.67 లక్షల క్యూబిక్ మీటర్లు చేయాల్సివుంది. స్టిల్లింగ్ బేసిన్ కు సంబంధించి మొత్తం 4.44 లక్షల క్యూబిక్ మీటర్ల కాంక్రీటు పనికి సంబంధించి ఇంకా 3.02 లక్షల క్యూబిక్ మీటర్లు పని చేయాల్సివుంది. స్పిల్ ఛానల్లో సీసీ బ్లాకులకు సంబంధించి మొత్తం 18.75 లక్షల క్యూబిక్ మీటర్ల కాంక్రీటు పని చేయాల్సివుంది. స్పిలవే, స్టీల్ బేసిన్ కు సంబంధించి మొత్తం 16.39 లక్షల క్యూబిక్ మీటర్ల కాంక్రీటు పని చేయాల్సివుండగా 5.70 లక్షల క్యూబిక్ మీటర్ల కాంక్రీటు పని జరుగుతోంది. ఇంకా 10.69 లక్షల క్యూబిక్ మీటర్ల మట్టిపని జరగాల్సివుంది. నెలకు వేల క్యూబిక్ మీటర్ల స్థాయి నుంచి ప్రస్తుతం 2018 ఫిబ్రవరిలో 40 క్యూబిక్ మీటర్ల కాంక్రీటు పని పూర్తి చేసే స్థాయికి చేరింది.

ఇక డయాఫ్రంవాల్ కు సంబంధించి మొత్తం 400 ప్యానెల్స్కు గాను ఇప్పటి వరకు 271 ప్యానెల్స్ కు పూర్త య్యాయి. మొత్తం 1447 మీటర్ల డయాఫ్రం వాల్ నిర్మించాల్సి వుంది. ఇక డిజైన్లకు సంబంధించి స్పిల్ వే 18 డిజైన్లకు గాను 7 డిజైన్లు సీడబ్ల్యూసీ ఆమోదం పొందాయి. మరో ఏడు డిజైన్లు వివిధ దశల్లోవున్నాయి. మరో నాలుగు డిజైన్లు సమర్పించడానికి కాంట్రాక్టు సంస్థ సిద్ధంచేసింది. ఎర్త్ కం రాక్ఫిల్ డ్యామ్కు సంబంధించి 17 డిజైన్లకు గాను సీడబ్ల్యూసీ నుంచి రెండు ఆమోదంపొందాయి. 8 డిజైన్లు వివిధ దశల్లో ఉన్నాయి. మరో ఏడు డిజైన్లు సమర్పించాల్సివుంది. గేట్లకు సంబంధించి ఏడు డిజైన్లు ఉండగా ఐదు డిజైన్లు సీడబ్ల్యూసీ ఆమోదం పొందాయి. ఒక డిజైన్ పరిశీలనలో ఉండగా మరో డిజైన్ సిద్ధం చేశారు. ఏదేమైనటికీ పోలవరం పనులు నిర్దేశిత ప్రణాళిక మేరకు కొత్త కాంట్రాక్టు సంస్థ ఆధ్వర్యంలో ఊపందుకున్నాయి.

కేంద్ర జల వనరులశాఖ మంత్రి నితిన్‌ గడ్కరీ ఈ ప్రాజెక్టు పనుల ప్రగతిని పరిశీలించేందుకు ఏప్రిల్‌ ఒకటో తేదీన వస్తున్నారంటూ జలనితిన్‌ గడ్కరీ కార్యాలయ అధికార వర్గాలు బుధవారం రాష్ట్ర ప్రభుత్వానికి సమాచారం అందించాయి. అయితే, వెంటనే మరో కబురు వచ్చింది... అదే రోజున పార్లమెంటరీ కమిటీ సమావేశం ఉన్నందున పర్యటన వాయిదా పడిందంటూ జల వనరులశాఖ కార్యదర్శి శశిభూషణ్‌కుమార్‌కు.. ఆ వెనువెంటనే గడ్కరీ కార్యాలయం నుంచి సమాచారం చేరింది. బుధవారం ఉదయం గడ్కరీ కార్యాలయం నుంచి రాష్ట్ర ప్రభుత్వానికి వచ్చిన సమాచారం మేరకు.. ఏప్రిల్‌ ఒకటో తేదీ, ఆదివారం ఉదయం నాగపూర్‌ నుంచి ప్రత్యేక విమానంలో గన్నవరం విమానాశ్రయానికి గడ్కరీ చేరుకుంటారు.

అక్కడ నుంచి ఇబ్రహీంపట్నం చేరుకొని, అంతర్గత జలరవాణా వ్యవస్థను ప్రారంభిస్తారు. ఈ కార్యక్రమానికి హాజరుకావాలంటూ ముఖ్యమంత్రి చంద్రబాబుకు ఆహ్వానం పంపారు. ఈ కార్యక్రమం అనంతరం, మధ్యాహ్నం 12 గంటలకు విజయవాడ నుంచి పోలవరం ప్రాజెక్టు ప్రాంతానికి గడ్కరీ వెళతారు. కాని, ఈ పర్యటన వాయిదా వెనుక ఢిల్లీ పెద్దల నుంచి ఒత్తిడి కారణంగా చెప్తున్నారు... నిఘా వర్గాల సమాచారం ప్రకారం, పోలవరం పనులు ఎప్పుడూ లేనంత వేగంగా పరుగులు పెడుతుంది... పనులు కళ్ళ ముందు కనిపిస్తున్నాయి... మరో పక్క, అన్ని కమిటీలు పోలవరంలో అవినీతి అనేది లేదని తేల్చాయి...

ఇలాంటి పరిస్థుతుల్లో కనుక కేంద్ర మంత్రి పోలవరం సందర్శనకు వెళ్తే, అక్కడ పోలవరంలో జరుగుతున్న పనిని మెచ్చుకునే పరిస్థితి ఉంటుంది... ఇలా జరిగితే, ఇప్పటికే పోలవరం కొత్త అంచనాలు రూ.58,319.06 కోట్లకు కేంద్రం ఆమోదం కోసం ఎదురుచూస్తున్నాయి.. ఇలాంటి పరిస్థుతుల్లో, పోలవరం పై పోజిటివ్ ఫీడ్ బ్యాక్ వస్తే, కేంద్రం పోలవరం పై ఎదో రకంగా, రాష్ట్రానికి సాయం చెయ్యాల్సి ఉంటుంది... ఇలా చేస్తే, చంద్రబాబు పోలవరం కట్టేస్తాడు... అందుకే, ఇప్పుడు ఉన్న పరిస్థుతుల్లో కేంద్రం మంత్రి పోలవరం పర్యటనకు వెళ్ళవద్దు అంటూ, ఢిల్లీ పెద్దలు ఆదేశాలు ఇచ్చారు.. రాష్ట్ర ప్రభుత్వ వర్గాలు కూడా ఇదే అనుమానం వ్యక్తం చేస్తున్నాయి.. ఎందుకంటే, అదే రోజున పార్లమెంటరీ కమిటీ సమావేశం అప్పటికప్పుడు పెట్టింది కాదు, అది ఉందని ముందే తెలిసినా, గడ్కరీ పోలవరం పర్యటన పెట్టుకున్నారు... ఎవరో ఒత్తిడి తెస్తేనే, పర్యటన వాయిదా పడిందని, రాష్ట్ర ప్రభుత్వ వర్గాలు భావిస్తున్నాయి...